ၸွမ်ႁၢၼ်မျိၼ်ႉၼွႆႇ ၵႅမ်ၽွင်းလူင်ၾၢႆႇၵႅတ်ႇၶႄ ၽွင်းတႅၼ်းၵူၼ်းမိူင်း လၢတ်ႈတီႈ ပၢင်ၵုမ်သၽႃး ဝၼ်းတီႈ 15 ၼၼ်ႉဝႃႈ တီႈလိၼ်ပီႈၼွင်ႉ ၵူၼ်းမိူင်းတၢင်ႉယၢၼ်းၼၼ်ႉ ဢမ်ႇမီးၽႅၼ်တေပၼ်ၶိုၼ်း ယွၼ်ႉၾၢႆႇၵူၼ်းမိူင်းဢမ်ႇမီးလၵ်းထၢၼ်ဝႃႈၼႆ။  ၸၢႆးမွင်ႇပုၼ်ႉ ၽွင်းတႅၼ်းသၽႃးၵူၼ်းမိူင်း ဝဵင်းတၢင်ႉယၢၼ်း လၢတ်ႈတီႈၽူႈတွႆႇႁွၵ်ႈဝႃႈ - “ဢၼ်တပ်ႉသိုၵ်းယိုတ်းဢဝ်ၵႂႃႇ တီႈလိၼ်ၵူၼ်းမိူင်းတၢင်ႉယၢၼ်း ၸဵမ်မိူဝ်ႈပူၼ်ႉမႃးမွၵ်ႈ 20 ပီၼၼ်ႉ  ၾၢႆႇၵေႃႇမတီႇ ၵူတ်ႇထတ်းၼႃႈလိၼ် တႅပ်းတတ်းမိူဝ်ႈပီ...

ဝၼ်းတီႈ 18/7/2020 ၼႆႉ ပႃႇတီႇႁူဝ်သိူဝ် ဢွၵ်ႇလိၵ်ႈပိုၼ်ၽၢဝ်ႇ တိုၵ်းသူၼ်းတႆးယၢၼ်မိူင်း တႆးႁွတ်ႈမိူင်းထႆး ၵႂႃႇဢဝ်ဝႅပ်ႊၾွမ်ႊပိူင် 15 ၊ ထႅမ်ၸိုဝ်ႈသဵင်ၸဝ်ႈၵဝ်ႇသေ ႁႂ်ႈၵႂႃႇယိုၼ်ႈယွၼ်းတွတ်ႈၶႅပ်းၵၢင်ၸႂ် ပၢင်လိူၵ်ႈတင်ႈ တီႈလုမ်းၽွင်းတၢင်။ ၼႂ်းလိၵ်ႈပိုၼ်ၽၢဝ်ႇပႃႇတီႇႁူဝ်သိူဝ်ၼၼ်ႉ - ဝၼ်းထိ 8/11/2020 ဝၼ်းဢႃးတိတ်ႉ တူၵ်းမႅၼ်ႈၺႃး ပီတႆး 2114 ၼီႈ လိူၼ် 11...

တႃႇႁႅင်းၵၢၼ်ယၢၼ်မိူင်း တေၸၢင်ႈလႆႈပၼ်ၶႅပ်းမႄး တႃႇပၢင်လိူၵ်ႈတင်ႈ 2020 ၼႆႉ တင်ႈဢဝ်ႈ ဝၼ်းတီႈ 16/7/2020 ၼႆႉ ယိုၼ်ႈပႅပ်ႇၾွမ်ႊ 15 လႆႈယဝ်ႉဝႃႈၼႆ။ ပႅပ်ႇၾွမ်ႊ 15 ၼႆႉၻၢဝ်ႊလူတ်ႊဢဝ်တီႈ ဝႅပ်ႉသၢႆႉ ၶွမ်ႊမသျိၼ်ႊပၢင်လိူၵ်ႈတင်ႈ မိူင်းႁူမ်ႈတုမ် (www.mofa.gov.mm) ဢမ်ႇၼၼ် ဝႅပ်ႉသၢႆႉလုမ်းတၢင်မၢၼ်ႈ  (https://www.mebangkok.org/) ၊ ဢမ်ႇၼၼ် ၵႂႃႇဢဝ်ဝႂ်ၾွမ်ႊတီႈလုမ်းတၢင်မၢၼ်ႈ...

ၸုမ်းတူင်ႇဝူင်းၵူၼ်းတႆး 36 ၸုမ်း ႁူမ်ႈၵၼ်ဢွၵ်ႇၶေႃႈပိုၼ်ၽၢဝ်ႇ ယိူင်းဢၢၼ်း ႁႂ်ႈၵူၼ်းမိူင်းႁူမ်ႈတုမ် ဢိၵ်ႇလုမ်ႈၾႃႉ လႆႈႁပ်ႉႁူႉငဝ်းလၢႆးသုၼ်ႇလႆႈၵူၼ်း ၼႂ်းၸိုင်ႈတႆး တူဝ်ႈထိုင်ၵၼ်။ မိူဝ်ႈဝၼ်းတီႈ 13/07/2020 ၼၼ်ႉ ယူႇတီႈ ၸုမ်းတူင်ႇဝူင်းၵူၼ်းတႆး 36 ၸုမ်း ႁူမ်ႈၵၼ်ဢွၵ်ႇ ၶေႃႈပိုၼ်ၽၢဝ်ႇ ၵမ်ႉထႅမ်ပၢင်ၼႄၵၢင်ၸႂ် ၵူၼ်းမိူင်းၵျွၵ်ႉမႄး မိူဝ်ႈဝၼ်းတီႈ 10/07/2020 ဢၼ်တုၵ်းယွၼ်း လွင်ႈပဵၼ်ထမ်းတြႃး...

ၵူၼ်းမိူင်းၶၢၵ်ႇ ထုၵ်ႇသိုၵ်းလူင်ပွင်ၸိုင်ႈမၢၼ်ႈ တဵၵ်းၸႂ်ႉလူင်းလၢႆးမိုဝ်း တႃႇႁဵတ်းႁႆႈႁဵတ်းသူၼ်၊ ပေႃးဢမ်ႇလူင်း ဢမ်ႇလႆႈႁဵတ်း။ တုၵ်းယွၼ်းထိုင်လူင်ပွင်ၸိုင်ႈ လူင်းထတ်းထွင်ၵႄႈလိတ်ႈပၼ် တၢင်းလိူတ်ႇမႆႈ။ ပူၼ်ႉမႃးမိူဝ်ႈဝၼ်းတီႈ 08/07/2020 ၼၼ်ႉ ယူႇတီႈသိုၵ်းလူင်ပွင်ၸိုင်ႈမၢၼ်ႈ တီႈဝဵင်းမိူင်းၶၢၵ်ႇ တပ်ႉ 328 ႁွင်ႉဢဝ်ၸဝ်ႈႁႆႈၸဝ်ႈၼႃး ဝၢၼ်ႈတႃႈၸေႃႉ တင်းၵူၼ်းလူင်ဝၢၼ်ႈ ၵႂႃႇတီႈၼႂ်းတပ်ႉသေ ဢုပ်ႇဢူဝ်းၵၼ်လွင်ႈႁႆႈလွင်ႈသူၼ်။ ၾၢႆႇသိုၵ်းမၢၼ်ႈလၢတ်ႈဝႃႈ- တႃႇလႆႈႁဵတ်းႁႆႈႁဵတ်းၼႃးၵႂႃႇၼၼ်ႉ ႁႂ်ႈၵူၼ်းဝၢၼ်ႈလူင်းလၢႆးမိုဝ်းပၼ်၊ ပေႃးလူင်းလၢႆးမိုဝ်းပၼ်...

ၼၢင်းယိင်း တုၵ်ႉၶိတ ဢၼ်ယူႇသဝ်းၼႂ်းပၢင်သဝ်းၵူၼ်းပၢႆႈၽေး ၼႂ်းၸေႈဝဵင်းၵူတ်ႉၶၢႆ ၺႃးၵူၼ်းၸၢႆးတၢင်းၼွၵ်ႈၶဝ်ႈမႃးလၢၵ်ႈၸၼ်ဢၢင်ႈၵၼ်ႉၸၼ်။ ဝၼ်းတီႈ 9/7/2020 ယၢမ်းၵၢင်ဝၼ်းတဵင်ႈ 1 မူင်းၶိုင်ႈ ၽွင်းၼၢင်းယိင်းတုၵ်ႉၶိတ ဢွၼ်ႇၼၼ်ႉ ယူႇသဝ်းၼႂ်းသုမ်ႉ တီႈပၢင်သဝ်းၵူၼ်းပၢႆႈၽေး  ၼႂ်းၸေႈဝဵင်းၵူတ်ႉၶၢႆၼၼ်ႉ မီးၵူၼ်းၸၢႆးၼွၵ်ႈပၢင်သဝ်း ၶဝ်ႈမႃးလၢၵ်ႈၸၼ်။ ၽူႈယႂ်ႇၵူၼ်းလူင်ၼႂ်းပၢင်သဝ်းၶဝ်ႈၵႄႈၵၢင် လၢတ်ႈၸွႆႈလႄႈ ၾၢႆႇၽူႈၸၢႆးမႃးယွၼ်း ၼွမ်းသေ လႆႈတူၵ်းလူင်းၽွမ်ႉပၼ် လူၺ်ႈ ဢမ်ႇဢဝ်လိူင်ႈ ဢဝ်တၢင်း။ တေႃႇပွၵ်ႉတွင်ႇ...

ၵူၼ်းမိူင်းယု ၵႂႃႇတႅပ်းမႆႉပူၵ်ႇသေ ယဵပ်ႇၺႃးမၢၵ်ႇတႅၵ်ႇတိူဝ်ႉမၢတ်ႇၸဵပ်းလိူဝ်ႁႅင်း လႆႈသူင်ႇတူဝ်ႁူင်းယႃ မူႇၸေႊ။ ဝၼ်းတီႈ 12/7/2020 မိူဝ်ႈဝႃးယၢမ်းမွၵ်ႈဝၢႆးဝၼ်း 2 မူင်း  မၢႆးဢၢႆႈလွမ်ႉ ဢႃယု 32 ပီ ၵူၼ်းဝၢၼ်ႈပွတ်းဢိူင်ႇမိူင်းယု ၵႂႃႇတႅပ်းမႆႉပူၵ်ႇတႃႇဢဝ်မႃးၸႂ်ႉတီႈႁိူၼ်း။ ယဵပ်ႇႁႃးမၢၵ်ႇမႅင်းၾင်လိၼ်တႅၵ်ႇသႂ်ႇတိူဝ်ႉၺႃးၶႃၶႂႃလႄႈ ၶႅၼ်ၶႂႃ မၢတ်ႇၸဵပ်းလိူဝ်ႁႅင်း။ ၸုမ်းၸွႆႈထႅမ်တူင်ႇဝူင်းၵူၼ်း မိူင်းမၢၼ်ႈ  ဢၼ်ၵႂႃႇဢဝ်ၵူၼ်းမၢတ်ႇၸဵပ်းမႃးသူင်ႇႁူင်းယႃၼၼ်ႉ လၢတ်ႈတီႈၸုမ်းၶၢဝ်ႇထုင်ႉႁူၺ်ႈလီႈ ဝႃႈ -...

ဢိင်ၼိူဝ် ထုၵ်ႇပူၼ်ႉပႅၼ် သုၼ်ႇလႆႈသုၼ်ႇပဵၼ်ၵူၼ်းသေ ၵူၼ်းမိူင်းၸႄႈဝဵင်းၵျွၵ်ႉမႄး ၼပ်ႉႁူဝ်မိုၼ်ႇ လုၵ်ႉႁိုၼ်ႇၼႄၵၢင်ၸႂ် သၢၼ်ၶတ်း လွင်ႈသိုၵ်းလူင်ပွင်ၸိုင်ႈမၢၼ်ႈ ဢၼ်တဵၵ်းတဵင်ပေႉၵိၼ်လူလၢႆ ၶႃႈႁႅမ်တၢႆ ၵူၼ်းမိူင်းဢၼ်ဢမ်ႇမီးတၢင်းၽိတ်းသင်ၼၼ်ႉ။ လွင်ႈၼႆႉ ပဵၼ်လၢႆးႁူဝ်မူမ်ႈပိူၼ်ႈတဵၵ်း- ႁူဝ်လဵၵ်းပိူၼ်ႈဝႄႈ သေတႃႉၵေႃႈ ယိုင်ႈတဵၵ်းယိုင်ႈမႅၼ်း ဢၼ်ဝႃႈၼၼ်ႉၵေႃႈဢမ်ႇၽိတ်း။ မိူဝ်ႈဝၼ်းတီႈ 10/07/2020 ၵူၼ်းဝၢၼ်ႈၵူၼ်းမိူင်း လၢႆဝၢၼ်ႈလၢႆဢိူင်ႇ ၼႂ်းၸႄႈဝဵင်းၵျွၵ်ႉမႄး ၼပ်ႉႁူဝ်မိုၼ်ႇ ဢွၼ်ၵၼ်ဢွၵ်ႇမႃးတူင်ႉၼိုင် ဢဝ်လၢႆးၵတ်းယဵၼ်...

ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး (SHRF) ဢွၵ်ႇၽိုၼ်တၢမ်းငဝ်းလၢႆး လွင်ႈသိုၵ်းလူင်ပွင်ၸိုင်ႈမၢၼ်ႈ  ပူၼ်ႉပႅၼ်သုၼ်ႇလႆႈၵူၼ်း ၽွင်းပိုတ်ႇၼႃႈသိုၵ်းတေႃႇ RCSS/SSA ႁိမ်းဢွင်ႈတီႈၾၢႆယေးယႂႃႇ တွၼ်ႈၼိူဝ် ၼႂ်းၸႄႈဝဵင်းၵျွၵ်ႉမႄး။ မိူဝ်ႈဝၼ်းတီႈ 09/07/2020 ယူႇတီႈ ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး (SHRF) ဢွၵ်ႇၽိုၼ်တၢမ်း ငဝ်းလၢႆး လွင်ႈသိုၵ်းလူင်ပွင်ၸိုင်ႈမၢၼ်ႈ ပေႃႉထုပ်ႉၶႃတူဝ်ၶႃၸႂ်ၵူၼ်းဝၢၼ်ႈၵူၼ်းမိူင်းလႄႈ ယိုဝ်းၵူၼ်းမိူင်းတၢႆလၢႆလၢႆ ၽွင်းပိုတ်ႇၼႃႈသိုၵ်းတိုၵ်းယိုဝ်း ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး (RCSS/SSA) ၼႂ်းၸႄႈဝဵင်းၵျွၵ်ႉမႄး...

လုမ်းတြႃး ၼမ်ႉၸၢင် ႁွင်ႉ ၾၢႆႇသိုၵ်းလႄႈ ၾၢႆႇၸဝ်ႈသူၼ် (ၵူၼ်းၶူဝ်လမ် ဢၼ်ၺႃးသိုၵ်းယိုတ်းလိၼ်သူၼ်သေ ၶိုၼ်းဢဝ်လိူင်ႈၸွႆးတြႃး တေႃႇ) ၼၼ်ႉ မႃးၶိုၼ်ႈလုမ်း 4 ပွၵ်ႈၼႆႉ ၾၢႆႇသိုၵ်းဢမ်ႇမႃးသေၵမ်း။ ၶလရ 66 ဢၼ်ပၵ်းၶူဝ်လမ် ယိုတ်းလိၼ်သူၼ်ၵူၼ်းမိူင်းပိုၼ်ႉတီႈသေဢမ်ႇၵႃး မိူဝ်ႈဝၼ်းတီႈ 9 လိူၼ်ၵျုၼ်ႊ ပူၼ်ႉမႃး  ၶိုၼ်းဢဝ်လိူင်ႈ ၸွႆးတြႃးတေႃႇ ၸဝ်ႈသူၼ်...

ၵူၼ်းမိူင်းၵျွၵ်ႉမႄး ၼပ်ႉမိုၼ်ႇ ပႆတၢင်းၼေၵၢင်ၸႂ်လဵပ်ႈဝဵင်း တုၵ်းယွၼ်းႁႂ်ႈသိုၵ်းလူင်ပွင်ၸိုင်ႈ ႁပ်ႉပုၼ်ႈၽွၼ်းဢၼ်လႆႈ ပေႃႉထုပ်ႉလႄႈ ယိုဝ်းၵူၼ်းဝၢၼ်ႈ ၽွင်းပၢင်တိုၵ်း၊ ၺႃးပလိၵ်ႈႁၢမ်ႈႁႄႉ လႆႈထဵင်မေႃးသုၵ်ႉယုင်ႈၵၼ်။ ဝၼ်းတီႈ 10/7/2020 ယၢမ်းၵၢင်ၼႂ် 9 မူင်း ၵူၼ်းမိူင်းၵျွၵ်ႉမႄးဝၢၼ်ႈ ပၢင်ၵႅၼ်၊ ဝၢၼ်ႈဢႅၵ်ႉၵီးလႄႈ ၵူၼ်းၼႂ်းဢိူင်ႇပၢင်ႇလေႃႉ ဢိူင်ႇႁၢႆးၵုၺ် ၸိူဝ်းၼႆႉ မွၵ်ႈ ၼိုင်ႈမိုၼ်ႇ ၼေၵၢင်ၸႂ်တေႃႇတပ်ႉသိုၵ်း လူင်ပွင်ၸိုင်ႈ...

ပိူဝ်ႈတႃႇႁႂ်ႈၵူၼ်းဝၢၼ်ႈၵူၼ်းမိူင်း မီးဝႂ်ၵပ်းတူဝ်ၵူႈၵေႃႉၼႆသေ ၽွင်းၼႃႈပၢင်လိူၵ်ႈတင်ႈၼႆႉ ၸဝ်ႈၼႃႈတီႈ ၵိင်ႇၸႄႈဝဵင်းၵႃလီႉ ႁဵတ်းပၼ်ဝႂ်ၵပ်းတူဝ်ၵူၼ်းမိူင်းၵႃလီႉ  ၸႄႈဝဵင်းၵုၼ်ႁဵင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း  ။ တင်ႈတႄႇၽွင်းႁၢင်လိူၼ်ၵျုၼ်ႊပူၼ်ႉမႃး တေႃႇထိုင်မိူဝ်ႈလဵဝ် ၸဝ်ႈၼႃႈတီႈ တီႈဝဵင်းၵႃလီႉ ႁွင်ႈၵၢၼ်ၾၢႆႇဝႂ်ၵပ်းတူဝ် (လဝၵ) ပိုၼ်ၽၢဝ်ႇပိုတ်ႇႁပ်ႉႁဵတ်းပၼ်ဝႂ်ၵပ်းတူဝ်ၵူၼ်းမိူင်း (မၢတ်ႈပူင်ႇတိၼ်ႇ) ဝႆႉယူႇ။  ၵူၼ်းမိူင်း ၸိူဝ်းယူႇသဝ်းၵိၼ်သၢင်ႈ ၼႂ်းဝၢၼ်ႈၼႂ်းဢိူင်ႇၵူႈၵေႃႉ ၸိူဝ်းပႆႇမီးဝႂ်ၵပ်းတူဝ်ၼၼ်ႉ ၵႂႃႇလဝ်ႈယိုၼ်ႈယွၼ်းႁဵတ်းလႆႈယဝ်ႉ ဝႃႈၼႆ။ ၸၢႆးတႆးထိူၼ်ႇ...

လုင်းၸၢႆးမွင်ႇ ၵေႃႉထုၵ်ႇသိုၵ်းလူင်ပွင်ၸိုင်ႈမၢၼ်ႈ တီႉၺွပ်းပေႃႉထုပ်ႉႁၢဝ်ႈႁႅင်း ၽွင်းႁၢင်လိူၼ်ၵျုၼ်ႊပူၼ်ႉမႃးၼႆႉ ယၢမ်းလဵဝ် လႆႈၶႂၢင်ႉလူင်းႁူင်းယႃ ပွၵ်ႈႁိူၼ်းယေးယဝ်ႉ။ ဝၼ်းတီႈ 5/7/2020 လုင်းၸၢႆးမွင်ႇ ဢႃယု 60 ပီ ၵူၼ်းဝၢၼ်ႈဢႅၵ်းၵျီး ဢိူင်ႇပၢင်ႇလေႃႉ ၵေႃႉထုၵ်ႇသိုၵ်း လူင်ပွင်ၸိုင်ႈမၢၼ်ႈ တီႉၺွပ်းထဵတ်ႈထၢမ်ပေႃႉထုပ်ႉႁၢဝ်ႈႁႅင်းသေ လႆႈသူင်ႇယူတ်းယႃတူဝ် တီႈႁူင်းယႃလူင်ၵျွၵ်ႉမႄး ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼၼ်ႉ ယၢမ်းလဵဝ် ႁၢႆၶႅၼ်းမႃးယဝ်ႉလႄႈ လႆႈၶႂၢင်ႉလူင်းႁူင်းယႃ...

ၽွင်းလူင်ၾၢႆႇၼွၵ်ႈမိူင်း မိူင်းဢိင်းၵလဵတ်ႈ ၻူဝ်ႊမိၼိၵ်း ရႅပ်ႉ ပိုၼ်ၽၢဝ်ႇမိူဝ်ႈဝၼ်းၸၼ် ဝၼ်းတီႈ 6/7/2020 ၼၼ်ႉဝႃႈ ၸွမ်ၸိၵ်းသိုၵ်းလႄႈ ၵႅမ်ၸွမ်ၸိၵ်းသိုၵ်းလူင်ပွင်ၸိုင်ႈမၢၼ်ႈၼႆႉ တမ်းဝၢင်းၽႅၼ်ၵၢၼ်လီလီသေ ၽဵဝ်ႈမူၺ်ႉၶိူဝ်းၵူၼ်း ရူဝ်ႊႁိၼ်ႊၵျႃႊလႄႈ ၸင်ႇလႆႈပိုၼ်ၽၢဝ်ႇဢဝ်လိူင်ႈပၼ်တူတ်ႈတၢမ်ႇၵႂႃႇ ဝႃႈၼႆ။ ၵဵဝ်ႇၵပ်းလွင်ႈၼႆႉ Mark Farmaner ဢၼ်ပဵၼ် ၽူႈၸိသင်ႇ တီႈ Burma Campaign UK လၢတ်ႈတီႈၶၢဝ်ႇ...

သင်ၶၸဝ်ႈလႄႈၽူႈယႂ်ႇၵူၼ်းလူင် ၼႂ်းဢိူင်ႇ ႁူမ်ႈၵၼ်လူင်းလၢႆးမိုဝ်း သၢၼ်ၶတ်း လွင်ႈ ၶုတ်းထၢၼ်ႇႁိၼ် တီႈၼႂ်းဢိူင်ႇႁၢႆးသႅင် ၸႄႈဝဵင်းလၢႆးၶႃႈဝႆႉၼၼ်ႉ ၶွမ်ႊပၼီႊ ၶိုၼ်းမႃးႁူပ်ႉထူပ်း သင်ၶၸဝ်ႈ တုၵ်းယွၼ်းႁႂ်ႈထွၼ်ပၼ်ၶေႃႈသၢၼ်ၶတ်းဝႆႉၼၼ်ႉၶိုၼ်း ဝႃႈၼႆ။ ဝၼ်းတီႈ 6/7/2020 ယၢမ်းဝၢႆးဝၼ်း 13:40 မူင်းၼၼ်ႉ ၶွမ်ႊပၼီႊ ဢၼ်တေမႃးၶုတ်းထၢၼ်ႇႁိၼ်တီႈလၢႆးၶႃႈၼၼ်ႉ ပွႆႇၵူၼ်းမႃးႁူပ်ႉထူပ်းၸဝ်ႈသြႃႇလူင် ၵျွင်းႁေႃၶမ်း ဝဵင်းလၢႆးၶႃႈသေ တုၵ်းယွၼ်း ႁႂ်ႈထွၼ်ၶိုၼ်း...