သိုၵ်းမၢၼ်ႈ   တီႉၺွပ်းၵူၼ်းပၢႆႈၽေးသိုၵ်းတီႈၵျွၵ်ႉမႄးၵႂႃႇၵေႃႉၼိုင်ႈ လႆႈၶိုၼ်းၼိုင်ႈသေ ထိုင်မိူင်းလႅင်းမႃး ႁွင်ႉဢဝ်ပေႃႈမႄႈၵူၼ်းႁိူၼ်းၵႂႃႇႁပ်ႉတူဝ်တၢႆတီႈ ႁူင်းယႃ။     မိူဝ်ႈဝၼ်းတီႈ 2/2/2022 ယၢမ်းၵၢင်ၶိုၼ်း ၵူၼ်းပၢႆႈၽေးသိုၵ်း ၵေႃႉၼိုင်ႈ ဢၼ်ပၢႆႈမႃးသွၼ်ႈဝႆႉတီႈ ပွၵ်ႉ 9 ၸႄႈဝဵင်းၵျွၵ်ႉမႄး ၸိုင်ႈတႆး ပွတ်းႁွင်ႇ ထုၵ်ႇ သိုၵ်းမၢၼ်ႈ   ၶဝ်ႈတီႉၺွပ်း တူဝ်မၼ်းၸၢႆးၵႂႃႇ  ။ ၵူၼ်း  ၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ...

ၵူၼ်းမိူင်းယၢင်းလႅင် ဢၼ်ပၢႆႈၽေးသိုၵ်း မႃးသွၼ်ႈယူႇဝႆႉ တီႈဝဵင်းပၢင်လွင်း  ဢွၼ်ၵၼ်ပွၵ်ႈမိူဝ်းၶိုၼ်းမွၵ်ႈ 2 ႁဵင်  တိုၵ်ႉၵိုတ်းဝႆႉ တီႈပၢင်လွင်းမွၵ်ႈ 5 ႁဵင် ။   သိုၵ်းမၢၼ်ႈၸႂ်ႉၶိူင်ႈမိၼ်ယိုဝ်းသိုၵ်း မႃးပိုတ်းယိုဝ်းသိုၵ်းၵႅတ်ႇၶႄၵူၼ်းမိူင်းလႄႈ သိုၵ်းယၢင်းလႅင် ၊ တုမ်ႉတိူဝ်ႉပႃးႁိူၼ်းယေးၵူၼ်းဝၢၼ်ႈၵူၼ်းမိူင်းလႄႈ မိူဝ်ႈႁူဝ်လိူၼ်ၾႅပ်ႊပိဝ်ႊရီႊၼၼ်ႉ  ဢွၼ်ၵၼ်ပၢႆႈမႃးသွၼ်ႈဝႆႉတီႈဝဵင်းပၢင်လွင်း မွၵ်ႈ 7 ႁဵင်ပၢႆ။  ယၢမ်းလဵဝ် တၢင်းဝၢၼ်ႈသဵင်ၵွင်ႈယဵၼ်ယဝ်ႉလႄႈ...

ၼႂ်းလိူၼ်ၾႅပ်ႊပိဝ်ႊရီႊ 2022 ၼႆႉ ၵူၼ်းမိူင်းၵျွၵ်ႉမႄးတင်း သီႇပေႃႉ ယဵပ်ႇၺႃးမၢၵ်ႇ တႅၵ်ႇသႂ်ႇ လူႉတၢႆထင်တီႈ 2 ၵေႃႉ မၢတ်ႇၸဵပ်း 4 ၵေႃႉ။ ဝၼ်းတီႈ 7/2/2022 ယၢမ်းၵၢင်ဝၼ်းမွၵ်ႈ 12 မူင်း ၵူၼ်းဝၢၼ်ႈႁူးၵွတ်ႈ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ 3 ၵေႃႉ ၵႂႃႇယဵပ်ႇၺႃးမၢၵ်ႇ ၼႂ်းသူၼ်ၼဵင်ႈ...

ပလိၵ်ႈမၢၼ်ႈတင်း သိုၵ်းမၢၼ်ႈ ႁူမ်ႈၵၼ် ပႂ်ႉၵူတ်ႇထတ်းၵူၼ်းၵႂႃႇမႃး ၼိူဝ်သဵၼ်ႈတၢင်းလူင် ၼႂ်းၵႄႈၼမ်ႉတူႈ - လႃႈသဵဝ်ႈ ႁၢဝ်ႈႁႅင်း ၵူၼ်းမိူင်း ၵႂႃႇမႃး ယၢပ်ႇၽိုတ်ႇၶၢၼ်ၸႂ်။ ဝၢႆးသေ ၶွင်ႇသီႇသိုၵ်းမၢၼ်ႈ ယိုတ်းမိူင်းမႃးၼႆႉ တီႈၵဵတ်ႉလၢၼ်ႇတၢင်းၶဝ်ႈ/ ဢွၵ်ႇဝဵင်းလႃႈသဵဝ်ႈ၊ တီႈၶူဝ်ဢီႇၼၢႆးလႄႈ တီႈတၢင်းၽႄမိူင်းယဵၼ် ၼိူဝ်သဵၼ်ႈတၢင်းလူင် ၼမ်ႉတူႈ - လႃႈသဵဝ်ႈ ၸိုင်ႈတႆးပွတ်းႁွင်ႇၼၼ်ႉ ယူႇတီႈပလိၵ်ႈမၢၼ်ႈတင်း...

ပၢင်တိုၵ်းပဵၼ်ၼႂ်း ၸႄႈဝဵင်းလွၵ်ႉၸွၵ်ႇ ၸိုင်ႈတႆးပွတ်းၸၢၼ်း မၢၵ်ႇလူင်/ မၢၵ်ႇၵွင်ႈ တူၵ်းသႂ်ႇ ၸွမ်းၵွင်းမူးဝိႁၢၼ် တီႈဝတ်ႉမႂ်ႇလူင်ငႄႉၸႅၼ်ႇ ၵူၼ်းမိူင်းတူၵ်းၸႂ် ပၢႆႈၽေးသိုၵ်းၵႂႃႇသွၼ်ႈတီႈၵျွင်းမုၼ်ၸဝ်ႈ။ ပၢင်တိုၵ်းၼႆႉတႄႇပဵၼ်မိူဝ်ႈဝၼ်းတီႈ 4/2/2022 ယၢမ်းႁူဝ်ၶမ်ႈ 5 မူင်းပၢႆ တေႃႇထိုင် 6 မူင်းၶိုင်ႈ   ၼႂ်းၵႄႈဝတ်ႉမႂ်ႇလူင် ငႄႉၸႅၼ်ႇလႄႈ ဝၢၼ်ႈၼွင်ဝူဝ်း ၼႂ်းဢိူင်ႇၼွင်ဝူဝ်း ၸႄႈဝဵင်းလွၵ်ႉၸွၵ်ႇ ၸႄႈတွၼ်ႈတူၼ်ႈတီး   မၢၵ်ႇ...

ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဢွၵ်ႇလိၵ်ႈပိုၼ်ၽၢဝ်ႇ ႁႂ်ႈသိုၵ်းမၢၼ်ႈ ဢဝ်ပုၼ်ႈၽွၼ်းသၢႆႈတႅၼ်း လွင်ႈၶဝ် ႁေႃႈၵႃးၽႃႇ ၵူၼ်းမိူင်းသူႈ တၢႆၵေႃႉၼိုင်ႈ ။ မိူဝ်ႈၼႆႉ ဝၼ်းတီႈ 7/2/2022 ယူႇတီႈၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး SHRF ဢွၵ်ႇၽိုၼ်တၢမ်း ငဝ်းလၢႆးဝႃႈ ႁႂ်ႈသိုၵ်းမၢၼ်ႈ ႁပ်ႉဢဝ် ပုၼ်ႈၽွၼ်း သၢႆႈတႅၼ်း ဢၼ်ႁေႃႈၵႃးၽႃႇ ၸၢႆးမွင်ႇၺူဝ်ႇ ပွၵ်ႉ 3...

မၢႆတွင်း ဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈၶူပ်ႇ 75 ပီၼႆသေ ပႃႇတီႇႁူဝ်သိူဝ် SNLD ၸႄႈဝဵင်းမိူင်းၵိုင် လူင်းပိုၼ်ႉတီႈ ၸွႆႈထႅမ် ၵူၼ်းၺႃးၽေး သိုၵ်းသိူဝ်၊ ၸိူဝ်းလႆႈပၢႆႈယၢၼ် ႁိူၼ်းယေးတီႈယူႇ။ ဝၼ်းတီႈ 7/2/2022 မိူဝ်ႈၼႆႉ ပႃႇတီႇႁူဝ်သိူဝ် ႁိုဝ် SNLD ၶွၼ်ႈႁႅင်းၵၼ် လႆႈၶဝ်ႈသၢၼ် 24 ထူင်၊ ထူဝ်ႇလိူင်...

ၵူၼ်းၶၢႆၶူဝ်းၼႂ်းၵၢတ်ႇလူင် ဝဵင်းၼမ်ႉၶမ်း ယၢပ်ႇၽိုတ်ႇတႃႇသႂ်ႇၶွၼ်ႇပၼ်ၸုမ်းသိုၵ်း TNLA ဢၼ်မႃးၸႅၵ်ႇဝႂ်ၼႂ်ၵႆႈၼႆႉသေဢမ်ႇၵႃး မႆႈၸႂ်ပႃးလွင်ႈႁူမ်ႇလူမ်ႈၸဝ်ႈၵဝ်ႇ။    မိူဝ်ႈၼႆႉ ဝၼ်းတီႈ 4/2/2022 ယၢမ်းၵၢင်ၼႂ် မွၵ်ႈ 9 မူင်း သိုၵ်းတဢၢင်း TNLA ဢဵၼ်ႁႅင်း 50 ပၢႆ ပႃးၵွင်ႈၸေးမိုဝ်း ၶဝ်ႈဝဵင်းၼမ်ႉၶမ်းလွတ်ႈလွတ်ႈလႅဝ်းလႅဝ်း၊ ႁွၼ်ႈထဝ်ႇတဝ်ၵၢင်ဝဵင်းသေ ၶဝ်ႈၵႂႃႇၸႅၵ်ႇဝႂ်သႂ်ႇၶွၼ်ႇ ၼႂ်းၵၢတ်ႇၼမ်ႉၶမ်း၊ လၢတ်ႈၸဝ်ႈႁၢၼ်ႉဝႃႈ...

ၵူၼ်းပၢႆႈၽေးသိုၵ်း တီႈဝဵင်းမိူင်းၵိုင် ဢၼ်ၵိုတ်းဝႆႉထႅင်ႈမွၵ်ႈ 500 ၼႆႉ တိုၵ်ႉလူဝ်ႇတၢင်းၸွႆႈထႅမ် ၶွင်ၵိၼ်ယႅမ်ႉလႄႈ ၽႃႈႁူမ်ႈ  ။ ယၢမ်းလဵဝ် ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉတီႈ ၵၢင်ပၢင်ႇဝၢင်းထၢတ်ႈမူၺ်ႇတေႃႇ၊ ၸွမ်းဝတ်ႉဝႃး မုၼ်ၸဝ်ႈလႄႈ ၸွမ်းႁိူၼ်းယေး ပီႈၼွင်ႉ ၸွမ်းပွၵ်ႉ/ ယွမ်ႇ ၼႂ်းၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း မွၵ်ႈႁူဝ်ၵူၼ်း 500 တိုၵ်ႉလူဝ်ႇၸွႆႈထႅမ်...

မိူဝ်ႈၼႆႉ ဝၼ်းတီႈ 4/2/2022 ယၢမ်းၵၢင်ၼႂ် 9 မူင်း သိုၵ်းတဢၢင်း TNLA ၶီႇရူတ်ႉၵႃးၶဝ်ႈဝဵင်းမႃးလၢႆလၢႆလမ်း ဝႅတ်ႉၵၢတ်ႇၼမ်ႉၶမ်း ၶဝ်ႈၸႅၵ်ႇဝႂ်ၵဵပ်းၶွၼ်ႇၼႂ်းၵၢတ်ႇ ၵူၼ်းၼမ်ႉၶမ်းတူၵ်းၸႂ်တိုၼ်ႇသၢၼ်ႈဢွၼ်ၵၼ်ပွၵ်ႈႁိူၼ်း။ ၵူၼ်းၼမ်ႉၶမ်း ယူႇႁိမ်းၵၢတ်ႇၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “မိူဝ်ႈၼႆႉ ၵၢင်ၼႂ်မွၵ်ႈ 9 မူင်း သိုၵ်းတဢၢင်း ၶဝ်ႈဝဵင်းၼမ်ႉၶမ်းဢေႃႈ။ ၶဝ်ၶဝ်ႈမႃးၵူႈႁူးၵူႈတၢင်းဢေႃႈ။ ၵူၼ်းၶဝ်ၼမ်ၼႃႇၶႃႈ။ ဢွၼ်ၵၼ်ၵႂႃႇဝႅတ်ႉၵၢတ်ႇဝႆႉဢေႃႈ။ ၵူၼ်းၶဝ်ၸႅၵ်ႇဝႂ်ၵဵပ်းၶွၼ်ႇပၼ်ၵူႈႁၢၼ်ႉဢေႃႈ။ၵူၼ်းၼႂ်းၵၢတ်ႇၵေႃႈတူၵ်းၸႂ်ၼႅတ်ႈပိၵ်ႉၽၵ်းတူႁၢၼ်ႉၶၢႆၶူဝ်း...

သိုၵ်းမၢၼ်ႈ မဝ်းလဝ်ႈသေ ႁေႃႈၵႃး ၽႃႇၺႃး ၵူၼ်းမိူင်းသူႈ တၢႆ လႆႈ 6 ဝၼ်း ၼႂ်းဝၼ်းမိူဝ်ႈၼႆႉ သေတႃႉ ပႆႇမႃးၸွႆႈထႅမ် လွင်ႈလူႉသုမ်းသင် တီႈၵူၼ်းႁိူၼ်း ၵူၼ်းယေး ၸိူဝ်းၵိုတ်းတၢင်းလင်။ ၸၢႆးမွင်ႇၺူဝ်ႇ (ႁွင်ႉ) ၸၢႆးၼေႃႇၶမ်း ဢႃယု 28 ပီ ၺႃးၵႃးသိုၵ်းမၢၼ်ႈ ၽႃႇတမ်တၢႆ တီႈဝၢၼ်ႈလူင်...

ဝၢႆးသေ မၢၵ်ႇတႅၵ်ႇ ၼႂ်းပၢင်ၵမ်ႉထႅမ် တပ်ႉသိုၵ်းမၢၼ်ႈ တီႈဝဵင်းတႃႈၶီႈလဵၵ်းမႃးယဝ်ႉၼၼ်ႉ ၾၢႆႇသိုၵ်းမၢၼ်ႈ ဢမ်ႇမီးလၵ်းထၢၼ်ၼႅၼ်ႈၼႃသင်သေ ထၢင်ႇထိူမ်ၵူၼ်းၵေႃႉလႂ်ၵေႃႈ ၶဝ်ႈၵူတ်ႇထတ်းၸႅတ်ႈထၢမ် တီႉၺွပ်း ပေႃႉထုပ်ႉထႅင်ႈႁၢဝ်ႈႁႅင်း ဢမ်ႇဝႃႈၽူႈၸၢႆး/ ၼၢင်းယိင်း။ မိူဝ်ႈဝၼ်းတီႈ 1/2/2022 ယၢမ်းၵၢင်ၶမ်ႈ/ ၶိုၼ်း ၶွင်ႇသီႇသိုၵ်းမၢၼ်ႈ ယိုတ်းမိူင်း ၶဝ်ႈၵူတ်ႇထတ်း ၸႅတ်ႈထၢမ် တီႉၺွပ်း ပေႃႉထုပ်ႉ ၵူၼ်းမိူင်းပိုၼ်ႉတီႈမႃးႁၢဝ်ႈႁႅင်း ၸွမ်းၼႂ်းပွၵ်ႉ/...

  ၼႂ်းဝၼ်းသိုၵ်းမၢၼ်ႈ ႁိမ်ၸိင်းယိုတ်းဢႃႇၼႃႇဝၢၼ်ႈမိူင်းတဵမ်ပီၼၼ်ႉ မၢၵ်ႇတႅၵ်ႇလၢႆလၢႆတီႈၼႂ်းၸႄႈဝဵင်းတူၼ်ႈတီး  ၊ သိုၵ်းမၢၼ်ႈပႂ်ႉၵူတ်ႇထတ်းၵူၼ်းမိူင်းၵႂႃႇမႃး ဢၼ်တီႉၺွပ်းၵႂႃႇၵေႃႈမီးၼမ်။   မိူဝ်ႈဝႃး ဝၼ်းတီႈ 1/2/2022 ယၢမ်းႁူဝ်ၶမ်ႈ မၢၵ်ႇတႅၵ်ႇ ၼႂ်းဝဵင်းတူၼ်ႈတီး  လၢႆတီႈလၢႆၵမ်း။ ဝၢႆးၼၼ်ႉ သိုၵ်းမၢၼ်ႈ ထႅမ်ႁႅင်းၶဝ်ႈဝဵင်း ပႂ်ႉတီႈတၢင်းၶွႆႈ တင်းၽႄ ၵူႈတီႈသေ ႁႄႉၵူတ်ႇထတ်းၵူၼ်းၵႂႃႇမႃး။ ပိူင်လူင်ၵူတ်ႇထတ်းၵူၼ်းၼုမ်ႇ။ ၵူတ်ႇထတ်းမိုဝ်းထိုဝ်။ ၵူၼ်းမိူင်း သုၵ်ႉၸႂ်၊ ၵႂႃႇမႃးဢမ်ႇလွတ်ႈလႅဝ်း။ ၵူၼ်းၼုမ်ႇ...

ၶွင်ႇသီႇသိုၵ်းမၢၼ်ႈ ယိုတ်းမိူင်းတင်း သိုၵ်းၶၢင် KIA ပဵၼ်ပၢင်တိုၵ်းၵၼ် ႁၢဝ်ႈႁႅင်း ၼႂ်းၸႄႈဝဵင်းၵူတ်ႉၶၢႆ ၾၢႆႇသိုၵ်းမၢၼ်ႈ လမ်းလိမ်း ယိုဝ်းၵွင်ႈ လူင် ၵူႈႁူးၵူႈတၢင်းသေ တႅၵ်ႇတိူဝ်ႉသႂ်ႇ  ၵူၼ်းပိုၼ်ႉတီႈမၢတ်ႇၸဵပ်း 1 ၵေႃႉလႄႈ ႁိူၼ်းယေး လူႉၵွႆၸွမ်း ၽွင်ႈ။ မိူဝ်ႈဝႃး ဝၼ်းတီႈ 1/2/2022   သိုၵ်းၶၢင် KIA ပိုတ်းယိုဝ်းတပ်ႉပၢင်သဝ်းသိုၵ်းမၢၼ်ႈ...

ၵူၼ်းပၢႆႈၽေးသိုၵ်း တီႈၸႄႈဝဵင်းၵျွၵ်ႉမႄး ႁူဝ်ၵူၼ်း 1,000 ပၢႆ လူဝ်ႇတၢင်းၸွႆႈထႅမ် ၶွင်ၵိၼ်ယႅမ်ႉလႄႈ ၽိုၼ်းတႃႇသႂ်ႇၾႆး ၸိူဝ်းၼႆႉ။ လုင်းၸၢႆးလႅင်းႁၢၼ် ႁူဝ်ပဝ်ႈ ၵေႃလိၵ်ႈလၢႆး ၸႄႈဝဵင်းၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ - “မိူဝ်ႈလဵဝ် ဢၼ်ယၢပ်ႇၼႆႉတႄႉ ပဵၼ်လွင်ႈၵိၼ်ယႅမ်ႉ။ ဢၼ်ၼႆႉ မၼ်းသဵင်ႈၵႂႃႇၵူႈတီႈယဝ်ႉ။ တီႈၵေႃလိၵ်ႈလၢႆးႁဝ်းၼႆႉၵေႃႈ မီးၶဝ်ႈသၢၼ်ၵူၺ်းယဝ်ႉ ၼမ်ႉမီႇၼမ်ႉမၼ်း ၸိူဝ်းၼႆႉတႄႉ ဢမ်ႇ...