ၶွင်ႇသီႇသိုၵ်းမၢၼ်ႈ ယိုတ်းမိူင်း ဢႅဝ်ႇသွၵ်ႈႁႃၵူၼ်းပၢႆႈၽေးသိုၵ်းၵူၼ်းမိူင်းယၢင်းလႅင် ၸိူဝ်းပၢႆႈမႃးမီးတီႈ  ဝဵင်းတူၼ်ႈတီး   သေၸွပ်ႇထၢမ်လွင်ႈၸုမ်းသိုၵ်း PDF ။ ၵူၼ်း မိူင်းယၢင်းလႅင် ပၢႆႈၽေးသိုၵ်းမႃးတၢင်းတူၼ်ႈတီးၼႆႉ သွၼ်ႈယူႇၸွမ်းဝတ်ႉဝႃးၽႃသိူဝ်ႇမိူၼ်ၼင်ႇ တီႈဝတ်ႉမူဝ်းၵုတ်ႉဝိပတ်ႉသၼႃလႄႈ ၸွမ်းၵျွင်း/ ဝတ်ႉဝႃး လၢႆလၢႆတီႈ  ။ ၵူၼ်းပၢႆႈၽေးသိုၵ်းၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “သိုၵ်းမၢၼ်ႈမႃးထၢမ်  လွင်ႈၸုမ်း PDF ၶႃႈဢေႃႈ။ ၶဝ်ထၢမ်ဝႃႈ ၸွင်ႇလႆႈႁူပ်ႉထူပ်းတင်း...

မိူဝ်ႈၼႆႉ ဝၼ်းတီႈ 19/1/2022 ယၢမ်းဝၢႆးဝၼ်းမွၵ်ႈ 1 မူင်းၶိုင်ႈ  သိုၵ်းမၢၼ်ႈ  ထူင်ႇထဵဝ်ႈၵၢင်ဝဵင်းတူၼ်ႈတီး ပႂ်ႉၵူတ်ႇထတ်း ၵူၼ်းၵႂႃႇမႃး ၊    ယွၼ်ႉမီးၵူၼ်းဢဝ်ဢူတ်ႇဢူဝ် မႃးႁွႆႈၸွမ်းသဝ်ၾႆးၵၢင်ဝဵင်းသေ ပိုတ်ႇၽဵင်းၵႂၢမ်း ၵၢၼ်မိူင်း သၢၼ်ၶတ်းသိုၵ်းမၢၼ်ႈ   ၸိူဝ်းၼႆႉ။ ၵူၼ်း တူၼ်ႈတီး လၢတ်ႈတီႈၽူႈတွႆႇႁွၵ်ႈဝႃႈ - “ဢုတ်ႇသေႃႇၼၼ်ႉ ၽႂ်တၼ်းဢဝ်မႃးမတ်ႉၵိုၵ်းသဝ်ဝႆႉ မိူဝ်ႈလႂ်တႄႉ ဢမ်ႇႁူႉၶႃႈ။...

ၵူၼ်းပၢႆႈၽေးသိုၵ်း ဝဵင်းမိူင်းၵိုင် ႁူဝ်ၵူၼ်း 2 ႁဵင်ပၢႆ တိုၵ်ႉလူဝ်ႇတၢင်းၸွႆႈထႅမ် ၶွင်ၵိၼ်ယႅမ်ႉ ထႅင်ႈတင်းၼမ်။ ယၢမ်းလဵဝ် ၵူၼ်းပၢႆႈၽေးသိုၵ်း ၼႂ်းၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ႁူဝ်ၵူၼ်း 2000 ပၢႆ လူဝ်ႇတၢင်း ၸွႆႈထႅမ် ၶွင် ၵိၼ်ယႅမ်ႉထႅင်ႈတင်းၼမ်  ။ ၵူၼ်း မိူင်းၵိုင် လၢတ်ႈတီႈၽူႈတွႆႇႁွၵ်ႈဝႃႈ - “ယၢမ်းလဵဝ်...

ႁွင်ႈၵၢၼ်ၾၢႆႇဢီးလူတူၺ်းထိုင်ၵူၼ်းတေႃႇၵူၼ်းၸၢတ်ႈၸိုင်ႈလုမ်ႈၾႃႉUN- OCHA ပိုၼ်ၽၢဝ်ႇမိူဝ်ႈဝၼ်းတီႈ 17/1/2022 ဝႃႈ ဝၢႆးလင်သိုၵ်းမၢၼ်ႈယိုတ်းမိူင်းၼႆႉ ၵူၼ်းပၢႆႈၽေးသိုၵ်းမိူင်းမၢၼ်ႈမီးထိုင် 320000 ဝႃႈၼႆ။ တင်ႈဢဝ်ဝၼ်းတီႈ 1/2/2021 တေႃႇထိုင်ဝၼ်းတီႈ 27/12/2021 ၼႆႉ ၵူၼ်းမိူင်းၸိူဝ်းဢမ်ႇၽွမ်ႉ ဢမ်ႇႁၼ်လီ လွင်ႈသိုၵ်းမၢၼ်ႈယိုတ်းမိူင်းၼၼ်ႉ ၼႄၵၢင်ၸႂ်သၢၼ်ၶတ်း။ သိုၵ်းမၢၼ်ႈလိုပ်ႈလမ်းတီႉၺွပ်းၵူၼ်းမိူင်းလႄႈၵူၼ်းမိူင်းလႆႈပၢႆႈၽေး၊ သိုၵ်းမၢၼ်ႈပိုတ်းယိုဝ်းတိုၵ်းတေႃး သိုၵ်းၵူၼ်းမိူင်းလႄႈ ၵူၼ်းမိူင်းပၢႆႈၽေးသိုၵ်း တေႃႇထိုင်ဝၼ်းမိူဝ်ႈၼႆႉ မီး 320900...

သိုၵ်းမၢၼ်ႈ သူင်ႇႁႅင်းသိုၵ်း တူင်ႉၼိုင် ၵူတ်ႇထတ်းၸွမ်းဝဵင်းလႄႈ ပႂ်ႉၸွမ်းၵဵၵ်ႉလၢၼ်ႇတၢင်းၶဝ်ႈဢွၵ်ႇဝဵင်းတႃႈၶီႈလဵၵ်း ၼမ်မႃးလိူဝ်ၵဝ်ႇ ဝႃႈၼႆ။ ဝၢႆးသေ ၸုမ်းၵႅတ်ႇၶႄၵူၼ်းမိူင်း PDF ဝဵင်းတႃႈၶီႈလဵၵ်း ပိုၼ်ၽၢဝ်ႇဢွၵ်ႇမႃး မိူဝ်ႈဝၼ်းတီႈ 10/1/2022 ၼၼ်ႉဝႃႈ ၶွင်ႇသီႇသိုၵ်းမၢၼ်ႈ ယိုတ်းမိူင်း သူင်ႇႁႅင်းသိုၵ်းတူင်ႉၼိူင် ဢႅဝ်ႇၵူတ်ႇထတ်း တင်ႈလၢၼ်ႇ ထဵတ်ႈထၢမ် ၵူၼ်း ၵႂႃႇမႃးၸွမ်းၼႂ်းဝဵင်းတႃႈၶီႈလဵၵ်း လႅၼ်လိၼ်တႆး -...

ၶူဝ်းၶွင်ဢၼ်ၸဝ်ႈတႃႇၼ ၸဝ်ႈၽူႈမီးၸေႇတၼႃႇ လၢႆလၢႆတၢင်းၸွႆႈထႅမ်တႃႇၵူၼ်းပၢႆႈၽေးသိုၵ်း ဢၼ်လုၵ်ႉမိူင်းယၢင်းလႅင်မႃးၼၼ်ႉ တႃႇတေႃႇသူင်ႇထိုင်မိုဝ်းၵူၼ်းပၢႆႈၽေးသိုၵ်း ယၢပ်ႇၽိုတ်ႇလိူဝ်ႁႅင်း ယွၼ်ႉသိုၵ်းမၢၼ်ႈၵူတ်ႇထတ်းထဵတ်ႈထၢမ်၊ ၸဝ်ႈၵႃးဢမ်ႇႁတ်းတၢင်ႇၵႂႃႇပၼ် ။ ၵူၼ်းပၢႆႈၽေးသိုၵ်း ၸႄႈမိူင်းယၢင်းလႅင် ဢၼ်ပၢႆႈမႃးသွၼ်ႈဝႆႉ ၼႂ်းၸႄႈဝဵင်းတူၼ်ႈတီး၊ ပၢင်လွင်း၊ သီႇသႅင်ႇ၊ ႁူဝ်ပူင်း၊ ဢွင်ႇပၢၼ်းလႄႈ တၢင်ႇ ၸႄႈဝဵင်း ၼႂ်းၸိုင်ႈတႆးပွတ်းၸၢၼ်း ထူပ်းတၢင်းယၢပ်ႇၽိုတ်ႇ တႃႇၶဝ်ႈၼမ်ႉတၢင်းၵိၼ် လွင်ႈၼုင်ႈဝႆ။  ၽႃႈႁူမ်ႇၶူဝ်းၼွၼ်း ဢၼ်ၸဝ်ႈတႃႇၼ...

မိူဝ်ႈၼႆႉ ဝၼ်းတီႈ 17/1/2022 ယၢမ်းၵၢင်ၼႂ် မွၵ်ႈ 9 မူင်းပၢႆ ၵူၼ်းၼႂ်းဢိူင်ႇၼမ်ႉဢုၼ်ႇ ဢၼ်မီးၾၢႆႇၸဵင်ႇၸၢၼ်းဝၼ်းတူၵ်း ဝၢၼ်ႈၵၢင်ႉမေႃႉ ဢွၼ် ၵၼ်ပၢႆႈၽေးသိုၵ်းမႃးသွၼ်ႈတီႈၵျွင်းၽြႃးၵၢင်ႉမေႃႉ ၸႄႈဝဵင်းသီႇပေႃႉ ထႅင်ႈႁူဝ်ၵူၼ်း 50 ပၢႆ    ပၢင်တိုၵ်းပဵၼ်ႁိမ်းၸမ်ဝၢၼ်ႈ ႁၢဝ်ႈႁႅင်း ။ ၵူၼ်းသီႇပေႃႉ လၢတ်ႈတီႈၽူႈတွႆႇႁွၵ်ႈဝႃႈ -“ၸႂ်ႈၶႃႈဢေႃႈ မိူဝ်ႈၼႆႉ ၵၢင်ၼႂ် မႃးႁွတ်ႈထိုင်ထႅင်ႈ...

ၽွင်းဝၢၼ်ႈမိူင်းသုၵ်ႉယုင်ႈ  ၵူၼ်းမိူင်း ထူပ်းတၢင်းယၢပ်ႇၽိုတ်ႇ ပၢႆႈၽေးပၢင်တိုၵ်းၶဝ်ႈဝဵင်းမိူင်းၵိုင်ယူႇၼႆႉ သိုၵ်းမၢၼ်ႈ တင်ႈၵဵတ်ႉမႂ်ႇထႅင်ႈ သွင်တီႈ ၼႂ်းၵႄႈဢိူင်ႇပၢင်ႇၵေႇတု - မိူင်းၵိုင် ပႂ်ႉၵူတ်ႇထတ်းၵူၼ်းၵႂႃႇမႃး ႁၢဝ်ႈႁႅင်း။ တႄႇဢဝ် ဝၼ်းတီႈ 16/1/2022 ၼႆႉမႃး ၶွင်ႇသီႇသိုၵ်းမၢၼ်ႈ ယိုတ်းမိူင်း ႁဵတ်းၵဵၵ်ႉ/ တင်ႈၵဵၵ်ႉမႂ်ႇထႅင်ႈ တီႈၼႃႈဝတ်ႉဢွင်ႇမင်ႇၵလႃႇ လွႆလႅင် တႂ်ႈ တူၼ်ႈမႆႉႁုင်း တီႈၼိုင်ႈလႄႈ...

 သိုၵ်းမၢၼ်ႈ ယိုဝ်းၵူၼ်းမိူင်းဢၼ်ၶီႇရူတ်ႉၶိူင်ႈ ၼႂ်းဝဵင်းၵျွၵ်ႉမႄး ၽွင်းယၢမ်းၵၢင်ၶမ်ႈ ၊ ပႂ်ႉၵူတ်ႇထတ်းၵူၼ်းမိူင်းၵႂႃႇမႃးႁၢဝ်ႈႁႅင်း ၵူၼ်းမိူင်းဢမ်ႇမီးလွင်ႈႁူမ်ႇလူမ်ႈ။ မိူဝ်ႈဝၼ်းတီႈ 14/1/2022 ယၢမ်းၵၢင်ၶမ်ႈ မွၵ်ႈ 8 မူင်း သိုၵ်းမၢၼ်ႈ ယိုတ်းမိူင်း ယိုဝ်းၵူၼ်းၶီႇရူတ်ႉၶိူင်ႈ ၾၢႆႇၼႃႈႁူင်းႁဵၼ်း ၸၼ်ႉသုင် မၢႆ 1   ပွၵ်ႉ 8 ၸႄႈဝဵင်းၵျွၵ်ႉမႄး  လွင်ႈတၢႆမၢၵ်ႇတႄႉဢမ်ႇမီး ႁဵတ်းႁႂ်ႈၵူၼ်းၼႂ်းဝဵင်းတူၵ်းၸႂ်လႄႈ...

ၵူၼ်းမိူင်းယၢင်းလႅင် ပၢႆႈၽေးသိုၵ်း ႁွတ်ႈထိုင်မႃး ယူႇဝႆႉ ၸွမ်းႁိူၼ်းပီႈၼွင်ႉ ဢူၺ်းၵေႃႉ ၵူၼ်း မိုတ်ႈၵိုဝ်းလႄႈ  ၵျွင်း ၶရိတ်ႊယၼ်ႊ ၼႂ်းၸႄႈဝဵင်းလွႆလႅမ် ၸိုင်ႈတႆးပွတ်းၸၢၼ်း မွၵ်ႈ 200 ၵေႃႉ  သိုၵ်းမၢၼ်ႈယင်းတိုၵ်ႉထႅမ်ႁႅင်းလိုပ်ႈလမ်း ပိုတ်းယိုဝ်း ၸုမ်းၵႅတ်ႇၶႄၵူၼ်းမိူင်းယၢင်းလႅင်၊ ပၢင်တိုၵ်းတိုၵ်ႉ ပဵၼ် ႁၢဝ်ႈႁႅင်း ယူႇတေႃႇထိုင်ဝၼ်းမိူဝ်ႈၼႆႉ။   ၽူႈၸွႆႈထႅမ် ၵူၼ်းပၢႆႈၽေးသိုၵ်း...

ၵူၼ်းပၢႆႈၽေးသိုၵ်း တီႈၸႄႈဝဵင်းသီႇပေႃႉ ႁူဝ်ၵူၼ်း 300 ပၢႆၼၼ်ႉ တုၵ်းယွၼ်းႁႂ်ႈၵိုတ်းပၢင်တိုၵ်းပၼ်ဝႆးဝႆးသေ ႁႂ်ႈလႆႈပွၵ်ႈၶိုၼ်းႁိူၼ်းယေးၽႂ်မၼ်း ဝႃႈၼႆ။ ယွၼ်ႉပိူဝ်ႈပၢင်တိုၵ်းၼႂ်းၵႄႈ သိုၵ်းဢူၺ်းလီလႄႈ RCSS ပဵၼ်ႁၢဝ်ႈႁႅင်းႁိမ်းဝၢၼ်ႈ ၼႃးမူၼ်း ဝၢၼ်ႈၵုင်းၼိဝ်ႉဢိူင်ႇၼမ်ႉသိမ်ႇ ၸႄႈဝဵင်းၵျွၵ်ႉမႄး လႄႈ  တႄႇဢဝ်ဝၼ်းတီႈ 7/1/2022 မႃး ၵူၼ်းဝၢၼ်ႈဢွၼ်ၵၼ်ပၢႆႈၽေးသိုၵ်းမႃးသွၼ်ႈယူႇတီႈၵျွင်းၽြႃးၵၢင်ႉမေႃႇ ၸႄႈဝဵင်းသီႇပေႃႉ ။ ယၢမ်းလဵဝ်ထိုင်မႃးၶၢဝ်းတၢင်း 7-8 ဝၼ်းယဝ်ႉလႄႈယၢပ်ႇၽိုတ်ႇတႃႇယူႇသဝ်း၊...

ၵူၼ်းမိူင်းယၢင်းလႅင် ႁူဝ်ၵူၼ်း မွၵ်ႈ 90 ပၢႆႈမႃးသွၼ်ႈဝႆႉ တီႈဝဵင်းမိူင်းသွၵ်ႇ ဝဵင်းယွင်ႁူၺ်ႈ လူဝ်ႇတၢင်းၸွႆႈထႅမ်ၶဝ်ႈၼမ်ႉတၢင်ၵိၼ် ဝႃႈၼႆ။ မိူဝ်ႈဝၼ်းတီႈ 12/1/2022 ပူၼ်ႉမႃးၼႆႉ ၵူၼ်းမိူင်းယၢင်းလႅင် ဢွၼ်ၵၼ်ပၢႆႈၽေးသိုၵ်း မႃးသွၼ်ႈဝႆႉ တီႈထမ်ႇမႃႇယူင်ႇငူၺ်ႇတွင်ႇ မိူင်းသွၵ်ႇ ၸႄႈ ဝဵင်းယွင်ႁူၺ်ႈ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း ႁူဝ်ၵူၼ်း မွၵ်ႈ 90 ၵေႃႉ...

ၼႂ်းဝၼ်းသွင်ဝၼ်းမႃးၼႆႉ ၵူၼ်းဝၢၼ်ႈဢိူင်ႇႁူဝ်ၼႃး၊ ဝၢင်ႈမိူင်းလႄႈ မိူင်းၶုၼ် ၼႂ်းၸႄႈဝဵင်းမိူင်းၵိုင် ၵမ်ႈၽွင်ႈ ႁူဝ်ၵူၼ်းမွၵ်ႈ 800 မႆႈၸႂ်ၶူဝ်းသူၼ်ႁႆႈၼႃး ႁိူၼ်းယေးၸဝ်ႈၵဝ်ႇလႄႈဢွၼ်ၵၼ်ပွၵ်ႈၶိုၼ်းႁိူၼ်းယေး ၼႂ်းၵႄႈယင်းတိုၵ်ႉလႆႈမႆႈၸႂ်လွင်ႈႁူမ်ႇလူမ်ႈၸဝ်ႈၵဝ်ႇ။ ၵူၼ်းမိူင်းၵိုင် လၢတ်ႈတီႈၽူႈတွႆႇႁွၵ်ႈဝႃႈ -“ၵူၼ်းပၢႆႈၽေးတႄႉ မိူဝ်းၵႂႃႇၵမ်ႈၽွင်ႈယဝ်ႉ။ ပေႃးတေဝႃႈ ပၢင်တိုၵ်းတႄႉ ပႆႇယဵၼ် ၸုမ်းယိပ်းၵွင်ႈ ၵၢင်ႇၵေႃႈ တိုၵ်ႉမီးၸွမ်းၼႂ်းဝၢၼ်ႈယူႇ။ ၵူၺ်းၵႃႈ ဢမ်ႇလိူဝ်လႆႈလွင်ႈၶဝ်မႆႈၸႂ်တၢင်းႁိူၼ်းယေး ၶူဝ်းသူၼ်ႁႆႈၼႃးၶဝ်ႈၵၢပ်ႇၶဝ် ၸိူဝ်းၼႆႉလႄႈ...

  သိုၵ်းမၢၼ်ႈ ယိုတ်းမိူင်းတင်း ၸုမ်းၵႅတ်ႇၶႄၵူၼ်းမိူင်း ၼႂ်းဝဵင်းလွႆၶေႃ ပဵၼ်ပၢင်တိုၵ်းၵၼ် ႁၢဝ်ႈႁႅင်း လႄႈ ဝၼ်းတီႈ 13/1/2022 ၼႆႉ ၵူၼ်းဝဵင်းလွႆၶေႃ ၸႄႈမိူင်းယၢင်းလႅင်  ပၢႆႈၽေးသိုၵ်း ႁွတ်ႈထိုင် ဝဵင်းလၢင်းၶိူဝ်း 20 ၵေႃႉ။  ၽူႈတူင်ႉၼိုင်ၼႂ်းတူင်ႇဝူင်းၵူၼ်း ဝဵင်းလၢင်းၶိူဝ်းၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ၵူၼ်းမိူင်းလွႆၵေႃႇ ဢွၼ်ၵၼ် ပၢႆႈမႃး...

 ၼႂ်းႁူဝ်လိူၼ်ၵျၼ်ႊၼိဝ်ႊရီႊၼႆႉ မၢၵ်ႇတႅၵ်ႇၶိူဝ်းယႂ်း ၼႂ်းဝဵင်းတႃႈၶီႈလဵၵ်း ၾၢႆႇၼိုင်ႈ PDF တႃႈၶီႈလဵၵ်းၼႆသေ မီးလိၵ်ႈပၼ်ၾၢင်ႉၵူၼ်းမိူင်းဢွၵ်ႇမႃးထႅင်ႈလႄႈ  ၶွင်ႇသီႇသိုၵ်းမၢၼ်ႈ ယိုတ်းမိူင်း ၵူတ်ႇထတ်းၵူၼ်းမိူင်းပိုၼ်ႉတီႈ ၵႂႃႇမႃးႁၢဝ်ႈႁႅင်း။ ၵူၼ်းပိုၼ်ႉတီႈ တႃႈၶီႈလဵၵ်း ၼၢင်းယိင်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “တႄႇဢဝ် ဝၼ်းတီႈ 10/1/2022 ၼႆႉမႃး   သိုၵ်းမၢၼ်ႈ ၵူတ်ႇထတ်း ႁၢဝ်ႈႁႅင်းမႃးလိူဝ်ၵဝ်ႇၶႃႈဢေႃႈ။ ပႂ်ႉ...