သၢဝ်ပၢင်လူင် ၵေႃႉဢၼ်ႁၢႆတူဝ်ၵႂႃႇလႆႈ 10 ဝၼ်းပၢႆသေၶိုၼ်းႁၼ်တူဝ်တၢႆႁိမ်းၾင်ႇၼွင်ဝဵင်းလွႆလႅမ်ၼၼ်ႉ မီးလွင်ႈတၢင်းၸိူင်ႉႁိုဝ် ယွၼ်ႉသင်လႄႈတၢႆၸိူဝ်းၼႆႉဢမ်ႇမီးၽႂ်ၸုမ်းလႂ် ဢဝ်ပုၼ်ႈၽွၼ်းသေ ၵူတ်ႇထတ်း ဢဝ်လိူင်ႈပၼ် ။ ၵေႃႉဢၼ်ၺႃးၶႃႈႁႅမ်တၢႆၼႆႉ ၸိုဝ်ႈႁွင်ႉ ၼၢင်းမလေး ၊ ႁၢႆတူဝ်ၵႂႃႇၶၢဝ်းတၢင်း 10 ဝၼ်းပၢႆသေ ထိုင်မႃး ဝၼ်းတီႈ 8/5/2023 ၼၼ်ႉၸင်ႇႁၼ်ၶိုၼ်းတူဝ်တၢႆတူႇၼဝ်ႈလၢၼ်ႈဝႆႉ တီႈႁိမ်းၾင်ႇၼွင်လွႆလႅမ်( မျႃႉၵၢၼ်ႇတႃႇ)  ။ ၵေႃႉပဵၼ်ပီႈၶူၺ်မၼ်းၼၢင်းလၢတ်ႈတီႈၽူႈတွႆႇႁွၵ်ႈဝႃႈ -...

ၵူၼ်းပၢႆႈၽေးသိုၵ်း ဢၼ်မႃးမီးတီႈဝဵင်းပၢင်လွင်း ယဵပ်ႇၺႃးမၢၵ်ႇၽွင်းပွၵ်ႈၶိုၼ်းႁိူၼ်းယေး မၢတ်ႇၸဵပ်းတီႈၶႃ ႁၢဝ်ႈႁႅင်း။ ၸၢႆးၼုမ်ႇဢႃယု 20 ပၢႆၵူၼ်းဝၢၼ်ႈပၢင်ပုမ်ႇ ဢိူင်ႇလူင်ပႅၼ်ႈ ဢၼ်ပၢႆႈၽေးသိုၵ်းမႃးသွၼ်ႈယူႇတီႈပၢင်သဝ်းဝၢၼ်ႈဝႃးလီး ၸႄႈဝဵင်းႁူဝ်ပူင်း၊ မိူဝ်ႈဝၼ်းတီႈ 11/05/2023 ၼၼ်ႉမၼ်းၸၢႆးလုၵ်ႉတီႈပၢင်သဝ်းသေပွၵ်ႈၶိုၼ်းတူၺ်းႁိူၼ်း တူၺ်းသူၼ်။မိူဝ်းယဵပ်ႇၺႃးမၢၵ်ႇမႅင်းၾင်လိၼ် တီႈတၢင်းၶဝ်ႈဝၢၼ်ႈၶဝ်၊ မၢၵ်ႇတႅၵ်ႇတိူဝ်ႉသႂ်ႇ ၶႃၶႂႃလႅဝ်ၽႅဝ်ႉ ၸၢၵ်ႇမၢၵ်ႇၽူင်ႉသႂ်ႇၸွမ်းတူဝ်ၸွမ်းၶိင်းသမ်ႉပေႃးလၢႆးလဵၼ်း- ဝႃႈၼႆ။ “မၼ်းမိူဝ်းၵႂႃႇတၢင်းလူင်ပႅၼ်ႈဢေႃႈၼၼ်ႉ။ မိူဝ်းၽႃႇၺႃးမၢၵ်ႇ တၢင်းၶဝ်ႈဝၢၼ်ႈ။ မၼ်းဢမ်ႇၸႂ်ႈတၢင်းထိူၼ်ႇ။ မၼ်းပဵၼ်တၢင်းၵူၼ်းပႆၵွၼ်ႇၶႃႈဢေႃႈၼၼ်ႉ။ ၶႃမၼ်းၽၢႆႇၼိုင်ႈတႄႉ...

ၶွမ်ႊပၼီႊဢမ်ႇထွမ်ႇသဵင်ၵၢင်ၸႂ်ၵူၼ်းမိူင်းတၢင်ႉယၢၼ်းသေ သိုပ်ႇၸူင်လိၼ် ၶုတ်းထၢၼ်ႇႁိၼ် ႁၢဝ်ႈႁႅင်း ၸမ်ထိုင်ၾင်ႇၼမ်ႉပၢင် ၊ လိၼ်တႅၵ်ႇၶၢပ်ႇတူဝ်ႈဝၢၼ်ႈ ၵူၼ်းမိူင်းပဵၼ်ၸႂ်ဢမ်ႇလီ ။ ၶွမ်ႊပၼီႊ ၸူင်ၶုတ်းထၢၼ်ႇႁိၼ်ၼႂ်းဢိူင်ႇဝၢၼ်ႈပၢင်ႇ ၸႄႈဝဵင်းတၢင်ႉယၢၼ်း၊ ယၢမ်းလဵဝ် ၸူင်ၶုတ်းၸမ်ထိုင်ၾင်ႇၼမ်ႉပၢင် ဢၼ်မီးတၢင်းၾၢႆႇႁွင်ႇဝဵင်းတၢင်ႉယၢၼ်းၼၼ်ႉ ႁဵတ်းႁႂ်ႈလိၼ်တႅၵ်ႇၶၢပ်ႇလိူဝ်ၵဝ်ႇႁႅင်း၊ ၾၢႆႇၼိုင်ႈၸမ်ထိုင်ၶၢဝ်းၾူၼ်ယဝ်ႉလႄႈပေႃးၼမ်ႉလူၼ်ႉၾင်ႇ ၵူၼ်းမိူင်းမႆႈၸႂ်ၵူဝ်လိၼ်ယုပ်းလူမ်ႇၵူၼ်ႇ သူၼ်ၼႃးႁိူၼ်းယေးၸၢင်ႈၸူမ်ဝႃႈၼႆ။ ၵူၼ်းပိုၼ်ႉတီႈ ဝဵင်းတၢင်ႉယၢၼ်း လၢတ်ႈတီႈၽူႈတွႆႇႁွၵ်ႈဝႃႈ - “ယၢမ်းလဵဝ်...

ၵူၼ်းမိူင်းၼွင်ၶဵဝ် ပႆႇႁတ်းလူင်းႁဵတ်းၵၢၼ် ၼႂ်းသူၼ်ႁႆႈလွၵ်းၼႃးထၢင်ႇႁၢင်ႈတဵမ်တီႈ ၵူဝ်ယဵပ်ႇၺႃးမၢၵ်ႇမႅင်းၾင်လိၼ် တိုၵ်ႉမီးဝႆႉတင်းၼမ် ။    ဝၢႆးႁၢင်လိူၼ်ဢေႊပရိူဝ်ႊ 2023 ၼႆႉမႃး တေႃႇထိုင်ယၢမ်းလဵဝ် ၵူၼ်းဝၢၼ်ႈၼႂ်းဢိူင်ႇၶိူဝ်းၼိမ်း ၸႄႈဝဵင်းၼွင်ၶဵဝ် ၸႄႈတွၼ်ႈ ၵျွၵ်ႉမႄး ၸိုင်ႈတႆးပွတ်းႁွင်ႇ ပႆႇႁတ်းလူင်းႁဵတ်းၵၢၼ် ယွၼ်ႉၸွမ်းၼႂ်းထိူၼ်ႇၼႂ်းသူၼ်ႁႆႈၼႃး ၸိူဝ်းၼႆႉ တိုၵ်ႉမီးလွင်ႈႁၢင်ႈၵၢင် မၢၵ်ႇမႅင်းဝႆႉယူႇလႄႈ ပႆႇမီးၸုမ်းယိပ်းၵွင်ႈၵၢင်ႇၸုမ်းလႂ် မႃးပူတ်းၽဵဝ်ႈဢွၵ်ႇပၼ်။ ၵူၼ်းပိုၼ်ႉတီႈ ဝဵင်းၼွင်ၶဵဝ်...

ၼႂ်းပီ 2023 ၼႆႉ သိုဝ်ႇၶၢဝ်ႇ BNI( Burma News International ) ဢၼ်ၸုမ်းၶၢဝ်ႇၽူႈတွႆႇႁွၵ်ႈ ၶဝ်ႈတူင်ႉၼိုင်မႃးၸွမ်း တင်ႈတႄႇၵေႃႇတင်ႈၸုမ်းမႃးၼၼ်ႉ လႆႈႁပ်ႉသူး ႁီႊရူဝ်ႊသျီႊမႃႊ Edita and Morris Hiroshima Foundation for Peace and Culture ...

သိုၵ်းတဢၢင်း TNLA သႂ်ႇၶူဝ်းသိုၵ်း ယိပ်းၵွင်ႈၸေးမိုဝ်းသေ ၶဝ်ႈၵဵပ်းသိုၵ်းမႂ်ႇ ၼႂ်းဝဵင်းလႃႈသဵဝ်ႈ ၼႂ်းၼၼ်ႉ တီႉပႃးၵႂႃႇ ၸၢဝ်း တႆး ထႅင်ႈ 3-4 ၵေႃႉ။ ပူၼ်ႉမႃး မိူဝ်ႈဝၼ်းတီႈ 11/5/2023 သိုၵ်း TNLA ဢဝ်ဢဵၼ်ႁႅင်းတင်းၼမ် ပႂ်ႉၸွမ်းတၢင်း၊ ၸွမ်းၵိဝ်ႇ သေ ၶဝ်ႈတီႉ ၺွပ်း...

ၵူၼ်းပၢႆႈၽေးသိုၵ်း တီႈဝဵင်းလၢႆးၶႃႈ မႆႈၸႂ်တႃႇၵၢၼ်ၽုၵ်ႇသွမ်ႈလႄႈ ၵမ်ႈၼမ် ဢွၼ်ၵၼ်ပွၵ်ႈၶိုၼ်းႁိူၼ်းယေး၊ ၵိုတ်းၵူၼ်းထဝ်ႈ၊ ၼၢင်းယိင်းလႄႈ မႄႈလုၵ်ႈဢွၼ်ႇ ၸိူဝ်းၵႂႃႇမႃးပႆယၢပ်ႇတႄႉ ပႆႇႁတ်းပွၵ်ႈ ယွၼ်ႉငဝ်းလၢႆး ၼႂ်းပိုၼ်ႉတီႈ ပႆႇမီးလွင်ႈတမ်းၸႂ် (ဢုၼ်ႇၸႂ်) ငဝ်းလၢႆး ဝႃႈၼႆ ။ တႄႇဢဝ် ဝၼ်းတီႈ 8/5/2023 ၼႆႉမႃး ၵူၼ်းပၢႆႈၽေးသိုၵ်း တၢင်းၾၢႆႇဢွၵ်ႇဝဵင်းလၢႆးၶႃႈ ဢၼ်ပၢႆႈၽေးသိုၵ်းမႃးသွၼ်ႈဝႆႉ ၸွမ်းႁိူၼ်းယေး...

မၢၵ်ႇတႅၵ်ႇၼိူဝ်သဵၼ်ႈတၢင်း ၼႂ်းၸႄႈဝဵင်းမိူင်းၵိုင် ၵႃးၵူၼ်းမိူင်း 2 လမ်းတိူဝ်ႉၸၢၵ်ႇမၢၵ်ႇသေ မီးလွင်ႈမၢတ်ႇၸဵပ်းလူႉသုမ်း။ ၼိူဝ်သဵၼ်ႈတၢင်း ၼႂ်းၵႄႈဝၢၼ်ႈပၢင်ၵေႇတု လႄႈ ဝၢၼ်ႈတူင်ႇလၢဝ်း မီးလွင်ႈမၢၵ်ႇတႅၵ်ႇလႄႈ ၵႃးၵူၼ်းမိူင်းသွင်လမ်း တိူဝ်ႉၸၢၵ်ႇမၢၵ်ႇသေ မီးလွင်ႈမၢတ်ႇၸဵပ်းလူႉသုမ်း မိူဝ်ႈဝၼ်းတီႈ 8/5/2023 ယၢမ်းၵၢင်ဝၼ်း 12 မူင်း။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸၢၵ်ႇမၢၵ်ႇတႅၵ်ႇသဵၼ်တိူဝ်ႉသႂ်ႇ ၵႃးလႄႈ မၢၼ်ႇၵႃးပေႃးၸတ်ႉတႅၵ်ႇဢေႃႈ။ ၵူၼ်းၸၢႆး...

သိုၵ်းတဢၢင်းၶႂ်ႈယူႇၼႂ်းႁိူၼ်း ၸဝ်ႈႁိူၼ်းသမ်ႉဢမ်ႇၽွမ်ႉလႄႈ TNLA  ၶိုၼ်ႈမွင်းၵွင်ႈလွၵ်ႇငိုတ်ႈ ႁဵတ်းႁႂ်ႈၵူၼ်းမိူင်းတူၵ်းၸႂ် ။ မိူဝ်ႈဝၼ်းတီႈ 9/5/2023 ၼၼ်ႉ သိုၵ်းတဢၢင်း TNLA  ယွၼ်းၶဝ်ႈယူႇၼႂ်းႁိူၼ်း  ၵူၼ်းမိူင်းဝၢၼ်ႈၼမ်ႉမႃႉ ၸႄႈဝဵင်းၼမ်ႉၶမ်း ။  ၾၢႆႇၸဝ်ႈႁိူၼ်းသမ်ႉ ဢမ်ႇၽွမ်ႉလႄႈ လႆႈထဵင်မေႃးၵၼ် ထိုင်တီႈၸုမ်းယိပ်းၵွင်ႈၼၼ်ႉ ၶိုၼ်ႈမွင်းၵွင်ႈ လွၵ်ႇငိုတ်ႈၸဝ်ႈႁိူၼ်း  ႁဵတ်းႁႂ်ႈၵူၼ်းမိူင်းတူၵ်းၸႂ်ၵူဝ်ႁႄ မႆႈၸႂ်ၵူဝ်ပဵၼ်ၽေးတေႇသၢႆၸႂ် ၼႆယဝ်ႉ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ -“...

တႄႇဢဝ်လိူၼ် ၾႅပ်ႊပိဝ်ႊရီႊ ပီ 2023 ၼႆႉမႃး သိုၵ်းမၢၼ်ႈၸႂ်ႉၶိူင်ႈမိၼ်လေႃႇတိုၵ်းမႃးၶိူဝ်းယႂ်းလႄႈ ႁဵတ်းႁႂ်ႈၵူၼ်းပၢႆႈၽေးသိုၵ်းၸိူဝ်းယူႇၸွမ်း လႅၼ်လိၼ်တႆး - ယၢင်းလႅင် မိူၼ်ၼင်ႇ ဝဵင်းပၢင်လွင်း ၊ ဝဵင်းၾၢႆၶုၼ် ၸိူဝ်းၼႆႉ ယၢပ်ႇၽိုတ်ႇတီႈယူႇတၼ်းသဝ်း လွင်ႈၶူဝ်းၼုင်ႈ ၸဵမ်လွင်ႈၵိၼ်ယႅမ်ႉ လူဝ်ႇတၢင်းၸွႆႈထႅမ်ၽႂ်းၶၼ် ၼႆယဝ်ႉ။ ၼၢင်းယိင်း ၵူၼ်းပၢႆႈၽေးသိုၵ်း ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ...

ၵူၼ်းပၢႆႈၽေးသိုၵ်း 159 ၵေႃႉ ဢၼ်ပၢႆႈမႃးသွၼ်ႈဝႆႉတီႈဝတ်ႉလူင် မိူင်းၼွင် ၶၢဝ်းတၢင်းၸမ်ၼိုင်ႈလိူၼ်ၼႆႉ ယၢမ်းလဵဝ် ဢွၼ်ၵၼ်ပွၵ်ႈၶိုၼ်းမူတ်းယဝ်ႉ ယွၼ်ႉပဵၼ်ၶၢဝ်းလူင်းၵၢၼ် လူဝ်ႇမိူဝ်းၽုၵ်ႇသွမ်ႈ ။   ပူၼ်ႉမႃး မိူဝ်ႈဝၼ်းတီႈ 8/5/2023 ၼႆႉ ၵူၼ်းပၢႆႈၽေးသိုၵ်း ဝၢၼ်ႈတူင်ႈတင်း ဝၢၼ်ႈၾၢႆႇမွင်ႉ ၼႂ်းဢိူင်ႇဝၢၼ်ႈတူင်ႈ ဢၼ်ပၢႆႈမႃးသွၼ်ႈဝႆႉတီႈဝတ်ႉလူင်မိူင်းၼွင် (မင်ႇၵလႃႇယၢၼ်ႇဢွင်ႇ) တီႈဝဵင်းမိူင်းၼွင် ၸႄႈဝဵင်းၵေးသီး...

ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢွၵ်ႇလိၵ်ႈပိုၼ်ၽၢဝ်ႇၽိုၼ်ၼိုင်ႈ သပ်းလႅင်းလွင်ႈၶလိပ်ႉ ဝီႊတီႊဢူဝ်ႊ ဢၼ်ၵူၼ်းမိူင်းၺႃးမတ်ႉၽႅၼ်တူၼ်ႈမႆႉသေ ၺႃးၾႆးႁုမ်းၵူထဵတ်ႈထၢမ် ဢၼ်ၽႄႈယူႇၼိူဝ်ဢွၼ်ႊလၢႆႊၼၼ်ႉပဵၼ်လွင်ႈတႄႉ၊ ယွၼ်ႉပိူဝ်ႈၾၢႆႇ RCSS ၵမ်းၵမ်း ႁၢင်ႈၵၢင်မၢၵ်ႇသႂ်ႇ လႄႈတီႉၺွပ်းၽူႈထၢင်ႇထိူမ်မႃးၵူတ်ႇထတ်းထဵတ်ႈထၢမ်ဝႃႈၼႆ။ လိၵ်ႈပိုၼ်ၽၢဝ်ႇၼၼ်ႉ  SSPP တႅမ်ႈတၢင်ႇပိုၼ်ၽၢဝ်ႇပဵၼ်တၢင်းၵၢၼ်တီႈၼႃႈ Page – SSPP Info မိူဝ်ႈဝၼ်းတီႈ 10/05/2023  ။ ၼႂ်းလိၵ်ႈပိုၼ်ၽၢဝ်ႇၼၼ်ႉတႅမ်ႈဝႆႉဝႃႈ...

ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး SHRF ၸီႉၸမ်ပိုၼ်ၽၢဝ်ႇႁႂ်ႈသိုၵ်းမၢၼ်ႈ သၢႆႈတႅၼ်းၶိုၼ်းၵူၼ်းမိူင်းၼွင်ၶဵဝ် လႆႈလူႉသုမ်း ၶူဝ်းၶွင်လႄႈသၢႆၸႂ် ယွၼ်ႉပၢင်တိုၵ်း ။ မိူဝ်ႈၼႆႉ ဝၼ်းတီႈ 9/5/2023 ယူႇတီႈ ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး (SHRF) ဢွၵ်ႇၽိုၼ်တၢမ်းငဝ်းလၢႆး လွင်ႈသိုၵ်းမၢၼ်ႈ ၸႂ်ႉၵွင်ႈလူင်၊ ၶိူင်ႈမိၼ်တိုၵ်း ၼႂ်းပၢင်တိုၵ်းတင်း သိုၵ်းတဢၢင်း TNLA...

မီးၵူၼ်း/ ၸုမ်းဢမ်ႇႁူႉၾၢႆႇ ဢၢင်ႈၸိုဝ်ႈပဵၼ်ၸုမ်းယိပ်းၵွင်ႈၵၢင်ႇသေ ဢႅဝ်ႇလွၵ်ႇငိုတ်ႈၵဵပ်းၶွၼ်ႇ ၸွမ်းႁၢၼ်ႉၶၢႆ ၶူဝ်း ၵုၼ်ႇ၊ ၽူႈမၢၵ်ႈမီး (သထေး) ၸိူဝ်းၼႆႉ မႃးၶိူဝ်းယႂ်း တၢင်းမိူင်းတႆး ပွတ်းႁွင်ႇ။ မိူဝ်ႈႁၢင်လိူၼ်ဢေႊပရိူဝ်ႊ 2023 ပူၼ်ႉမႃးၼႆႉ မီးၵူၼ်းဢမ်ႇႁူႉၾၢႆႇ ဢၢင်ႈၸိုဝ်ႈဝႃႈ ပဵၼ်ၸုမ်းယိပ်းၵွင်ႈၵၢင်ႇ/ ၸုမ်းၵႅတ်ႇၶႄ ၵူၼ်းမိူင်း PDF (မိူင်းယၢင်းလႅင် KNDF) ၼႆသေ...

ၵူၼ်းပၢႆႈၽေးသိုၵ်း တီႈမိူင်းၼွင် ဢွၼ်ၵၼ်တုၵ်းယွၼ်း ႁႂ်ႈသိုၵ်းပွတ်းၸၢၼ်း – ပွတ်းႁွင်ႇ ၵိုတ်းတိုၵ်းၵၼ် ၶၼ်ၽႂ်း ယွၼ်ႉ ပဵၼ်ၶၢဝ်းႁဵတ်းၵၢၼ်လႄႈ လူဝ်ႇပွၵ်ႈႁိူၼ်းယေးယဝ်ႉ ဝႃႈၼႆ။ တႄႇဢဝ် ဝၼ်းတီႈ 11/5/2023 ၼၼ်ႉမႃး တေႃႇထိုင်ယၢမ်းလဵဝ် တေမီးၶၢဝ်းတၢင်း 1 လိူၼ်ယဝ်ႉ ၵူၼ်းဝၢၼ်ႈတူင်ႈ၊ ဝၢၼ်ႈ ၾၢႆႇမွင်ႉ ၼႂ်းဢိူင်ႇဝၢၼ်ႈတူင်ႈ...