ပီႈၼွင်ႉတႆးလႅင် ဢၼ်ယူႇတီႈၸႄႈဝဵင်းႁုင်းမၢၵ်ႇလၢင်း တိူင်းၸႄႈၵႅင်း တေၶတ်းၸႂ်ႁဵတ်းပၢႆႉၶဝ်ႈ/ဢွၵ်ႇ ဝၢၼ်ႈ/ဢိူင်ႇ လူၺ်ႈလိၵ်ႈလၢႆးတႆးလႅင် ဢၼ်ပႃးႁၢင်ႈၵွင်တႆး ဢၼ်ပဵၼ်မဵတ်ႇမၢႆတႆး ၼၼ်ႉၵူႈတီႈ ဝႃႈၼႆ။
ၵၢင်လိူၼ်မၢတ်ႉၶျ် ဝၼ်းတီႈ 16 ၼႆႉ ၸုမ်းႁၵ်ႉသႃၾိင်ႈငႄႈလိၵ်ႈလၢႆးတႆးလႅင် ၼႂ်းဢိူင်ႇၼႂ်းဝၢၼ်ႈ ပူၵ်းပၢႆႉၶဝ်ႈဢိူင်ႇၼွင်တေႃးလူၺ်ႈလိၵ်ႈတႆးလႅင်သေ ဢဝ်ႁၢင်ႈၵွင်မႃးသႂ်ႇဝႆႉပႃးထႅင်ႈ၊ တီႈမီးတႆးလႅင်ယူႇသဝ်းၼၼ်ႉ တေၶတ်းၸႂ်ႁဵတ်းပၢႆႉၸိူင်ႉၼႆၵူႈတီႈ ဝႃႈၼႆ။
ၽူႈၶဝ်ႈၸုမ်း ၵေႃလိၵ်ႈလၢႆးလႄႈ ၾိင်ႈငႄႈတႆး တႆးလႅင် ၵေႃ့ၼိုင်ႈလၢတ်ႈဝႆႉတီႈၸုမ်းသိုဝ်ႇၶၢဝ်ႇတႆးလႅင် Shan Ni Waves ဝႃႈ – “ဢမ်ႇၸႂ်ႈတီႈဝၢၼ်ႈၼွင်တေႃး ၼႆ့ၵူၺ်း ၊ တီႈပဵၼ်ဝၢၼ်ႈဢၼ်မီးတႆးလႅင်ယူႇသဝ်းတင်းမူတ်း ႁဝ်းထုၵ်ႇလီပူၵ်းပၢႆ့ ဢၼ်ပႃးလိၵ်ႈတႆးလႅင်တင်းသဵင်ႈ။ မိူၼ်ၼင်ႇတီႈၸႄႈဝဵင်းၽႃၵၢၼ့် ၊ မိူင်းၵွင် ၊ မိူင်းယၢင်း ၊ မိူင်းၸေႊၼႃး ၊ ဝၢၼ်ႈမေႃႇ ၸိူဝ်းၼၼ့်ၵေႃႈ ၼင်ႇႁိုဝ် တေလႆႈပူၵ်းပၢႆ့ မိၵ်ႈမၢႆတႆးၼၼ့် တေႁူမ်ႈၵၼ်တင်းၵေႃလိၵ်ႈလၢႆးလႄႈ ၾိင်ႈငႄႈတႆး ၵူႈတီႈတီႈ ၊ ၽွင်းလူင် ၾၢႆႇၸၢဝ်းၶိူဝ်းတႆးသေ ႁဵတ်းသၢင်ႈၵႂႃႇ ” ဝႃႈၼႆ။
မိူၼ်ၼင်ႇၸေႈတွၼ်ႈ ၵၢတ်ႇသႃ ၊ ႁူင်းမၢၵ်ႇလၢင်း ၊ ၶမ်းတီႈ ၊ ၵၢတ်ႇလိုဝ်း ဢၼ်မီးၼႂ်းတိူင်းၸေႊၵႅင်းလႄႈ ၸေႊတွၼ်ႈ ၸေႈၼႃး၊ ဝၢၼ်ႈမေႃႇ ၼႂ်းၸႄႈမိူင်းၶၢင် ၸိူဝ်းၼႆ့ ပဵၼ်တီႈ ပီႈၼွင့်တႆး လႄႈ ပီႈၼွင့်တႆးလႅင် ယူႇသဝ်း။ တႃႇသုၼ်ႇလႆႈၸၢဝ်းတႆးလႅင်ၼၼ်ႉ ပီႈၼွင့်တႆးလႅင် တုၵ်းယွၼ်း ႁႂ်ႈႁူမ်ႈၵၼ်ႁဵတ်းပဵၼ် ၸႄႈမိူင်းတႆးလႅင် ဢမ်ႇၼၼ် ၸႄႈမိူင်းၸိူဝ့်ၶိူဝ်းတႆး ၸိူဝ်းယူႇပၢႆႁွင်ႇသုတ်း ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ