ၸဝ်ႈၼႃႈတီႈၶႄႇ လူင်းပိုၼ်ႉတီႈ ၸႂ်ႉၵူၼ်းမိူင်းၼႂ်းဝဵင်းၸေႊၵဝ်ႇ ဢၼ်မီးတေႃႇၼႃႈၵၼ် တၢင်းဝဵင်းမူႇၸေႊၼႆႉ ႁႂ်ႈ ၶၢႆႉၵႂႃႇယူႇဝႆႉ တီႈဝဵင်းမိူင်းမၢဝ်း ၸူဝ်ႈၶၢဝ်း။ ဝၼ်းတီႈ 1-2/12/2023 ၶၢဝ်းတၢင်း 2 ဝၼ်းမႃးၼႆႉ ၽူႈမီးပုၼ်ႈၽွၼ်း/ ၸဝ်ႈၼႃႈတီႈၶႄႇ လူင်းပိုၼ်ႉတီႈၸွမ်းၼႂ်းပွၵ်ႉၼႂ်း ယွမ်ႇသေ ႁူပ်ႉထူပ်းၵူၼ်းမိူင်း ၼႂ်းဝဵင်းၸေႊၵဝ်ႇ ႁႂ်ႈၶၢႆႉပၢႆႈၵႂႃႇ ယူႇဝႆႉတီႈဝဵင်းမိူင်းမၢဝ်းၵၼ် ယွၼ်ႉငဝ်းလၢႆး ၸွမ်းလႅၼ်လိၼ် တႆး...

ပၢင်တိုၵ်း 1027 ၸုမ်းဢူၺ်းလီ 3 ၸုမ်းလႄႈ သိုၵ်းမၢၼ်ႈ ၼႂ်းၸိုင်ႈတႆးပွတ်းႁွင်ႇ ပႆႇၵိုတ်းလႆႈယဵၼ်လႆႈႁိုင်မႃးၶၢဝ်းတၢင်းလိူၼ်ပၢႆ၊ သိုၵ်းမၢၼ်ႈၸႂ်ႉၶိူင်ႈမိၼ်ယိုဝ်းၸွႆႈ၊ ၸႂ်ႉၶိူင်ႈၵွင်ႈလူင်ယိုဝ်းသႂ်ႇ ဢမ်ႇဝႄႈဝၢၼ်ႈသူၼ်ႁိူၼ်း ယေးၵူၼ်းဝၢၼ်ႈ ႁဵတ်းႁႂ်ႈၵူၼ်းမိူင်းမၢတ်ႈၸဵပ်းလူႉတၢႆ၊ ႁိူၼ်းယေးဝတ်ႉဝႃးၽႃသိူဝ်ႇ လူႉၵွႆၼမ်။ ဝၼ်းတီႈ 30 လိူၼ်ၼူဝ်ႊဝႅမ်ႊပိူဝ်ႇ ၸွမ်သိုၵ်းၸေႃႇမိၼ်းထုၼ်းၽူႈၶၢၼ်ပၢၵ်ႇၾၢႆႇပွင်ႇၶၢဝ်ႇတပ်ႉသိုၵ်းမၢၼ်ႈ လၢတ်ႈဢွၵ်ႇသိုဝ်ႇ ပဵၼ်တၢင်းၵၢၼ်ဝႃႈ - သင်ဝႃႈသိုၵ်းၸၢဝ်းၶိူဝ်း ယူႇၼႂ်းဝၢၼ်ႈသူၼ်ၵူၼ်းမိူင်းသေယိုဝ်းသိုၵ်းမၢၼ်ႈတိၵ်းတိၵ်းၸိုင် -...

သိုၵ်းတဢၢင်း TNLA ပၼ်ၵူၼ်းမိူင်းၵႅတ်ႈဢၼ်ပၢႆႈၽေးသိုၵ်းဝႆႉ 500 ၼၼ်ႉ ပွၵ်ႈၶိုၼ်းဝၢၼ်ႈ တူၺ်းႁိူၼ်းယေးသူၼ်ၼႃး၊ ႁိူၼ်းယေးဝတ်ႉဝႃးလူႉၵွႆၼမ် ယၢပ်ႇၽိုတ်ႇတႃႇပူၵ်းပွင်ၶိုၼ်း။ ဝၼ်းတီႈ 01/12/2023 ၵူၼ်းဝၢၼ်ႈလူင် လႄႈဝၢၼ်ႈၵၢတ်ႇ 2 ဝၢၼ်ႈၼႂ်းဢိူင်ႇမိူင်းၵႅတ်ႈ ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ဢၼ်ပၢႆႈၽေးသိုၵ်းမႃးမီးတီႈဢိူင်ႇမိူင်းယေႃၼၼ်ႉ ၶိုၼ်းဢွၼ်ၵၼ်ပွၵ်ႈၶိုၼ်းႁိူၼ်းယေး၊ ဝတ်ႉဝႃးၽႃသိူဝ်ႇ ၵၢတ်ႇ လႄႈႁူင်းႁဵၼ်းၸိူဝ်းၼႆႉ လူႉၵွႆလႅဝ်ၽႅဝ်ႉလႄႈၵူၼ်းမိူင်းပဵၼ်ဢၼ်ၸႂ်လဵၵ်ႉၶေႃးၶူမ်။ ၵူၼ်းမိူင်းၵႅတ်ႈၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ -“ ၸင်ႇႁႃထိုင်ၶိုၼ်းတီႈဝၢၼ်ႈၶမ်ႈၼႆႉလႄႈ...

မိူဝ်ႈၼႆႉ ဝၼ်းတီႈ 1/12/2023 ယၢမ်းၵၢင်ၼႂ် 8 မူင်းၶိုင်ႈၼၼ်ႉ သိုၵ်းမၢၼ်ႈၸႂ်ႉၶိူင်ႈမိၼ်မႃးပွႆႇမၢၵ်ႇသႂ်ႇလၢႆၵမ်း ၼႂ်းပွၵ်ႉၼႂ်းဝၢၼ်ႈ တီႈၸႄႈဝဵင်းၼမ်ႉၶမ်း ႁိူၼ်းယေးလူႉၵွႆၼမ် ၵူၼ်းမၢတ်ႇၸဵပ်း ဢမ်ႇယွမ်း 3 ၵေႃႉ ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ သိုၵ်းမၢၼ်ႈ ဢဝ်ႁိူဝ်းမိၼ် တေႃႉသူင်ႇၶဝ်ႈၼမ်ႉတၢင်းၵိၼ်ၶူဝ်းၶွင် (ထောက်ပို့) ၶဝ်မႃး...

ဝၼ်းတီႈ 30/11/2023 ယၢမ်း 11 မူင်းၵၢင်ဝၼ်း ဢမ်ႇမီးပၢင်တိုၵ်းသင်သေ သိုၵ်းမၢၼ်ႈလၢမ်းလိမ်းယိုဝ်းၵွင်ႈလူင် ၵႂႃႇလၢႆႁူးလၢႆတၢင်းလႄႈ မၢၵ်ႇလူင်တူၵ်းသႂ်ႇ ၼႂ်းသူၼ်ၶဝ်ႈၵၢပ်ႇ တီႈဝၢၼ်ႈႁူဝ်ၼႃး ထုင်ႉၼမ်ႉပွင်ႈ ၸႄႈဝဵင်းလႃႈသဵဝ်ႈ၊ ၸၢၵ်ႇမၢၵ်ႇတိူဝ်ႉသႂ်ႇ ၼၢင်းယိင်းၵေႃႉၼိုင်ႈ လူႉတၢႆထင်တီႈ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၶမ်ႈဝႃး ၶဝ်ငိၼ်းၶၢဝ်ႇဝႃႈ သိုၵ်းၵဝ်ႈၵၢင်ႉမႃးမီးတၢင်းဝၢၼ်ႈ တၢၼ်ႇလုၼ်ႇ...

မၢၵ်ႇလူင် သိုၵ်းမၢၼ်ႈ တူၵ်းသႂ်ႇၵူၼ်းပၢႆႈၽေးသိုၵ်း တီႈဝဵင်းလၢဝ်ႇၵၢႆး တၢႆထင်တီႈ 3 မၢတ်ႇၸဵပ်းၸွမ်း ထႅင်ႈလၢႆၵေႃႉ။ ပူၼ်ႉမႃး မိူဝ်ႈဝၼ်းတီႈ 27/11/2023 ယၢမ်းဝၢႆးဝၼ်းမွၵ်ႈ 2:45 မူင်း သိုၵ်းမၢၼ်ႈ ယိုတ်းမိူင်း ယိုဝ်းမၢၵ်ႇလူင်သႂ်ႇ သိုၵ်းၵဝ်ႈ ၵၢင်ႉ MNDAA တၢင်းၶဝ်ႈဢွၵ်ႇဝဵင်းလၢဝ်ႇၵၢႆး ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇသေ...

သိုၵ်းမၢၼ်ႈ ၸႂ်ႉၵူၼ်းဝၢၼ်ႈတူင်ႉၶၢၼ်ႊၼိူဝ် ၶၢႆႉပၢႆႈ ယူႇတီႈ ၵူၼ်းဝၢၼ်ႈ ဢမ်ႇၶၢႆႉသေ ထုၵ်ႇသိုၵ်းမၢၼ်ႈ ဢဝ်ၵွင်ႈငႃ ၸူၼ်ဢဝ် ပေႇႁူလႄႈ ရူတ်ႉၶိူင်ႈၵူၼ်းမိူင်းၵႂႃႇ 3 လမ်း။ ဝၼ်းတီႈ 29/11/2023 ယၢမ်းဝၢႆးဝၼ်း 4 မူင်းၶိုင်ႈ သိုၵ်းမၢၼ်ႈ ယိုတ်းမိူင်း ၸႂ်ႉၵူၼ်းဝၢၼ်ႈတူင်ႉၶၢၼ်ႊၼိူဝ် ၸႄႈဝဵင်းမူႇ ၸႄႊ ၸိုင်ႈတႆးပွတ်းႁွင်ႇ ၶၢႆႉဢွၵ်ႇဝၢၼ်ႈသေ...

ၽွင်းသဵင်ၵွင်ႈယဵၼ် 9 မိုဝ်ႉ 10 ဝၼ်းမႃးၼႆႉ သိုၵ်းၵဝ်ႈၵၢင်ႉ MNDAA ၸႂ်ႉၵူၼ်းမိူင်းၽၵ်ၵႃႇ ႁုင်မိုဝ်ႉပၼ်ၶဝ်ႈၼမ်ႉတၢင်းၵိၼ်တႃႇ လုၵ်ႈသိုၵ်းၶဝ် ၼိုင်ႈတႃႇလႂ် သဵင်ႈၶဝ်ႈသၢၼ်ထူင်လူင် 5 ထူင် ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၶၢဝ်းသဵင်ၵွင်ႈယဵၼ်ၼႆႉ တီႈပၢင်ႇသၢႆးၼႆႉ သိုၵ်းၵဝ်ႈၵၢင်ႉၶဝ် ႁွင်ႉပေႃႈမႄႈၵူၼ်းမိူင်းၼႂ်းပွၵ်ႉ ၸိူဝ်းၵိုတ်းဝႆႉတၢင်းႁိူၼ်းယေး။ႁႂ်ႈၵႂႃႇတူမ်ႈႁုင်ၶဝ်ႈၽၵ်းယဝ်ႉၵေႃႈ သႂ်ႇၼႂ်းဢႅပ်ႇပၼ်ၶဝ်ဢေႃႈ။...

တႄႇဢဝ် မိူဝ်ႈၼႆႉ ဝၼ်းတီႈ 30/11/2023 ယၢမ်းၵၢင်ၶမ်ႈ 6 မူင်း တေႃႇထိုင် 6 မူင်းၵၢင်ၼႂ် သိုၵ်းမၢၼ်ႈ ယိုတ်းမိူင်း ဢွၵ်ႇပၵ်းပိူင်မႃႇသျႄႊလေႃႊ ႁၢမ်ႈၵူၼ်းမိူင်း ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ဢွၵ်ႇၼွၵ်ႈႁိူၼ်းယေး ယၢမ်းၵၢင်ၶမ်ႈ/ ၵၢင်ၶိုၼ်း ၼႆယဝ်ႉ။ ၵူၼ်းပိုၼ်ႉတီႈ ဝဵင်းၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ...

မိူဝ်ႈၼႆႉ ဝၼ်းတီႈ 29/11/2023 ယၢမ်းၵၢင်ၼႂ် 10 မူင်းၶိုင်ႈ သိုၵ်းတဢၢင်း TNLA ပိၵ်ႉဢိုတ်းသဵၼ်ႈတၢင်း မူႇၸေႊ - ၼမ်ႉၶမ်းထႅင်ႈ တီႈပွၵ်ႉမၢၼ်ႈၶမ်း ၸႄႈဝဵင်းၼမ်ႉၶမ်း တီႈၼိုင်ႈလႄႈ တီႈႁိမ်းဢိူင်ႇၸေႊလၢၼ်ႉ ၸႄႈဝဵင်းမူႇၸေႊ တီႈၼိုင်ႈ တင်းမူတ်းပိၵ်ႉဢိုတ်း သွင်ဢွင်ႈတီႈၼႆႉ ဝႃႈၼႆ။ ၵူၼ်းပိုၼ်ႉတီႈ ဝဵင်းၼမ်ႉၶမ်း လၢတ်ႈတီႈၽူႈတွႆႇႁွၵ်ႈဝႃႈ...

ၵဝ်ႉငဝ်ႈ သုၼ်ႇလႆႈၵူၼ်းၸိုင်ႈတႆး သၢၼ်ၶတ်း လွင်ႈၶွမ်ႊပၼီႊ တႄႇၶုတ်းထၢၼ်ႇႁိၼ်ထၢင်မႂ်ႇ တီႈဢိူင်ႇၼမ်ႉမ ၸႄႈဝဵင်း သီႇပေႃႉ ယွၼ်ႉတုမ်ႉတိူဝ်ႉ သူၼ်ႁႆႈၼႃးၵူၼ်းမိူင်းၼပ်ႉႁူဝ်ပၢၵ်ႇဢေႊၶိူဝ်ႊ။ ဝၼ်းတီႈ 28/11/2023 ယူႇတီႈ ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး SHRF ဢွၵ်ႇၽိုၼ်တၢမ်းငဝ်းလၢႆး လွင်ႈငူၺ်ႇယီႇပ လႄး တႄႇၶုတ်းထၢၼ်ႇႁိၼ်ထၢင်မႂ်ႇ တီႈႁူဝ်ၼႃးၾႃႉ ဢိူင်ႇၼမ်ႉမ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၽွင်းပၢင်တိုၵ်းယႂ်ႇလူင်...

သိုၵ်းမၢၼ်ႈလၢမ်းလိမ်းယိုဝ်းၵွင်ႈလူင်သႂ်ႇၼႂ်းဢိူင်ႇၼႂ်းဝၢၼ်ႈလႄႈ ၵူၼ်းမိူင်းၼွင်ၶဵဝ် လူႉတၢႆ 2 မၢတ်ႇၸဵပ်း 1။ မိူဝ်ႈဝၼ်းတီႈ 26/11/2023 ယၢမ်းၵၢင်ဝၼ်း 11 မွင်းၼၼ်ႉ သိုၵ်းမၢၼ်ႈလၢမ်းလိမ်းယိုဝ်းၵွင်ႈၵႂႃႇ ၵူႈႁူးၵူႈတၢင်းလႄႈ မၢၵ်ႇလူင်တူၵ်းသႂ်ႇ ဝၢၼ်ႈသၢမ်သႄႇ ၵူၼ်းမိူင်း တၢႆ 2  မၢတ်ႇၸဵပ်း 1။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ မၢၵ်ႇမႃးတူၵ်းသႂ်ႇ တၢႆ 2...

ၶၢဝ်းတၢင်း ၸုမ်းသိုၵ်းဢူၺ်းလီပွတ်းႁွင်ႇလႄႈ သိုၵ်းမၢၼ်ႈ ပိုတ်းယိုဝ်းၵၼ်ႁၢဝ်ႈႁႅင်းၼႆႉ ၵူၼ်းၸိူဝ်းဢဝ်တိုဝ်ႉတၢင်းလီသေ ပႂ်ႉလွၵ်ႈငိုတ်ႈယွၼ်းငိုၼ်းၵူၼ်းမိူင်းၵေႃႈ မီးမႃးၶိူဝ်းယႂ်း။ မိူဝ်ႈဝၼ်းတီႈ 28/11/2023 ယၢမ်းၶမ်ႈ 6 မူင်းၶိုင်ႈၼၼ်ႉ မီးၸုမ်းဢမ်ႇႁူႉၾၢႆႇ ၶဝ်ႈတီႉၺွပ်းၵူၼ်းမိူင်းမူႇၸေႊထိုင်ၼႂ်းႁိူၼ်းၼႂ်းယေး တီႉၺွပ်းၵႂႃႇပဵၼ်တူဝ်ယိူဝ်ႇ လႆႈႁူႉၼင်ႇၼႆ။ ၵူၼ်းပိုၼ်ႉတီႈၵေႃႉၼိုင်ႈလၢတ်ႈတီႈ ၽူႈတွႆႇႁွၵ်ႈဝႃႈ - “ ၸႂ်ႈဢေႃႈ ၶဝ်မႃးတီႉၺွပ်းၵူၼ်းၵႃႉ ၶဝ်ႈသၢၼ် တီႈလူင်းၵွင်း 45 ၼႂ်းပွၵ်ႉၼိူဝ်ၼၼ်ႉၼႆဢေႃႈ။ၼုမ်ႇၸၢႆးၵေႃႉၼိုင်ႈၵႂႃႇၼႆဢေႃႈ။...

ၸွမ်းၼင်ႇ ၽႅၼ်ၵၢၼ် 1027 ၸုမ်းဢူၺ်းလီ ပွတ်းႁွင်ႇ 3 ၸုမ်းႁူမ်ႈၵၼ် လေႃႇတိုၵ်း တပ်ႉသိုၵ်းမၢၼ်ႈ မႃးႁၢဝ်ႈႁႅင်း ၼႂ်း ၸိုင်ႈတႆးပွတ်းႁွင်ႇသေ ႁဵတ်းႁႂ်ႈၵူၼ်းမိူင်း ဢွၼ်ၵၼ်ပၢႆႈၽေးသိုၵ်းႁွတ်ႈထိုင်တၢင်းထုင်ႉမၢဝ်း ဢမ်ႇယွမ်း 6,100 ၵေႃႉ။ ဝၼ်းတီႈ 27/11/2023 ၸွမ်းၼင်ႇ သဵၼ်ႈမၢႆ ႁူဝ်ၵူၼ်းပၢႆႈၽေးသိုၵ်း ၵမ်းလိုၼ်းသုတ်း ဢၼ်ယူႇတီႈ ၵေႃႇမတီႇ...

ပၢင်တိုၵ်း တီႈဝဵင်းမူႇၸေႊ မၢၵ်ႇလူင် တူၵ်းသႂ်ႇႁိူၼ်းယေးလင်ၼိုင်ႈ တိူဝ်ႉသႂ်ႇၵူၼ်းမိူင်း လူႉတၢႆထင်တီႈ 1 ၵေႃႉ မၢတ်ႇၸဵပ်း 1 ၵေႃႉ။ မိူဝ်ႈဝႃး ဝၼ်းတီႈ 28/11/2023 ယၢမ်းဝၢႆးဝၼ်း 2 မူင်းၶိုင်ႈ သိုၵ်းမၢၼ်ႈ ယိုတ်းမိူင်း ၸႂ်ႉၶိူင်ႈမိၼ် မႃးပွႆႇမၢၵ်ႇတၢင်း 105 လၵ်းသေ မၢၵ်ႇလူင် တူၵ်းသႂ်ႇႁိူၼ်းယေး...