ၸဝ်ႈၼႃႈတီႈ ထႆး-မၢၼ်ႈ သွင်ၾင်ႇၸိုင်ႈမိူင်းတေဢုပ်ႇၵၼ်တႃႇၸၢင်ႈပိုတ်ႇ ၶူဝ်လႅၼ်လိၼ်တႆး - ထႆး (တႃႈၶီႈလဵၵ်း-မႄႈသၢႆ) ဢၼ် ပိၵ်ႉဢိုတ်းမႃး တဵမ် 3 လိူၼ် ။ ဝၼ်းတီႈ 23/6/2020 ၶွပ်ႈတဵမ် 3 လိူၼ် ၶူဝ်လႅၼ်လိၼ်တႆး - ထႆး (တႃႈၶီႈလဵၵ်း-မႄႈသၢႆ) ပိၵ်ႉဢိုတ်းမႃး။ ယူႇတီႈလူင်ပွင်ၸိုင်ႈမိူင်းထႆး ၸီႉသင်ႇပိၵ်ႉဢိုတ်ႇမႃး...

ၵူၼ်းမိူင်းတႆးၼႆႉ မၢင်ပွၵ်ႈမၢင်လႂ်မိူၼ် မၢၵ်ႇမူႉၵႄႈႁိပ်ႇ၊ ၶေႃးၵႆႇတႃႈၼိူဝ်ၶဵင်ၽၵ်ႉၼိူဝ်ႉ။ ပေႃးၽူႈမီးဢႃႇၼႃႇၶဝ် ပူင်သင်ႇမႃး ၵႃႈလႆႈႁဵတ်းၸွမ်း၊ ဢေႃႈၸဝ်ႈဢေႃႈၶႃႈ၊ ဢမ်ႇၸၢင်ႈတွပ်ႇၸၢင်ႈထဵင်၊ ဢမ်ႇၽွင်းလိူဝ်လႆႈ၊ ပဵၼ်လၢႆး ၼမ်ႉဢမ်ႇလိူဝ်ၾၢႆ ၵႂၢႆးဢမ်ႇလိူဝ်ဢႅၵ်ႇ။ ပေႃးပဵၼ်ၽူႈယႂ်ႇၵူၼ်းလူင် မိူၼ်ၼင်ႇၽူႈၵွၼ်းဝၢၼ်ႈ (ပူႉၵၢင်ႉပူႇၵႄႇ)၊ ၽူႈၵွၼ်းဢိူင်ႇ (ပူႇႁဵင်) ၊ ၽူႈမၢႆဢိူင်ႇလႂ်ၸိူဝ်းၼႆႉ ႁၢပ်ႇၵိုတ်ႉၵၢၼ်ၼႃႈဝၢၼ်ႈတႃသူၼ်၊ ၼႃႈဝၢၼ်ႈတႃဢိူင်ႇၸိူဝ်းၼႆႉ ဢမ်ႇၸႂ်ႈငၢႆႈငႅမ်ႈ၊ လႆႈႁိူဝ်ႉလႆႈယၢပ်ႇ၊ ႁူဝ်ၶႆႈႁူဝ်မဝ်း၊...

လႅၼ်းယႃႈၵူႈသႅၼ်းသႅၼ်း တႄႇၸဵမ်သႅၼ်းၶိုၵ်ႉၶႅမ်ႉ ပၢၼ်ၵၢင် တင်ႈတႄႇလႅၼ်းယႃႈၶၢဝ် တေႃႇပေႃးထိုင်လႅၼ်းယႃႈ တွင်မၼ် တွင်ၶွၵ်း ႁေႃႇယႃႈၶၼ်းၸိူဝ်းၼႆႉ ပေႃးတေသူႇၵၼ်ၸိုင် တေလႆႈၸႂ်ႉၾႆး တေလႆႈၸပ်းၾႆး။ ပေႃးၸပ်းၾႆးသူႇၵၼ်ၵေႃႈ မၼ်းမီးႁႅင်းမႆႈ မီးဢၢႆၵႂၼ်းမႆႈမႃး။ ၵွပ်ႈပိူဝ်ႈၼၼ် ၽွင်းရေႃးၵႃႇတၢင်းပဵၼ်ၸိူဝ်ႉမႅင်းၶူဝ်ႊဝိတ်ႉ 19 လၢမ်းၽႄႈမႃးယူႇၼႆႉ လိူဝ်သေ ဢွၵ်ႉလဝ်ႈၵိၼ်လဝ်ႈယဝ်ႉ ၵမ်ႈၽွင်ႈယင်းဝႃႈ ပေႃးသူႇလႅၼ်းယႃႈၼႆ ၸွႆႈႁႄႉတပ်ႉၵႅတ်ႇၵင်ႈလႆႈ ၸွႆႈယူတ်းယႃလႆႈတၢင်းပဵၼ်ၵႃႇလၶူဝ်ႊဝိတ်ႉဢိူဝ်ႈ၊ ၸိူဝ်ႉမႅင်းတၢင်းပဵၼ်ဢၼ်ၼႆႉ...

SSRC ၶွမ်ႊမတီႊၵူၼ်းပၢႆႈၽေးသိုၵ်းသိုဝ် လူင်းပိုၼ်ႉတီႈ ၸွႆႈထႅမ်ၵူၼ်းပၢႆႈၽေး ၸွမ်းလႅၼ်လိၼ်တႆး - ထႆး ၸိူဝ်းႁူပ်ႉတၢင်းယၢပ်ႇၽိုတ်ႇ ယွၼ်ႉတၢင်းပဵၼ်ၶူဝ်ႊဝိတ်ႉ - 19 လၢမ်းၽႄႈ ၼႆႉ ဝႃႈၼႆ။ ဝၼ်းတီႈ 17/6/2020 ယူႇတီႈၶွမ်ႊမတီႊၵူၼ်းပၢႆႈၽေးလႅၼ်လိၼ်တႆး - ထႆး SSRC – Shan State Refugee Committee...

ၵူၼ်းမိူင်း 400 ပၢႆ လၢႆၸႄႈဝဵင်း ၼႂ်းၸိုင်ႈတႆးပွတ်းၸၢၼ်း ထုၵ်ႇဢဝ်ၼမ်ႉမုၵ်ႈ ၼမ်ႉလၢႆး ၵူတ်ႇထတ်းၸိူဝ်ႉမႅင်းၶူဝ်ႊဝိတ်ႉ 19 ဝႆႉတီႈတႃႈၵုင်ႈ။ ဝၼ်းတီႈ 18/6/2020 ယၢမ်းႁူဝ်ၶမ်ႈ ယူႇတီႈၾၢႆႇမေႃယႃ လႆႈၵဵပ်းဢဝ်ၼမ်ႉမုၵ်ႈၼမ်ႉလၢႆး ၸိူဝ်းၶဝ်ဢၼ်ၵုမ်းတူဝ်ဝႆႉ တင်းမူတ်း 470 ပၢႆ သူင်ႇၵူတ်ႇထတ်းၸိူဝ်ႉမႅင်းၶူဝ်ႊဝိတ်ႉ 19 ဝႆႉတီႈႁွင်ႈၵၢၼ်ပၢႆးယူႇလီ တီႈတႃႈၵုင်ႈ ၼႆယဝ်ႉ။ ၻွၵ်ႊတိူဝ်ႊၼိၼ်းဢိၽိဝ်ႇ ၵႅမ်ၽူႈၸီႉသင်ႇ...

ၾၢႆႇပၢႆးယူႇလီ RCSS လူင်းပိုၼ်ႉတီႈ ထတ်းထွင် ႁႄႉၵင်ႈ ၵုမ်ႈၵမ် တၢင်းပဵၼ် ၶူဝ်ႊဝိတ်ႉ 19 ၼႂ်းၵိင်ႇၸႄႈဝဵင်း ၵဵင်းတွင်းၼၼ်ႉ ၺႃးတပ်ႉပလိၵ်ႈမၢၼ်ႈ ပႃးလုင်းႁဵင် ႁႄႉႁၢမ်ႈ ၼိူဝ်သဵၼ်ႈတၢင်း ၼႂ်းၵႄႈ မိူင်းၼၢႆး - ၵဵင်းတွင်း ဝႃႈၼႆ။ မိူဝ်ႈၼႆႉ ဝၼ်းတီႈ 18/6/2020 ယၢမ်းၵၢင်ၼႂ် 9...

ၵူၼ်းမိူင်းပိုၼ်ႉတီႈ ၸိူဝ်းယူႇၸွမ်းလႅၼ်လိၼ် တႆး - ထႆး (မႄႈသၢႆ - တႃႈၶီႈလဵၵ်း) ႁူပ်ႉတၢင်းယၢပ်ႇၵၢၼ်ၵႃႉၶၢႆ၊ ၵၢၼ်ၵႂႃႇမႃး ႁႃၵိၼ်လဵင်ႉတွင်ႉၸိူဝ်းၼႆႉ ႁူပ်ႉတၢင်းယၢပ်ႇ လၢႆၸိူဝ်းလၢႆလွင်ႈလႄႈ မုင်ႈမွင်း လူင်ပွင်ႈၸိုင်ႈ ထႆး/မၢၼ်ႈ ၸဵဝ်းပိုတ်ႇ ၽၵ်းတူလႅၼ်လိၼ်ၶိုၼ်း။ ၽၵ်းတူ/ ၶူဝ်လႅၼ်လိၼ်တႆး - ထႆး (မႄႈသၢႆ - တႃႈၶီႈလဵၵ်း)...

ဢွင်ႈတီႈဝႆႉၶိူင်ႈၸၢၵ်ႈ တႃႇၵူတ်းထတ်းတၢင်းပဵၼ် တီႈႁူင်းယႃလူင် ၸဝ်ႈၸၢမ်ႇထုၼ်း ဝဵင်းလူင်တူၼ်ႈတီးၼၼ်ႉ တေယဝ်ႉတူဝ်ႈ ႁၢင်လိူၼ်ၼႆႉ ဝႃႈၼႆ။ တေႃႈလဵဝ် ဢွင်ႈတီႈတႃႇတေဝႆႉၶိူင်ႈၸၢၵ်ႈ ၵူတ်ႇထတ်းတၢင်းပဵၼ်ၼႆႉ တိုၵ်ႉၵေႃႇသၢင်ႈႁဵတ်းယဝ်ႉၵႂႃႇ မွၵ်ႈ 50 % ၊ လိူၼ်ၵျုၼ်ႊ 2020 ၼႆႉသဵင်ႈ တေဢၢၼ်းႁဵတ်းႁႂ်ႈယဝ်ႉမူတ်း။ လိူဝ်သေၼၼ်ႉ ၶိူင်ႈၸၢၵ်ႈၵမ်ႈၽွင်ႈ ႁွတ်ႈၽႅဝ်ဝႆႉတီႈ ႁူင်းယႃၸဝ်ႈၸၢမ်ႇထုၼ်း ယဝ်ႉ...

ယူင်ႉၵၢၼ်ႁူမ်ႈမဵတ်ႉတႃႇ ဢၼ်သင်ၶၸဝ်ႈ ဢွၼ်ႁူဝ်ၼမ်းၼႃး လူင်းပိုၼ်ႉတီႈၸွႆႈထႅမ် ၶဝ်ႈၼမ်ႉတၢင်းၵိၼ် ပၼ်ပီႈၼွင်ႉၵူၼ်းမိူင်း ၼႂ်းၸႄႈဝဵင်းမႄႈႁွင်ႈသွၼ် လၢႆလၢႆတီႈ ႁူမ်ႈမွၵ်ႈ 66 လင်ႁိူၼ်း။ မိူဝ်ႈဝၼ်းတီႈ 15/06/2020 တၢင်တူဝ်ယူင်ႉၵၢၼ်ႁူမ်ႈမဵတ်ႉတႃႇသေ ၸဝ်ႈၶူးမိလိၼ်ႇတ ၸဝ်ႈၵွၼ်းဝတ်ႉပႃႇလၢၼ်း ႁူၺ်ႈလူၺ်ႈသင်ႇၶၸဝ်ႈလၢႆလၢႆတူၼ် လူင်းၸွႆႈထႅမ် ၶဝ်ႈၼမ်ႉတၢင်းၵိၼ် တီႈပီႈၼွင်ႉတႆး ဢိၵ်ႇပီႈၼွင်ႉယၢင်း တီႈဝၢၼ်ႈပႃႇလၢၼ်း ဢိူင်ႇႁူၺ်ႈပူင်ႇ ၸႄႈဝဵင်းမႄႈႁွင်ႈသွၼ် တႃႇ...

ၵူၼ်းတိတ်းၸပ်းၸိူဝ်ႉမႅင်း ၶူဝ်ႊဝိတ်ႉ - 19 တီႈၵဵင်းတုင် ၵေႃႉထူၼ်ႈ 64 ၼၼ်ႉ ႁၢႆၶႅၼ်းလီငၢမ်းယဝ်ႉသေ လႆႈၶႂၢင်ႉလူင်းႁူင်းယႃယဝ်ႉ။ ဝၼ်းတီႈ 14/6/2020 ယၢမ်းၵၢင်ၼႂ် မွၵ်ႈ 10 မူင်းၼႆႉ ၵူၼ်းတိတ်းၸပ်းၸိူဝ်ႉမႅင်း ၶူဝ်ႊဝိတ်ႉ - 19 ၵေႃႉထူၼ်ႈ 64 ဢၼ်ယူတ်းယႃတူဝ်ဝႆႉတီႈႁူင်းယႃလူင် ၵဵင်းတုင် ၸိုင်ႈတႆးပွတ်းဢွၵ်ႇၶူင်းၼၼ်ႉ...

တၢင်းပဵၼ်ၸိူဝ်ႉမႅင်းၶူဝ်ႊဝိတ်ႉ 19 လၢမ်းၽႄႈထႅင်ႈၵမ်းၼိုင်ႈ ၼႂ်းၸိုင်ႈမိူင်းၶႄႇ၊ ၼႂ်းဝၼ်းလဵဝ်ၵူၺ်း ၵူတ်ႇထတ်းထူပ်းႁၼ် ၵူၼ်းပဵၼ် 57 ၵေႃႉ၊ လႆႈဝႃႈၼမ်သုတ်းၼႂ်းႁွပ်ႈသွင်လိူၼ်။ မိူဝ်ႈဝၼ်းတီႈ 14/06/2020 ၸုမ်းသိုဝ်ႇၶၢဝ်ႇ CGTN ႁၢႆးငၢၼ်းဝႃႈ- ၸဝ်ႈၼႃႈတီႈပၢႆးယူႇလီ  မိူင်းၶႄႇ ပိုတ်ႇလၢတ်ႈဝႃႈ- မိူဝ်ႈဝၼ်းသဝ် လိူၼ်ၵျုၼ်ႊ 13 ဝၼ်း ပူၼ်ႉမႃးၼၼ်ႉ ၼႂ်းၸိုင်ႈမိူင်းၶႄႇ ၵူတ်ႇထတ်းထူပ်းႁၼ်...

လူင်ပွင်ၸိုင်ႈ ပိုၼ်ၽၢဝ်ႇယိုတ်ႈၶၢဝ်းယၢမ်း ၵုမ်းၵမ်ၵႅတ်ႇၵင်ႈတၢင်းပဵၼ်ၶူဝ်ႊဝိတ်ႉ 19 ထိုင်လိူၼ်ၵျုၼ်ႊၼႆႉသဵင်ႈ ၊ ၼင်ႇႁိုဝ် တၢင်းပဵၼ် ပေႃးတေဢမ်ႇလၢမ်ႈၽႄႈ ႁၢဝ်ႈႁႅင်းဝႃႈၼႆ။ လိၵ်ႈပိုၼ်ၽၢဝ်ႇ ယိုတ်ႈၶၢဝ်းယၢမ်း ထိုင်လိူၼ်ၵျုၼ်ႊသဵင်ႈဝၼ်းတီႈ 12/6/2020 ယူႇတီႈငဝ်ႈငုၼ်း ၶွမ်ႊမတီႊၸၼ်ႉၸိူဝ်ႉၸၢတ်ႈ ၾၢႆႇၵုမ်းၵမ်ႁႄႉၵင်ႈတၢင်းပဵၼ်ၶူဝ်ႊဝိတ်ႉ - 19 ဢွၵ်ႇလိၵ်ႈပိုၼ်ၽၢဝ်ႇ ပၼ်ၾၢင်ႉထိုင်ၵူၼ်းမိူင်း၊ ပိူဝ်ႈတႃႇၵုမ်းၵမ်ႁႄႉၵင်ႈတၢင်းပဵၼ်ၶူဝ်ႊဝိတ်ႉ ပေႃးတေဢမ်ႇသိုပ်ႇ လၢမ်းၽႄႈႁၢဝ်ႈႁႅင်းၼၼ်ႉ တေယိုတ်ႈၶၢဝ်းယၢမ်းတေႃႇထိုင်...

ၽၵ်းတူ/ ၶူဝ်လႅၼ်လိၼ်တႆး - ထႆး (တႃႈၶီႈလဵၵ်း - မႄႈသၢႆ) ပိၵ်ႉဢိုတ်းမႃး ၸမ်တေတဵမ် 3 လိူၼ်ယဝ်ႉ ပႆႇပိုတ်ႇၶိုၼ်း၊ ၵူၼ်းမိူင်း ၸိူဝ်းယူႇၸွမ်းလႅၼ်လိၼ် ဢိၵ်ႇတၢင်းမိူင်းတႆး မုင်းမွင်းပႂ်ႉ ႁႂ်ႈၸဵဝ်းပိုတ်ႇၶူဝ်ဝႆးဝႆး ဝႃႈၼႆ။ ၶူဝ်လႅၼ်လိၼ်တႆး - ထႆး (တႃႈၶီႈလဵၵ်း - မႄႈသၢႆ) ၸႄႈဝဵင်းတႃႈၶီႈလဵၵ်း...

ၵၢၼ်ၽႄႈလၢမ်း ၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ-19 ၼႆႉ ႁဵတ်းႁႂ်ႈပီႈၼွင်ႉၵူၼ်းမိူင်း ၸၢဝ်းလူၵ်ႈ တူၵ်းၸႂ်လႂ်တိုၼ်ႇၽိုၼ်ႉသၢၼ်ႈ ယုပ်းၽၢၼ်ႈယၢၼ်ႈၵူဝ်ႁႄၵၼ်။ ပေႃးဝႃႈၶၢဝ်ႇလွင်ႈတၢင်းပဵၼ်ၼႆႉ ၸိုဝ်ႈယႂ်ႇလိုဝ်းလင်မႃးယဝ်ႉၵေႃႈ မီးၵူၼ်းတူၵ်ႇတၵ်ႉလၢမ်းၶၢတ်ႈၵၼ်ဝႃႈ ပေႃးၵိၼ်ၸိူင်ႉၼၼ်ၸိူင်ႉၼႆ ၸွႆႈယူတ်းယႃတၢင်းပဵၼ်ႁၢႆလႆႈ ဢမ်ႇၼၼ် ၵႅတ်ႇၵင်ႈတၢင်းပဵၼ်လႆႈ - ဝႃႈၼႆၵၼ်။ မိူဝ်ႈၽွင်းႁူဝ်လိူၼ်မၢတ်ႊၶျ် 2020 ရေႃးၵႃႇတၢင်းပဵၼ် COVID-19 တႄႇလိုဝ်းလင်မႃးၼၼ်ႉ လႆႈႁၼ်တူင်ႇဝူင်းတႆးၵမ်ႈၽွင်ႈ ဢွၼ်ၵၼ်ၵိၼ်လဝ်ႈ၊ လၢတ်ႈဝႃႈ ပေႃးၵိၼ်လဝ်ႈ...

ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ - 19 တီႈသီႇသႅင်ႇ ၼၼ်ႉယၢမ်းလဵဝ် ယူတ်းယႃတူဝ်ဝႆႉတီႈ ႁူင်းယႃၸဝ်ႈၸၢမ်ႇထုၼ်းတူၼ်ႈတီး၊ ဢွင်ႈတီႈဢၼ်မၼ်းၸၢႆးလႆႈတူင်ႉၼိုင် ၵႂႃႇမႃး ၼႂ်းပိုၼ်ႉတီႈၸိူဝ်းၼၼ်ႉ ၸဝ်ႈၼႃႈတီႈဢိုတ်းဝႆႉ တႃႇၶၢဝ်းတၢင်း 14 ဝၼ်း။ ၵူၼ်းပဵၼ်ၵေႃႉထူၼ်ႈ 245 ၼႆႉ မၼ်းၸၢႆးၵႂႃႇႁဵတ်းၵၢၼ် သဵၼ်ႈတၢင်း (လမ်းလုပ်သား) တၢင်းဝဵင်းမျိတ်ႉၵျီးၼႃး ၸႄႈမိူင်းၶၢင်သေ ပွၵ်ႈမႃးၶိုၼ်းသၢႆးၶၢဝ် ၸႄႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း...