Friday, March 29, 2024

ၵူၼ်းမိူင်းတႆးပွတ်းၸၢၼ်း ဢၼ်မီးၾၢင်ႁၢင်ႈမိူၼ်ၶူဝ်ႊဝိတ်ႉ 19 ဝႆႉမီး 7 ၵေႃႉ

Must read

ၼႂ်းၸိုင်ႈတႆးပွတ်းၸၢၼ်း ၵူၼ်းမိူင်းဢၼ်မီးၾၢင်ႁၢင်ႈမိူၼ်တၢင်းပဵၼ်ၶူဝ်ႊဝိတ်ႉ 19 သေ ၵူတ်ႇထတ်းတၢင်းပဵၼ် ပႂ်ႉတူၺ်းဝႆႉယၢမ်းလဵဝ် မီး 7 ၵေႃႉ။

Photo by – Taunggyi/ ပၢႆႉၶဝ်ႈဢွၵ်ႇဝဵင်းတူၼ်ႈတီး

ပဵၼ်ၵူၼ်းႁူဝ်ပူင်း၊ ႁၢႆးဝူဝ်း၊ လွႆလႅမ်၊ ၵၢတ်ႇလေႃႉလႄႈ ၵုၼ်ႁဵင် ၸိူဝ်းၼႆႉ။ ယၢမ်းလဵဝ် ၸိူဝ်းၶဝ်ထုၵ်ႇ သူင်ႇတူဝ်ဝႆႉ တီႈႁူင်းယႃလူင် ၸဝ်ႈၸၢမ်ႇထုၼ်း ၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ၼႆယဝ်ႉ။

- Subscription -

ၻွၵ်ႊတိူဝ်ႊၼိၼ်းဢိၽိဝ်ႇ ၵႅမ်ၽူႈၸီႉသင်ႇ ႁွင်ႈၵၢၼ်ၾၢႆႇၽဵဝ်ႈမူၺ်ႉတၢင်းပဵၼ်ၸပ်းငၢႆႈ ၸႄႈမိူင်းတႆး လၢတ်ႈတီႈ ၽူႈတွႆႇႁွၵ်ႈဝႃႈ “ၵူၼ်းဢၼ်ထၢင်ႇထိူမ်သေ တိုၵ်ႉၵူတ်ႇထတ်းဝႆႉတႄႉ မီး 2 ၵေႃႉ။ ဢၼ်ၵူတ်ႇထတ်းယဝ်ႉၵႂႃႇယဝ်ႉ 5 ၵေႃႉ၊ တင်းမူတ်း မီး 7 ၵေႃႉ” ဝႃႈၼႆ။

ၼႂ်းၸိုင်ႈတႆးပွတ်းၸၢၼ်းၼႆႉ ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ – 19 တင်းမူတ်း မီး 4 ၵေႃႉ၊ တႃႇ 3 ၵေႃႉ လႆႈၶႂၢင်ႉလူင်းႁူင်းယႃယဝ်ႉ။ ၵိုတ်း 1 ၵေႃႉ တိုၵ်ႉယူတ်းယႃ တူဝ်ဝႆႉ။

ၵူၼ်းမိူင်းတႆး လၢႆလၢႆၸႄႈဝဵင်း ဢၼ်ထၢင်ႇထိူမ်သေ လႆႈသူင်ႇၵူတ်ႇထတ်းၼမ်ႉမုၵ်ႈၼမ်ႉလၢႆး တီႈႁွင်ႈၵၢၼ်ပၢႆးယူႇလီ တႃႈၵုင်ႈၼၼ်ႉ တေႃႇထိုင်ဝၼ်းတီႈ 18/6/2020 ၼၼ်ႉ မီးၵႂႃႇႁူဝ်ၵူၼ်း 800 ပၢႆ ၼႆယဝ်ႉ။

လိူဝ်ၼၼ်ႉ တႄႇဢဝ် ဝၼ်းတီႈ 27/5/2020 ထိုင် 24/6/2020 ၼႆႉ ၵူၼ်းမိူင်းတႆးပွတ်းၸၢၼ်း ဢၼ်ၵႂႃႇႁဵတ်း ၵၢၼ်တၢင်းမိူင်းထႆးသေ ပွၵ်ႈၶဝ်ႈမႃးတၢင်းပွတ်းမျႃႉဝတီႇ ၸႄႈမိူင်းယၢင်းၽိူၵ်ႇၼၼ်ႉ တင်းမူတ်းမီးၵႂႃႇ 1,647 ၵေႃႉယဝ်ႉ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း