ၽၵ်းတူ ၶဝ်ႈဢွၵ်ႇ လႅၼ်လိၼ်တႆး - ထႆး ဢၼ်ပဵၼ်တၢင်း ၵၢႆႇၸူး ၶၢမ်ႈၶဝ်ႈဢွၵ်ႇ ၵႂႃႇမႃးႁႃၵၼ် တီႈတႃႈၶီႈလဵၵ်း - မႄႈသၢႆ ၼၼ်ႉ တႃႇႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ၼႆသေၾၢႆႇထႆးပိၵ်ႉဢိုတ်းမႃး မီးၶၢဝ်းတၢင်း ၼိုင်ႈပီတဵမ် မိူဝ်ႈၼႆႉ   ယင်းပႆႇပိုတ်ႇပၼ်ၶိုၼ်း။ တႄႇဢဝ်ဝၼ်းတီႈ 23/3/2020 မႃး တေႃႇထိုင် ဝၼ်းတီႈ...

တႄႇဢဝ် ႁူဝ်လိူၼ်မၢတ်ႉၶျ် 2021 ၼႆႉမႃးၶွင်ႇသီႇသိုၵ်းမၢၼ်ႈ၊ ၸီႉသင်ႇၾၢႆႇပၢႆးယူႇလီ သမ်းယႃႁႄႉၵင်ႈတၢင်းပဵၼ်ၶူဝ်ႊ ဝိတ်ႉ 19 ပၼ် ၵူၼ်းမိူင်း ၸိူဝ်းဢႃယု 60 ပီ ၶိုၼ်ႈၼိူဝ် ၼႂ်းမိူင်းတႆး လၢႆလၢႆဝဵင်း။ ၵူၼ်းမိူင်း ၸႄႈဝဵင်းမိူင်းၵိုင် ၸႄႈတွၼ်ႈလွႆလႅမ် ၸိုင်ႈတႆး ပွတ်းၸၢၼ်း  ဢမ်ႇႁတ်းၵႂႃႇသမ်း ၊...

ၾၢႆႇသႃသၼႃ ၸႄႈဝဵင်းမိူင်းသၢတ်ႇ ဢွၵ်ႇလိၵ်ႈပိုၼ်ၽၢဝ်ႇ ႁၢမ်ႈၸတ်းႁဵတ်းပွႆးယႂ်ႇလၢမ်းလူင်လႄႈ ႁၢမ်ႈၶွၼ်ႈတုမ်ၵၼ်ႁူဝ် ၵူၼ်း 50 ၵေႃႉ ၶိုၼ်ႈၼိူဝ် ဝႃႈၼႆ။   ဝၼ်းတီႈ 15/3/2021  ၾၢႆႇသႃသၼႃ ၸႄႈဝဵင်းမိူင်းသၢတ်ႇ ဢွၵ်ႇလိၵ်ႈ ပိုၼ်ၽၢဝ်ႇၽိုၼ်ၼိုင်ႈ သူင်ႇလိၵ်ႈၸူးၵူႈဝတ်ႉ ၵူႈ ၵျွင်း ၼႂ်းၸႄႈဝဵင်းမိူင်းသၢတ်ႇ ၸိုင်ႈတႆး ပွတ်းဢွၵ်ႇၶူင်း ႁႂ်ႈၵိုတ်းယင်ႉ ႁၢမ်ႈၸတ်းႁဵတ်းပွႆးလၢမ်းယႂ်ႇလူင်လႄႈ...

ၽွင်းၵူၼ်းမိူင်းလုၵ်ႉႁိုၼ်ႇၼႄၵၢင်ၸႂ်၊ ၽူႈႁၢပ်ႇၵၢၼ်လူင်ပွင်ၸိုင်ႈ သၢၼ်ၶတ်း ၶေႃႈၸီႉသင်ႇပႃႈၼိူဝ် CDM ၼၼ်ႉ ၶွင်ႇသီႇသိုၵ်းမၢၼ်ႈ သင်ႇႁွင်ႉၽူႈႁၢပ်ႇၵၢၼ်လူင်ပွင်ၸိုင်ႈ ၵူႈႁွင်ႈၵၢၼ်ၸိူဝ်းဢမ်ႇၶဝ်ႈႁူမ်ႈပၢင်ၼႄၵၢင်ၸႂ်(ဢမ်ႇႁဵတ်း CDM)ၸိူဝ်းၼၼ်ႉ ႁႂ်ႈမႃးသမ်းယႃႈယႃႁႄႉၵင်ႈ တၢင်းပဵၼ်ၶူဝ်ႊဝိတ်ႉ 19  ။ ဝၼ်းတီႈ 10/3/2021 မိူဝ်ႈၼႆႉၵၢင်ၼႂ် ၶွင်ႇသီႇသိုၵ်းမၢၼ်ႈယိုတ်းမိူင်း ပူင်ၵႂၢမ်းၼၵ်းႁႂ်ႈ ၽူႈႁၢပ်ႇၵၢၼ်လူင်ပွင်ၸိုင်ႈ (ၸိူဝ်းဢမ်ႇယွမ်းႁဵတ်း CDM )လႄႈ ၵူၼ်းထဝ်ႈၼႂ်းပွၵ်ႉယွမ်ႉ မႃးၶွၼ်ႈၵၼ်တီႈ...

ႁွင်ႈၵၢၼ်ၾၢႆႇပၢႆးယူႇလီ ပိုၼ်ၽၢဝ်ႇဝႆႉဝႃႈ ဝၼ်းတီႈ 5/3/2021 ၼႆႉ တေတႄႇသမ်း ယႃႈယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ပၼ်ၵူၼ်းမိူင်း ၼႆသေတႃႉ ယွၼ်ႉပိူဝ်ႈၵၢၼ်မိူင်းသုၵ်ႉယုင်ႈပႅတ်ႈလႄႈ ဢမ်ႇၸၢင်ႈသမ်း၊ ဢဝ်ႁၢင်ႉႁၢတ်ႈၵႂႃႇပႅတ်ႈ။ ၼၢင်းမူဝ်းမူဝ်းဢွင်ႇ ၽူႈမီးပုၼ်ႈၽွၼ်းၾၢႆႇၽွင်းငမ်း ပွၵ်ႉမိင်ႇၵလႃႇဢူး ဝဵင်းတူၼ်ႈတီးလၢတ်ႈတီႈၽူႈတွႆႇႁွၵ်ႈဝႃႈ - “ပေႃးဢဝ်ၽႅၼ်ၵၢၼ်ဝႃႈတႄႉၵူၼ်းမိူင်းတေလႆႈသမ်းမိူဝ်ႈၼႆႉဢေႃႈ။ ဢၼ်ၶဝ်ၽႅၼ်ၵၢၼ်ဝႆႉပၼ်တႄႉ ၵူၼ်းမိူင်းၼႆၵေႃႈတေလႆႈသမ်းၵႂႃႇၵမ်းၶၵ်ႉတွၼ်ႈၼၼ်ႉၶႃႈၼႃႇ။ မိူၼ်ၼင်ႇ- ပၼ်ၶႃႈႁၢပ်ႇၵၢၼ် ၶုၼ်သမ်းဢွၼ်တၢင်း၊ ဝၢႆးၼၼ်ႉ...

ၾၢႆႇမေႃယႃ တီႈႁူင်းယႃၸဝ်ႈၸၢမ်ႇထုၼ်း တင်း ႁူင်းယႃမႄႈလႄႈလုၵ်ႈဢွၼ်ႇ ၼႄၵၢင်ၸႂ် သၢၼ်ၶတ်း လွင်ႈသိုၵ်းမၢၼ်ႈ ႁုပ်ႈယိုတ်းဢၢမ်းၼၢတ်ႈ ဝၢၼ်ႈမိူင်း ဝႃႈၼႆ။ မိူဝ်ႈၼႆႉ ဝၼ်းတီႈ 3/2/2021 ယူႇတီႈၸုမ်းမေႃယႃ တီႈႁူင်းယႃလူင် ၸဝ်ႈၸၢမ်ႇထုၼ်း တင်း ႁူင်းယႃလူင် မႄႈလႄႈလုၵ်ႈ ဢွၼ်ႇ တီႈၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ၼႄၵၢင်ၸႂ်သၢၼ်ၶတ်း လွင်ႈသိုၵ်းမၢၼ်ႈ တဵၵ်းတဵင်...

ယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ဢၼ်တေလုၵ်ႉမိူင်းၵြႃးဢိၼ်ႊတီႊယႃႊ တေႃႉသူင်ႇၶဝ်ႈၼႂ်းမိူင်းႁူမ်ႈတုမ်ထႅင်ႈ  ႁွပ်ႈ  သွင်ၼႆႉ ယွၼ်ႉသၢႆၵၢၼ်မိၼ် ၼႂ်းမိူင်းႁူမ်ႈတုမ် ပိုၼ်ၽၢဝ်ႇ ပိၵ်ႉဢိုတ်းပႅတ်ႈတင်းမူတ်းလႄႈ ပႆႇၸၢင်ႈတေႃႉသူင်ႇၶဝ်ႈ ဝႃႈ ၼႆ။ မိူဝ်ႈဝႃး ဝၼ်းတီႈ 1/2/2021    ၾၢႆႇတေႃႉသူင်ႇတၢင်းသၢႆၵၢၼ်မိၼ် ပိုၼ်ၽၢဝ်ႇဝႃႈ  တေၵိုတ်းလိုဝ်ႈ သၢႆ ၵၢၼ်မိၼ်ၵူႈသၢႆၼွၵ်ႈမိူင်း ၼႂ်းမိူင်းၵူႈတီႈ တေႃႇထိုင် လိူၼ်မေႊသဵင်ႈ ဝႃႈၼႆ...

ဝၼ်းတီႈ 29/1/2021 မိူဝ်ႈၼႆႉ ႁွင်ႈၵၢၼ်ပၢႆးယူႇလီ ၼႂ်းၸႄႈတွၼ်ႈမူႇၸႄႊ လႆႈသမ်းၶဵမ် ယႃႈယႃ ၵႅတ်ႇၵင်ႈ တၢင်းပဵၼ်ၶူဝ်ႊဝိတ်ႉ 19 ။ ယႃႈယႃ ၵႅတ်ႇၵင်ႈၶူဝ်ႊဝိတ်ႉ 19 ဢၼ် ႁွတ်ႈတီႈ ၸႄႈတွၼ်ႈမူႇၸေႊ တင်းမူတ်းး 300 တဝ်ႈ၊ ၼိုင်ႈတဝ်ႈ သမ်းလႆႈ တႃႇၵူၼ်း 10 ၵေႃႉ။...

တီႈတူၼ်ႈတီး တႄႇသမ်းယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ပၼ်ၸုမ်းၾၢႆႇမေႃယႃ ၽူႈၸွႆႈမေႃယႃ တႃႇႁူဝ်ၵူၼ်းႁဵင်ပၢႆ။ မိူဝ်ႈၼႆႉ ဝၼ်းတီႈ 28/1/2021 ယၢမ်းၵၢင်ၼႂ် 9 မူင်း တီႈႁူင်းယႃလူင် ၸဝ်ႈၸၢမ်ႇထုၼ်း တင်း ႁူင်းယႃလူင်မႄႈလႄႈလုၵ်ႈ ဢွၼ်ႇ ၼႂ်းၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း တႄႇသမ်းယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ပၼ် ၽူႈႁၢပ်ႇၵၢၼ် ၾၢႆႇပၢႆး ယူႇလီၵႂႃႇ...

ၸဝ်ႈပေႃႈသိလ်ထမ်းဝုၼ်းၸုမ်ႉတႅမ်ႈလိၵ်ႈ မဵတ်ႉတႃႇသူင်ႇၸူး  လုၵ်ႉသိတ်ႇတပႄးတပၢၼ်းတမ်းၸႂ် တၵ်ႉၵႃႇၵူၼ်းမိူင်းၵူႈၵေႃႉၶိင်းၵူၼ်း ႁႂ်ႈမေႃယူႇမေႃၵိၼ်ၸွမ်းသိလ်ထမ်းတြႃး ၾၢင်ႉသတိတူဝ်ၽႂ်ႇၸႂ်မၼ်း ယႃႇႁႂ်ႈလႆႈတိတ်းၸပ်းတၢင်းပဵၼ်ၵႃႇလလူင်းမိူင်းၼႆႉ ဝႃႈၼႆ။ မိူဝ်ႈၼႆႉ ဝၼ်းတီႈ 27/1/2021 ဝၼ်းလိူၼ်ၵမ်မူၼ်း 15 ၶမ်ႈ ၸဝ်ႈပေႃႈသိလ်ထမ်း ဝုၼ်းၸုမ်ႉ ၺႃၼသံဝရ တီႈထမ်ႈမိူင်း ၵႅတ်ႇ ဢိူင်ႇမိူင်းၵႅတ်ႇ ၸႄႈဝဵင်းမိူင်းတူၼ် ၸႄႈတွၼ်ႈမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်း တႅမ်ႈလိၵ်ႈမဵတ်ႉတႃႇထိုင်လုၵ်ႈ သိတ်ႇတပႄးတပၢၼ်းတၢမ်းၸႂ်တင်းသဵင်ႈလႄႈ...

ယႃႈယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ-19 တႃႇၾၢႆႇပၢႆးယူႇလီ မိူင်းတႆးပွတ်းၸၢၼ်းလႆႈသမ်းၼၼ်ႉ ႁွတ်ႈထိုင် တူၼ်ႈတီးမိူဝ်ႈၼႆႉ ဝၼ်းတီႈ 27/1/2021 ယၢမ်းၵၢင်ဝၼ်း။  ယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ 19    ႁွတ်ႈၽႅဝ်   ဝဵင်းလူင်တူၼ်ႈတီး  564 မူၵ်ႇ/ တဝ်ႈ တွၼ်ႈတႃႇ ၾၢႆႇပၢႆးယူႇလီ ၼႂ်းမိူင်းတႆးပွတ်းၸၢၼ်း  21 ဝဵင်း လႆႈသမ်းၸုပ်ႈႁႅၵ်ႈ ။ ၻွၵ်ႊတိူဝ်ႊ သဝၼၵူဝ်ႇ ၵႅမ်ၽူႈၸီႉသင်ႇ ႁွင်ႈၵၢၼ်ပၢႆးယူႇလီၸႄႈမိူင်းတႆး...

ၸုမ်းၾၢႆႇပၢႆးယူႇလီမေႃယႃ ၸိုင်ႈတႆးပွတ်းဢွၵ်ႇၶူင်း တႄႇသမ်းယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ပွၵ်ႈႁႅၵ်ႈပၼ် တႃႇႁူဝ်ၵူၼ်း 1,600 ပၢႆ ဝႃႈၼႆ။ မိူဝ်ႈၼႆႉ ဝၼ်းတီႈ 27/1/2021 တီႈႁူင်းယႃလူင်ၸႄႈဝဵင်းၵဵင်းတုင် တင်း တႃႈၶီႈလဵၵ်း တႄႇသမ်းယႃႁႄႉၵင်ႈတၢင်းပဵၼ်ၶူဝ်ႊ ဝိတ်ႉ 19 ပၼ်ၸုမ်းၾၢႆႇပၢႆးယူႇလီ တႃႇၵူၼ်း 1,652 ၵေႃႉ ။ Dr လိၼ်းထုတ်ႉဢူး ၵႅမ်ႈၽူႈၸီႉသင်ႇၾၢႆႇပၢႆးယူႇလီၵူၼ်းမိူင်း...

ၼႂ်းၼႃႈလိၼ် ဝႃႉ UWSA ၵုမ်းၵမ်တူင်ႉၼိုင် ပၢင်သၢင်း မိူင်းပွၵ်ႉ မိူင်းၽႅၼ် ၼၼ်ႉ ၵူၼ်းတိတ်းၸပ်းၸိူဝ်ႉမႅင်း တၢင်းပဵၼ်ၶူဝ်ႊဝိတ်ႉ 19 တင်းမူတ်းမီး 304 ၵေႃႉယဝ်ႉ ဝႃႈၼႆ။ ဝၼ်းတီႈ 25/1/2021 ယၢမ်းၵၢင်ဝၼ်း 11 မူင်း ယူႇတီႈၸုမ်းၵႅတ်ႇၵင်ႈ တၢင်းပဵၼ်ၶူဝ်ႊဝိတ်ႉ 19 ၼႂ်းၼႃႈလိၼ် ၽွင်းငမ်းတူဝ်ၵဝ်ႇဝႃႉ...

ၾၢႆႇပၢႆးယူႇလီ မေႃယႃ ၼႂ်းၸိုင်ႈတႆးပွတ်းၸၢၼ်း တႃႇ 5,000 ပၢႆ တေလႆႈႁပ်ႉသမ်းယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ယဝ်ႉ ဝႃႈၼႆ။ ပေႃးထိုင်မႃး ဝၼ်းတီႈ 27/1/2021 ၼႆႉ ၸုမ်းၾၢႆႇပၢႆးယူႇလီ မေႃယႃ ၽူႈၸွႆႈမေႃယႃ တႃႇႁူဝ်ၵူၼ်း 5,096 ၵေႃႉ ၼႂ်းၸိုင်ႈ တႆးပွတ်းၸၢၼ်း တေလႆႈႁပ်ႉသမ်းယႃႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 တီႈႁူင်းယႃလူင်ၸဝ်ႈၸၢမ်ႇထုၼ်း...

ယၢမ်းလဵဝ် ၼႂ်းမိူင်းတႆး ၵူၼ်းတိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 သေတိုၵ်ႉယူတ်းယႃတူဝ်ဝႆႉ တင်းမူတ်းမီး 96 ၵေႃႉ လူႉတၢႆ 4 ၵေႃႉယဝ်ႉ ဝႃႈၼႆ။ ၼႂ်းမိူင်းတႆး သၢမ်ပွတ်းတွၼ်ႈ ၵူၼ်းတိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 ဢၼ်တိုၵ်ႉယူတ်းယႃတူဝ်ဝႆႉ မီး 96 ၵေႃႉ။ ပဵၼ်ပွတ်းၸၢၼ်း 36 ၵေႃႉ၊ ပွတ်းႁွင်ႇ 54...