Friday, March 29, 2024

ၶႄႇၼေၼႃႈတိူဝ်ႈဝႃႈ ထတ်းႁၼ်ၶူဝ်ႊဝိတ်ႉ 19 တီႈၸေႊၵဝ်ႇၼႆသေ Lockdown ဝဵင်း ပိၵ်ႉၽၵ်းတူလႅၼ်လိၼ်ဝႆႉ

Must read

လူင်ပွင်ၸိုင်ႈၶႄႇ Lockdown ဝႆႉ ဝဵင်းၸေႊၵဝ်ႇ လႅၼ်လိၼ်တႆး- ၶႄႇ   ယွၼ်ႉထူပ်းႁၼ် ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 ဝႃႈ ၼႆ။

Photo CJ- ၽၵ်းတူမိူင်းၸေႊၵဝ်ႇ မူႇၸေႊ ၵိုင်ႉၵၢင်ႉ ပိၵ်ႉဢိုတ်းဝႆႉၸူဝ်ႈၶၢဝ်း ဝၼ်းတီႈ 30/3/2021

 မိူဝ်ႈၼႆႉ ဝၼ်းတီႈ 30/3/2021 ယၢမ်းၵၢင်ၼႂ် ၼႂ်းဝဵင်းၸေႊၵဝ်ႇ ဢၼ်မီးတၢင်းၾင်ႇမိူင်းၶႄႇ တေႃႇၼႃႈၵၼ် တၢင်းၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ လႅၼ်လိၼ်တႆး – ၶႄႇၼၼ်ႉ ၵူတ်ႇထတ်းထူပ်း ႁၼ်ၵူၼ်းတိတ်းၸပ်း ၸိူဝ်ႉ မႅင်း ၶူဝ်ႊဝိတ်ႉ 19 ၼႆသေ ထုၵ်ႇ Lockdown ႁၢမ်ႈၵူၼ်းၶဝ်ႈဢွၵ်ႇၵႂႃႇမႃးဝႆႉၼႆယဝ်ႉ။

- Subscription -

ၵူၼ်းမိူင်း ၼႂ်းၸေႊၵဝ်ႇ ၵေႃႉၼိုင်ႈ လၢတ်ႈဝႃႈ – “တႄႇဢဝ် မိူဝ်ႈဝႃး ၵၢင်ၼႂ်မႃး တေႃႇထိုင် ယၢမ်းလဵဝ် တီႈၸေႊၵဝ်ႇၼႆႉ တိုၵ်ႉၵူတ်ႇထတ်းပၢႆးယူႇလီ ၵူၼ်းမိူင်းယူႇ ယင်းပႆႇယဝ်ႉ။ မိူဝ်ႈဝႃး ယၢမ်းၵၢင်ၼႂ် ၵူတ်ႇထတ်း ၵူၼ်းၸေႊၵဝ်ႇ ၵေႃႉၼိုင်ႈ တီႈ သဵၼ်ႈတၢင်းမၢႆ 4 ၼၼ်ႉ မၼ်းၵႂႃႇဢႅဝ်ႇတီႈပၢင်ၵၢတ်ႇၶၢႆသႅင်မႃးၼႆၶႃႈ။ တေႃႇထိုင်ယၢမ်းလဵဝ်ၼႆႉ ၵူၼ်း တိတ်းၸပ်းမီးလၢႆ ၵေႃႉ ပႆႇႁူႉတႅတ်ႈတေႃးၶႃႈ၊ တိုၵ်ႉၵူတ်ႇထတ်းယူႇတိၵ်းတိၵ်းၶႃႈဢေႃႈၼႆႉ”- ဝႃႈၼႆ။

ယၢမ်းလဵဝ် ပၢင်ၵၢတ်ႇၶၢႆသႅင် တီႈၸေႊၵဝ်ႇ ၸိူဝ်းၼၼ်ႉၵေႃႈ  ၶႄႇပိၵ်ႉဝႆႉ တင်းမူတ်း ၼွၵ်ႈလိူဝ်ၼၼ်ႉ သဵၼ်ႈ တၢင်း ၶဝ်ႈဢွၵ်ႇ ၵူႈတီႈၵေႃႈလႆႈထုၵ်ႇပိၵ်ႉဢိုတ်း ႁၢမ်ႈၵူၼ်းၶဝ်ႈဢွၵ်ႇၵႂႃႇမႃး  ။

“သဵၼ်ႈတၢင်း မိူင်းမၢဝ်း – ၸေႊၵဝ်ႇ ဢၼ်ၵၢႆႇၸူးၵၼ်ၵေႃႈ ပိၵ်ႉဢိုတ်းမူတ်းၶႃႈ ဢမ်ႇပၼ် ၵူၼ်းၶဝ်ႈဢွၵ်ႇၵႂႃႇမႃး။ ၶဝ် တိုၵ်ႉ ၵူတ်ႇထတ်းပၢႆးယူႇလီ ၵူၼ်းမိူင်း ၼႂ်းၸေႊၵဝ်ႇ – မိူင်းမၢဝ်းယူႇၶႃႈ ဢဝ်ၶူဝ်းၵႂႃႇၵူတ်ႇထတ်းၶႃႈဢေႃႈ။ ဝႃႈမီးတၢင်းပဵၼ် ဢမ်ႇ မီးတၢင်း ပဵၼ်ဢၼ်ဝႃႈၼၼ်ႉၶႃႈ”- ၵူၼ်းၸေႊၵဝ်ႇ သိုပ်ႇလၢတ်ႈၼႄၼင်ႇၼႆ။

ဝၢႆးသေ ထူပ်းႁၼ် ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 တီႈၸေႊၵဝ်ႇ မိူဝ်ႈဝႃး ဝၼ်းတီႈ 29 ၼၼ်ႉသေ ၸွမ်းသဵၼ်ႈ တၢင်း ၵႂႃႇမႃးမိူင်းမၢဝ်း – ၸေႊၵဝ်ႇၼၼ်ႉ ၽူႈမီးပုၼ်ႈၽွၼ်းတၢင်းမိူင်းၶႄႇ ၵူတ်ႇထတ်းၵူၼ်းၶဝ်ႈဢွၵ်ႇၵႂႃႇမႃး ႁၢဝ်ႈ ႁႅင်း  ဝႃႈၼႆ။

ၾၢႆႇၼိုင်ႈတီႈမူႇၸေႊ ၼႂ်းဝၼ်းတီႈ 27 လႄႈဝၼ်းတီႈ 30/3/2021 ၼႆႉ ပလိၵ်ႈလႄႈသိုၵ်းမၢၼ်ႈ ဢဝ်လၢႆးႁုၵ်ႉႁၢႆႉ ပိုတ်းယိုဝ်းယႃႉၵဝ်းၵူၼ်းၼႄၵၢင်ၸႂ် သၢတ်ၶတ်းသိုၵ်းယိုတ်းမိူင်း ၼႂ်းၸေႊဝဵင်းမူႇၸေႊ။ ၵူၼ်းမိူင်းတၢႆ 2 ၵေႃႉ မၢတ်ႇၸဵပ်းတင်းၼမ်။ ဢၼ်ၺႃးတီႉၺွပ်းၵႂႃႇၵေႃႈမီးၼပ်ႉႁူဝ်သိပ်း။ ၵူၼ်းမိူင်းၸႂ်ႉလွၵ်းလၢႆးလၢႆယၢင်ႇသေ ၼႄၵၢင်ၸႂ်ၵူႈဝၼ်း။ ၾၢႆႇၼိုင်ႈသိုၵ်းမၢၼ်ႈၵေႃႈ ယိုဝ်းၵွင်ႈလူင်ၵွင်ႈဢွၼ်ႇ ၵူႈမိုဝ်ႉၵူႈဝၼ်း ။

 ဝဵင်းၸေႊၵဝ်ႇ  Lockdown ဝႆႉ ၸူဝ်ႈၶၢဝ်းၼႆႉ တေပိုတ်ႇၶိုၼ်းမိူဝ်ႈလႂ် ဢၼ်ဝႃႈၼၼ်ႉ ပႆႇႁူႉ ၼႆယဝ်ႉ။

လိူဝ်ၼၼ်ႉ ယၢမ်းလဵဝ် ၾၢႆႇတပ်ႉသိုၵ်းၶႄႇၵေႃႈ ထႅမ်ႁႅင်းသိုၵ်း မႃးဢဝ်ႁူမ်ႇလူမ်ႈ ၸွမ်းလႅၼ်လိၼ်တႆး – ၶႄႇ ၼႆႉၼမ်မႃး လိူဝ်ၵဝ်ႇ လႆႈႁူႉၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း