Friday, March 29, 2024

ၽူႈႁၢပ်ႇၵၢၼ်ပၢႆးယူႇလီၸႄႈတွၼ်ႈမူႇၸေႊ သမ်းယႃႈယႃၵႅတ်ႇၵင်ႈၶူဝ်ႊဝိတ်ႉ

Must read

ဝၼ်းတီႈ 29/1/2021 မိူဝ်ႈၼႆႉ ႁွင်ႈၵၢၼ်ပၢႆးယူႇလီ ၼႂ်းၸႄႈတွၼ်ႈမူႇၸႄႊ လႆႈသမ်းၶဵမ် ယႃႈယႃ ၵႅတ်ႇၵင်ႈ တၢင်းပဵၼ်ၶူဝ်ႊဝိတ်ႉ 19 ။

Photo by Tung Huay Li- ၾၢႆႇပၢႆးယူႇလီ သမ်းယႃႈယႃႁႄႉၵင်ႈၶူဝ်ႊဝိတ်ႉ 19 တီႈမူႇၸေႊ 29/1/2021

ယႃႈယႃ ၵႅတ်ႇၵင်ႈၶူဝ်ႊဝိတ်ႉ 19 ဢၼ် ႁွတ်ႈတီႈ ၸႄႈတွၼ်ႈမူႇၸေႊ တင်းမူတ်းး 300 တဝ်ႈ၊ ၼိုင်ႈတဝ်ႈ သမ်းလႆႈ တႃႇၵူၼ်း 10 ၵေႃႉ။ ၽူႈႁၢပ်ႇၵၢၼ်ၾၢႆႇပၢႆးယူႇလီ ဢၼ်သမ်းယဝ်ႉမိူဝ်ႈၼႆႉ ၼႂ်းတူဝ်ဝဵင်းမူၸေႊ တင်း မူတ်း 200 ၵေႃႉ ပၢႆ ဝႃႈၼႆ။

- Subscription -

“ၽူႈၵွၼ်းႁူင်းယႃ၊ ၶူးမေႃယႃ (တွၵ်ႊတိူဝ်ႊ)၊ မေႃယႃ (ၼိူဝ်ႉသ်ႉ) လႄႈ ၾၢႆႇ လဵၼ်ႈႁႅင်း(ဢႃးၵႃႇ) ၸိူဝ်းၼႆႉ လႆႈ သမ်းပႃးဢေႃႈ” – ၾၢႆႇယူႇလီ တီႈမူႇၸေႊ ၵေႃႉၼိုင်ႈလၢတ်ႈ။

ၼႂ်းၸႄႈတွၼ်ႈမူႇၸေႊ မီးၸႄႈဝဵင်းမူႇၸေႊ၊ ၸႄႈဝဵင်း ၼမ်ႉၶမ်း၊ ၸႄႈဝဵင်း ၵူတ်ႇၶၢႆ ၊ ဝဵင်းၵိဝ်ႇၵူတ်ႉ-ပၢင်သၢႆး၊ ဝဵင်းမိူင်းၵူဝ်း၊ တႃႈမိူင်းငႅၼ်း ၸိူဝ်းၼႆႉ ၶဝ်ႈပႃး ၼႂ်းၸႄႈတွၼ်ႈမူႇၸေႊ။

ယႃႈၵႅတ်ႇၵင်ႈတၢင်းပဵၼ် ၶူဝ်ႊဝိတ်ႉ 19 ၼႆႉ လူင်ပွင်ၸိုင်ႈမိူင်းၵြႃး ဢိၼ်ႊတီႊယိူဝ်ႊ ၵမ်ႉၸွႆႈမိူင်းမၢၼ်ႈမႃး တႃႇၵူၼ်း  7.5 သႅၼ်ၵေႃႉလႆႈသမ်း။ ၵူၼ်းၸိူဝ်းၼႆႉ တေလႆႈသမ်း 2 ပွၵ်ႈ။ ယႃႈယႃ တႃႇသိတ်ႇသမ်း လၢၼ်ႉႁႃႈသႅၼ်ၶဵမ် – ၼႆ လူင်ပွင်ၸိုင်ႈမၢၼ်ႈ ပိုၼ်ၽၢဝ်ႇၼင်ႇၼႆ။

မိူင်းၵြႃး ဢိၼ်ႊတီႊယိူဝ်ႊၼႆႉ ပဵၼ်မိူင်း ဢၼ်ႁဵတ်းဢွၵ်ႇယႃႈယႃ ၵႅတ်ႇၵင်ႈတၢင်းပဵၼ် ၼမ်လိူဝ်ပိူၼ်ႈတင်းလူမ်ႈၽႃႉ၊ ယၢမ်းလဵဝ် ဢမ်ႇၵွမ်ႉၵႃႈ သူင်ႇတွၼ်ႈမိူင်းမၢၼ်ႈၵူၺ်း ၊ မိူင်းပင်းၵလႃးတဵတ်သ်ႉ၊ မိူင်းၼီႊပေႃး၊ မိူင်းပူႇတၢၼ်ႊ မိူင်းမေႃႊလ်တၢႆႉ ၸိူဝ်းၼႆႉၵေႃႈ သူင်ႇတွၼ်ႈပၼ်ပႃး။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း