တႃႇတေပူၵ်းပွင် မႄးၶိုၼ်း ႁိူၼ်းဢၼ်လူႉၵွႆ/ ၵိူင်းၵႂႃႇ ယွၼ်ႉၽႅၼ်ႇလိၼ်ဝႆၼၼ်ႉၼႆသေ  ၵူၼ်းမိူင်း ၼႂ်းၼွင်ႁၢႆးယႃႈ လူဝ်ႇတၢင်းၸွႆႈထႅမ် ဢဵၼ်ႁႅင်းၵူၼ်း  ဝႃႈၼႆ ။ ၼႂ်းၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်းၼႆႉ ႁိူၼ်းယေး ဢၼ်လႆႈလူႉၵွႆၵႂႃႇ တၢင်းမူတ်း မီး 19 ဝၢၼ်ႈ ၊ လင်ႁိူၼ်မီး  2400 လင် ။...

မိူဝ်ႈၼႆႉ ဝၼ်းတီႈ 17/04/2025 ဝၼ်းပီမႂ်ႇသွၼ်းၼမ်ႉ  သိုၵ်းမၢၼ်ႈပိုၼ်ၽၢဝ်ႇ ပွႆႇၵူၼ်းတူၵ်းၶွၵ်ႈ   4893 ၵေႃႉ  လူၺ်ႈတၢင်းၶေႃႈၼွင်ႇငိူၼ်ႈၶႆ ၾိင်ႈမိူင်းၽိတ်းပၵ်းပိူင် တွၼ်ႈ 401 တွၼ်ႈၽႄ 1   “သင်ဝႃႈ ပူၼ်ႉပႅၼ် တၢင်းၽိတ်း ထႅင်ႈၸိုင် တေလႆႈၺႃးတူတ်ႈတၢမ်ႇ ၵဝ်ႇၵွႆးဢမ်ႇၵႃး တၢမ်ႇမႂ်ႇၵေႃႈ တေလႆႈသိုပ်ႇႁပ်ႉဢဝ်ထႅင်ႈ” ဝႃႈၼႆ။ ၵူၼ်းတူၵ်းၶွၵ်ႈ ၸိူဝ်းဢၼ်သိုၵ်းမၢၼ်ႈပွႆႇဢွၵ်ႇမႃး...

ဝၼ်းတီႈ 15/4/2025 ယၢမ်းႁူဝ်ၶမ်ႈ  ၾူၼ်လူင်လူမ်းလူင်တူၵ်းတီႈဝဵင်းတႃႈလိူဝ်ႇ (မၼ်းတလေး) လႄႈ  ဝဵင်းဢမရပူႇရ ၼႂ်းတိူင်းတႃႈလိူဝ်ႇ ႁဵတ်းႁႂ်ႈ ဢွင်ႈတီႈသုမ်ႉသွင်း ၵူၼ်းထူပ်းၽေးၽႅၼ်ႇလိၼ်ဝႆၸိူဝ်းၼၼ်ႉ လူမ်ႉပိဝ် ၼမ်ႉၼွင်းထူမ်ႈ ထႅင်ႈ။ ၼၢင်းယိင်းလုၵ်ႈၸုမ်းၾၢႆႇၸွႆႈထႅမ်ၵူၼ်းထူပ်းၽေးၽႅၼ်ႇလိၼ်ဝႆ လၢတ်ႈၽူႈတွႆႇႁွၵ်ႈဝႃႈ -“ လွင်ႈတၢင်းမႆႈၼႆႉ ဢၼ်ၼိုင်ႈယဝ်ႉ ဢၼ်ၼိုင်ႈ ၊ ပူၼ်ႉမႃးသွင်ဝၼ်းၼႆႉၵူၺ်း ဢွင်ႈတီႈပၢင်သဝ်းသုမ်ႉသွင်းၸိူဝ်းၼၼ်ႉ ဢမ်ႇမီးၽႃႈသိူဝ်ႇ ၽႃႈႁူမ်ႇၶူဝ်းၼွၼ်းၼႆလႄႈ...

 ဝၼ်းလဵၼ်ႈၼမ်ႉသၢင်းၵျၢၼ်ႇ ဝၼ်းတီႈ 14/04/2025 လုၵ်ႈဢွၼ်ႇလူင်းလဵၼ်ႈၼမ်ႉမၢဝ်းတီႈႁၢတ်ႇႁူဝ်သၢႆးသေ ၸူမ်ၼမ်ႉႁၢႆၵႂႃႇ ၵေႃႉၼိုင်ႈ။ တေႃႇထိုင်ဝၼ်းတီႈ 15/04/2025 ယၢမ်းႁူဝ်ၶမ်ႈတႄႉ ပႆႇႁႃႁၼ်တူဝ်တၢႆ ၼႆ ၽူႈၶဝ်ႈၸုမ်းၸွႆႈထႅမ်ၵေႃႉၼိုင်ႈလၢတ်ႈၽူႈတွႆႇႁွၵ်ႈၼင်ႇၼႆ။   “လုၵ်ႈဢွၼ်ႇၼႆႉ ဢႃယုတိုၵ်ႉမီးမွၵ်ႈ 15 ၶူပ်ႇ။ ၸူမ်ၵႂႃႇမိူဝ်ႈဝၼ်းတီႈ14 ယၢမ်းဝၢႆးဝၼ်းမွၵ်ႈ 4 မူင်းၶိုင်ႈၼႆႉ။ ပဵၼ်လုၵ်ႈဢွၼ်ႇပလွင်ႈ 2 ၵေႃႉမႃးလဵၼ်ႈၼမ်ႉၸွမ်းၵၼ်။ တင်ႈတႄႇၶၢဝ်းမၼ်းၸူမ်ႁၢႆၵႂႃႇၼၼ်ႉ ၸဝ်ႈႁိူဝ်းၸၢၵ်ႈၶဝ်ၵေႃႈလႄႇႁႃတူဝ်တၢႆယူႇတၢင်းၶမ်ႈၼင်ႇၵဝ်ႇ။...

ၵၢၼ်ပဵၼ်ၽူႈဢွၼ်ႁူဝ် ႁိုဝ် ၽူႈၼမ်း ဢမ်ႇဝႃႈ ထိမ်ႊ မုၵ်ႉ မူႇ ၸုမ်း ၵေႃ ဝၢၼ်ႈ ဢိူင်ႇ မိူင်း ၸိုင်ႈမိူင်း ဢမ်ႇဝႃႈယူႇၼႂ်းၸၼ်ႉထၢၼ် တၼ်းႁဵင်းလႂ် တၵ်းထဵင်ဢမ်ႇလႆႈဝႃႈ ၼႂ်းတူင်ႇဝူင်းၵၢၼ်ငၢၼ်းလႂ်ၵေႃႈတၵ်းလႆႈပိုင်ႈ ၼမ်ႉၵတ်ႉ ၵၢၼ်မုင်ႈၵႂၢင်ႈၵႆႇ သတိ ပၺ်းၺႃး ၵၢၼ်လူင်ႉလႅၼ်ႇ ၵူႈလွင်ႈ လၢႆၾၢႆႇ...

သိုၵ်းမၢၼ်ႈ ႁၢမ်ႈၵူၼ်းမိူင်းသၢတ်ႇၸတ်းပၢင်ပွႆးသွၼ်းၼမ်ႉၶိုၵ်ႉယႂ်ႇလႄႈ ပီၼႆႉ ၵူၼ်းဢႅဝ်ႇ ယဵမ်ႈ လဵၼ်ႈၼမ်ႉ ဢမ်ႇၵိုၼ်းၶွၼ်ႈ။   ၵူၼ်းၼုမ်ႇမိူင်းသၢတ်ႇၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“ ပီၼႆႉတႄႉ ဢမ်ႇၵိုၼ်းၶႃႈ ။ ယွၼ်ႉဝႃႈ ဢိင်ႇသၼ်ႇၼၼ်ႉသေၵေႃႈ သိုၵ်းမၢၼ်ႈၶဝ်ၵေႃႈ ႁၢမ်ႈႁဵတ်းယႂ်ႇလူင်။ ၵူႈပီတႄႉ ၶဝ်တေမီးၶဵင်ႇၶဝ် ယႂ်ႇဝႃႈယႂ်ႇဢေႃႈ။ ပီၼႆႉတႄႉ တေႃႉတႄႉႁဵတ်းၽႂ်ႁဵတ်းမၼ်းႁဵတ်းၼၼ် ၵူၺ်း။ ၸုမ်းတၢင်းၵႃႈၸိူဝ်းၼႆႉၵေႃႈ...

ႁူဝ်လိူၼ်ဢေႊပရိူဝ်ႊၼႆႉ သိုၵ်းမၢၼ်ႈသင်ႇႁႂ်ႈၵူၼ်းဝၢၼ်ႈၼမ်ႉၽိူၵ်ႇ(တွင်ႇထီႇပႂႃႇ) ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ၶဝ်ႈႁၢပ်ႇၵၢၼ်သိုၵ်း ၽွင်းၵူၼ်းမိူင်းၵပ်ႉၵိၼ်းတႃႇယူႇတႃႇၵိၼ်။ ၵူၼ်းမိူင်းပိုၼ်ႉတီႈလၢတ်ႈတီႈၽူႈတွႆႇႁွၵ်ႈဝႃႈ- “ ပၢႆလိူဝ်ႁႃၵိၼ်ယၢပ်ႇသေ သိုၵ်းမၢၼ်ႈၵေႃႈ ၵဝ်းယူႇၾၢႆႇၼိုင်ႈ။ သိုၵ်းမၢၼ်ႈၶဝ်ယွၼ်းမႃး ၸဵမ်မိူဝ်ႈႁူဝ်လိူၼ် ၼႆႉယဝ်ႉ။ ၼႂ်းဝၢၼ်ႈတွင်ႇထီႇပႂႃႇၼႆႉ ႁႂ်ႈလႆႈၵႂႃႇႁၢပ်ႇ ၵၢၼ်သိုၵ်း 2 ၵေႃႉ ၵူၼ်းလူင်ၼႂ်း ဝၢၼ်ႈၼမ်ႉ ၵႂႃႇဢဝ်ငိုၼ်းတွင်းပၼ်သေ လႆႈယွၼ်းငူပ်ႉငီႉ ၵႄႈတူဝ်ဝႆႉ” ဝႃႈၼႆ။ လိူဝ်ၼၼ်ႉ...

တီႈၼႂ်းၼွင်ႁၢႆးယႃႈ ၸိုင်ႈတႆးပွတ်းၸၢၼ်းၼၼ်ႉ ပႃႇတီႇၵၢၼ်မိူင်း ဢၼ်သိုၵ်းမၢၼ်ႈ ၵမ်ႉယၼ်ပၼ်ႁႅင်းဝႆႉၼၼ်ႉ လူင်းၸွႆႈထႅမ်ၵူၼ်းမိူင်း ထူပ်းၽေးၽႅၼ်ႇလိၼ်ဝႆသေ ႁူၺ်းသူၼ်းၵူၼ်းမိူင်း တႃႇပၢင်လိူၵ်ႈတင်ႈပႃး။ တီႈၼႂ်းၼွင်ႁၢႆးယႃႈၼႆႉ ယွၼ်ႉၽႅၼ်ႇလိၼ်ဝႆသေ ႁိူၼ်းယေးလူႉၵွႆၼပ်ႉႁူဝ်ႁဵင်လင်။ ၵူၼ်းမိူင်းလူႉတၢႆ 100 ပၢႆ။ လူဝ်ႇတၢင်းၸွႆႈထႅမ် ႁၢဝ်ႈႁႅင်း။ ၵူၺ်းၵႃႈ သိုၵ်းမၢၼ်ႈႁၢမ်ႈႁႄႉ ၸုမ်းၸွႆႈထႅမ်တၢင်းၼွၵ်ႈ ဢမ်ႇပၼ်ၶဝ်ႈၸွႆႈ။ ၸုမ်းဢၼ်သိုၵ်းမၢၼ်ႈ ယုမ်ႇၸႂ်ၼၼ်ႉၵူၺ်း လႆႈၶႂၢင်ႉၶဝ်ႈၸွႆႈထႅမ်။ ဝၼ်းတီႈ 13 မိူဝ်ႈဝႃးၼႆႉ...

ၽွင်းၶၢဝ်းသၢင်းၵျၢၼ်ႇၼႆႉ ၼင်ႇႁိုဝ် လွင်ႈသိူဝ်းတေဢမ်ႇလႆႈပဵၼ်လွင်ႈၶီၼၼ်ႉ ၵူၼ်းလဵၼ်ႈၼမ်ႉထုၵ်ႇ လီလႆႈႁပ်ႉႁူႉသေ ႁဵတ်းသၢင်ႈၸွမ်းၼႆသေ လူင်ပွင်ၸိုင်ႈထႆး ဢွၵ်ႇလိၵ်ႈပိုၼ်ၽၢဝ်ႇဝႆႉၼင်ႇၼႆ။ မဝ်းလဝ်ႈသေ ၶပ်းရူတ်ႉ တေလႆႈႁပ်ႉတူတ်ႈတၢမ်ႇ တူၵ်းၶွၵ်ႈ 1 ပီ။ ၸႂ်ႉၶိူင်ႈသိတ်းၼမ်ႉႁႅင်းသုင် (ၼႆႉၸၢင်ႈယဵၼ်းပဵၼ်တူတ်ႈတၢမ်ႇ ႁဵတ်းႁႂ်ႈၵူၼ်းၸဵပ်း)။ ယိပ်းၵူၼ်ႈယိပ်းၼူမ်းပိူၼ်ႈ တေလႆႈႁပ်ႉတူတ်ႈတၢမ်ႇၶွၵ်ႈ 10 ပီ လႄႈ တူတ်ႈတၢမ်ႇငိုၼ်း 2 သႅၼ်ဝၢတ်ႇ။ ၶၢႆလဝ်ႈတေႃႇလုၵ်ႈဢွၼ်ႇ တူတ်ႈၶွၵ်ႈ 1...

ၸဝ်ႈသိလ်ထမ်း ၶူးဝႃးဝုၼ်းၸုမ်ႉ တေယေႃးမုၼ် ပွၼ်ႈထမ်းသူင်ႇမဵတ်ႉတႃႇပၼ် တၵ်ႉၵႃႇသတ်းထႃး မိူင်းတႆး - မိူင်းမၢၼ်ႈ ၸွမ်းပိုၼ်ႉတီႈ ထူပ်းၽေးၽႅၼ်ႇလိၼ်ဝႆ (ဢိင်ႇသၼ်ႇ) ၸိူဝ်းၼၼ်ႉ။ ပေႃးထိုင်မႃး ဝၼ်းတီႈ 19/04/2025 ၼႆႉ ၸဝ်ႈသိလ်ထမ်း ၶူးဝႃးဝုၼ်းၸုမ်ႉ တေလုၵ်ႉတီႈမိူင်းၽူင်း ၸႄႈဝဵင်းတႃႈၶီႈလဵၵ်းသေ ဢွၵ်ႇၶၢဝ်းတၢင်းပွၼ်ႈထမ်း ၼႂ်းၸိုင်ႈတႆးပွတ်းဢွၵ်ႇ၊ ပွတ်းၸၢၼ်း လၢႆလၢႆတီႈသေ တေသိုပ်ႇၵႂႃႇတၢင်းမိူင်းမၢၼ်ႈ...

တႄႇဝၼ်းတီႈ 10/04/2025 ၼႆႉၵႂႃႇ သၢႆၵၢၼ်မိၼ် Myanmar Airways International မိူင်းမၢၼ်ႈ တႄႇလုၵ်ႉဝဵင်းတႃႈၵုင်ႈ ဢွၵ်ႇၶၢဝ်းတၢင်း မိၼ်ၵႂႃႇတီႈဝဵင်းပီႇၼၢၼ်ႇ (Penang) မိူင်းမလေးသျႃးယဝ်ႉ ဝႃႈၼႆ။ ၶၢဝ်းတၢင်းသၢႆၵၢၼ်မိၼ်ၼႆႉ ၼိုင်ႈဝူင်ႈမီး 2 ဝၼ်း ပဵၼ်ဝၼ်းၸၼ်လႄႈ ဝၼ်းဢႃးတိတ်ႉ။ ယိူင်းဢၢၼ်း တႃႇတေယုၵ်ႉမုၼ်း ၵၢၼ်ဢႅဝ်ႇလႄႇတွင်ႈတဵဝ်း ၼႂ်းၵႄႈၵၢင်သွင်ၸိုင်ႈမိူင်းၼႆ -...

ၾၢႆႇၵူတ်ႇထတ်းၵူၼ်းၶဝ်ႈမိူင်း မိူင်းထႆး ဢွၵ်ႇပိူင်မႂ်ႇထႅင်ႈ တႃႇၵုမ်းၵူၼ်းၸိူဝ်းတေၶဝ်ႈမိူင်းထႆး။ ပဵၼ်ၽႂ်ယူႇတီႈလႂ်သေဢမ်ႇဝႃႈ သင်ဝႃႈ တေၶဝ်ႈမိူင်းထႆး တၵ်းလူဝ်ႇယိုၼ်ႈလိၵ်ႈတၢင်းဢွၼ်ႊလၢႆႊ လူင်ႈၼႃႈ 3 ဝၼ်း ၸင်ႇတေမီးၶႂၢင်ႉၶၢမ်ႈၶဝ်ႈမိူင်း။ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ယိုတ်းဢႃႇၼႃႇၸိုင်ႈမိူင်းမႃးၶၢဝ်းတၢင်း 4 ပီၼႆႉ ၵူၼ်းမိူင်းမၢၼ်ႈ မိူင်းတႆး ဢမ်ႇလႆႈယူႇလီၸႂ်၊ ႁႃတၢင်းပၢႆႈဢွၵ်ႇမိူင်းယူႇၵူႈဝၼ်း။ ၵူၼ်းမိူင်းလႆႈပၢႆႈမႃး ၸဵမ်မိူဝ်ႈပၢၼ် တႅပ်း 4...

ရူတ်ႉၵႃးပိၼ်ႈၼိူဝ် သဵၼ်ႈတၢင်း ၵဵင်းတုင်- တူၼ်ႈတီး ၊ ပိၼ်ႈတီႈတၢင်းလူင်းလွႆ ပၢင်ၽၵ်းၸေႃး (သပေႇသႄႇတွင်ႇ)  ၼႂ်းၸႄႈဝဵင်းၵဵင်းတုင်   ၵူၼ်း တၢႆ 7 ၵေႃႉ ၊ မၢတ်ႇၸဵပ်း 3 ၵေႃႉ ဝႃႈၼႆ ။ ဝၼ်းတီႈ 8/4/2025 ယၢမ်းၵၢင်ၶမ်ႈ 11 မူင်း ၵႃးတၢင်ႇၵူၼ်း ...

ဝၼ်းတီႈ 07/04/2025 ၼႆႉ သိုၵ်းမၢၼ်ႈ ယိုတ်းမိူင်း ပိုတ်ႇၶူဝ်ၶၢမ်ႈၼမ်ႉၶူင်းလင်မႂ်ႇ တီႈတႃႈၵေႃႈ ဢၼ်မီးၼႂ်းၵႄႈဝဵင်းၵႃလီႉ - ဝဵင်းမိူင်းပဵင်းၼၼ်ႉ မီးၸွမ်သိုၵ်းလူင် ဢွင်ႇလိၼ်းတူၺ်းလႄႈ ၽွင်းလူင်မိူင်းတႆး ဢၼ်ယူႇတႂ်ႈသိုၵ်းမၢၼ်ႈၵုမ်းၵမ် ဢူးဢွင်ႇဢွင်ႇ၊ ၽူႈၵွၼ်းတိူင်းသိုၵ်းဝၼ်းဢွၵ်ႇၵၢင်လႄႈ ၸဝ်ႈလႅင်းသႂ် ႁူဝ်ၼႃႈ ပျီႇတူႉၸိတ်ႉပၢင်ႇလႅင်းသႂ် ပႃးၸဵမ် ၵူၼ်းမိူင်းပိုၼ်ႉတီႈ မႃးၶဝ်ႈႁူမ်ႈတင်းၼမ်။ ၵူၼ်းမိူင်းပိုၼ်ႉတီႈ လၢတ်ႈတီႈၽူႈတွႆႇႁွၵ်ႈဝႃႈ -“ပၢင်ပိုတ်ႇၶူဝ်မႂ်ႇၼႆႉ...

ဝၼ်းတီႈ 06/04/2025 ယၢမ်းႁူဝ်ၶမ်ႈမွၵ်ႈ 4 မူင်း ၾႆးမႆႈႁိူၼ်းလင်ၼိုင်ႈ ၾၢႆႇလင်ႁူင်းပလိၵ်ႈ မၢႆ 2 ၼႂ်းပွၵ်ႉမင်ႇၵလႃႇဢူး ဝဵင်းတူၼ်ႈတီး ၸိုင်ႈတႆးပွတ်းၸၢၼ်း။ ႁိူၼ်းလင်ၼၼ်ႉ ပဵၼ်ႁိူၼ်းသဝ်း ၶႃႈႁၢပ်ႇၵၢၼ်ၶုၼ် တေႃႇၵေႇတီႇ မီးဝႆႉၾၢႆႇလင် ႁူင်းပလိၵ်ႈ မၢႆ 2 ဝဵင်းတူၼ်ႈတီး။ ပဵၼ်ယွၼ်ႉၾႆးၾႃႉသျွတ်ႉသေ ၾႆးတႄႇလၢမ်းမႆႈၵႂႃႇတင်းလင် ဝႃႈၼႆ။ ဝၼ်းတီႈ 05/04/2025...