ဝၼ်းတီႈ 07/04/2025 ယၢမ်းၵၢင်ၼႂ် တပ်ႉပႂ်ႉၾင်ႇၼမ်ႉပၢင်ႇလၢႆႇ မိူင်းၵျပၼ်ႊ ပိုၼ်ၽၢဝ်ႇဝႃႈ ၶိူင်ႈမိၼ် ၾၢႆႇၸွႆႈထႅမ်ၵူၼ်းပဵၼ် လမ်းၼိုင်ႈ ယၢတ်ႇတူၵ်းၼႂ်းပၢင်ႇလၢႆႇ ၸဵင်ႇၸၢၼ်းဝၼ်းတူၵ်း မိူင်းၵျပၼ်ႊ မီးၵူၼ်းလူႉတၢႆ 3 ၵေႃႉ ဝႃႈၼႆ။ ၼႂ်းၶေႃႈပိုၼ်ၽၢဝ်ႇၼၼ်ႉ ပႃးဝႆႉဝႃႈ ထူပ်းႁၼ်တူဝ်တၢႆ ၵူၼ်းသၢမ်ၵေႃႉ။ ၸိူဝ်းၶဝ်ပဵၼ် မေႃယႃလူင်၊ ၵူၼ်းပဵၼ်လႄႈ ၵူၼ်းပႂ်ႉလုမ်းလႃးၵူၼ်းပဵၼ် ဝႃႈၼႆ။ လိူဝ်ၼၼ်ႉ...

ၸိယိူင်းထတ်းသၢင်လွင်ႈ MTA ဝၢင်းၶိူင်ႈၼွမ်းၵၢၼ်ႉပၼ်မၢၼ်ႈ တႃႇတေဢဝ်ၶိုၼ်းမိူင်းတႆး ႁႂ်ႈပေႃးလႆႈၼၼ်ႉ ႁဝ်းတႃႉၵၼ်ႉၸႂ်ယႂ်ႇမုင်ႈမွင်းဝႃႈမီး MTA ၸုမ်းၸဝ်ႈၶုၼ်သႃႇၵူၺ်းယဝ်ႉ ဝႃႈၼႆမႃးၸဵမ်လႂ်။ ဢမ်ႇထၢင်ႇထိူမ်ၼွၼ်းၾၼ်သေ ၵွပ်ႈသင်သမ်ႉလႆႈႁဵတ်းၼႆၵႂႃႇ?။ ဝႃႈလႃးၵေႃႈ ၶဝ်မီးလွင်ႈလမ်ၼမ်ႉယၵ်းမိုဝ်းၵၼ်တင်းမၢၼ်ႈယဝ်ႉႁိုဝ်?၊ ဢၼ်ဝႃႈၼႆၵေႃႈ မီးတင်းၼမ်။ ႁဵတ်းၼႆၵႂႃႇၵေႃႈလီပိူင် ႞ ။ ပေႃးႁဵတ်းၼႆ ၸင်ႇၼွၵ်းမိူင်းၵမ်ႇၽႃႇၵေႃႈ တေၸၢင်ႈႁၼ်လီၵမ်ႉထႅမ်မႃးဝႃႈ ဢၼ်ၸိုဝ်ႈလုၸိုဝ်ႈၼဝ်ႈ ယွၼ်ႉယႃႈမဝ်းၵမ်ၼၼ်ႉ ဢမ်ႇမီးယဝ်ႉၼႆသေ ၸင်ႇတေၸၢင်ႈတႄႇတင်ႈပူၵ်းပွင်ၶိုၼ်း ၵၢၼ်မိူင်းတႆးၵႂႃႇလႆႈလီငၢမ်း။...

ၼႂ်းၼႃႈတီႈၸုမ်းယိပ်းၵွင်ႈၵၢင်ႇၵုမ်းၵမ် ၼႂ်းၸိုင်ႈတႆးလၢႆလၢႆတီႈ ပိုၼ်ၽၢဝ်ႇဝႃႈ တေဢမ်ႇၸတ်းပွႆး မူၼ်ႈၵျေႃႇသွၼ်းၼမ်ယဝ်ႉဝႃႈၼႆသေတႃႉ တီႈဝဵင်းတူၼ်ႈတီးတႄႉ သိုၵ်းမၢၼ်ႈပိုၼ်ၽၢဝ်ႇဝႃႈ တေၸတ်းပွႆး သွၼ်းၼမ်ႉယူႇၼႆသေ ဢွၵ်ႇလိၵ်ႈပိုၼ်ၽၢဝ်ႇ  သၢင်ႈၶဵင်ႇလဵၼ်ႈၼမ်ႉယူႇ။ ၽူႈတူင်ႉၼိုင်တူင်ႇဝူင်းၵူၼ်း ဝဵင်းတူၼ်ႈတီးလၢတ်ႈၽူႈတွႆႇႁွၵ်ႈဝႃႈ- “လႆႈႁၼ်ၶဝ်မႃးႁဵတ်းၶဵင်ႇဝႆႉ တီႈႁိမ်းလုမ်း လူင်ပွင်ၸိုင်ႈဝႆႉၼၼ်ႉၼႃႇ။  တီႈတူၼ်ႈတီးၼႆႉ ပွႆးသွၼ်းၼမ်ႉၼႆႉ  လႅပ်ႈတေပဵၼ်ယူႇ။    တၢင်းၵႃႈဝႅၼ် ႁွင်ႉၵႂၢမ်းၸိူဝ်းၼႆႉ  လႅပ်ႈတေဢမ်ႇပႃးယဝ်ႉ  ၶဝ်တေႁဵတ်းပွႆးသွၼ်းၼမ်ႉယူဝ်းယူဝ်း  ၵူၺ်း ”-ဝႃႈၼႆ...

ၽွင်းၶၢဝ်းၵူၼ်းမိူင်း လႆႈႁူပ်ႉၽေးၽႅၼ်ႇလိၼ်ဝႆ (ဢိင်ႇသၼ်ႇ) လူႉတၢႆၼပ်ႉႁူဝ်ႁဵင်ၵေႃႉယူႇၼႆႉ ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်းလၢႆလၢႆၸုမ်း ဢွၼ်ၵၼ်ၵိုတ်းယင်ႉ ယႃႉပႅတ်ႈၽႅၼ် ၵၢၼ် တႃႇၸတ်းပွႆးသွၼ်းၼမ်ႉၼႆသေတႃႉ ၾၢႆႇသိုၵ်းမၢၼ်ႈတႄႉ ယင်းတိုၵ်ႉသိုပ်ႇယိုၼ်ယၼ်ဝႃႈ တေသိုပ်ႇၸတ်းႁဵတ်းပၢင်ပွႆးသွၼ်းၼမ်ႉၵႂႃႇ တီႈဝဵင်းတႃႈၵုင်ႈ ၼႆယဝ်ႉ။ မိူဝ်ႈဝၼ်းတီႈ 01/04/2025 ယၢမ်းၵၢင်ၶမ်ႈ 8 မူင်းၶိုင်ႈၼၼ်ႉ ၾၢႆႇသိုၵ်းမၢၼ်ႈ ပိုၼ်ၽၢဝ်ႇ ဢွၵ်ႇပဵၼ်တၢင်းၵၢၼ်ၵႂႃႇဝႃႈ “ယွၼ်ႉပဵၼ်ၶၢဝ်းၵူၼ်းမိူင်း လႆႈတုမ်ႉတိူဝ်ႉပၢႆးၸႂ်...

ဝတ်ႉၵျွင်းၽွင်ႇတေႃႇဢူး ၼႂ်းၼွင်ႁၢႆးယႃႈ ၸိုင်ႈတႆးပွတ်းၸၢၼ်း   ဝၢႆးလင်ၽႅၼ်ႇလိၼ်ဝႆၼႆႉ ႁွႆးၸတ်ႉတီႈဝတ်ႉၵျွင်းယႂ်ႇမႃးၵူႈမိုဝ်ႉၵူႈဝၼ်း ထိုင်တီႈလႆႈပိၵ်ႉႁၢမ်ႈၵူၼ်းၶဝ်ႈဢႅဝ်ႇယဵမ်ႈဝႆႉၸူဝ်ႈၶၢဝ်း။     ၼၢင်းယိင်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“တီႈၼႂ်းၼွင်ႁၢႆးယႃႈၼႆႉပဵၼ်ႁႅင်းဝႆႉ ၊ တီႈၼိူဝ်ၵျွင်းၼႆႉ ႁွႆးၸတ်ႉ ၶႅၼ်းယႂ်ႇမႃးထႅင်ႈ ၊ လီၵူဝ်မၼ်းၵူၼ်ႇပင်းၵူၺ်းယဝ်ႉ ၊ ႁိူၼ်းယေးသုမ်ႉသွင်း တီႈႁိမ်း  ဝတ်ႉၵျွင်းတႄႉ ပင်းလူႉၵွႆႇမူတ်းယဝ်ႉ ၊ ဢမ်ႇပၼ်ၽႂ်ၶဝ်ႈၼႂ်းဝတ်ႉယဝ်ႉ”- ဝႃႈၼႆ ။ ၼႂ်းၼွင်ႁၢႆးယႃႈၵေႃႈ တုမ်ႉတိူဝ်ႉယွၼ်ႉၽေးၽႅၼ်ႇလိၼ်ဝႆႁၢဝ်ႈႁႅင်း။...

 ၽႅၼ်ႇလိၼ်ဝႆ(ဢိင်ႇသၼ်ႇ) ႁႅင်း  ဝၼ်းတီႈ 28/03/2025 ၼႆႉသေ ၵူၼ်းမိူင်း ၼႂ်းတိူင်းၸႄႈၵႅင်း၊ ဝဵင်းလိူဝ်ႇ (မၼ်းလေး ) ၊ ၼေႇပျီႇတေႃႇ၊ တူၼ်ႈတီး၊ ၼွင်ႁၢႆးယႃႈ၊ ဢွင်ႇပၢၼ်း ဢိၵ်ႇထႅင်ႈလၢႆလၢႆဝဵင်း မီးလွင်ႈတုမ်ႉ တိူဝ်ႉ မၢတ်ႇၸဵပ်းၼမ် တေႃႇထိုင်ဝၼ်းမိူဝ်ႈၼႆႉ လူဝ်ႇတၢင်းၸွႆႈထႅမ် တင်းၼမ် ။  သင်ႇၶၸဝ်ႈလႄႈ လုၵ်ႈႁဵၼ်း...

ၶၢဝ်းၵူၼ်းမိူင်း ႁူပ်ႉၽေးၽႅၼ်ႇလိၼ်ဝႆ (ဢိင်ႇသၼ်ႇ) ယူႇၼႆႉ ၸုမ်းယိပ်းၵွင်ႈၵၢင်ႇၸၢဝ်းၶိူဝ်း လၢႆလၢႆၸုမ်း ယုၵ်ႉလိူၵ်ႈ/ ယႃႉပႅတ်ႈၽႅၼ်ၵၢၼ်ပွႆးသွၼ်းၼမ်ႉ ဢၼ်တေၸတ်းယႂ်ႇလူင် ၼႂ်းပိုၼ်ႉတီႈၽႂ်မၼ်းၼၼ်ႉ ဝႃႈၼႆ။ မိူဝ်ႈဝၼ်းတီႈ 28/03/2025 ၼၼ်ႉ ၵူၼ်းမိူင်းႁူမ်ႈတုမ် ၼႂ်းမိူင်းမၢၼ်ႈ ၵိုင်ႉၵၢင်ႉႁူပ်ႉၺႃးၽေးၽႅၼ်ႇလိၼ်ဝႆ တင်းႁႅင်း 7.7 မႅၵ်ႊၼီႊၵျုတ်ႉ ႁဵတ်းႁႂ်ႈႁူင်းၵေႃႇၵၢႆႇယႂ်ႇလူင်၊ သဵၼ်ႈတၢင်းလၢႆလၢႆတီႈ လူႉၵွႆၵႂႃႇႁၢဝ်ႈႁႅင်းသေ ၵူၼ်းမိူင်းလႆႈလူႉတၢႆ...

ဝၼ်းတီႈ 31/03/2025 မီးၶလိပ်ႉ လုင်းပႃႈၵူႈၼိုင်ႈ ၵူၼ်းမူႇၸေႊ မႃးႁွင်ႉႁႆႈသႅၼ်ႇပၢဝ်ႇႁႃလုၵ်ႈယိင်း ၼႃႈႁိူၼ်းတိူၵ်ႈ Sky Villa Condo ၵူၼ်ႇယွၼ်ႉၽႅၼ်ႇလိၼ်ဝႆ။ ပဵၼ် လုင်းၸၢႆးဢၢႆႈလူႇ လႄႈ ပႃႈၼၢင်းမေႇ ယူႇဝဵင်းမူႇၸေႊ။ ဝၼ်းတီႈ 28/03/2025 ၽွင်းၽႅၼ်ႇလိၼ်ဝႆႁႅင်းၼၼ်ႉ  ႁိူၼ်းတိူၵ်ႈ Sky Villa Condo တီႈဝဵင်းလိူဝ်ႇၵူၼ်ႇလူင်းလူႉၵွႆ  ။...

ၽွင်းၵူၼ်းမိူင်းၼႂ်းမိူင်းႁူမ်ႈတုမ် ထူပ်းၽေးၽႅၼ်ႇလိၼ်ဝႆ (ဢိင်ႇသၼ်ႇ) ယူႇပတ်းပိုၼ်ႉမိူင်းၼႆႉ လူင်ပွင်ၸိုင်ႈ မိူင်း ထၢႆႊဝၼ်ႊ  ႁၢင်ႈႁႅၼ်း ၶိူင်ႈၸႂ်ႉတိုဝ်း လႄႈ ၵူၼ်းၵတ်ႉလႅၼ်ႇ ၾၢႆႇၸွႆႈထႅမ်ၽေးၽႅၼ်ႇလိၼ်ဝႆသူင်ႇၸူးမိူင်းမၢၼ်ႈ တႃႇၸွႆႈထႅမ်ၵူၼ်းမိူင်းၸိူဝ်းထူပ်းၽေးၽႅၼ်ႇလိၼ်၊ ၾၢႆႇသိုၵ်း မၢၼ်ႈႁၢမ်ႈတၢပ်ႈ ဢမ်ႇပၼ်ၶဝ်ႈမိူင်းလႄႈ ၸုမ်းၸွႆႈထႅမ်လႆႈထွႆပွၵ်ႈမိူဝ်းၶိုၼ်း။ မိူဝ်ႈဝၼ်းတီႈ 31/3/2025 ႁွင်ႈၵၢၼ်ၶၢဝ်ႇ ၾၢႆႇမိူင်းထၢႆႊဝၼ်ႊ Central News Agency ဢွၵ်ႇၶၢဝ်ႇဝႆႉဝႃႈ...

တီႈဝဵင်းႁူဝ်ပူင်းၸိုင်ႈတႆးပွတ်းၸၢၼ်းၼၼ်ႉ ၵူၼ်းဝၢၼ်ႈပၢင်ႇလႅင်း ၵႂႃႇပွႆးသၢင်ႇလွင်းသေပွၵ်ႈၶိုၼ်းႁိူၼ်း ၊ မႃးၺႃးၽႅၼ်ႇလိၼ်ဝႆ ၽွင်းႁွတ်ႈၵၢင်တၢင်း၊ တူၵ်းၸႂ်သေ ပဵၼ်ၽေးၵိုင်ႉၵၢင်ႉ ရူတ်ႉၵႃးၽႃႇၺႃးၵၼ် ၵူၼ်းတၢႆ 4 ၵေႃႉ။ ၵူၼ်းပိုၼ်ႉတီႈလၢၼ် ၽူႈတၢႆ လၢတ်ႈတီႈၽူႈတွႆႇႁွၵ်ႈဝႃႈ -“ ဝၼ်းတီႈ 28/03/2025 ၼၼ်ႉၶဝ်ၵႂႃႇပွႆးသၢင်ႇ လွင်း သေပွၵ်ႈမႃးၶိုၼ်းႁိူၼ်း ။ ၽိူဝ်ႇထိုင်ၵၢင်တၢင်း ၽွင်းၽႅၼ်ႇလိၼ်ဝႆႁႅင်းၼၼ်ႉၶဝ်တူၵ်းၸႂ်သေ ၼႅတ်ႈၵိုတ်းရူတ်ႉ။...

ၼမ်ႉၼွင်သွမ်ႇ ဢၼ်မီးတီႈၸႄႈဝဵင်းယႂႃႇငၢၼ်ႇၸိုင်ႈတႆးပွတ်းၸၢၼ်းၼၼ်ႉ ယွၼ်ႉပိူဝ်ႈၽႅၼ်ႇလိၼ်ဝႆသေ ဢဝ်ၼမ်ႉၶုၼ်ႇပႅတ်ႈတေႃႇထိုင်ဝၼ်းမိူဝ်ႈၼႆႉ ဢမ်ႇသႂ်ၶိုၼ်း။ တင်ႈတႄႇၽႅၼ်ႇလိၼ်ဝႆ ဝၼ်းတီႈ 28/03/2025 မႃး ၼမ်ႉၼွင် ၼမ်ႉလၼ်ႈ ၼမ်ႉပုင်ႇ ပႃးၸဵမ်ၼမ်ႉၼွင်သွမ်ႇ ၸိူဝ်းမီးၼႂ်းၸႄႈဝဵင်းယႂႃႇငၢၼ်ႇၼၼ်ႉၶုၼ်ႇဢူၼ်ပႅတ်ႈမူတ်း ၊ လႆႈ 3-4 ဝၼ်းယဝ်ႉယင်းပႆႇသႂ်ၶိုၼ်းလႄႈၵူၼ်းပိုၼ်ႉတီႈပဵၼ်ဢၼ်ၸႂ်ဢမ်ႇလီဝႃႈၼႆ။ ၵူၼ်းမိူင်းဝဵင်းယႂႃႇငၢၼ်ႇၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ-“မိူဝ်ႈၼမ်ႉထူမ်ႈပီၵၢႆၼႆႉၵေႃႈ ၼမ်ႉၼွင်သွမ်ႇၼႆႉ မၼ်းၶုၼ်ႇယူႇ။ ၵူၺ်းၵႃႈမၼ်းၶိုၼ်းသႂ်ယူႇၼႃ။ ယၢမ်းလဵဝ် မၼ်းၶုၼ်ႇယွၼ်ႉၽႅၼ်ႇလိၼ်ဝႆၼႆႉ ၸွင်ႇမၼ်းတေၶိုၼ်းသႂ်တႄႉဢမ်ႇႁူႉ။  တူၺ်းငဝ်းလၢႆးမၼ်းတႄႉၵူဝ်မၼ်းဢမ်ႇၶိုၼ်းသႂ်ၵူၺ်းယဝ်ႉၶႃႈ...

လူင်ပွင်ၸိုင်ႈထႆးလႄႈ ၶွမ်ႊပၼီႊ ၻီႊထႅၵ်ႊလႄႈ ထရူႊမုပ်ႉ ၶိုင်ပၼ်ၵူၼ်းမိူင်းမၢၼ်ႈၼႂ်းမိူင်းထႆး ႁႂ်ႈၵပ်းသိုပ်ႇၾူၼ်းၸူးတေႃႇၵူၼ်းႁိူၼ်းလႆႈ လူၺ်ႈဢမ်ႇသဵင်ႈငိုၼ်း။ ၽႅၼ်ႇလိၼ်ဝႆႁႅင်းၵမ်းၼႆႉ ၵူၼ်းမိူင်းမၢၼ်ႈမီးလွင်ႈလူႉသုမ်းတုမ်ႉတိူဝ်ႉၼမ်ႁႅင်း ၊ ႁႅင်းၵၢၼ်မိူင်းမၢၼ်ႈ ၼႂ်းမိူင်းထႆးၵေႃႈ ယွၼ်ႉႁိူၼ်းတိုၵ်းသုင်ဢၼ်တိုၵ်ႉၵေႃႇသၢင်ႈယူႇၼၼ်ႉ ၵူၼ်ႇလူင်းတဵင်သႂ်ႇလႄႈ လူႉတၢႆမၢတ်ႇၸဵပ်းၼမ်။ လူင်ပွင်ၸိုင်ႈ မိူင်းထႆး ပိုၼ်ၽၢဝ်ႇ မိူဝ်ႈဝၼ်းတီႈ 29/03/2025 ဝႃႈ ႁႅင်းၵၢၼ် မိူင်းမၢၼ်ႈ ၵပ်းၾူၼ်းၸူး ၵူၼ်းတၢင်းႁိူၼ်းလႆႈၾရီႊ တေႃႇထိုင်လိူၼ်မၢတ်ႉၶျ်...

 ဝၼ်းတီႈ 30/03/2025 ယၢမ်းၵၢင်ၼႂ်ၸဝ်ႉ ၵေႃႁူမ်ႈသၢင်ႈၸိုင်ႈတႆး SSJAC ပိုၼ်ၽၢဝ်ႇဝႃႈ  တေၸွႆႈထႅမ်ၵူၼ်းမိူင်းၸိူဝ်းထူပ်းၽေးၽႅၼ်ႇလိၼ်ဝႆ  သေလူႉသုမ်းၶူဝ်းၶွင်ႁိူၼ်းယေး လုၵ်ႈလၢင်းၼၢင်းမေး ၵူၼ်းႁိူၼ်း ၸိူဝ်းၼၼ်ႉ  -  တႃႇငိုၼ်းမၢၼ်ႈ 1800 သႅၼ် ဝႃႈၼႆ။  ၵေႃႁူမ်ႈသၢင်ႈၸိုင်ႈတႆး ပိုၼ်ၽၢဝ်ႇတိုၵ်းသူၼ်းဝႆႉဝႃႈ မိူဝ်ႈႁဵတ်းသၢင်ႈ ၵၢၼ်ၵွပ်ႇၵူႈၸွႆႈထႅမ် ၵူၼ်းထူပ်းၽေးသၽႃႇဝ ၼၼ်ႉ ၶႂ်ႈတိုၵ်းသူၼ်းထိုင် ၵူႈမူႇၵူႈၸုမ်း ၼႂ်းမိူင်းဢိၵ်ႇ...

လင်ၽႅၼ်လိၼ်ဝႆႁႅင်းယဝ်ႉဝၼ်းၼိုင်ႈ မိူဝ်ႈဝၼ်းတီႈ 29/03/2025 ၼၼ်ႉ ၼႂ်းၼွင်ႁၢႆးယႃႈ (ဢိၼ်းလေး) ၸႄႈဝဵင်းယွင်ႁူၺ်ႈ ႁိမ်းႁွမ်းဝတ်ႉၵျွင်းၽြႃးၽွင်ႇတေႃႇဢူး (ၽြႃးၸၢမ်ၵဝ်ႈတွၼ်ႈ) လႄႈၼႂ်းဝၢၼ်ႈၼႂ်းပွၵ်ႉၼၼ်ႉ ၼမ်ႉၼွင်ၵိုင်ႉၵၢင်ႉႁႅင်ႈ ယွမ်းၵႂႃႇတင်း ၼမ်သေ ႁွႆလႄႈပႃတၢႆ ၽူးၶိုၼ်ႈမႃးၼိူဝ်ၼႃႈၼမ်ႉ သမ်ႉပေႃးၶႅပ်းၵႂႃႇမူတ်း  ဝႃႈၼႆ။  ၼၢင်းယိင်းၵူၼ်းယူႇၼႂ်းၼွင်ႁၢႆးယႃႈ လၢတ်ႈၽူႈတွႆႇႁွၵ်ႈဝႃႈ - “ တလဵဝ်ၸွမ်းၸိူဝ်းၼႃႈၵျွင်းၽြႃးၽွင်ႇ တေႃႇဢူး ၼၼ်ႉလႄႈသင် ၸွမ်းဝၢၼ်ႈႁိမ်းၽင်ႇၼွင်ၸိူဝ်းၼၼ်ႉ...

မိူဝ်ႈဝၼ်းတီႈ 28/03/2025 တပ်ႉသိုၵ်းမိူင်းဝႃႉ ၽွမ်ႉႁူမ်ႈ UWSA ပိုၼ်ၽၢဝ်ႇဢွၵ်ႇလိၵ်ႈပဵၼ်တၢင်းၵၢၼ်ဝႃႈ တေပၼ်ငိုၼ်းၵမ်ႉၸွႆႈတႃႇၵူၼ်းမိူင်းၸိူဝ်းထူပ်းၺႃးၽေး ၽႅၼ်ႇလိၼ်ဝႆ (ဢိင်ႇသၼ်ႇ) ၵႂႃႇငိုၼ်း မၢၼ်ႈ သွင်မိုၼ်ႇသႅၼ်ပျႃး ဝႃႈၼႆ။ ၼႂ်းၶေႃႈပိုၼ်ၽၢဝ်ႇၼၼ်ႉ ၾၢႆႇတပ်ႉသိုၵ်းဝႃႉ  မွၵ်ႇလၢတ်ႈ မွင်ၸႂ်ၸွမ်း ပီႈၼွင်ႉၸၢဝ်းၶိူဝ်း ၸိူဝ်းႁူပ်ႉ ၺႃး ၽေးၽႅၼ်ႇလိၼ်ဝႆၵွႆးဢမ်ႇၵႃး တိုၵ်းသူၼ်းဝႆႉပႃးဝႃႈ ႁႂ်ႈၵူၼ်းၵူႈၸၼ်ႉထၢၼ်ႈ  ဢမ်ႇလိူၵ်ႈ ၸၢဝ်းၶိူဝ်း...