ဝၼ်းတီႈ 09/08/2025 ၵၢင်ၼႂ် 8 မူင်းၶိုင်ႈၼၼ်ႉ ၸၢႆးဢွင်ႇမိူင်း ဢႃယု 43 ပီ Copy Editor ၶၢဝ်ႇၾၢႆႇဢိင်းၵလဵတ်ႈ ၼႂ်းၸုမ်းၶၢဝ်ႇၽူႈတွႆႇႁွၵ်ႈ လူႉသဵင်ႈ ။

ၸၢႆးဢွင်ႇမိူင်းၼႆႉ ယူႇၼႂ်းၼမ်းၸုမ်းၶၢဝ်ႇၽူႈတွႆႇႁွၵ်ႈသေ ယၢမ်ႈႁပ်ႉဢဝ်ပုၼ်ႈၽွၼ်း Development Secretary တီႈၸုမ်း BNI : Burma News International ပီ 2005 – 2008 ၊ ဝၢႆးၼၼ်ႉ ၸင်ႇမႃးႁၢပ်ႇၵၢၼ်ၼႂ်းၸုမ်းၶၢဝ်ႇၽူႈတွႆႇႁွၵ်ႈ ပဵၼ်မိုဝ်ႉပဵၼ်ပွၵ်ႈ ဢမ်ႇၸႂ်ႈၽူႈႁၢပ်ႇၵၢၼ်တဵမ်တူဝ်။

မၼ်းၸၢႆးၼႆႉ ယၢမ်ႈၵႂႃႇလဵပ်ႈႁဵၼ်းပၢႆးပၺ်ႇၺႃႇၼွၵ်ႈမိူင်းဝႆႉ လၢႆတီႈ မိူၼ်ၼင်ႇ – မိူင်းထႆး၊ မိူင်းမလေးသျႃး၊ မိူင်းဢေႃးသတြေးလီးယိူဝ်း၊ ႁွင်ႇၵွင်ႇ ၸိူဝ်းၼႆႉ။

ဢၼ်လႆႈႁပ်ႉပုၼ်ႈၽွၼ်းပဵၼ် Copy Editor ၾၢႆႇဢိင်းၵလဵတ်ႈ တီႈၸုမ်းၶၢဝ်ႇၽူႈတွႆႇႁွၵ်ႈၼႆႉ တႄႇႁၢပ်ႇၵၢၼ်မႃး မိူဝ်ႈလိူၼ်ၾႅပ်ႊပိဝ်ႊရီႊ ပီ 2025 ၼၼ်ႉသေ တင်းသွင်ပႃႈသွင် ၾၢႆႇလႆႈလူင်းလိၵ်ႈၵိၼ်ၵႅၼ်ႇၵၼ်ဝႆႉ တေႃႇပီ 2025 ၼႆႉသဵင်ႈ။

ယူႇတီႈ ၵူၼ်းၼႂ်းမုင်ႉႁေႃႁိူၼ်းလႄႈ မူႇပီႈၸုမ်းၼွင်ႉ လႆႈဢွၼ်ၵၼ်ၸတ်းပၢင်ၸႃႇပၼ ပူၼ်ႉၶၢပ်ႈတူဝ်မၼ်းၸၢႆးၵႂႃႇ မိူဝ်ႈဝၼ်းတီႈ 10/08/2025 တီႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ။

ဢိင်ၼိူဝ် မၼ်းၸၢႆး လႆႈၵိုင်ႉၵၢင်ႉလူႉသဵင်ႈၵႂႃႇၼင်ႇၼႆသေ ယူႇတီႈ ၸုမ်းၶၢဝ်ႇၽူႈတွႆႇႁွၵ်ႈ ပဵၼ်ၸႂ်ဢမ်ႇလီလႄႈ မွင်ၸႂ်ၸွမ်းတႄႉတႄႉဝႃႈဝႃႈ။ ၼႃႈၵၢၼ်တႃငၢၼ်း ဢၼ်ၸၢႆးဢွင်ႇမိူင်း ယၢမ်ႈႁၢပ်ႇယၢမ်ႈႁဵတ်းမႃးၸိူဝ်းၼၼ်ႉ ယူႇတီႈၸုမ်းၶၢဝ်ႇၽူႈတွႆႇႁွၵ်ႈ တၢင်ႇၽိုၼ်ၵိုၵ်းပိုၼ်းဝႆႉယူႇၶႃႈ။

ႁႂ်ႈဝိၺၢၼ်ႇၶႂၼ်ငဝ်း ၸၢႆးဢွင်ႇမိူင်း ႁွတ်ႈထိုင်သုၵတိ တီႈၵတ်းယဵၼ်သေၵမ်း။