ဝၼ်းတီႈ 18/02/2025 ၼႆႉ သိုၵ်းမၢၼ်ႈ ဢွၵ်ႇပၵ်းပိူင်မႂ်ႇ ၵဵဝ်ႇလူၺ်ႈတင်ႈၸုမ်းၾၢႆႇဢဝ်ႁူမ်ႇလူမ်ႈ သုၼ်ႇလဵဝ် ဢၼ် ၾၢႆႇမၢၼ်ႈႁွင်ႉဝႃႈ “ပုဂ္ဂလိက လုံခြုံရေး ဝန်ဆောင်မှုဆိုင်ရာ ဥပဒေ ”။ ၸွမ်းၼင်ႇ ၼႂ်းပိူင်ၼၼ်ႉတႄႉ ၽႂ်မီးဢႃႇၼႃႇ ၽႂ်မီးငိုၼ်းၵေႃႈ ၸၢင်ႈၶွတ်ႇၽွတ်ႈတင်ႈၸုမ်းသေ ယိပ်းၵွင်ႈလႆႈ။ ၼႂ်းငဝ်းလၢႆးဝၢၼ်ႈမိူင်း ဢမ်ႇသုၵ်းဢမ်ႇလိပ်း မိူၼ်ၼႆတႄႉ ယွၼ်ႉပိူင်ၼႆႉသေ ၽွၼ်းၸႃႉၸၢင်ႈၼမ်သေ...

ပူၼ်ႉမႃး ဝၼ်းတီႈ 16/02/2025 ၼႆႉ ၵူၼ်းပိုၼ်ႉတီႈ ဢွၼ်ၵၼ်ၸတ်းႁဵတ်း ပွႆးၺွပ်းပႃ ၼႂ်းၼွင်တွင်ႇတိၼ်ႇ (ဒေါင်ဒင်အင်း) ႁိမ်းဝၢၼ်ႈယေႇပူႇၵေႃႉၸႅပ်ႉ (ရေပူကကော့စပ်ရွာ) ၼႂ်းၸႄႈဝဵင်းၵျၢႆႉမယေႃး (ကျိုက်မရောမြို့နယ်) ၸႄႈမိူင်းမွၼ်း။ ပွႆးၺွပ်းပႃ ၼႂ်းၼွင်တွင်ႇတိၼ်ႇၼႆႉ ၸတ်းႁဵတ်းမႃးၵူႈပီသေတႃႉ ဢမ်ႇလႆႈမၵ်းမၼ်ႈဝၼ်းဝႆႉတႅတ်ႈတေႃး။ ဢိင်ၼိူဝ် ငဝ်းလၢႆး ၼမ်ႉၼႂ်းၼွင်သေ ၸတ်းႁဵတ်းၵူၺ်း - ဝႃႈၼႆ။ ၵူၼ်းပိုၼ်ႉတီႈ လၢတ်ႈဝႃႈ...

ဝၼ်းတီႈ 16/2/2025 ယၢမ်းႁူဝ်ၶမ်ႈ 6 မူင်း မီးၶၢဝ်ႇၽႄႈလၢမ်း ၼႂ်းဝဵင်းၵူတ်ႉၶၢႆဝႃႈ - သိုၵ်းမၢၼ်ႈတေဢဝ် မၢၵ်ႇမႃးပွႆႇ တီႈႁူင်းယႃ  ၼႆလႄႈ ၵူၼ်းပဵၼ်တီႈႁုင်းယႃ တူၵ်းၸႂ်ၵူဝ်ႁႄ ဢွၼ်ၵၼ်ႁႅၼ်းၶူဝ်း ဢွၵ်ႇႁူင်းယႃ သွင်ႉပၢႆၽႂ်မၼ်း ။ ၽူႈၸၢႆးၵူၼ်း ပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“မိူဝ်းဝႃး ႁူဝ်ၶမ်ႈ ဢွၼ်ၵၼ်သုၵ်ႉသၵ်ႉၵႂႃႇမူတ်း ၊ ယွၼ်ႉ...

ၸုမ်းရူဝ်ႊႁိၼ်ႊၵျႃႊ မိူင်းမၢၼ်ႈ BROUK ဢၼ်ပၵ်းလုမ်းတီႈ မိူင်း UK ပိုၼ်ၽၢဝ်ႇဢွၵ်ႇမႃး ၼႂ်းဝၼ်းတီႈ 14/02/2025 ၼႆႉဝႃႈ - လုမ်းတြႃး ဢႃႊၵျိၼ်ႊတီႊၼိူဝ်ႊ ပိုၼ်ၽၢဝ်ႇတီႉၺွပ်းတူဝ် ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလႅင်ႇလႄႈတင်း ၽူႈမီးၸၼ်ႉသုင် ၼႂ်းၸုမ်းသိုၵ်းမၢၼ်ႈ ၵမ်ႈၽွင်ႈ ယွၼ်ႉၶႃႈႁႅမ်ၽဵဝ်ႈမူၺ်ႉ ၵူၼ်းၶိူဝ်းရူဝ်ႊႁိၼ်ႊၵျႃႊ - ဝႃႈၼႆ။  ယူႇတီႈ လုမ်းတြႃး...

ၸွမ်းၼင်ႇၵႂၢမ်းထုင်းမီးဝႆႉဝႃႈ ငႃးမဵတ်ႉၼိုင်ႈ ဢမ်ႇပဵၼ်မၼ်း ၽၼ်းမဵတ်ႉၼိုင်ႈ ဢမ်ႇပဵၼ်သူၼ်ၼႆ ၼၼ်ႉသေ မီးၵူၼ်းၵေႃႉလဵဝ်ၵူၺ်းၵေႃႈ တေဢမ်ႇၸၢင်ႈမၵ်းမၼ်ႈဝႃႈ ပဵၼ်ဝၢၼ်ႈပဵၼ်မိူင်းလႆႈ။ တႃႇပဵၼ်မႃးဝၢၼ်ႈမိူင်း ၼိုင်ႈလုၵ်ႈ ၼႆႉ လမ်ႇလွင်ႈသုတ်းၵေႃႈ ပဵၼ်ၵူၼ်းမိူင်း။ ၵူၼ်းမိူင်း မီးၼမ်ၼပ်ႉႁူဝ်သိပ်းလၢၼ်ႉၵေႃႈ ပေႃးၶုၼ်မိူင်းဢမ်ႇလီ ငဝ်းလၢႆးဝၢၼ်ႈမိူင်းတေသုၵ်ႉတေယုင်ႈ။ သင်ဢမ်ႇမီးလွင်ႈဢုၼ်ႇၸႂ် ဢမ်ႇမီးလွင်ႈႁူမ်ႇလူမ်ႈၸိုင် ၽႂ်ၵေႃႈ တေၶႂ်ႈပၢႆႈဢွၵ်ႇယၢၼ်မိူင်း။ ယွၼ်ႉၼၼ် ၶုၼ်မိူင်းၸဝ်ႈလႂ်တူၼ်လႂ်ၵေႃႈယဝ်ႉ သင်ၶႂ်ႈဝၢၼ်ႈမိူင်း ၸဝ်ႈၵဝ်ႇၵတ်းယဵၼ်ၼိမ်တဵင်ႈၸိုင်...

ၽူႈလၵ်ႉလိူင်ႇၼမ် တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ရူတ်ႉၶိူင်ႈၵႃႈၶၼ်ယႂ် ႁၢႆ ၵူႈဝၼ်း ၊ ၼႂ်းၶၢဝ်းတၢင်းသွင်ဝၼ်း ရူတ်ႉၶိူင်ႈႁၢႆ 25 လမ်း ဝႃႈၼႆ ။ ၼႂ်းလိူၼ် ၾႅပ်ႊပိဝ်ႊရီႊ ဝၼ်းတီႈ 12-13 ၼႂ်းၶၢဝ်းတၢင်းသွင်ဝၼ်းရူတ်ႉၶိူင်ႈႁၢႆ 25 လမ်း ။ သႅၼ်းဢၼ်ရူတ်ႉၶိူင်ႈဢၼ်ထုၵ်ႇလုၵ်ႉၸိူင်းၼႆႉၵေႃႈ ပဵၼ်သႅၼ်းၵႃႈၶၼ်ယႂ်လၢႆလၢႆ ဝႃႈၼႆ ။ ၼၢင်းယိင်းပိုၼ်ႉတီႈဝဵင်းတူၼ်ႈတီးလၢတ်ႈၽူႈတွႆႇႁွၵ်ႈဝႃႈ...

သိုၵ်းမၢၼ်ႈ တင်ႈၵဵတ်ႉလၢၼ်ႇၼမ်   တီႈသဵၼ်ႈတၢင်း   ၵျွၵ်ႉၵူႇ - ပႃႉထူး- ၶိုၼ်ႈၼွင်ၶဵဝ်-ၵျွၵ်ႉမႄး   ၵဵတ်ႉ/လၢၼ်ႇ ဢမ်ႇယွမ်း 20 တီႈ ၵူတ်ႇထတ်းၵူၼ်းမိူင်းၸိူဝ်းၵႂႃႇမႃး ႁၢဝ်ႈႁႅင်း ထႆၵိၼ်ငိုၼ်း ၵူၼ်းမိူင်း  ၵူႈၵဵတ်ႉၵူႈလၢၼ်ႇ။ ၼၢင်းယိင်းသႅၼ်းပၢၼ်ဢႃယုမွၵ်ႈ 40 ပီ  လၢတ်ႈဝႃႈ မၼ်းၼၢင်းလုၵ်ႉၵျွၵ်ႉမႄး မႃးတူၼ်ႈတီး မိူဝ်ႈ ဝၼ်းတီႈ 9/2/2025။...

ႁွင်ႈၵၢၼ် ၾၢႆႇၵူတ်ႇထတ်းၶိုၵ်ႉတွၼ်း (DSI) မိူင်းထႆး ႁၢင်ႈႁႅၼ်း တႃႇတေတီႉၺွပ်း ႁူဝ်ၼႃႈ တပ်ႉပႂ်ႉလႅၼ်လိၼ် ယၢင်းၽိူၵ်ႇ ၸိူဝ်းႁဵတ်းၵၢၼ် လွၵ်ႇလႅၼ်ၵိၼ်ငိုၼ်းတၢင်းဢွၼ်ႊလၢႆႊ ၼႂ်းၸႄႈဝဵင်းမျႃႉဝတီႇ လႅၼ်လိၼ်မိူင်းထႆး - မိူင်းမၢၼ်ႈ ဝႃႈၼႆ။ ၶၢဝ်ႇထႆး ႁၢႆးငၢၼ်းၵႂႃႇ ၼႂ်းဝၼ်းတီႈ 11/02/2025 ၼႆႉဝႃႈ - ၸွမ်းၼင်ႇ ၶေႃႈပိုၼ်ၽၢဝ်ႇ ႁွင်ႈၵၢၼ်ၽွင်းလူင်...

မိူင်းၶႄႇ ပိုၼ်ၽၢဝ်ႇပဵၼ်တၢင်းၵၢၼ်ဝႃႈ ၸိူဝ်းပဵၼ်လုၵ်ႈၸုမ်းဢႃႊသီႊယၼ်ႊ (ASEAN) ၼၼ်ႉ ဢမ်ႇလူဝ်ႇဢဝ်ဝီႊသႃႊ (Visa) ၶဝ်ႈဢႅဝ်ႇလႄႇလႆႈ ၼႂ်းမိူင်းသိပ်းသွင်ပၼ်းၼႃး ဝႃႈၼႆ။ ႁွင်ႈၵၢၼ်ၽွင်းလူင် ၾၢႆႇၵူတ်ႇထတ်းၵူၼ်းၶဝ်ႈဢွၵ်ႇမိူင်း မိူင်းၶႄႇ (NIA) ပိုၼ်ၽၢဝ်ႇဢွၵ်ႇမႃးဝႃႈ တႄႇဢဝ်ဝၼ်းတီႈ 10/02/2025 ၼႆႉၵႂႃႇ ၵူၼ်းမိူင်း ၸိူဝ်းပဵၼ်ၸိုင်ႈမိူင်း ၼႂ်းလုၵ်ႈၸုမ်းဢႃႊသီႊယၼ်ႊ တင်းသဵင်ႈ သင်ၶႂ်ႈၵႂႃႇဢႅဝ်ႇလႄႇ ၼႂ်းၼႃႈလိၼ်ၽွင်းငမ်းတူဝ်ၵဝ်ႇ မိူင်းသိပ်းသွင်ပၼ်းၼႃး...

ဝၼ်းတီႈ 7 လိူၼ်ၾႅပ်ႊပိဝ်ႊရီႊၼႆႉ ၵမ်ႈၼမ် တေႁူႉၵၼ်ဝႃႈ မၼ်းလမ်ႇလွင်ႈတႃႇမိူင်းတႆးလႄႈ တႃႇမိူင်းႁူမ်ႈတုမ်။ ယူႇတီႈ ၸဵင်ႇႁပ်ႉႁူႉၽႂ်မၼ်းသေ ဢွၼ်ၵၼ်ႁိၵ်ႈႁွင်ႉဝႃႈ ဝၼ်းၶိူဝ်းတႆး၊ ဝၼ်းမိူင်းတႆး ဢမ်ႇၼၼ် ဝၼ်းၸိူဝ်ႉၸၢတ်ႈ ၸိုင်ႈတႆး ၼႆၸိူဝ်းၼႆႉ။ ယုမ်ႇယမ်ဝႃႈ ဝၼ်းၼႆႉ လမ်ႇလွင်ႈတႃႇဝၢၼ်ႈမိူင်းၼႆသေ မီးလွင်ႈယၢပ်ႇၸိူင်ႉႁိုဝ်ၵေႃႈ ဢွၼ်ၵၼ်ဝႆႉ ၼမ်ႉၼၵ်းသေ ၽိုၼ်ႉၽူးၶိုင်ပွင်ၶုၵ်းထူပ်းၶိုၼ်းၸွမ်းၼင်ႇပွင်ပဵၼ်လႆႈ။ ပီ 2025 ၼႆႉ...

တႄႇႁူဝ်လိူၼ်ၾႅပ်ႉပိဝ်ႊရီႊၼႆ့မႃး ၵႃႈၶၢတ်ႈႁိူၼ်း ၶၢတ်ႈႁၢၼ့် တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ပုင်ႈသုင်ႁႅင်း  ႁဵတ်းႁႂ်ႈၵူၼ်းမိူင်းၸိူဝ်းယူႇၼႂ်းဝဵင်းတူၼ်ႈတီး ပႃးၸဵမ်ၵူၼ်းပိုၼ့်တီႈယၢပ်ႇၽိုတ်ႇၵိၼ်းၸႂ်   ။ ၼၢင်းယိင်းၵူၼ်းမိူင်းဝဵင်းတူၼ်ႈတီးၵေႃႉၼိုင်ႈ လၢတ်ႈၽူႈတွႆႇႁွၵ်ႈဝႃႈ-“ႁွင်ႈလဵၵ့်လဵၵ့်ဢွၼ်ႇၵူၺ်းၵေႃႈ ၵႃႈၶၢတ်ႈမၼ်း ပဵၼ်လိူၼ် 8 – 9 သႅၼ်ပျႃး။ ပေႃးပဵၼ်ပွၵ်ႉဢၼ်ၵူၼ်းၵိုၼ်းၼၼ်ႉၶႅၼ်းၵႃႈ။ ၼိုင်ႈလိူၼ် 20-30 သႅၼ်ၸိူဝ်းၼႆႉၵေႃႈမီး။ ယၢမ်းလဵဝ်ၼႆ့ တီႈဝဵင်းတူၼ်ႈတီးၼႆ့ ၵူၼ်းဢၼ်ဢမ်ႇမီးႁိူၼ်းမီးယေး ၸွမ်းတၢင်း...

မူင်ႈမႅင်းၵမ်ႈၽွင်ႈၼႆႉ မေႃႁဵတ်းယႂ်း၊ ဢဝ်ယႂ်းဢွၵ်ႇတီႈၵူၼ်ႈၶဝ်သေ ႁဵတ်းယႂ်းႁဵတ်းႁၢင်း။ ၵူၺ်းၵႃႈ ဢၼ်ဢဝ်ယႂ်းၶဝ် ဢွၵ်ႇႁဵတ်းႁၢင်းယႂ်း ပဵၼ်ၶႅင်းယႂ်းလႆႈယူႇသေတႃႉၵေႃႈ၊ လၢႆးႁဵတ်းႁၢင်းယႂ်း၊ တီႈၸႂ်ႉတိုဝ်းၶဝ် ၼၼ်ႉသမ်ႉ မဵဝ်း ႞ လႄႈမဵဝ်း ႞ ပႅၵ်ႇပိူင်ႈၵၼ်ယူႇယဝ်ႉ။ မိူၼ်ၼင်ႇ ၵူင်ႇၵၢဝ်လႄႈမူင်ႈလၢႆႈၼႆႉ ၶဝ်မေႃဢဝ်ယႂ်းဢွၵ်ႇတီႈၵူၼ်ႈၶဝ်ၼင်ႇၵၼ်၊ မေႃႁဵတ်းဢွၵ်ႇယႂ်း မိူၼ်ၵၼ်ယူႇ၊ ၵူၺ်းၵႃႈ တီႈဢၼ်ၸႂ်ႉတိုဝ်းယႂ်းၶဝ်ၼၼ်ႉ ဢမ်ႇမိူၼ်ၵၼ်လႆႈႁၼ်ၼင်ႇၼႆ။ ၵူင်ႇၵၢဝ်ၼႆႉ ပေႃးႁဵတ်းဢွၵ်ႇယႂ်းၶဝ်ယဝ်ႉ...

ဝၼ်းတီႈ 7 လိူၼ်ၾႅပ်ႊပိဝ်ႊရီႊ 2025 ပဵၼ်ဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈတဵမ် 78 ပီ ၶွင်ႇသီႇဢဝ်ၶိုၼ်းၸိုင်ႈတႆးတပ်ႉသိုၵ်းၸိုင်ႈတႆး RCSS/SSA ၸတ်းႁဵတ်းပွႆးငမ်းယဵၼ် တီႈဝဵင်းမိူင်းပၼ်ႇ ၸိုင်ႈတႆးပွတ်းၸၢၼ်း။ ပၢင်ပွႆးငမ်းယဵၼ်ၼႆႉ ၸတ်းႁဵတ်းတၢင်းဝၢၼ်ႈၼႃးသႃလေး  ဝဵင်းမိူင်းပၼ်ႇ။ တူဝ်ႁူဝ်ပဝ်ႈ RCSS/SSA ၸွမ်သိုၵ်းလူင်ယွတ်ႈသိုၵ်း ၶဝ်ႈႁူမ်ႈ ပိုတ်ႇပၼ်သဝ်ႁိၼ်မႂ်ႇ NCA ။  ပၢင်ပွႆးၼႆႉမီးပႃးပၢင်ႁွင်ႉၽဵင်းၵႂၢမ်းပၢၼ်မႂ်ႇ မီးၽူႈႁွင်ႉၵႂၢမ်းၸိုဝ်ႈသဵင်လိုဝ်းလင်လၢႆလၢႆၸဝ်ႈမႃးၶဝ်ႈႁူမ်ႈႁွင်ႉၽဵင်းၵႂၢမ်းမူၼ်ႈၸႂ်။...

ၽၵ်းတူၶဝ်ႈဝဵင်းသီႇပေႃႉ ၸိုင်ႈတႆးပွတ်းႁွင်ႇၼၼ်ႉ မီးၵူၼ်းၸုမ်းၼိုင်ႈ မႃးယႃႉတူဝ်လိၵ်ႈတႆးဢွၵ်ႇသေ တႃးသီတဵင် ႁၢင်ႈၽႅၼ်ႇလိၼ် ဢၼ်မီးသီ လိူင်ၶဵဝ်လႅင်ဝႆႉၼၼ်ႉ ႁဵတ်းႁႂ်ႈၵူၼ်းမိူင်းဢမ်ႇထုၵ်ႇၸႂ်။   မိူဝ်ႈဝႃး ဝၼ်းတီႈ 7/2/2025 မႅၼ်ႈဝၼ်းၸိူဝ်ႉၸၢတ်ႈၸိုင်ႈတႆး ယၢမ်းၵၢင်ၼႂ်ၸဝ်ႉ မီးၵူၼ်းၸုမ်းၼိုင်ႈမႃးၶၢတ်ႈယၢမ်းသေ တႃးသီ ၽၵ်းတူၶဝ်ႈဝဵင်းသီႇပေႃႉ။  တူဝ်လိၵ်ႈတႆး “ဝဵင်းသီႇပေႃႉ” တူဝ်လိၵ်ႈဢိင်းၵလဵတ်ႈ  "Hsipaw" ၼၼ်ႉၵေႃႈ ၸိူဝ်းၶဝ်ယႃႉမွတ်ႇပႅတ်ႈသေဢမ်ႇၵႃး...

မိူဝ်ႈၼႆႉ ဝၼ်းတီႈ 07/02/2025 ၵူၼ်းမိူင်းပိုၼ်ႉတီႈ ဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ ဢွၼ်ၵၼ် ပူၵ်းတုင်းၸိူဝ်ႉၸၢတ်ႈၸိုင်ႈတႆး တီႈၼႃႈႁိူၼ်းၽႂ်မၼ်း တႃႇမၢႆတွင်း ဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈတဵမ် 78 ပီ ဝႃႈၼႆ။ ၵူၼ်းပိုၼ်ႉတီႈ ဝဵင်းၼမ်ႉၶမ်း လၢတ်ႈတီႈၽူႈတွႆႇႁွၵ်ႈဝႃႈ - “ငဝ်းလၢႆး ၶႂ်ႈပဵၼ်သင်ပဵၼ် လွင်ႈႁဝ်းပူၵ်းတုင်း ၸိူဝ်ႉၸၢတ်ႈ ၼႆႉ မၼ်းဢမ်ႇၵႂႃႇတုမ်ႉတိူဝ်ႉၽႂ်။...