ၽူဝ်ပဵၼ်ၸၢင်ႉၶႃၼႃႈ မေးပဵၼ်ၸၢင်ႉၶႃလင် ထိုင်တီႈယိူင်းမၢႆၵေႃႈ ပဵၼ်ၸၢင်ႉဢမ်ႇထိုင်တီႈယိူင်းမၢႆၵေႃႈ ပဵၼ်ၸၢင်ႉ၊ တေဢမ်ႇမီးလွင်ႈလီသေပွၵ်ႈယဝ်ႉ။
တွၼ်ႈသပ်းလႅင်း – ၶေႃႈၵႂၢမ်းလဵၵ်ႉၼွႆႉသၢမ်ၶေႃႈ၊ ဢၼ်ဝႃး – “ၶေႃႈၶၢၼ်ပၢၵ်ႇ တႅမ်ႈၾၢၵ်ႇတၢင်တူဝ် သဵင်ႁူဝ်ၸႂ်ၵူၼ်းမိူင်း” ၊ ပေႃႈမႄႈပီႈၼွင်ႉၵူၼ်းမိူင်း ၵမ်ႈၽွင်ႈ လႅပ်ႈတေဢမ်ႇပေႃးၶဝ်ႈၸႂ်ႁိုဝ်ဢမ်ႇႁူႉ။ ၵွပ်ႈဝႃႈ ၵမ်ႈၽွင်ႈၼႆႉ တူၺ်းလိၵ်ႈသေလၢႆလၢႆ ဢမ်ႇပွင်ႇၸႂ်ၼိူဝ်ၵႂၢမ်းလဵၵ်ႉၼွႆႉ။ ႁဝ်းပႃးၵၼ်ႁဵတ်းႁၵ်ႉၸွႆႈထႅမ်ၵမ်ႉၵႅမ် ၵႄႈတွပ်ႇလၢတ်ႈမွၵ်ႇပိုတ်ႇပၢင်ႇ ၸွမ်းၼင်ႇ ႁိတ်ႈထုင်းၵူၼ်းမိူင်းတႆးၼၼ်ႉလႄႈ ယွၼ်းႁႂ်ႈလၢတ်ႈၵႂၢမ်းၸိုဝ်ႈၸႂ်ႈ ၊ ယႃႇႁႂ်ႈတုမ်ႉတိူဝ်ႉတူဝ်ၵဝ်ႇ ပဵၼ်ၽေးၶဵၼ်တေႃႇၸိူဝ်ႉၸၢတ်ႈ၊ ႁဝ်းလူဝ်ႇလၢတ်ႈၵၼ် ၸႂ်ႉလွၵ်းလၢႆးမူဝ်ဢမ်ႇၸမ်ႉ ၼမ်ႉဢမ်ႇၶုၼ်ႇ ၸွမ်းၶေႃႈၶၢၼ်ပၢၵ်ႇယူႉယဝ်ႉ။
ၽွၼ်းလီၵႂၢမ်းဝႃႈ တႅမ်ႈၾၢၵ်ႇတၢင်တူဝ် တွၼ်ႈထိုင်ၽူႈႁၵ်ႉၸၢတ်ႈၵူႈတီႈၵူႈလႅၼ်။ ဢၼ်ႁဝ်းလႆႈတႅမ်ႈ ၾၢၵ်ႇတၢင်တူဝ်ၼႆႉ ႁဵတ်းလၢတ်ႈလဝ်ႈတၢင်ႇပိုတ်ႇပၢင်ႇယိုၼ်ႈထိုင် ၶိုင်ပွင်ၶတ်းတႃႉ သၽႃႇဝၵႂၢမ်းႁူႉၵႂၢမ်းႁၼ် ဢၼ်ဢမ်ႇယၢမ်ႈႁူႉငိၼ်း ဝူၼ်ႉသၢင်ၵေႃႈ ပႃးၶဝ်ႈမႃးၼႂ်းၵႂၢမ်းႁူႉၵႂၢမ်းႁၼ် ဢၼ်ဢမ်ႇယၢမ်ႈႁူႉငိၼ်း ဝူၼ်ႉသၢင်ၵေႃႈပႃးၶဝ်ႈမႃးၼႂ်းၵႂၢမ်းႁူႉလၢႆ ဢၼ်ၵႂၢမ်းႁၼ်လၢႆလွင်ႈပွင်ႇၸႂ် ၸႅင်ႈလႅင်းႁၵ်ႉပႅင်းႁူမ်ႈမိုဝ်းႁႂ်ႈ ၶိုဝ်းယမ် တီႈလွင်ႈၽွမ်ႉႁူမ်ႈ၊ ဝူၼ်ႉၸွမ်းငဝ်းလၢႆးသၢႆလိူတ်ႈပဵၼ်ၵူၼ်းမိူင်းတႆး ဢၼ်တၢႆတႃဢမ်ႇလပ်းသေ လၢတ်ႈ ၼႄၵႂၢမ်းၾၼ် ၵၢၼ်သၢႆၸႂ်ဢမ်ႇဝၢႆးလွၵ်းလၢႆးဢမ်ႇၶၢတ်ႇ ယၢတ်ႇၼမ်ႉၸွမ်းပၢႆၵမ် ႁႂ်ႈပဵၼ်လွင်ႈၵတ်ႉယမ် ႁၵ်ႉပႅင်းၶွၼ်ႈႁႅင်းပွင်သၢင်ႈ ယဵပ်ႇယၢင်ႈထၢင်ႇႁၢင်ႈ ႁဵတ်းဢဝ်မိူၼ်ၼင်ႇသူၵဝ်ႁဝ်းႁႃး ဢွၵ်ႇႁိူၼ်းမႃးပႃးလူၺ်ႈလွင်ႈၽွမ်ႉႁူမ်ႈ ယႃႇႁႂ်ႈမိူဝ်မၢၵ်ႇလႄႈ ၸင်ႇတႅမ်ႈၾၢၵ်ႇတၢင်တူဝ်မႃးယဝ်ႉ။ တွၼ်ႈတႃႇသဵင်ႁူဝ်ၸႂ်ၵူၼ်းမိူင်းၵေႃႈ ယိူင်းဢၢၼ်း လွင်ႈၽွမ်ႉႁူမ်ႈ ၶွၼ်ႈႁႅင်းၼႄလႅင်းႁဵတ်းငဝ်းလၢႆး ႁူၺ်းပၢႆး သူၼ်းတုမ်ႁူဝ်ၸႂ်ၸၢဝ်းၶိူဝ်း၊ ႁႂ်ႈၵိူဝ်းမၢင်ႇထၢင်ႇယႂ်ႇဝႆႉၶိုၵ်ႉလွင်ႈၽွမ်ႉႁူမ်ႈ ၼၼ်ႉယဝ်ႉ။
ၸဝ်ႈသၢင်ႇသူမ်ၽွၼ်း ၼၼ်းထႃး
ၶေႃႈမုလ်း – ပပ်ႉၵွၼ်းၶေႃ မၢႆ 141 ပီ 1996
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ