ယွၼ်ႉလူမ်းလႅင်ႉတၢႆႊၾူၼ်ႊ ၵႃႇၵျီႇၵီႇ (KAJIKI) ဢၼ်ပတ်ႉထွင်းယူႇတီႈ ၼႂ်းပၢင်ႇလၢႆႇၶႄႇပွတ်းၸၢၼ်းၼၼ်ႉသေ တီႈၼႂ်းမိူင်းႁူမ်ႈတုမ်မၢၼ်ႈ ဢိၵ်ႇပႃးမိူင်းတႆး ၾူၼ်တေတူၵ်းႁႅင်း၊ တေၸၢင်ႈမီးၽေး ၼမ်ႉၼွင်းထူမ်ႈ၊ လိၼ်ႇၵူၼ်ႇပင်း ဝႃႈၼႆ။ ဢူးၵျေႃႇမူဝ်းဢူး ၽူႈၵုမ်းၸီႉသင်ႇ တီႈႁွင်ႈၵၢၼ် ၾၢႆႇၾိင်ႈၾႃႉရႃႇသီႇမိူင်းမၢၼ်ႈ လၢတ်ႈဝႃႈ - ၼႂ်းၶမ်ႈဝၼ်းတီႈ 25 ၼႆႉ လူမ်းလႅင်ႉ ၵႃႇၵျီႇၵီႇ တေၽတ်ႉထွင်းၶဝ်ႈ ၼႂ်းမိူင်းဝႅတ်ႉၼၢမ်း...

တႄႇဢဝ်ဝၼ်းတီႈ 25/08/2025 ၼႆႉၵႂႃႇ ဢမေႊရိၵၼ်ႊလႄႈ ဢိၼ်ႇတူဝ်ႇၼီးသျႃး ႁူမ်ႈၵၼ်တင်းၸိုင်ႈမိူင်း ၸိူဝ်းပဵၼ်ဢူၺ်းလီၵၼ် 11 မိူင်းသေ တႄႇၾိုၵ်းၽွၼ်ႉၵၢၼ်သိုၵ်းၵႂႃႇ တႃႇၶၢဝ်းတၢင်း ၼိုင်ႈဝူင်ႈ ဝႃႈၼႆ။ လွင်ႈႁူမ်ႈၵၼ်ၾိုၵ်းၽွၼ်ႉၵၢၼ်သိုၵ်း ပွၵ်ႈၼႆႉ ယိူင်းဢၢၼ်းတႃႇႁႂ်ႈၼႂ်းပိုၼ်ႉတီႈ ဢေးသျႃး - ပၸိၾိၵ်ႉ မီးလွင်ႈၵတ်းယဵၼ်ၼိမ်သဝ်း ၼႆယဝ်ႉ။ ပၢင်ၾိုၵ်းၽွၼ်ႉၵၢၼ်သိုၵ်း “Super Garuda Shield” ၼႆႉ...

ရတ်ႉသျႃး ၸႂ်ႉတိုဝ်းၶိူင်ႈတရူၼ်ႊလႄႈ မၢၵ်ႇၼူၾႆးတၢင်းၼမ်သေ တိုၵ်းတေႃးၶဝ်ႈၼႂ်းပွတ်းတူၵ်း မိူင်းယူႊၶရဵၼ်ႊ၊ ပဵၼ်လွင်ႈတိုၵ်းတေႃး ဢၼ်ႁၢဝ်ႈႁႅင်းလိူဝ်ပိူၼ်ႈၼႂ်းဝူင်ႈဝၢင်ႈၼႆႉ - ၽူႈမီးပုၼ်ႈၽွၼ်း ၾၢႆႇမိူင်းယူႊၶရဵၼ်ႊ လၢတ်ႈၼင်ႇၼႆ။ ယွၼ်ႉလွင်ႈတိုၵ်းတေႃးၼႆႉသေ ၼႂ်းပိုၼ်ႉတီႈ ၸႃႇပူဝ်ႇရိတ်ႉၸီးယိူဝ်း၊ တီႇၼီႇပရူဝ်ႇပႅတ်ႉရွပ်ႉလႄႈ လႃႇပိတ်ႉ ၸိူဝ်းၼႆႉ မီးလွင်ႈတုမ်ႉတိူဝ်ႉလူႉသုမ်း၊ ၵူၼ်းမိူင်းလူႉတၢႆ ၵေႃႉၼိုင်ႈ။ တပ်ႉသိုၵ်း မိူင်းယူႊၶရဵၼ်ႊ လၢတ်ႈဝႃႈ - ရတ်ႉသျႃး ၸႂ်ႉတိုဝ်းၶိူင်ႈတရူၼ်ႊ၊...

တပ်ႉသိုၵ်းမိူင်းဢိၼ်ႊတီႊယိူဝ်ႊ ယိုၼ်ယၼ်လၢတ်ႈဝႃႈ လႆႈၸၢမ်းယိုဝ်းမၢၵ်ႇၼူၾႆး သႅၼ်းၵၢင် (တာလတ်ပစ်ဒုံးကျည်) ဢၼ်သႂ်ႇၶိူင်ႈမၢၵ်ႇၼိဝ်ႊၶလီႊယိူဝ်ႊလႆႈ တီႈၸိၵ်းမၼ်း ၼၼ်ႉ ဝႃႈၼႆ။ ဝၼ်းတီႈ 20/08/2025 ၼႆႉ တပ်ႉသိုၵ်း မိူင်းဢိၼ်ႊတီႊယိူဝ်ႊ ၸၢမ်းယိုဝ်းမၢၵ်ႇၼူၾႆး သႅၼ်း Angi -5  တီႈၼႂ်းၸႄႈတွၼ်ႈဢေႃးရိသ မိူင်းဢိၼ်ႊတီႊယိူဝ်ႊ ပွတ်းဢွၵ်ႇ၊ ပဵၼ်ဢၼ် ဢွင်ႇမၢၼ်လႄႈ လီ ပဵင်းပေႃးႁၢၼ်ႉၸႂ်...

မိူင်းၶႄႇတင်း မိူင်းဢိၼ်ႊတီႊယိူဝ်ႊ တူၵ်းလူင်းလႆႈၸႂ်ၵၼ် တႃႇတေတႄႇလႅၼ်ႈၶိုၼ်း ၶၢဝ်းတၢင်းသၢႆၵၢၼ်မိၼ် ၵႂႃႇမႃးၵမ်းသိုဝ်ႈ ၼႂ်းၵႄႈၵၢင်သွင်ၸိုင်ႈမိူင်း ဝၢႆးသေၵိုတ်းလိုဝ်ႈဝႆႉ ႁိုင် ၶၢဝ်းတၢင်း 5 ပီ တႃႇႁူမ်ႈၵၼ်ႁဵတ်းသၢင်ႈ ယုၵ်ႉမုၼ်းၼႂ်းၵၢၼ်ပၢႆးမၢၵ်ႈမီးလႄႈ ၵၢၼ်လူင်းတိုၼ်းလၢင်း ဝႃႈၼႆ။ မိူင်းၶႄႇတင်း မိူင်းဢိၼ်ႊတီႊယိူဝ်ႊၼႆႉ ပဵၼ်မိူင်းဢၼ်မီးႁူဝ်ၼပ်ႉၵူၼ်းၼမ်လိူဝ်ပိူၼ်ႈ ၼႂ်းၵုၼ်ဢေးသျႃး၊ ၵူၺ်းၵႃႈ သွင်မိူင်းၼႆႉ မီးလွင်ႈၶဵင်ႈၶႅင် လွင်ႈၶေႉၶဵင်ႇၵၼ်ဝႆႉႁၢဝ်ႈႁႅင်း။ မိူဝ်ႈပီ...

ဢမေႊရိၵၼ်ႊ ပိုၼ်ၽၢဝ်ႇယုၵ်ႉလိူၵ်ႈပႅတ်ႈ ဝီႊသႃႊႁဵၼ်းလိၵ်ႈ လုၵ်ႈႁဵၼ်း 6,000 ပၢႆ ယွၼ်ႉႁဵတ်းၽိတ်းပူၼ်ႉပႅၼ်ပၵ်းပိူင်မၢႆမီႈ ၼႂ်းမိူင်းၶဝ် ဝႃႈၼႆ။ ၽွင်းလူင် ႁွင်ႈၵၢၼ်ၾၢႆႇၼွၵ်ႈမိူင်း မိူင်းဢမေႊရိၵၼ်ႊလၢတ်ႈဝႃႈ - ယွၼ်ႉလုၵ်ႈႁဵၼ်းၸိူဝ်းၼၼ်ႉ ႁဵတ်းၽိတ်းပူၼ်ႉပႅၼ်ပၵ်းပိူင်မၢႆမီႈ မိူင်းဢမေႊရိၵၼ်ႊလႄႈ ယူႇသဝ်းပူၼ်ႉလိူဝ်ၶၢဝ်းယၢမ်း (Overstay) - ဝႃႈၼႆ။ ၼႂ်းၼၼ်ႉ ၵမ်ႈၼမ်ပဵၼ်လုၵ်ႈႁဵၼ်း ၸိူဝ်းမီးဝႆႉပိုၼ်းႁဵတ်းၽိတ်းပၵ်းပိူင်မၢႆမီႈ မိူၼ်ၼင်ႇ ၽိတ်း မေႃးႁဵတ်းႁၢႆႉၵၼ်၊...

ၶွမ်ႊမသျိၼ်ႊ ၾၢႆႇၵၢၼ်ၵပ်းသိုပ်ႇလႄႈ ၾၢႆႇပွႆႇသဵင်ၸိူဝ်ႉၸၢတ်ႈ (NBTC) မိူင်းထႆး ပိုၼ်ၽၢဝ်ႇဝႃႈ - တႄႇဢဝ်ဝၼ်းတီႈ 18/08/2025 ၼႆႉၵႂႃႇ တႃႇတေယိုၼ်ႈတၢင်ႇမၢႆၾၢင် သိမ်းၵၢတ်ႉၾူၼ်းဢၼ်မႂ်ႇၼၼ်ႉ ႁႂ်ႈၾၢႆႇၵၢၼ်ၵပ်းသိုပ်ႇဢေႃႇပရေႇတႃႇ ၼႂ်းမိူင်းထႆးတင်းသဵင်ႈ ပႃးၸဵမ် True လႄႈ AIS  ၶဝ် တႄႇၸႂ်ႉပိူင်သၵႅၼ်ႊၼႃႈ (Liveness Detection Technology) ၵႂႃႇ...

ပူၼ်ႉမႃးလၢႆဝၼ်းၼႆႉ ၾူၼ်တူၵ်းႁႅင်း လိၼ်ၵူၼ်ႇ ၼႂ်းမိူင်းပႃႊၵိတ်ႊသတၢၼ်ႊ ပွတ်းႁွင်ႇလႄႈ ထုင်ႉၵႅတ်ႉသ်မီးယိူဝ်း ပိုၼ်ႉတီႈၾၢႆႇမိူင်းပႃႊၵိတ်ႊသတၢၼ်ႊၵုမ်းၵမ်ၼၼ်ႉ ၽူႈမီးပုၼ်ႈၽွၼ်းၶဝ်လၢတ်ႈဝႃႈ မီးၵူၼ်းလူႉတၢႆ 300 ပၢႆ ႁၢႆလၢႆဝႆႉ 200 ပၢႆ - ဝႃႈၼႆ။ ၵူၼ်းၸိူဝ်းလူႉတၢႆၵမ်ႈၼမ် ပဵၼ်ၼႂ်းၸႄႈတွၼ်ႈၶၢႆႇပႃႇ ပႃႇၶျႃႉတုၼ်ႇဝႃႇ၊ ဢၼ်မီးလွင်ႈတုမ်ႉတိူဝ်ႉ လူႉသုမ်းၼမ်လိူဝ်ပိူၼ်ႈသမ်ႉ ပဵၼ်ၸႄႈတွၼ်ႈပူႇၼႃႇ မီးၵူၼ်းႁၢႆလၢႆဝႆႉ 209 ၵေႃႉ၊...

ၵဵဝ်ႇလူၺ်ႈပၼ်ႁႃ လွင်ႈပိုတ်းယိုဝ်းၵၼ် တီႈလႅၼ်လိၼ်ထႆး - ၵမ်ႇပူးၶျႃးၼၼ်ႉသေ ႁႅင်းၵၢၼ်မိူင်းၵမ်ႇပူးၶျႃး ၼပ်ႉႁူဝ်ႁဵင်ႁူဝ်မိုၼ်ႇ ဢွၼ်ၵၼ်ပွၵ်ႈမိူဝ်းၶိုၼ်း ၼႆယဝ်ႉ။ ၵွပ်ႈၼႆလႄႈ တႃႇဢွင်ႈတီႈႁႅင်းၵၢၼ်ၵမ်ႇပူးၶျႃးၼၼ်ႉ တေႁွင်ႉဢဝ်ႁႅင်းၵၢၼ်မိူင်းမၢၼ်ႈ မွၵ်ႈ 42,000 ၵေႃႉ မႃးတႅၼ်းတၢင်ၶိုၼ်းၼႆ ၽွင်းလူင် ၾၢႆႇႁႅင်းၵၢၼ်ထႆး ယိုၼ်ယၼ်တွပ်ႇဝႆႉ မိူဝ်ႈပူၼ်ႉမႃး ၼႂ်းဝၼ်းတီႈ 14/08/2025 ၼၼ်ႉၼင်ႇၼႆ။ တႃႇတေႁွင်ႉဢဝ် ႁႅင်းၵၢၼ်မိူင်းၾလိပ်ႉပိၼ်း၊ ဢိၼ်ႇတူဝ်ႇၼီးသျႃး၊...

ၸွမ်ၸိုင်ႈမိူင်းၵူဝ်ႊရီႊယိူဝ်းၸၢၼ်း လီႊၵျေႊမျွင်ႊ (Lee Jae Myung) လၢတ်ႈဝႃႈ ၼပ်ႉယမ်ပၵ်းပိူင်ၵၢၼ်မိူင်း မိူင်းၵူဝ်ႊရီႊယိူဝ်ႊႁွင်ႇသေ တေၶိုၼ်းၶတ်းၸႂ်ၵေႃႇသၢင်ႈ လွင်ႈယုမ်ႇယမ်ၼႂ်းၵႄႈၵၢင် တပ်ႉသိုၵ်းသွင်ၸိုင်ႈမိူင်းၵႂႃႇ ဝႃႈၼႆ။ ပူၼ်ႉမႃးဢမ်ႇႁိုင်သင်ၼႆႉ ၶိမ်ႊယူဝ်ႊၵျုင်ႊ(Kim Yo Jong) ၼွင်ႉယိင်း ၽူႈဢွၼ်ႁူဝ်မိူင်းၵူဝ်ႊရီႊယိူဝ်ႊႁွင်ႇ ၶိမ်ႊၵျုင်ႊဢၢၼ်ႊ(Kim Jong Un) လၢတ်ႈၵႂႃႇဝႃႈ ဢမ်ႇသူၼ်ၸႂ်တႃႇတေ ႁဵတ်းႁႂ်ႈလွင်ႈၵပ်းသိုပ်ႇ ၵၼ်တၢင်းမိူင်းၵူဝ်ႊရီႊၸၢၼ်း...

ဝၼ်းတီႈ 13/08/2025 ပူၼ်ႉမႃးၼႆႉ လုမ်းတတ်းသိၼ်ပိူင်ငဝ်ႈပိုင်းမိူင်း မိူင်းထႆး (ထိုင်းဖွဲ့စည်းပုံအခြေခံဥပဒေခုံရုံး) ပိုၼ်ၽၢဝ်ႇမၵ်းမၼ်ႈဝႃႈ - ပေႃးထိုင်မႃး ၼႂ်းဝၼ်းတီႈ 29 လိူၼ် ၼႆႉ ၶၢဝ်းယၢမ်းမိူင်းထႆး ဝၢႆးဝၼ်း 3 မူင်းၸိုင် တေတႅပ်းတတ်းတြႃး လွင်ႈၸွမ်ၽွင်းလူင်မိူင်းထႆး ၼၢင်းသၢဝ်ၽႄႊထွင်ႊထၢၼ်ႊ သျိၼ်ႊၼဝတ်ႊ ဢၼ်ၺႃးသင်ႇၵိုတ်းလိုဝ်ႈတၼ်းႁဵင်းၼႃႈၵၢၼ်ဝႆႉၼၼ်ႉ ၸွင်ႇထုၵ်ႇလီထွၼ်တူဝ်ဢွၵ်ႇႁိုဝ် တေသိုပ်ႇႁဵတ်းသၢင်ႈၵႂႃႇၸိူင်ႉႁိုဝ်ၼႆၸိူဝ်းၼၼ်ႉ...

ဝၼ်းတီႈ 11/08/2025 ၼႆႉ ယူႇတီႈ လုမ်းတြႃးမိူင်းဢိၼ်ႊတီႊယိူဝ်ႊ ပိုၼ်ၽၢဝ်ႇဢွၵ်ႇမႃးဝႃႈ ၼႂ်းၶၢဝ်းတၢင်း 8 ဝူင်ႈၼႆႉ ႁႂ်ႈဢဝ်မႃၸိူဝ်းဢမ်ႇမီးၸဝ်ႈၶွင် (မႃၶၢင်ႈတၢင်း) ဢၼ်မီးၸွမ်း ၼႂ်းပွၵ်ႉၼႂ်းယွမ်ႇလႄႈ ၼႂ်းဝဵင်းလူင်ၼိဝ်ႊတေႊလီႊ ၸိူဝ်းၼၼ်ႉ ႁႂ်ႈၶၢႆႉၵႂႃႇယူႇသဝ်း ဢွင်ႈတီႈတူၺ်းထိုင်လုမ်းလႃးမႃ ဝႃႈၼႆ။ ႁွင်ႈၵၢၼ်သိုဝ်ႇၶၢဝ်ႇၶဝ် ဢွၼ်ၵၼ်ႁၢႆးငၢၼ်းဝႃႈ - လွင်ႈလုၵ်ႈဢွၼ်ႇ ပဵၼ်တၢင်းပဵၼ်မႃမႃႈၼႆႉ ၼမ်ၶိုၼ်ႈမႃးလႄႈ ဝၢႆးလင်ၼၼ်ႉ...

ၽူႈတွႆႇမူၺ်း မိူင်းၵျပၼ်ႊ 2 ၵေႃႉ ဝၢႆးၶႅင်ႇတွႆႇမူၺ်း တီႈမိူင်းတူဝ်ႇၵဵဝ်ႇယဝ်ႉ ဢမ်ႇပေႃးႁိုင် ယွၼ်ႉႁွႆးမၢတ်ႇၸဵပ်းႁႅင်းသေ လႆႈလူႉတၢႆၵႂႃႇတင်းသွင် ဝႃႈၼႆ။ ၽူႈတွႆႇမူၺ်း 2 ၵေႃႉၼၼ်ႉ ပဵၼ်သျီႉၵေႇတူဝ်ႇသျီႇ ၵူဝ်ႇတႃႇရီႇ (Shigetoshi Kotari) ပဵၼ်ၽူႈတွႆႇမူၺ်း တီႈသူႇပႃႇ ၾႄႇတႃႇဝိတ်ႉလႄႈ ႁီႇရူဝ်ႊမႃႇသႃႇ ဢူႇရႃႇၵႃႇဝႃႇ (Hiromasa Urakawa) တင်းသွင်ၵေႃႉ...

ၼင်ႇႁိုဝ် တေႁူႉငဝ်းလၢႆး ၵၢၼ်သိုၵ်း၊ ၵၢၼ်မိူင်းလႄႈ ပိူင်ပဵၼ်တႄႉမီးတႄႉ ၼႂ်းမိူင်းႁူမ်ႈတုမ်ၼၼ်ႉ ႁွင်ႈၵၢၼ် ၽွင်းလူင် ၾၢႆႇၵပ်းသိုပ်ႇၼွၵ်ႈမိူင်း မိူင်းမလေးသျႃး မူဝ်ႊႁႃႊမၵ်ႉ ႁႃႊသၼ်ႊ တေဢွၼ်ဢဝ်ၸုမ်း တူဝ်တႅၼ်းၸိုင်ႈမိူင်းဢႃႊသီႊယၼ်ႊ မိူဝ်းဢႅဝ်ႇလႄႇလဵပ်ႈႁဵၼ်း ၼႂ်းမိူင်းႁူမ်ႈတုမ်မၢၼ်ႈ ၼႂ်းလိူၼ်သႅပ်ႊထႅမ်ႊပိူဝ်ႊ တေမႃးၼႆႉ။ တူဝ်တႅၼ်း ၽွင်းလူင်ၼွၵ်ႈမိူင်း မိူၼ်ၼင်ႇ - မိူင်းထႆး၊ မိူင်းၾိလိပ်ႉပိၼ်းသ်လႄႈ မိူင်းဢိၼ်ႊတူဝ်ႊၼီႊသျႃး...

ဝၼ်းတီႈ 05/08/2025 ၼႆႉ ၼမ်ႉၵူမ်ႇဢုင် ၵိုင်ႉၵၢင်ႉလႆၼွင်းထူမ်ႈ ၼႂ်းဝဵင်းတႃႇရႃႇလီႇ (Dharali) ၸႄႈတွၼ်ႈဢုတရၶၢၼ်း (Uttarakhand) ဢၼ်မီးၼႂ်းပိုၼ်ႉတီႈ လွႆႁိမဝုၼ်ႇတႃႇ မိူင်းဢိၼ်းတီးယိူဝ်း မီးၵူၼ်းလူႉတၢႆ 4 ၵေႃႉ ႁၢႆလၢႆဝႆႉႁိမ်းၸမ် 100 ၵေႃႉ ဝႃႈၼႆ။ ၼမ်ႉၵူမ်ႇဢုင်ၼၼ်ႉ လုၵ်ႈၼႂ်းၵႄႈလွႆသေ လေႃႈလႆလူင်းမႃးသႂ်ႇ ၼႂ်းဝဵင်းတႃႇရႃႇလီႇ ႁၢဝ်ႈႁႅင်း၊ ႁိူၼ်းယေး...