ၶိူင်ႈမိၼ်သိုၵ်းထႆး တူၵ်းတီႈၸႄႈဝဵင်းၸွမ်တွင်း ၸႄႈတွၼ်ႈၵဵင်းမႂ်ႇၸိုင်ႈထႆး ၽွင်းၾိုၵ်းမိၼ် ႁဵတ်းႁႂ်ႈ ၶူးသွၼ်လႄႈလုၵ်ႈႁဵၼ်းတပ်ႉလူမ်းသိုၵ်းထႆး တၢႆ 2 ၵေႃႉ ။
ဝၼ်းတီႈ 29/01/2026 ယၢမ်းၵၢင်ၼႂ် 10 မူင်း 50 မိၼိတ်ႉ ၶိူင်ႈမိၼ်သိုၵ်း ဢၼ်တိုၵ်ႉၾိုၵ်းမိၼ်ယူႇၼၼ်ႉၵိုင်ႉၵၢင်ႉတူၵ်းၼႂ်းပႃႇ ၼႂ်းၵႄႈတူၼ်ႈမႆႉ တီႈဝၢၼ်ႈႁူၺ်ႈမူင်ႈၾင်ႇသၢႆႉ၊ ဢိူင်ႇမႄႈသွႆ ၸႄႈဝဵင်းၸွမ်တွင်း ၸႄႈတွၼ်ႈၵဵင်းမႂ်ႇ။
ၶိူင်ႈမိၼ်ၼႆႉတူၵ်းတီႈထိူၼ်ႇလိုၵ်ႉတူၼ်ႈမႆႉၼႃ သမ်ႉယၢၼ်ၵႆဝၢၼ်ႈလႄႈၸဝ်ႈၼႃႈတီႈၾၢႆႇၸွႆႈထႅမ် ၾၢႆႇၶႄၾႆး လႆႈႁွင်ႉၵူၼ်းပိုၼ်ႉတီႈဢိၵ်ႇ လၢႆလၢႆၾၢႆႇႁူမ်ႈၵၼ်ၶဝ်ႈၸူး ၸင်ႇထိုင်လႆႈ။
တီႈၶိူင်ႈမိၼ်တူၵ်းၼၼ်ႉၸဝ်ႈၼႃႈတီႈထူပ်းၵၼ်တူဝ်တၢႆ 2 ၵေႃႉ။ ပဵၼ်ၶူးၾိုၵ်းသွၼ်ၶပ်းၵေႃႉၼိုင်ႈလႄႈ လုၵ်ႈႁဵၼ်းဢၼ်ၾိုၵ်းၶပ်းၵေႃႉၼိုင်ႈ။ ပဵၼ်ၶိူင်ႈမိၼ်သိုၵ်း သႅၼ်း AT- 6 ဢၼ်လုၵ်ႉတီႈ တပ်ႉလူမ်း ၵွင်မိၼ် 41 ဝဵင်းၵဵင်းမႂ်ႇ ၼႆႉမိၼ်ၶိုၼ်ႈၵႂႃႇၾိုၵ်းၶပ်းသေ ၵႂႃႇတူၵ်းၼႂ်းထိူၼ်ႇၼၼ်ႉၼႆ သိုဝ်ႇၶၢဝ်ႇထႆး ၶၢဝ်ႇၵဵင်းမႂ်ႇၼိဝ်းသ် ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ