ၸဝ်ႈၼႃႈတီႈထႆး ၸိူဝ်းပႂ်ႉဢဝ်ႁူမ်ႇလူမ်ႈ ၼႂ်းၸႄႈဝဵင်းမႄႈသွတ်ႇ လႅၼ်လိၼ်ထႆး - မၢၼ်ႈၼၼ်ႉ ၵူတ်ႇထတ်းတီႉၺွပ်းလႆႈ ႁႅင်းၵၢၼ်ၵူၼ်းမိူင်းမၢၼ်ႈ 5 ၵေႃႉ ၸိူဝ်းဢမ်ႇမီးဝတ်းဝႂ်သင် ဝႃႈၼႆ။ ဝၼ်းတီႈ 14/07/2025 ယၢမ်းၵၢင်ၶမ်ႈ 7 မူင်းၶိုင်ႈ ၸဝ်ႈၼႃႈတီႈထႆး ၵူတ်ႇထတ်းတီႉၺွပ်းလႆႈ ႁႅင်းၵၢၼ်မိူင်းမၢၼ်ႈ 3 ၵေႃႉ တီႈၵဵတ်ႉလၢၼ်ႇ ၼႂ်းပွၵ်ႉ 6...

ၼႂ်းပီ 2026 တေထိုင်ၼႆႉ မိူင်းၵမ်ႇပူးၶျႃး တေတႄႇၸႂ်ႉတိုဝ်းပၵ်းပိူင် ၵူၼ်းမိူင်းၵူႈၵေႃႉ တၵ်းတေလႆႈႁၢပ်ႇထၢမ်းၵၢၼ်သိုၵ်း ဝႃႈၼႆ။ ယွၼ်ႉပၼ်ႁႃ လွင်ႈၶဵင်ႈၶႅင်ၸွမ်းလႅၼ်လိၼ်ထႆး - ၵမ်ႇပူးၶျႃးသေ ယူႇတီႈမိူင်းၵမ်ႇပူးၶျႃး ၸင်ႇလႆႈႁၢင်ႈႁႅၼ်း တေတႄႇၸႂ်ႉတိုဝ်းပၵ်းပိူင်ဢၼ်ၼႆႉၵႂႃႇ ၼႆယဝ်ႉ။ ပၵ်းပိူင် ၵဵဝ်ႇလူၺ်ႈလွင်ႈၵူၼ်းမိူင်းၵမ်ႇပူးၶျႃးၵူႈၵေႃႉ ၼႂ်းၵႄႈဢႃယု 18 – 30 ပီ တၵ်းတေလႆႈ ႁၢပ်ႇထၢမ်းၵၢၼ်သိုၵ်းၼႆၼၼ်ႉ ယူႇတီႈ...

မိူဝ်ႈဝၼ်းတီႈ 15/07/2025 ၼႆႉ ၸွမ်ၸိုင်ႈမိူင်းၶႄႇ သျီႊၵျိၼ်ႊၽိင်ႊ Xi Jinping တင်း ၸွမ်ၽွင်းလူင် ၼွၵ်ႈမိူင်း မိူင်းရတ်ႉသျႃႊ သိူဝ်ႊၵျီႊ လႅပ်ႉၾ်လွပ်ႉ Sergey Lavrov ႁူပ်ႉဢုပ်ႇၵၼ် တီႈမိူင်းပေႊၵျိၼ်ႊ ၼႂ်းၸိုင်ႈမိူင်းၶႄႇ။ တီႈပၢင်ႁူပ်ႉထူပ်းၵၼ်ၼၼ်ႉ ဢုပ်ႇဢူဝ်းၵၼ် လွင်ႈၶၵ်ႉၵၢၼ်မၢၵ်ႈမီး လႄႈ လွင်ႈ...

ၼႂ်းဝၼ်းတီႈ 09/07/2025 ပူၼ်ႉမႃးၼႆႉ ၶူဝ်ၵၢႆႇၶၢမ်ႈမႄႈၼမ်ႉ လင်ၼိုင်ႈ ၼႂ်းမိူင်းဢိၼ်ႊတီႊယိူဝ်ႊ ပွတ်းတူၵ်း ႁၵ်းတူၵ်းၵႂႃႇလႄႈ မီးၵူၼ်းလူႉတၢႆ ဢမ်ႇယွမ်း 9 ၵေႃႉ ဝႃႈၼႆ။ လွင်ႈၼႆႉ ပဵၼ်ၵႂႃႇတီႈထုင်ႉပႃႇတူဝ်ႇတႃႇရႃႇ၊ ၼႂ်းၸႄႈတွၼ်ႈၵူႇၵျႃႇရႅတ်ႉ၊ မိူင်းဢိၼ်ႊတီႊယိူဝ်ႊ။ ပူၼ်ႉမႃးလၢႆဝၼ်းၼႆႉၵေႃႈ ၾူၼ်တူၵ်းဝႆႉႁၢဝ်ႈႁႅင်း မိူၼ်ၵၼ်။ မိူဝ်ႈၽွင်းၶူဝ်ႁၵ်းၵႂႃႇၼၼ်ႉ ရူတ်ႉၵႃး ဢၼ်တိုၵ်ႉလတ်းၶၢမ်ႈၵႂႃႇမႃးတီႈၼိူဝ်ၶူဝ် ယၢတ်ႇတူၵ်းလူင်း ၵႂႃႇၼႂ်းၼမ်ႉတင်းၼမ်၊ လႆႈၸွႆႈထႅမ်ၵူၼ်းဝႆႉ...

ဝၼ်းတီႈ 09/07/2025 ၼႆႉ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ တႅမ်ႈလိၵ်ႈတုမ်ႉတွပ်ႇသူင်ႇထိုင် တီႈလူင်ပွင်ၸိုင်ႈမိူင်းဢမေႊရိၵၼ်ႊ ၸွမ်ၸိုင်ႈ ၻူဝ်ႊၼေႃႊ ထရမ်ႉဝႃႈ ႁႂ်ႈလူတ်းပၼ်ၶွၼ်ႇၵႃႉၶၢႆၵုၼ်ႇ တီႈမိူင်းမၢၼ်ႈ တႃႇ 10 ဝၢၵ်ႈ (%) ဢမ်ႇၼၼ် 20 ဝၢၵ်ႈ (%) သေ ၾၢႆႇမိူင်းႁူမ်ႈတုမ် (မိူင်းမၢၼ်ႈ) မီးၵၢင်ၸႂ်ၶႂ်ႈသူင်ႇတူဝ်တႅၼ်း...

ရူဝ်ႊမၢၼ်ႊသတႃႊရူဝ်ႊပွတ်ႉ ၽွင်းလူင် ၾၢႆႇၵပ်းသိုပ်ႇတေႃႉသူင်ႇ မိူင်းရတ်ႉသျႃး ၶႃႈတူဝ်တၢႆၵႂႃႇ ဝၢႆးလင် ၺႃးပူတ်းဢွၵ်ႇတၼ်းႁဵင်း ဢမ်ႇပႆႇႁိုင် ဝႃႈၼႆ။ ဝၼ်းတီႈ 07/07/2025 ယၢမ်းၵၢင်ၼႂ်ၸဝ်ႉၼၼ်ႉ ၽွင်းလူင်ၾၢႆႇၵပ်းသိုပ်ႇတေႃႉသူင်ႇ မိူင်းရတ်ႉသျႃး ၺႃးၸွမ်ၸိုင်ႈ ပူႊတိၼ်ႊ ပူတ်းတၼ်းႁဵင်းပႅတ်ႈ၊ ယွၼ်ႉလွင်ႈတၢင်းသင် ဢၼ်ဝႃႈၼၼ်ႉ ဢမ်ႇပိုၼ်ၽၢဝ်ႇဝႆႉပႃး။ ဝၢႆးၼၼ်ႉ လၢႆၸူဝ်ႈမူင်းၵူၺ်း မၼ်းၸၢႆးၶႃႈတူဝ်တၢႆၵႂႃႇ ဝႃႈၼႆ။ ၽူႈမီးပုၼ်ႈၽွၼ်း ၾၢႆႇၵူတ်ႇထတ်းၶဝ်လၢတ်ႈဝႃႈ...

တႄႇဢဝ် ဝၼ်းတီႈ 01/08/2025 လိူၼ်ၼႃႈၼႆႉၵႂႃႇ မိူင်းဢမေႊရိၵၼ်ႊ တေတိူဝ်းၵဵပ်းၶွၼ်ႇၶူဝ်းၵုၼ်ႇ တီႈမိူင်းမၢၼ်ႈ တႃႇ 40 % ဢၼ်တေႃႉသူင်ႇၶၢႆၶဝ်ႈ ၼႂ်းမိူင်းဢမေႊရိၵၼ်ႊ ဝႃႈၼႆ။ လွင်ႈၸွမ်ၸိုင်ႈ ၻူဝ်ႊၼေႃႊ ထရမ်ႉ တေတိူဝ်းၵဵပ်းၶွၼ်ႇၼိူဝ်ၶူဝ်းၵုၼ်ႇၼႆႉ ယူႇတီႈ မိူင်းဢမေႊရိၵၼ်ႊ လႆႈသူင်ႇၽိုၼ်လိၵ်ႈမႃးတီႈ ႁူဝ်ၼႃႈသိုၵ်းမၢၼ်ႈ ယိုတ်းမိူင်း ၼႂ်းဝၼ်းတီႈ 07/07/2025 ၼႆႉ...

ၼမ်ႉၵိုင်ႉၵၢင်ႉလုပ်ႇၼွင်းထူမ်ႈ တီႈၼႂ်းၸႄႈတွၼ်ႈတႅၵ်ႉသႅၵ်ႉ (Texas) မိူင်းဢမေႊရိၵၼ်ႊ မီးၵူၼ်းလူႉတၢႆ 80 ၵေႃႉပၢႆ ဝႃႈၼႆ။ ပူၼ်ႉမႃးဝၼ်းတီႈ 04/07/2025 ၼႆႉ ၾူၼ်တူၵ်းႁၢဝ်ႈႁႅင်း ၼႂ်းတီႈဝဵင်းၵႃႊ (Kerr County) လႄႈ လၢႆလၢႆပိုၼ်ႉတီႈ ၼႂ်းတႅၵ်ႉသႅၵ်ႉ(Texas) မိူင်းဢမေႊရိၵၼ်ႊ မႄႈၼမ်ႉလူၼ်ႉၾင်ႇသေ ၵိုင်ႉၵၢင်ႉလုပ်ႇၼွင်းထူမ်ႈ ႁၢဝ်ႈႁႅင်း။ တေႃႇထိုင်ဝၼ်းတီႈ 7 ယၢမ်းၵၢင်ၼႂ်...

ႁူဝ်လိူၼ်ၵျူႊလၢႆႊၼႆႉ ၾႆးမႆႈပႃႇၼႂ်းပိုၼ်ႉတီႈဢိတ်ႊမီႊယႃႊ မိူင်းတူႊရၵီႊ ၵူၼ်းမိူင်းၼပ်ႉႁူဝ်ပၢၵ်ႇ လႆႈႁၢမ်းႁိူၼ်းယေးတီႈယူႇ ဝႃႈၼႆ။ ယွၼ်ႉၾႆးမႆႈပႃႇသေ မီးၵူၼ်းလူႉတၢႆ 1 ၵေႃႉ၊ မူႇဝၢၼ်ႈ 10 ပၢႆလႄႈ တူၼ်ႈမႆႉ ၼပ်ႉႁူဝ်လၢၼ်ႉ ၺႃးၾႆးမႆႈလူႉၵွႆ။ ဢွင်ႈတီႈၾႆးမႆႈၼႆႉ ပဵၼ်ၼိူဝ်လွႆလႄႈ ၽူႈမီးပုၼ်ႈၽွၼ်းၶဝ် လႆႈၸႂ်ႉ ႁိူဝ်းမိၼ်သေ ႁူတ်းၼမ်ႉၶႄၾႆး၊ ၼႂ်းဝူင်ႈပူၼ်ႉမႃးၼႆႉၵေႃႈ လႆႈၶၢႆႉၵူၼ်းမိူင်း တႃႇႁူဝ်ၼပ်ႉၵူၼ်း...

တီႇယေႊၵူဝ်ႊ ၵျူဝ်ႊတႃႊ ၽူႈလဵၼ်ႈမၢၵ်ႇၼင်ၸိုဝ်ႈလိုဝ်းလင် ၼႂ်းၸုမ်းမၢၵ်ႇၼင် လီႊပႃႊပူႊၼၼ်ႉ ပဵၼ်ၽေးၵိုင်ႉၵၢင်ႉရူတ်ႉပိၼ်ႈသေ လႆႈလူႉတၢႆၵႂႃႇ ဝႃႈၼႆ။ မိူဝ်ႈဝၼ်းတီႈ 03/07/2025 ၼႆႉ တီႇယေႊၵူဝ်ႊ ၵျူဝ်ႊတႃႊ ဢႃယု 28 ပီတင်း ၼွင်ႉၸၢႆးမၼ်း သေႊပႃႊ ဢႃယု 26 ပီ ႁူပ်ႉၽေးၵိုင်ႉၵၢင်ႉ ရူတ်ႉၵႃးပိၼ်ႈၶွမ်ႈ ၼိူဝ်သဵၼ်ႈတၢင်းဝႆး...

ဝၼ်းတီႈ 04/07/2025 ၼႆႉ လုမ်းၽွင်းတၢင်မိူင်းၶႄႇ ဢၼ်ပၵ်းသဝ်းဝႆႉ ၼႂ်းမိူင်းထႆး ၸွႆႈထႅမ်လႆႈၸၢႆးၸိူင်း ၸိုဝ်ႈလိုဝ်း ၼႂ်းမိူင်းၶႄႇၵေႃႉၼိုင်ႈ ၸိုဝ်ႈ “ၵျွင်ႊ” (Zhong) ၵေႃႉဢၼ်မႃးထိုင်ဝၢင်းႁိူဝ်းမိၼ် ၻွၼ်းမိူင်း ၸိုင်ႈထႆးယဝ်ႉ ၺႃးလွၵ်ႇလႅၼ်ႁႂ်ႈၶၢမ်ႈလႅၼ်လိၼ်ထႆး ၶဝ်ႈၵႂႃႇၼႂ်းမိူင်းမၢၼ်ႈ ပိူဝ်ႈတႃႇထၢႆႇႁၢင်ႈသႂ်ႇၼႃႈ သိူဝ်ႈပပ်ႉမႅၵ်ႇၵသိၼ်း ဝႃႈၼႆ။ မိူဝ်ႈဝၼ်းတီႈ 13/06/2025 ပူၼ်ႉမႃးၼၼ်ႉ ၸၢႆးၸိူင်းၵေႃႉၺႃးလႅၼ်ၵႂႃႇၼႂ်းမိူင်းမၢၼ်ႈၼၼ်ႉ ႁွင်ႉ...

ဝၼ်းတီႈ 04/07/2025 ႁွင်ႈၵၢၼ် ၾၢႆႇၸွႆႈထႅမ်ပူၵ်းပွင် တူင်ႇဝူင်းၵူၼ်းၸိုင်ႈထႆး ၸႄႈတွၼ်ႈၵဵင်းႁၢႆး လႆႈလဵပ်ႈႁဵၼ်းငဝ်းလၢႆး ႁူဝ်ၼမ်ႉသၢႆ (တီႈတႄႇလႆၶဝ်ႈလႅၼ်လိၼ်) သေ ပိုၼ်ၽၢဝ်ႇဢွၵ်ႇမႃးဝႃႈ - ဢိင်ၼိူဝ် ၾူၼ်တူၵ်းႁႅင်းတၢင်းမိူင်းတႆးသေ ၼမ်ႉသၢႆၸၢင်ႈၼွင်းလူၼ်ႉၾင်ႇ။ ၵွပ်ႈၼႆလႄႈ ဢၼ်လီမႆႈၸႂ်ၼႆႉ ပဵၼ်ၾင်ႇၾၢႆႇထႆး ပဵၼ်ၼႂ်းပွၵ်ႉသၢႆလူမ်းၵျွႆး မူႇ 1 ဢိူင်ႇဝဵင်းၽၢင်းၶမ်း၊ ပွၵ်ႉၵေႃႇသၢႆး မူႇ 7...

သိုဝ်ႇၶၢဝ်ႇၼႂ်းမိူင်းထႆး ပိုၼ်ၽၢဝ်ႇဢွၵ်ႇမႃးဝႃႈ ၸဝ်ႈၼႃႈတီႈထႆး ၵူတ်ႇထတ်းတီႉၺွပ်းလႆႈ ၵူၼ်းႁဵတ်းၵၢၼ် လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆႊၵျႃးၽႅၼ်ႉ 17 တီႈဝဵင်းၵဵင်းမႂ်ႇ ၸိုင်ႈထႆး ပဵၼ်ႁႅင်းၵၢၼ်မၢၼ်ႈ 2 ၵေႃႉလႄႈ ၵူၼ်းမိူင်းၶႄႇ 15 ၵေႃႉ။ ဝၼ်းတီႈ 01/07/2025 ပူၼ်ႉမႃးၼႆႉ ၸဝ်ႈၼႃႈတီႈပလိၵ်ႈထႆး လၢႆႁွင်ႈၵၢၼ် ၶဝ်ႈၵူတ်ႇထတ်းႁိူၼ်းလင်ၼိုင်ႈ ၼႂ်းၸႄႈဝဵင်းႁၢင်လူင်း ၸႄႈတွၼ်ႈၵဵင်းမႂ်ႇ တီႉၺွပ်းလႆႈၵူၼ်းႁဵတ်းၵၢၼ် ၵျႃးၽႅၼ်ႉ...

ႁိူဝ်းတၢင်ႇၵူၼ်း လမ်းၼိုင်ႈ ပိၼ်ႈငူပ်ႉၸူမ်ၵႂႃႇ ႁိမ်းၵုၼ်ပႃႊလီႊ မိူင်းဢိၼ်ႊတူဝ်ႊၼီႊသိူဝ်ႊ မီးၵူၼ်းလူႉတၢႆ 4 ၵေႃႉ ႁၢႆဝႆႉထႅင်ႈ 38 ၵေႃႉ။ ႁိူဝ်းတၢင်ႇၵူၼ်းၼၼ်ႉ ပိၼ်ႈငူပ်ႉၸူမ်ၵႂႃႇ ၼႂ်းဝၼ်းတီႈ 02/07/2025 ယၢမ်းၵၢင်ၶိုၼ်း ႁိမ်းၵုၼ်ႁၢတ်ႇသၢႆးပႃႊလီႊ၊ ၼိူဝ်ႁိူဝ်းၼၼ်ႉ မီးၵူၼ်းပႃးၵႂႃႇၸွမ်း 65 ၵေႃႉ၊ ဝၢႆးႁိူဝ်းပိၼ်ႈယဝ်ႉ ၽူႈမီးပုၼ်ႈၽွၼ်းၶဝ် ၸွႆႈလႆႈၵူၼ်း 23...

မိူဝ်ႈဝၼ်းတီႈ 01/07/2025 ၼႆႉ ပဵၼ်လွင်ႈတႅၵ်ႇၽူင်ႉသေ ၾႆးမႆႈတီႈႁူင်းၵၢၼ်ႁဵတ်းယႃႈယႃ ၼႂ်းၸႄႈတွၼ်ႈတီႇလၢၼ်ႇၵႃႇၼႃႇ မိူင်းဢိၼ်ႊတီႊယိူဝ်ႊပွတ်းၸၢၼ်း မီးၵူၼ်းလူႉတၢႆ 34 ၵေႃႉ ဝႃႈၼႆ။ လွင်ႈၼႆႉ ပဵၼ်ၵႂႃႇတီႈႁူင်းၵၢၼ် Sigachi Industries၊ ၽွင်းယၢမ်းၵူၼ်းႁဵတ်းၵၢၼ်ၶဝ် တိုၵ်ႉႁဵတ်းၵၢၼ်ယူႇၼၼ်ႉ ပဵၼ်လွင်ႈတႅၵ်ႇၽူင်ႉလႄႈ မီးၵူၼ်းလူႉတၢႆမၢတ်ႇၸဵပ်းတင်းၼမ်၊ မၢင်ၸိူဝ်း လႆႈမႆႈၸႂ် သၢႆၸႂ်ဝႆႉ။ ဢွင်ႈတီႈပဵၼ်ၽေးၵိုင်ႉၵၢင်ႉၼၼ်ႉ လႆႈဝႆႉၶၢပ်ႈတူဝ်ၵူၼ်း 31...