ၸဝ်ႈၼႃႈတီႈထႆး တမ်းဝၢင်းၽႅၼ်ၵၢၼ် ဢၼ်မီးၸိုဝ်ႈဝႃႈ “Bad Guys Out” ၼႆသေ ၵူတ်ႇထတ်းတီႉၺွပ်းၵူၼ်းၼွၵ်ႈမိူင်း ၸိူဝ်းယူႇသဝ်းၼႂ်းမိူင်းထႆး လူၺ်ႈဢမ်ႇမႅၼ်ႈတၢင်းၵၢၼ်၊ ႁႅင်းၵၢၼ်ၵူၼ်းမိူင်းမၢၼ်ႈ ၺႃးတီႉၺွပ်း ႁိမ်းၸမ် 5 ႁဵင်ၵေႃႉ – ၶၢဝ်ႇထႆးႁၢႆးငၢၼ်းဝႆႉၼင်ႇၼႆ။
ၽႅၼ်ၵၢၼ်ၵူတ်ႇထတ်းတီႉၺွပ်းၼႆႉ ၸတ်းႁဵတ်း တူဝ်ႈမိူင်းထႆးပတ်းပိုၼ်ႉ၊ လႆႈလူင်းၵူတ်ႇထတ်း 144 တီႈပၢႆ၊ တႄႇဢဝ်ဝၼ်းတီႈ 1-20/12/2025 ၼႆႉ တီႉၺွပ်းလႆႈၵူၼ်းၼွၵ်ႈမိူင်း ၸိူဝ်းယူႇသဝ်းဢမ်ႇမႅၼ်ႈတၢင်းၵၢၼ် 12,207 ၵေႃႉ။ ၼႂ်းၼၼ်ႉ ပဵၼ်ႁႅင်းၵၢၼ်ၵူၼ်းမိူင်းႁူမ်ႈတုမ်မၢၼ်ႈ 4923 ၵေႃႉ၊ ၵူၼ်းမိူင်း ၵမ်ႊပေႃႊတီႊယိူဝ်ႊ 506 ၵေႃႉ၊ ၵူၼ်းမိူင်းလၢဝ်း 507 ၵေႃႉလႄႈ ၵူၼ်းၼွၵ်ႈမိူင်းထႅင်ႈ လၢႆလၢႆမိူင်း။
ၵူၼ်းၸိူဝ်းၺႃးတီႉၺွပ်းၼၼ်ႉ ယွၼ်ႉယူႇသဝ်းၼႂ်းမိူင်းထႆး ဢမ်ႇမႅၼ်ႈတၢင်းၵၢၼ်၊ ယူႇသဝ်းပူၼ်ႉလိူဝ်ၶၢဝ်းယၢမ်း၊ ၸွႆႈထႅမ်တေႃႉသူင်ႇၵူၼ်းၼွၵ်ႈမိူင်း ၶဝ်ႈဢွၵ်ႇမိူင်းထႆးလူၺ်ႈ ဢမ်ႇမႅၼ်ႈတၢင်းၵၢၼ်၊ လိူင်ႈတၢင်းၽိတ်း ၸိူဝ်းၵဵဝ်ႇလူၺ်ႈႁႅင်းၵၢၼ်လႄႈ ယႃႈမဝ်းၵမ် ဢိၵ်ႇထႅင်ႈလိူင်ႈတၢင်းၽိတ်းလၢႆလၢႆဢၼ် ၼႆယဝ်ႉ။
ၼႂ်းၼၼ်ႉ ၸိူဝ်းၺႃးပိုတ်ႇလိူင်ႈဢဝ်တၢင်းၽိတ်း ယွၼ်ႉယူႇသဝ်းဢမ်ႇမႅၼ်ႈၸွမ်းပၵ်းပိူင်ၼၼ်ႉ ပဵၼ်ဢၼ်ၼမ်သုတ်း ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ