ၼႂ်းဝၼ်းတီႈ 15 လိူၼ်တီႊသႅမ်ႊပိူဝ်ႊ ပူၼ်ႉမႃးဝၼ်းၸၼ်ၼႆႉ ၸွမ်ၸိုင်ႈဢမေႊရိၵၼ်ႊ တေႃႊၼႄႊလ်ထရမ်ႉ ပိုတ်ႇလိူင်ႈၸွႆးတြႃး ႁွင်ႈၵၢၼ်ၶၢဝ်ႇ ပီႇပီႇသီႇ (BBC)၊ ႁႂ်ႈပၼ်ငိုၼ်းသၢႆႈတႅၼ်း တေႃႊလႃႊ 10 ပီႊလီႊယႅၼ်ႊ ဝႃႈၼႆ။
ႁွင်ႈၵၢၼ်ၶၢဝ်ႇ BBC တတ်းဢဝ်ၵႂၢမ်းလၢတ်ႈ တေႃႊၼႄႊလ်ထရမ်ႉ ဢၼ်လၢတ်ႈဝႆႉ ၸဵမ်မိူဝ်ႈပီ 2021 လိူၼ်ၵျႅၼ်ႊၼိဝ်ႊရီႊ ဝၼ်းတီႈ 6 သႂ်ႇၼႂ်းလၢႆးၵၢၼ် Panorama သေ ပိုၼ် ၽႄႈဢွၵ်ႇၵႂႃႇ။ လွင်ႈၼၼ်ႉ ႁဵတ်းႁႂ်ႈတုမ်ႉတိူဝ်ႉ ၵုင်ႇသိၵ်ႈၶႃႇ ထရမ်ႉ ၼႆသေ ပိုတ်ႇလိူင်ႈၸွႆးတြႃးဝႆႉ။
လုမ်းတြႃး ၸႄႈမိူင်း ၾလေႃႊရီႊတႃႊ မိူင်းဢမေႊရိၵၼ်ႊ တႅပ်းတတ်းပူင်တၢမ်ႇၵႂႃႇ လူၺ်ႈလိူင်ႈႁဵတ်းႁႂ်ႈၵုင်ႈသိၵ်ႈၶႃႇတူၵ်းသမ်ႉ တၢမ်ႇငိုၼ်း 5 ပီႊလီႊယႅၼ်ႊ တေႃႊလႃႊလႄႈ လိူင်ႈပူၼ်ႉပႅၼ်မၢႆမီႈၾၢႆႇတေႃႉသူင်ႇၵႃႉၶၢႆသမ်ႉ 5 ပီႊလီႊယႅၼ်ႊ တေႃႊလႃႊ။
ၸွမ်ၸိုင်ႈထရမ်ႉ လၢတ်ႈဝႃႈ – သိုဝ်ႇၶၢဝ်ႇ ပီႇပီႇသီႇ (BBC) ၼႆႉ ပႅတ်ႉလႅၼ် တတ်းဢဝ်ၶေႃႈၵႂၢမ်း ဢၼ်မၼ်းၸၢႆးလၢတ်ႈသေ တင်ႈၸႂ်သေႃႇသူၼ်း ႁဵတ်းႁႂ်ႈပဵၼ်လွင်ႈၼႄၵၢင်ၸႂ် ႁၢဝ်ႈႁႅင်း။ လိူဝ်ၼၼ်ႉ ၶေႃႈၵႂၢမ်း ဢၼ်မၼ်းၸၢႆးလၢတ်ႈလွင်ႈငမ်းယဵၼ်သမ်ႉ ဢမ်ႇသႂ်ႇပႃး ဝႃႈၼႆ။
ၵဵဝ်ႇၵပ်းလွင်ႈလႆႈတတ်းၶေႃႈၵႂၢမ်း ၸွမ်ၸိုင်ႈထရႅမ်ႉသေ ပိုၼ်ၽႄဢွၵ်ႇၵႂႃႇၼၼ်ႉ ၾၢႆႇႁွင်ႈၵၢၼ်ၶၢဝ်ႇ ပီႇပီႇသီႇ (BBC)လႆႈယွမ်းၼွမ်းၶိုၼ်း။ လိူဝ်ၼၼ်ႉ ငဝ်းႁၢင်ႈသဵင်ၼၼ်ႉၵေႃႈ ၾၢႆႇႁွင်ႈၵၢၼ်ၶၢဝ်ႇတေဢမ်ႇပိုၼ်ၽႄထႅင်ႈတီႈလႂ်ယဝ်ႉ ဝႃႈၼႆ။ ၵူၺ်းၵႃႈ လွင်ႈၸွမ်ၸိုင်ႈ ထရမ်ႉ ယွၼ်းငိုၼ်းသႄၼၼ်ႉတႄႉ ပၢၵ်ႈထဵင်ႈဝႆႉ။
ဢိင်ၼိူဝ်ပၼ်ႁႃၸိူဝ်းၼႆႉသေ ၽူႈမီးပုၼ်ႈၽွၼ်း 2 ၵေႃႉ တီႈႁွင်ႈၵၢၼ်ၶၢဝ်ႇ ပီႇပီႇသီႇ (BBC)ၵေႃႈ လႆႈယင်ႉလိုဝ်ႈၵၢၼ်ၵႂႃႇ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ