ၵေႃႈလိၵ်ႈလၢႆးလႄႈၾိင်ႈငႄႈတႆး ထုင်ႇလွႆလႅမ်ဢွၼ်ႇ တူင်ႇဝဵင်းလွႆၶေႃ မိူင်းယၢင်းလႅင် ၸတ်းပၢင်ပိုတ်ႇ လုမ်းၵေႃလိၵ်ႈလၢႆးလႄႈၾိင်ႈငႄႈတႆး မီးၵူၼ်းၶဝ်ႈႁူမ်ႈၵိုၼ်းၶွၼ်ႈ။ ပီႈၼွင်ႉတႆး ၼႂ်းထုင်ႉလွႆလႅမ်ဢွၼ်ႇ ပိုတ်ႇလုမ်းၵေႃလိၵ်ႈလၢႆးလႄႈၾိင်ႈငႄႈတႆး  တီႈဝၢၼ်ႈလိၼ် ၽုင်ႇ လူင် မိူဝ်ႈဝၼ်းတီႈ 23/6/2019 ယၢမ်းၵၢင်ၼႂ် 10 မူင်း။ မီးသင်ၶ လႄႈတၵ်ႉၵႃႇ ဢိၵ်ႇပႃး ၾၢႆႇပၵ်းပိူင် မၢႆမီႈ (ဥပဒေချုပ်) လုင်းၸၢႆးၵျေႃႇၸၢၼ်ႇ၊...

ပၢင်ပိုတ်ႇပၢင်ၼေၶူဝ်းၸဝ်ႈၾႃႉတႆး တီႈႁူင်းၼေပိုၼ်း ဝဵင်းတႃႈၵုင်ႈ ၵိုၼ်းၶွၼ်ႈလီ။ လုၵ်ႈလၢၼ်ၸဝ်ႈၾႃႉမႃးၶဝ်ႈႁူမ်ႈ  20 ပၢႆ။ ဝၼ်းတီႈ 09/06/2019 ၼၢင်းလၢဝ်ငိုၼ်း ၽူႈၸိသင်ႇ တီႈႁူင်းၼေပိုၼ်း တႃႈၵုင်ႈ ဢွၼ်ႁူဝ်ၸတ်းႁဵတ်းပၢင်ၼေၶူဝ်းၸဝ်ႈၾႃႉတႆး (ၸဝ်ႈၾႃႉလူင်ႇယွင်ႁူၺ်ႈ) ၊ယၢမ်းၵၢင်ၼႂ် 9 မူင်း ပိုတ်ႇပၢင်၊ တေဢၢၼ်းၼေၶူဝ်းၸဝ်ႈၾႃႉၼႆႉ တေႃႇထိုင်ဝၼ်းတီႈ 18 လိူၼ်ၵျုၼ်ႊ ၼႆႉဝႃႈၼႆ။ တီႈပၢင်ပိုတ်ႇပၢင်ၼေသိူဝ်ႈၶူဝ်းၸဝ်ႈၾႃႉၼၼ်ႉ ၼၢင်းလၢဝ်ငိုၼ်း...

ႁူင်းၼေပိုၼ်း National Museum ဝဵင်းတႃႈၵုင်ႈ တေၸတ်းပၢင်ၼေၶူဝ်းၼုင်ႈၸဝ်ႈၾႃႉတႆး ႁေႃယွင်ႁူၺ်ႈ တႃႇၶၢဝ်းတၢင်း 9 ဝၼ်း တီႈႁူင်းၼေပိုၼ်း ဝဵင်းတႃႈၵုင်ႈ။ ယိူင်းဢၢၼ်းႁႂ်ႈၵူၼ်းၼွၵ်ႈမိူင်း ၼႂ်းမိူင်း ၸိူဝ်းမႃးဢႅဝ်ႇယဵမ်ႈတွင်ႈတဵဝ်းလႆႈလဵပ်ႈႁဵၼ်း သိူဝ်ႈၽႃႈ ၸဝ်ႈၾႃႉတႆး ဢၼ်ႁၢင်ႈလီမီးၵႃႈၶၼ် ဢၼ်မီးဢႃယုယၢဝ်းၼၢၼ်း ပၢၵ်ႇပီပၢႆၼၼ်ႉၼႆသေ ႁူင်းၼေပိုၼ်း ဝဵင်းတႃႈၵုင်ႈ တေၸတ်းပၢင်ၼေၶူဝ်းၸဝ်ႈၾႃႉ ၼႂ်းဝၼ်းတီႈ 9 ထိုင်...

ဝၼ်းၵိူတ်ႇၸဝ်ႈတူၼ်ၶူးပၺ်ၺႃသႃရ(ၸဝ်ႈဝိသဵတ်ႇ) ဢႃယု ၶွပ်ႈတဵမ် 49 ပီ ဝတ်ႉထၢတ်ႈပူင်ႇလူဝ်ႉ ၸႄႈဝဵင်းတႃႈၶီႈလဵၵ်း မီးတၵ်ႉၵႃႇ သတ်ႉထႃး လႄႈ သင်ၶၸဝ်ႈ ၶဝ်ႈႁူမ်ႈ တင်းၼမ်လၢႆ။ သင်ၶၸဝ်ႈလႄႈ တၵ်ႉၵႃႇသတ်ႉထႃး ႁူမ်ႈၵၼ်ၸတ်းႁဵတ်းပၢင်ပွႆးဝၼ်းၵိူတ်ႇၸဝ်ႈတူၼ်ၶူးပၺ်ၺႃသႃရ ဢၽိဝိသေသ လိတ်ႉသိပေသရ သႃသၼႃလင်ၵႃႇရ မႁႃသတ်ႉထမ်မၸေႃးတိၵၻၸၽတ်ႉတၼ်တ ပၺ်ၺႃသႃရ ဢၵ်ႉၵထမ်မ ဢႃယု ၶွပ်ႈ 49...

ၸွမ်သိုၵ်းလူင် ယွတ်ႈသိုၵ်း ႁူဝ်ပဝ်ႈလူင် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA ၼုင်ႈၽႃႈလိူင်/ သၢင်ႇၵၢၼ်း ႁဵတ်းတၢင်းလီ ယိူင်းၸူးထိုင် ၵေႃႉပဵၼ်မႄႈၸဝ်ႈၵေးၸူးၼၼ်ႉ ၶိုၼ်းထၢၵ်ႈၼုင်ႈၶူဝ်းၵူၼ်းႁိူၼ်း သိုပ်ႇႁၢပ်ႇ ၵၢၼ်ၸိူဝ်ႉၸၢတ်ႈ။ ဝၼ်းတီႈ 02/06/2019 ယၢမ်းၵၢင်ၼႂ် 9 မူင်း ၸွမ်သိုၵ်းလူင် ယွတ်ႈသိုၵ်း ထၢၵ်ႈတီႈဝတ်ႉသၼ်ပႃႇတိုင်း ၸႄႈဝဵင်း ဝဵင်းႁႅင် ၸႄႈတွၼ်ႈၵဵင်းမႆႇ...

တူင်ႇဝူင်းတႆး ၼႂ်းၵဵင်းမႆႇ ၸိုင်ႈထႆး ႁူမ်ႈၵၼ်ၸတ်းႁဵတ်း ပၢင်ယုၵ်ႉယွင်ႈႁူမ်ၸူမ်းၸဝ်ႈတူၼ်ၶူး Dr. ၸဝ်ႈ တိုၼ်းတႆး တီႈ ဝတ်ႉပႃႇပဝ်ႈ ၵၢင်ဝဵင်းၵဵင်းမႆႇ တိုဝ်ႉတၢင်း ၸဝ်ႈလႆႈႁပ်ႉၸုမ်းၶူး Ph.D in Buddhist Studies တီႈၸၼ်ႉၸွမ် မႁႃၸုလႃး လူင်းၵွၼ်းရၢၸ်ႉ ဝိထယႃးလႆး မိူင်းထႆး ယုၵ်ႉယွင်ႈ။ ဝၼ်းတီႈ 29/05/2019...

ၸွမ်သိုၵ်းလူင် ယွတ်ႈသိုၵ်း ႁူဝ်ပဝ်ႈလူင် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA ၼုင်ႈၽႃႈလိူင်/ သၢင်ႇၵၢၼ်း ႁဵတ်းတၢင်းလီ ယိူင်းၸူးထိုင် ၵေႃႉပဵၼ်မႄႈၸဝ်ႈၵေးၸူး။ ဝၼ်းတီႈ 24/05/2019 ယၢမ်းၵၢင်ၼႂ် ၸွမ်သိုၵ်းလူင် ယွတ်ႈသိုၵ်း ၼုင်ႈၽႃႈလိူင်/ သၢင်ႇၵၢၼ်း တီႈဝတ်ႉမႄႈတႅင် ၸႄႈဝဵင်း မႄႈတႅင် ၸႄႈတွၼ်ႈၵဵင်းမႆႇ ၸိုင်ႈထႆး ဝႃႈၼႆ။ ၸဝ်ႈသိုၵ်းလူင် ၸၢႆးငိုၼ်း...

ဝၼ်းလိူၼ်ႁူၵ်းမူၼ်း ၵူၼ်းမိူင်းၼၢႆး ႁူမ်ႈၵၼ်ႁဵတ်းပၢင်ပွႆးၼူၾႆး တီႈၼမ်ႉႁူးၸၢၵ်ႈတေႃႇ ဝဵင်းမိူင်းၼၢႆး သေ တႆႈတဵၼ်းယွၼ်းၼမ်ႉယွၼ်းၾူၼ် ႁႂ်ႈမၢၵ်ႇၶဝ်ႈတဝ်ႈၼမ်ႉၵိုၼ်းၶွၼ်ႈလီ၊ ႁႂ်ႈၵူၼ်းမိူင်း လႆႈယူႇမူၼ်ႈ ၵတ်းယဵၼ်။ ဝၼ်းတီႈ 18/5/2019 သင်ၶၸဝ်ႈပဵၼ်ၵဝ်ႉၵၼ်းသေ ၵူၼ်းဝၢၼ်ႈ ၵူၼ်းမိူင်း ၼႂ်းထုင်ႉမိူင်းၼၢႆး ႁူမ်ႈၵၼ် ၸတ်းႁဵတ်းပၢင်ပွႆးပွႆႇၼူၾႆး ၸွမ်းၼင်ႇၾိင်ႈႁိတ်ႈႁွႆး ဢၼ် ယၢမ်ႈႁဵတ်းမႃးပၢင်သိုပ်ႇပၢၼ်။ ပၢင်ပွႆး ၼႆၸတ်းႁဵတ်းတီႈ ၸၢၵ်ႈတေႃႇၼမ်ႉႁူး...

ၼိုင်ႈပီတီႈဢေႇသုတ်း တေလႆႈထူပ်းပီမႂ်ႇတႆး၊ ယဝ်ႉပီမႂ်ႇလုမ်ႈၾႃႉ၊ ပီမႂ်ႇၶႄႇလႄႈပီမႂ်ႇ သွၼ်းၼမ်ႉ ပၼ်ႇပဵၼ်သင်ၶႃရယူႇၸိူင်ႉၼႆ။   ပီမႂ်ႇသွၼ်းၼမ်ႉ ပဵၼ်ၾိင်ႈၸၢဝ်းၵလႃး မိူင်း ၸမ်းပူး(ၸမ်ႇပူႇတီႇပႃႇ-ဢိၼ်းတိယိူဝ်း၊ ၼီႊပေႃးလ်၊ ပႃႊၵိသ်ႉသတၢၼ်ႊ လႄႈပင်ႊ ၵလႃးတဵသ်ႉ) ၸိူဝ်းၼပ်ႉယမ် ၶုၼ်သၢင်ပြမ်ႇ မႃႇၶဝ်မႃးဢွၼ်တၢင်း။ ဝၢႆးမႃး လႆႈၽႄႈၶဝ်ႈ မႃးၼႂ်းမိူင်း ၾင်ႇ တၢင်းဢွၵ်ႇမႄႈၼမ်ႉပၢင်ႇလၢႆႇ ၸွမ်းၵူၼ်း ၵႃႉၵူၼ်း ၶၢႆၸၢဝ်းႁိၼ်ႇတူႇ...

ၼင်ႇႁိုဝ်တေၸၼ်ၸႂ်ၼၵ်းတွင်ႈတဵဝ်းဢႅဝ်ႇယဵမ်ႈၼမ်တိူဝ်းမႃးလိူဝ်ၵဝ်ႇၼႆသေလူင်ပွင်ၸိုင်ႈမိူင်းတႆးၶပ်းၶိုင်တႃႇႁဵတ်းပွႆးသွၼ်းၼမ်ႉၼႂ်းၼွင်ႁၢႆးယႃႈ ပဵၼ်ပွၵ်ႈႁႅၵ်ႈၼႂ်းပိုၼ်း ဝႃႈၼႆ။ ပွႆးသွၼ်းၼမ်ႉၼႂ်းၼွင်ႁၢႆးယႃႈၼႆႉ တေသႂ်ႇၸိုဝ်ႈဝႃႈ Inlay floating Thingyun festival 2019 ။ တေၸတ်းႁဵတ်းတီႈႁူင်းႁေႃး ၼိူဝ်ၼမ်ႉ Inlay Culture Heritage Trust Complex ဢၼ်မီးတီႈ ဝၢၼ်ႈၼမ်ႉပၼ်ႇ ၼႂ်းၼွင်ႁၢႆးယႃႈ ၸိုင်ႈတႆးပွတ်းၸၢၼ်း။ ၸၢႆးၸူဝ်းထုၼ်း ၽူႈၸတ်းၵၢၼ် တႃႇပွင်ပဵၼ်ပၢင်ပွႆးလၢတ်ႈဝႃႈ -“...

ၵၢတ်ႇၸဝ်ႈၾႃႉ (ဢမ်ႇၼၼ်) ၵၢတ်ႇၵဝ်ႇ ၸႄႈဝဵင်းၵဵင်းတုင် ဢၼ်ၵူၼ်းမိူင်းယုမ်ႇယမ် ၸတ်းႁဵတ်းမႃးၵူႈပီၼၼ်ႉ ပီၼႆႉ ၵူၼ်းမိူင်းၶဝ်ႈႁူမ်ႈသိုဝ်ႉၸၢႆႇၶၢႆၶူဝ်း ၵိုၼ်းၶွၼ်ႈၼမ်လိူဝ်ၵူႈပီ ဝႃႈၼႆ။ ဝၼ်းတီႈ 27/03/2019 တႄႇယၢမ်းၵၢင်ၼႂ် 6 မူင်း ထိုင် ယၢမ်းဝၢႆးဝၼ်း မွၵ်ႈ 4 မူင်း ၵူၼ်းမိူင်း ၵဵင်းတုင် ၼႂ်းဝဵင်း/ ၼွၵ်ႈဝဵင်း ဢွၼ်ၵၼ်ၶဝ်ႈႁူမ်ႈသိုဝ်ႉၸၢႆႇ/...

ၸုမ်းတူင်ႉၼိုင်တူင်ႇဝူင်းတႆး တူၼ်ႈတီး ယုၵ်ႉဢဝ် ၸဝ်ႈၶႂၢၼ်မိူင်း ၶိုၼ်ႈပဵၼ်ႁူဝ်ပဝ်ႈ ၵေႃလိၵ်ႈလၢႆးလႄႈ ၾိင်ႈငႄႈတႆး ၸႄႈဝဵင်း တႃႇၶၢဝ်းတၢင်း 2 ပီ ဝႃႈၼႆ။ ဝၼ်းတီႈ 03/03/2019 ယၢမ်းဝၢႆးဝၼ်း 1 မူင်း ၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းတူၼ်ႈတီး ၸတ်းႁဵတ်း ပၢင်လိူၵ်ႈ တင်ႈ ႁူဝ်ပဝ်ႈလႄႈ ၽူႈၼမ်းၼႂ်းၵေႃ ၸႄႈဝဵင်း...

ပၢင်ပွႆးမႁႃသတိပထၢၼ်ႇ ပၢင်ၵုမ်လူင် ၺီႇလႃႇၶၢမ်ႇ သင်ၶၸဝ်ႈ ၼႂ်းၸိုင်ႈတႆး ၵမ်းထူၼ်ႈ 53 ပွၵ်ႈၵမ်း 3 တီႈၸႄႈဝဵင်း ၵဵင်းတုင် ၸတ်းႁဵတ်းယဝ်ႉတူဝ်ႈလီ။ ပၢင်ၵုမ်ၺီႇလႃႇၶၢမ်ႇပွၵ်ႈၵမ်း 54 တေၸတ်းတီႈဝဵင်းၶူဝ်လမ် ဝႃႈၼႆ။ ၵေႃၵမ်ၵၢၼ် ၸတ်းႁဵတ်းပၢင်ပွႆးၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ ပၢင်ၵုမ်တႄႉ ၸတ်းႁဵတ်း 2 ဝၼ်း ဝၼ်းတီႈ...

ဢိင်ၼိူဝ် ၾိင်ႈႁိတ်ႈႁွႆး ၸၢဝ်းတႆး ၼႂ်းပိုၼ်ႉတီႈ ဝၢၼ်ႈမႂ်ႇမွၵ်ႇၸၢမ်သေ ဢွၼ်ၸတ်းႁဵတ်းမႃး ပၢင်ပွႆးယုၵ်ႉယွင်ႈၸဝ်ႈ ၶူးမေႃ လိၵ်ႈတႆး ပွၵ်ႈထူၼ်ႈ 43။ ဝၼ်းတီႈ 17-19/02/2019 ယူႇတီႈၵေႃၵမ်ၵၢၼ် ပွင်ပဵၼ်ပၢင်ပွႆးယုၵ်ႉယွင်ႈၸဝ်ႈၶူးမေႃလိၵ်ႈတႆး ဢွၼ်ႁူဝ်သေ ၸတ်း ႁဵတ်းပၢင်ပွႆးတီႈဝတ်ႉမွၵ်ႇၸၢမ် ဢိူင်ႇတႃႈတွၼ်း ၸႄႈဝဵင်းမႄႈဢၢႆး ၸႄႈတွၼ်ႈၵဵင်းမႆႇ ၸိုင်ႈထႆး မီးပီႈၼွင်ႉၸၢဝ်းတႆး တီႈၸမ်/ ၵႆ...

သင်ၶၸဝ်ႈလႄႈ တၵ်ႉၵႃႇ ၸၢဝ်းတႆး တီႈၵုင်းထဵပ်ႈ/ မိူင်းၵွၵ်ႇ တေႁူမ်ႈၵၼ် ၸတ်းႁဵတ်းပၢင်ပွႆးလူႇတၢၼ်းလွင်းသွမ်း သၢၼ် လုၵ်ႈႁဵၼ်းသင်ၶၸဝ်ႈတႆး ပွၵ်ႈၵမ်းထူၼ်ႈ 3 ဝႃႈၼႆ။ ပေႃးထိုင်မႃး ဝၼ်းတီႈ 17/02/2019 ယၢမ်းၵၢင်ၼႂ် 8:30 မူင်းၸိုင် ယူႇတီႈသင်ၶၸဝ်ႈလႄႈ တၵ်ႉၵႃႇသတ်ႉထႃး ပီႈၼွင်ႉ တႆး ႁူမ်ႈၵၼ်သေ တေၸတ်းႁဵတ်းပၢင်ပွႆးလူႇတၢၼ်းလွင်းသွမ်းသၢၼ် လုၵ်ႈႁဵၼ်းသင်ၶတႆး...