Thursday, March 28, 2024

ၸဝ်ႈသိလ်ထမ်းဝုၼ်းၸုမ်ႉ ၶဝ်ႈထမ်ႈတိုဝ်းၵမ်သိလ် တီႈထမ်ႈမိူင်းၵႅတ်ႇ ၶွပ်ႈတဵမ် 3 လိူၼ်

Must read

ၸဝ်ႈသိလ်ထမ်းဝုၼ်းၸုမ်ႉယေႃးတူဝ်ၶဝ်ႈထမ်ႈ တိုဝ်းၵမ်သိလ်ထမ်း 3 ပီ 3 လိူၼ်ပၢႆ 3 ဝၼ်း တီႈထမ်ႈမိူင်းၵႅတ်ႇ ၸိုင်ႈတႆး ပွတ်းဢွၵ်ႇ ၶွပ်ႈတဵမ် 3 လိူၼ်ယဝ်ႉ သင်ၶၸဝ်ႈၸိုင်ႈတႆး ႁေႃးလွတ်ႈပလိၵ်ႈလူင် 11 သုတ်ႈ။

Photo by – jao khamleng kheminda/ သင်ၶၸဝ်ႈ ဢွၼ်ၵၼ်ၵႂႃႇလွတ်ႈပလိၵ်ႈလူင် 11 သုတ်ႈလႄႈ သူင်ႇမဵတ်ႉတႃႇထိုင်ၽီသၢင်သတ်းၵူၼ်း တီႈထမ်ႈမိူင်းၵႅတ်ႇ

ပူၼ်ႉမႃး မိူဝ်ႈဝၼ်းတီႈ 23-24/7/2019 ၼၼ်ႉ ၸဝ်ႈတူၼ်ၶူးလူင် ပိင်ႇၺႃႇၼၼ်ႇတ ႁူဝ်ပဝ်ႈသင်ၶၸဝ်ႈၸိုင်ႈတႆး ဝတ်ႉ ထၢတ်ႈတေႃႇလွႆလႅမ် ဢွၼ်ႁူဝ်သင်ၶၸဝ်ႈ ၸိုင်ႈတႆးသေ ၵႂႃႇလွတ်ႈႁေႃႈပလိၵ်ႈလူင် 11 သုၵ်ႈ၊ လွတ်ႈႁေႃးထမ်မၸၵ်ႇၵျႃႇ လႄႈ သူင်ႇမဵတ်ႉတႃႇပၼ်ၽီသၢင်သတ်းၵူၼ်း တီႈပၢၵ်ႇထမ်ႈမိူင်းၵႅတ်ႇ ဢိူင်ႇမိူင်းၵႅတ်ႇ ၸႄႈဝဵင်းမိူင်းသၢတ်ႇ ၸိုင်ႈတႆးပွတ်း ဢွၵ်ႇၶူင်း။

- Subscription -

ၸဝ်ႈၶူးၶမ်းလႅင်း ၶေႇမိၼ်ႇတ ၽူႈၵွၼ်းဝတ်ႉၵျွင်းၵုင်းပဝ်း ဝဵင်းၵႃလီႉ ၽူႈၶဝ်ႈႁူမ်ႈ လွတ်ႈႁေႃး လၢတ်ႈတီႈၽူႈတွႆႇႁွၵ်ႈဝႃႈ “ၶေႃႈယိူင်းဢၢၼ်းတႄႉ ၵေႃႈ ၵွၼ်ႇၸဝ်ႈပေႃႈသိလ်ထမ်းဝုၼ်းၸုမ်ႉတေၶဝ်ႈထမ်ႈၼၼ်ႉ သင်ႇလၢတ်ႈဝႆႉ တီႈၸဝ်ႈသြႃႇ လူင်ႁဝ်း ၸဝ်ႈပိင်ႇၺႃ ၼၼ်ႇတလႄႈ ၸဝ်ႈသုၶမ်းဝႆႉ သင်ဝႃႈ ၸဝ်ႈႁဝ်း ၶဝ်ႈထမ်ႈ ၶွပ်ႈတဵမ် 3 လိူၼ်ယဝ်ႉၼႆ ႁႂ်ႈသင်ၶ ၸဝ်ႈႁဝ်း ဢွၼ်ၵၼ် မိူဝ်းလွတ်ႈႁေႃးပလိၵ်ႈလူင် 11 သုတ်ႈ တီႈပၢၵ်ႇထမ်ႈမိူင်းၵႅတ်ႇၼၼ်ႉ” ဝႃႈၼႆ။

ၵဵဝ်ႇလူၺ်ႈလွင်ႈသင်ၶၸဝ်ႈၸိုင်ႈတႆး ဢွၼ်ၵၼ်မိူဝ်းလွတ်ႈႁေႃးပလိၵ်ႈလူင် 11 သုတ်ႈ တီႈပၢၵ်ႇထမ်ႈမိူင်းၵႅတ်ႇၼၼ်ႉ တႃႇ ၶၢဝ်းတၢင်း 3 ပီ 3 လိူၼ် ပၢႆ 3 ဝၼ်းၼၼ်ႉ ပွၵ်ႈၼႆႉ တိုၵ်ႉပဵၼ်ပွၵ်ႈၵမ်းႁႅၵ်ႈ ဝႃႈၼႆ။

ယူႇတီႈၸဝ်ႈသိလ်ထမ်းဝုၼ်းၸုမ်ႉသင်ႇလၢတ်ႈဝႆႉသေ ပေႃးတဵမ်မႃး 3 လိူၼ်လၢႆ ၼိုင်ႈပွၵ်ႈၸိုင် ႁႂ်ႈသင်ၶၸဝ်ႈၸိုင်ႈတႆး ဢွၼ်ၵၼ်ၵႂႃႇလွတ်ႈႁေႃးပလိၵ်ႈလူင် 11 သုတ်ႈလႄႈ သူင်ႇမဵတ်ႉတႃႇထိုင်ၽီသၢင်သတ်းၵူၼ်း။ ပေႃး ထိုင်မႃးလိူၼ်11 လွင်ႈ(ၾၢႆႇတႆး) ၸိုင် သင်ၶၸဝ်ႈၸိုင်ႈတႆး တေဢွၼ်ၵၼ်ၵႂႃႇလွတ်ႈႁေႃးပၼ်ထႅင်ႈတီႈထမ်ႈမိူင်းၵႅတ်ႇ ဝႃႈၼႆ။

ၸဝ်ႈပေႃႈသိလ်ထမ်းဝုၼ်းၸုမ်ႉၼႆ့ တင်ႈတႄႇဝႃသႃၸဝ်ႈလႆႈ 26 ၼၼ်ႉ မႃးတိုဝ်းၵမ်သိလ်ၼႂ်းထမ်ႈ ၽွင်းၶၢဝ်း ၼႂ်းဝႃႇ မႃးတေႃႇထိုင်ယၢမ်လဵဝ် ၊ မိူဝ်ႈပီ2010/04/18 ၶဝ်ႈတိုဝ်းၵမ်သိလ်ၼႂ်းထမ်ႈရၢတ်ႉၶျၶိုဝ်ႊ ဢိူင်ႇဝၢၼ်ႈဢွၼ်ႉ ၸႄႈဝဵင်းငၢဝ်း ၸႄႈတွၼ်ႈလမ်းပၢင်း (ถ้ำราชคฤห์ บ้านแม่แก้ หมู่ที่ 5 ตำบลบ้านอ้อน อำเภองาว จังหวัดลำปาง) တႃႇၶၢဝ်းတၢင်း 3 ပီ 3လိူၼ် 3 ဝၼ်း မၼ်းၸဝ်ႈ ဢွၵ်ႇထမ်ႈမိူဝ်ႈဝၼ်းတီႈ 21/07/2013။ ဝၢႆးဢွၵ်ႇထမ်ႈ ယဝ်ႉ ဢွၵ်ႇၶၢဝ်းတၢင်းပိုၼ်ၽႄႈ သႃသၼႃ မိူင်း တႆး၊ မိူင်းမၢၼ်ႈ၊ မိူင်းထႆး၊ မိူင်းပူႊတၢၼ်ႊ၊ မိူင်းသိင်ႇၶပူဝ်ႊ၊ မိူင်းမလေႊသျိူဝ်ႊ ၸိူဝ်းၼႆ့သေ ၶဝ်ႈတိုဝ်းၵမ်သိလ်ၼႂ်းထမ်ႈ ၶိုၼ်း တႃႇၶၢဝ်း တၢင်း 3 ပီ 3လိူၼ် 3 ဝၼ်း တီႈထမ်ႈမိူင်းၵႅတ်ႇ ဢိူင်ႇမိူင်းၵႅတ်ႇ ၸႄႈဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇ ၶူင်း။

ၸဝ်ႈၶူးဝႃးဝုၼ်းၸုမ်ႉၼႆႉ ၸႃတိတီႈၵိူတ်ႇ ဝၢၼ်ႈမႄႈၶမ်းၼွင်မူဝ် ဢိူင်ႇမႄႈၶမ်း ၸႄႈဝဵင်း မႄႈၸၼ်း ၸႄႈတွၼ်ႈ ၵဵင်းႁၢႆး။ ပဵၼ်လုၵ်ႈပေႃႈ သႅင်လႃႈလႄႈ မႄႈၶမ်းလႃႈ။ ၽွင်းဢႃယုၸဝ်ႈ 4 ပီ ထိုင် 10 ပီၼၼ်ႉ လႆႈၶဝ်ႈႁူင်းႁဵၼ်းထႆး။ ထိုင်မႃးဢႃယု 11 ပီ ၼၼ်ႉ ၶိုၼ်ႈပဵၼ် ၸဝ်ႈသၢင်ႇ၊ ဢႃယု 12 ပီ တၵ်ႉၵႃႇသတ်ႉထႃး ဢိူင်ႇမိူင်းၽူင်း ၸႄႈဝဵင်းတႃႈၶီႈလဵၵ်း ၸင်ႇၵႂႃႇ ယိုၼ်ႈမွၵ်ႇ ယေႃးဢဝ်ၸဝ်ႈ မႃးပူၵ်းပွင် သႃသၼႃတီႈဝတ်ႉၽရႃႉထၢတ်ႈသီႊတွၼ်ႊရိူင်း (သီရိတွၼ်းႁိူင်း) ၸႄႈဝဵင်း တႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း တေႃႇထိုင်ဝၼ်းမိူဝ်ႈၼႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း