ၽူႈၸၢႆးၵေႃႉၼိုင်ႈ ထုၵ်ႇယိုဝ်းတၢႆ တီႈမူႇၸေႊ ၸိုင်ႈတႆးပွတ်းႁွင်ႇ၊ ဢမ်ႇႁူႉဝႃႈၽႂ် ၸုမ်းလႂ်ယိုဝ်း။ ဝၼ်းတီႈ 2/7/2020 ယၢမ်းၵၢင်ၶမ်ႈ မွၵ်ႈ 9 မူင်းၼႆႉ ၽူႈၸၢႆး ဢႃယု မွၵ်ႈ 25 ပီ၊ ထုၵ်ႇၵူၼ်းဢမ်ႁူႉၾၢႆႇ လမ်းယိုဝ်းတၢႆ တီႈႁိမ်းဝတ်ႉ/ ၵျွင်းႁူဝ်ၼႃး ပွၵ်ႉၵွင်းမူးတူင်ႈ ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ-ၼႆယဝ်ႉ။ ၸၢႆးႁိၼ်လဵၵ်း ၸုမ်းၶၢဝ်ႇထုင်ႉႁူၺ်ႈလီႈ...

ဢွၼ်ႇယိင်း ဢႃယု 16 ပီ ၵေႃႉၼိုင်ႈ တိူဝ်ႉၸႂ် ၽႅၼ်ၶေႃးတၢႆ ၼႂ်းၸႄႈဝဵင်းတီႈၵျွၵ်ႉမႄး ဝႃႈၼႆ။ ဝၼ်းတီႈ 28/6/2020 ယၢမ်းၵၢင်ၼႂ် မွၵ်ႈ 8 မူင်း၊ ဢွၼ်ႇယိင်း ဢႃယု 16 ပီ ၽႅၼ်ၶေႃးတၢႆ တီႈၼႂ်းႁိူၼ်း ပီႈဢၢႆႈမၼ်းၼၢင်း တီႈဝၢၼ်ႈပၢင်ၵွၼ်၊ ယၢၼ်ၵႆဝဵင်းၵျွၵ်ႉမႄး မွၵ်ႈ...

ၾႆးမႆႈႁူင်းယဵပ်ႉသိူဝ်ႈၽႃႈ လၢၼ်ႉၶူဝ်းတႆး တီႈပွၵ်ႉၽြႃးၽိဝ်ႇ ဝဵင်းတူၼ်ႈတီး၊ မီးလွင်ႈလူႉသုမ်းတင်းၼမ်။ ဝၼ်းတီႈ 26/6/2020 ယၢမ်းၵၢင်ၶိုၼ်း 11:45 မူင်း ၾႆးမႆႈႁူင်းယဵပ်ႉသိူဝ်ႈၽႃႈ တီႈပွၵ်ႉၽြႃးၽိဝ်ႇ ဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း။ ပဵၼ်ယွၼ်ႉ ယွၼ်ႉၾႆးၾႃႉသွတ်ႉ ၼႆယဝ်ႉ။ ၼၢင်းသႅင် ၵူၼ်းတူၼ်ႈတီး လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ ၾႆးမႆႈ တီႈပွၵ်ႉၽြႃးၽိဝ်ႇ ပဵၼ်တီႈႁူင်းယဵပ်ႉ သိူဝ်ႈၽႃႈၶႃႈ၊...

မိူင်းတႆးပွတ်းႁွင်ႇ ၼႂ်းၸႄႈဝဵင်းသီႇပေႃႉ ပၢႆႉတၢင်းၶဝ်ႈဢွၵ်ႇဝဵင်းၼမ်ႉလၼ်ႈ ၵႂႃႇၸူး တၢင်းမိူင်းၵိုင် ၼၼ်ႉ ထုၵ်ႇၵူၼ်းယႃႉ တွႆႇတူဝ်လိၵ်ႈလူႉၵွႆၵႂႃႇၽွင်ႈ။ ဝၼ်းတီႈ 23/6/2020 ယၢမ်းႁူဝ်ၶမ်ႈ ပၢႆႉၶဝ်ႈဢွၵ်ႇဝဵင်းၼမ်ႉလၼ်ႈ ဢၼ်ပၵ်းဝႆႉတီႈတၢင်းၶဝ်ႈဢွၵ်ႇၵႂႃႇမႃး ဝဵင်းၼမ်ႉလၼ်ႈ - မိူင်းၵိုင်ၼၼ်ႉ ထုၵ်ႇၵူၼ်းယႃႉၶႅၵ်းတူဝ်လိၵ်ႈ ဢၼ်တႅမ်ႈသႂ်ႇဝႆႉတီႈပၢႆႉၼၼ်ႉဢွၵ်ႇပႅတ်ႈ။ ပဵၼ်ၼမ်ႉမိုဝ်းၽႂ် ၵေႃႉလႂ်ႁဵတ်း ဢၼ်ဝႃႈၼၼ်ႉ ဢမ်ႇလႆႈႁူႉ။ ၸၢႆးသၢမ်လႅင်း ၸုမ်းၶဝ်ႈပႃးၵၢၼ်ၵေႃႇသၢင်ႈပၢႆႉ ၼမ်ႉလၼ်ႈ လၢတ်ႈတီႈၽူႈတွႆႇႁွၵ်ႈဝႃႈ...

သၢဝ်ၵျွၵ်ႉမႄးၵေႃႉၼိုင်ႈ ဢၼ်လုၵ်ႉမိူင်းၶႄႇပွၵ်ႈမႃး ၵၵ်းတူဝ်ဝႆႉတီႈ ၵျွၵ်ႉမႄးၼၼ်ႉ လၢတ်ႈတီႈၽူႈမီးပုၼ်ႈၽွၼ်းဝႃႈ ၺႃးၵေႃႉပဵၼ်မႄႈတႄႉတႄႉ သူင်ႇတူဝ်မၼ်းၵႂႃႇမိူင်းၶႄႇ ၶၢႆပၼ်ပေႃႈလဵင်ႉၶႄႇဢဝ်ႁဵတ်းမေး ဝႃႈၼႆ။ မၼ်းၼၢင်းၼႆႉတိုၵ်ႉမီးဢႃယု 17 ပီ။ မၼ်းၼၢင်းလႆႈလၢတ်ႈတီႈပလိၵ်ႈမိူဝ်ႈ ဝၼ်းတီႈ 20/6/2020 ။ လုင်းၸၢႆးၵူး ၸုမ်းၶႅၵ်ႇလီပၢင်ၸႃႉ လၢတ်ႈတီႈၽူႈတွႆႇႁွၵ်ႈဝႃႈ“ ၸႂ်ႈတႄႉၶႃႈဢေႃႈ၊ လွင်ႈၼႆႉ ယူႇတီႈမၼ်းၼၢင်း ၵေႃႉပဵၼ်ယိင်းဢွၼ်ႇ ဢၼ်ထုၵ်ႇၶၢႆၵႂႃႇၼၼ်ႉလၢတ်ႈၼႄလႄႈ ၸင်ႇတေႁူႉၶႃႈ လွင်ႈဝႃႈထုၵ်ႇမႄႈ...

ၶူဝ်ႊရီႊယိူဝ်ႊႁွင်ႇ ပွႆႇမၢၵ်ႇယႃႉသႂ်ႇတိူၵ်ႈဢုတ်ႇ လုမ်းၵပ်းသၢၼ် ၵၼ်တင်းၶူဝ်ႊရီႊယိူဝ်ႊၸၢၼ်း တီႈလႅၼ်ၶႅၼ်ႈသွင်ၸိုင်ႈမိူင်း ၊  ပိုၼ်ၽၢဝ်ႇဝႃႈ တူဝ်ႈတၼ်းတႃႇသူင်ႇႁႅင်းသိုၵ်း ၶဝ်ႈၼႂ်းၶဵတ်ႇပိုၼ်ႉတီႈႁၢမ်းႁႅၵ်းသိုၵ်း-ဝႃႈၼႆ။ ၸုမ်းသိုဝ်ႇၶၢဝ်ႇၼွၵ်ႈမိူင်း ဢၼ်တိတ်းတၢမ်ငဝ်းလၢႆး မိူင်းၶူဝ်ႊရီႊယိူဝ်ႊႁွင်ႇဝႆႉယူႇၼၼ်ႉ ဢွၵ်ႇၶၢဝ်ႇဝႃႈ-  မိူဝ်ႈဝၼ်းတီႈ 16/6/2020 ယၢမ်းဝၢႆးဝၼ်းၼၼ်ႉ ယူႇတီႈၶူဝ်ႊရီႊယိူဝ်ႊႁွင်ႇ လႆႈပွႆႇမၢၵ်ႇယႃႉလူႉလူမ်ႇၵွႆပႅတ်ႈ တိူၵ်ႈလူင်ႁွင်ႈၵၢၼ်ၾၢႆႇၵပ်းသၢၼ် ၶူဝ်ႊရီႊယိူဝ်ႊႁွင်ႇ/ၸၢၼ်း ဢၼ်ပၵ်းယူႇတီႈဝဵင်းၵႄးသွင်း ၼႂ်းၾင်ႇၶူဝ်ႊရီႊယိူဝ်ႊႁွင်ႇ တီႈႁိမ်းလႅၼ်ၶႅၼ်ႈသွင်ၸိုင်ႈမိူင်းၼၼ်ႉ ဝႃႈၼႆ။ ဢွၼ်ၼႃႈၼႆႉလၢႆဝၼ်း  ၶိမ်းယူဝ်းၸွင်း...

ထူပ်းႁၼ်တူဝ်တၢႆ ၼၢင်းယိင်း 2 ၵေႃႉ တီႈႁိမ်းဝၢၼ်ႈမၢၵ်ႇၶီႈၼူ ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ဝၼ်းတီႈ 16/6/2020 ယၢမ်းၵၢင်ၼႂ် ထူပ်းႁၼ် တူဝ်တၢႆ ၼၢင်းယိင်း 2 ၵေႃႉ တီႈၼႂ်းယုမ်း ႁိမ်းၶၢင်ႈတၢင်း ဢၼ်ၵႂႃႇၸူးတီႈ ဝၢၼ်ႈမၢၵ်ႇၶီႈၼူ ဢိူင်ႇတႃႈပုင်ႇ ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ၶၢပ်ႈတူဝ်တၢႆ ၼၢင်းယိင်း 2...

ၵႃးတၢင်ႇၵူၼ်း ပိၼ်ႈတူၵ်းႁူၺ်ႈၵိုတ်ႈ ၼႂ်းၸႄႈဝဵင်းၼွင်ၶဵဝ် မီးၵူၼ်းလူႉတၢႆထင်တီႈ 2 ၵေႃႉလႄႈ မၢတ်ႇၸဵပ်းၸွမ်း 10 ပၢႆ ဝႃႈၼႆ။ မိူဝ်ႈၼႆႉ ဝၼ်းတီႈ 17/6/2020 ယၢမ်းၵၢင်ၼႂ် မွၵ်ႈ 3 မူင်းပၢႆ ၵႃးတၢင်ႇၵူၼ်း Express ဢၼ်လုၵ်ႉတၢင်းမၵူၺ်း တေၶိုၼ်ႈမႃး တၢင်းဝဵင်းလႃႈသဵဝ်ႈၼၼ်ႉ လႆႈပဵၼ်ၽေးဢုပၢတ်ႈ(ၽေးၵိုင်ႉၵၢင်ႉ) သေ ပိၼ်ႈတူၵ်းႁူၺ်ႈၵိုတ်ႈ...

ၾႆးမႆႈႁိူၼ်းၵူၼ်းဝၢၼ်ႈလင်ၼိုင်ႈ ၼႂ်းၸႄႈဝဵင်းတူၼ်ႈတီး၊ ၵမ်ႈၼမ်ဝႃႈ ပဵၼ်ၾႆးၾႃႉသျွတ်ႉ။ မိူဝ်ႈၼႆႉ ဝၼ်းတီႈ 16/6/2020 ယၢမ်းၵၢင်ၼႂ် မွၵ်ႈ 9 မူင်း ၾႆးမႆႈႁိူၼ်းၵူၼ်းဝၢၼ်ႈ တီႈပွၵ်ႉယေႇဢေးၵုၼ်း ၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း။ လွင်ႈၼႆႉ ပဵၼ်ယွၼ်ႉသင်လႄႈမႆႈ ဢၼ်ဝႃႈၼၼ်ႉ ပႆႇႁူႉ။ ၵူၼ်းပိုၼ်ႉတီႈ ၵမ်ႈၼမ်လၢမ်းၶၢတ်ႈဝႃႈ ပဵၼ်ၾႆးၾႃႉသျွတ်ႉ ၼႆယဝ်ႉ။ ၼၢင်းမူဝ် ၵူၼ်းတူၼ်ႈတီး လၢတ်ႈတီႈၽူႈတွႆႇႁွၵ်ႈဝႃႈ“...

ၾင်ႇမိူင်းၶႄႇပွႆႇလၢႆႇၼမ်ႉႁူင်းၸၢၵ်ႈလႄႈ ၼမ်ႉမၢဝ်းၶုၼ်ႇဢူၼ် တုမ်ႉတိူဝ်ႉသတ်းၼမ်ႉတၢႆၼမ် ၊ ယၢမ်းလဵဝ်သမ်ႉပၢႆႁဵတ်းႁႂ်ႈၼမ်ႉႁႅင်ႈလႅင်ႉလိူဝ်ႁႅင်း တုမ်ႉတိူဝ်ႉၵူၼ်းၽုၵ်ႇသွမ်ႈ။  Photo by - ထုင်ႉႁူၺ်ႈလီႈ/ ၼမ်ႉမၢဝ်း ယၢမ်းလဵဝ်တႄႇဝၼ်းတီႈ 12/6/2020 ၼႆႉမႃး  ၼမ်ႉမၢဝ်း ၶုၼ်ႇလႅင် ပွတ်းမူႇၸေႊၼၼ်ႉ ၶိုၼ်းသႂ်မႃးယဝ်ႉသေတႃႉ ဢၼ်ႁႅင်ႈတႄႉ ႁႅင်ႈလိူဝ်ၵူႈပွၵ်ႈ ဝႃႈၼႆ။ ၸၢႆးႁိၼ်လဵၵ်း ၸုမ်းၶၢဝ်ႇထုင်ႉႁူၺ်ႈလီႈ လၢတ်ႈတီႈၽူႈတွႆႇႁွၵ်ႈဝႃႈ “...

ႁူင်းၸၢၵ်ႈတႅင်ၾၢင်/တဝ်ႈ တၢင်းၾင်ႇမိူင်းၶႄႇ ပွႆႇၼမ်ႉလၢႆႇ တူၵ်းၼမ်ႉလႄႈ ႁဵတ်းႁႂ်ႈ ၼမ်ႉမၢဝ်းၶုၼ်ႇလႅင် ထပ်းၵၼ်မႃးလၢႆလၢႆ ဝၼ်း - ပႃလႄႈတူဝ်သတ်းၼႂ်းၼမ်ႉၵေႃႈ တၢႆၼမ် ဝႃႈၼႆ။ တႄႇဢဝ် ဝၼ်းတီႈ 9/6/2020 ယၢမ်းဝၢႆးဝၼ်း မွၵ်ႈ 3 မူင်းမႃး ၵႄးၼမ်ႉမၢဝ်း (မႄႈၼမ်ႉလႅၼ်လိၼ်တႆး-ၶႄႇ) ပွတ်းဝဵင်းမူႇၸေႊ ၸိုင်ႈတႆးပွတ်းႁွင်ႇ ယဵၼ်းပဵၼ်သီလႅင်၊ ယွၼ်ႉႁူင်းၸၢၵ်ႇတႅင်...

ႁူဝ်ပဝ်ႈ ၸုမ်းလိူၵ်ႈတင်ႈ ၽူႈၵွၼ်းဢိူင်ႇမိူင်းတၢင်ႈ  ၼႂ်းၸႄႈဝဵင်းၵျွၵ်ႉမႄး ၺႃးၸုမ်းဢမ်ႇႁူႉၸၵ်းယိုဝ်းတၢႆ  တီႈၼႂ်းသူၼ်ၶဝ်ႈၵၢပ်ႇ  ၊  ၽူႈတႅၼ်းသၽႃးဝႃႈ မိူၼ်ၵႂၢႆးတေႃးၵၼ်သၢင်ႈတႄးၼႃး။ မိူဝ်ႈဝၼ်းတီႈ 6/6/2020 ယၢမ်းဝၢႆးဝၼ်းၼၼ်ႉ လုင်းၵေႃးသူၺ်ႇဝိၼ်း ဢႃယု 50 ပီ ၵူၼ်းမၢၼ်ႈၸၢၼ်း ဢိူင်ႇမိူင်းတၢင်ႈ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ၊ ထုၵ်ႇၵူၼ်းဢမ်ႇႁူႉၾၢႆႇ ဢမ်ႇႁူႉၸုမ်း ယိုဝ်းတၢႆ တီႈၼႂ်းသူၼ်ၶဝ်ႈၵၢပ်ႇ ၽွင်းတိုၵ်ႉႁဵတ်းၵၢၼ်ယူႇ...

ၾၢႆႇပႃႇမႆႉ ဝဵင်းၶူဝ်လမ် ၸႄႈဝဵင်းၼမ်ႉၸၢင် တီႉၺွပ်းၵႃးတၢင်ႇမႆႉသၵ်း 13 လမ်း မႆႉသၵ်းၼပ်ႉႁူဝ်ပၢၵ်ႇပုတ်း/လုၼ်ႈ သေတႃႉ တီႉလႆႈၵူၼ်းႁေႃႈၵႃး ၵေႃႉလဵဝ် - ၵူၼ်းၵဵဝ်ႇၶွင်ႈ သိပ်းပၢႆ ပၢႆပူၼ်ႉလွတ်ႈသဵင်ႈ။ ဝၼ်းတီႈ 1/6/2020 ယၢမ်းၵၢင်ဝၼ်း 11 မူင်းၼၼ်ႉ ယူႇတီႈၽူႈမီးပုၼ်ႈၽွၼ်း ၾၢႆႇပႃႇမႆႉလႄႈ ဢိၵ်ႇထႅင်ႈလၢႆလၢႆၾၢႆႇ ႁူမ်ႈၵၼ် ၵူတ်ႇထတ်းရူတ်ႉၵႃးၵႂႃႇမႃး တီႈၼိူဝ်သဵၼ်ႈတၢင်းလူင်...

ရူတ်ႉၵႃးၸုမ်းပျီႇတုၸိတ်ႉလမ်းၼိုင်ႈ ႁေႃႈမႃးဝႆးယၢမ်းၵၢင်ၶမ်ႈၵၢင်ၶိုၼ်း လေႃႇတမ်ၽႃႇၺႃး ႁိူၼ်းၵူၼ်းဝၢၼ်ႈ၊ ႁူင်းႁေႃ ၵေႃလိၵ်ႈလၢႆး သေ  ပိၼ်ႈၶႂမ်ႈ၊ ၶူဝ်းၶွင်ႁိူၼ်းယေးၵူၼ်းဝၢၼ်ႈလႄႈ ႁူင်းႁေႃၵေႃလိၵ်ႈလၢႆး မူႇၸေႊလူႉၵွႆၼမ်။ ဝၼ်းတီႈ 03/06/2020 တဵင်ႈၶိုၼ်းၸၢႆႉမွၵ်ႈယၢမ်း 2 မူင်း၊ မီးရူတ်ႉၵႃးလမ်းၼိုင်ႈ ၶွင်ၸုမ်းပျီႇတုၸိတ်ႉၸုမ်းၼိုင်ႈ ႁေႃႈမႃးၵိူတ်ႇၽေးဢုပၢတ်ႈ ပိၼ်ႈၶႂမ်ႈတီႈၼႃႈလုမ်း ၵေႃလိၵ်ႈလၢႆး လႄႈၾိင်ႈငႄႈတႆး မူႇၸေႊ (ပွၵ်ႉႁွင်ႇ) ဝဵင်းမူႇၸေႊ...

ၵူၼ်းၽႅၼ်ၶေႃးတၢႆ ၼိူဝ်မႆႉၵေႇတွၵ်ႈ ပွၵ်ႉ 12 ဝဵင်းလႃႈသဵဝ်ႈ ၸၢင်ႈပဵၼ်ယွၼ်ႉထူပ်းၽေးၶူဝ်ႊဝိတ်ႉ 19 တူၵ်းၵၢၼ်တူၵ်းငၢၼ်း ဝူၼ်ႉၼမ်- ၵူၼ်းပိုၼ်ႉတီႈလၢတ်ႈၼင်ႇၼႆ။ မိူဝ်ႈၼႆႉ ဝၼ်းတီႈ 29/5/2020 ယၢမ်းၵၢင်ၼႂ် မွၵ်ႈ 6 မူင်းၼႆႉ ၵူၼ်းပိုၼ်ႉတီႈ ထူပ်းႁၼ် မီးၽူႈၸၢႆးၵေႃႉၼိုင်ႈ ၽႅၼ်ၶေႃးတၢႆ တီႈတူၼ်ႈမႆႉၵေႇတွၵ်ႈ(ပိတောက်ပင်) တီႈပွၵ်ႉ 12 ၸႄႈဝဵင်းလႃႈသဵဝ်ႈ...