ပီၼႆႉ ပွႆးၶိုၼ်ႈၸဝ်ႈမိူင်း/ လဵင်ႉမိူင်း တီႈဝဵင်းမိူင်းသၢတ်ႇ သွင်ဢွင်ႈတီႈ ၸတ်းႁဵတ်းပႃးပၢင်တေႃႇလွင်း ၶိုၵ်ႉယႂ်ႇလူင် ဝႃႈၼႆ။ တႄႇဢဝ် ဝၼ်းတီႈ 31/5/2022 တေႃႇထိုင် 1/6/2022 ၼႆႉ ပွႆးလဵင်ႉၸဝ်ႈမိူင်း တီႈဝၢၼ်ႈၵၢင် ၸႄႈဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်း ၸတ်းႁဵတ်းပႃးပၢင်တေႃႇလွင်း ၵူၼ်းမိူင်းပိုၼ်ႉတီႈ ၶဝ်ႈလဵၼ်ႈတေႃႇလွင်းၵၼ် ၵိုၼ်းၶွၼ်ႈ တင်းဝၼ်းတင်းၶိုၼ်း ၸဵမ်လဵၵ်ႉယႂ်ႇၼုမ်ႇထဝ်ႈ ။ ၵူၼ်းမိူင်းသၢတ်ႇ...

ၵူၼ်းၼမ်ႉၶမ်း ၶၢၼ်ၸႂ် လႆႈသႂ်ႇပၼ်ၶွၼ်ႇ ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း ၼႂ်းပိုၼ်ႉတီႈ ၼမ်ႁႅင်းလိူဝ်ၵူႈပီ ပဵၼ်သွင်ပုၼ်ႈ။ လိူၼ်ဢေႊပရိူဝ်း - မေႊ 2022 ၶၢဝ်းတၢင်းသွင်လိူၼ်မႃးၼႆႉ ၸုမ်းယိပ်းၵွင်ႈၵၢင်ႇၸၢဝ်းၶိူဝ်း သိုၵ်းၶၢင် KIA တင်း သိုၵ်းတ ဢၢင်း TNLA ၵဵပ်းၶွၼ်ႇၵူၼ်းမိူင်းပိုၼ်ႉတီႈ ၼႂ်းၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ မႃးႁၢဝ်ႈႁႅင်း။...

မိူဝ်ႈၼႆႉ ဝၼ်းတီႈ 31/5/2022 ယၢမ်းဝၢႆးဝၼ်း မွၵ်ႈ 3 မူင်း မၢၵ်ႇတႅၵ်ႇတီႈလုမ်းပၢႆးပၺ်ႇၺႃႇ ၸႄႈဝဵင်းၼွင်ၶဵဝ် ၸႄႈတွၼ်ႈၵျွၵ်ႉမႄး ၸိုင်ႈတႆး ပွတ်းႁွင်ႇ ၽူႈႁၢပ်ႇၵၢၼ် (ဝန်ထမ်း) လႆႈတိူဝ်ႉၺႃးမၢတ်ႇၸဵပ်းႁၢဝ်ႈႁႅင်း 5 ၵေႃႉ။ ၽူႈၶဝ်ႈၸုမ်းပရႁိတ ဝဵင်းၼွင်ၶဵဝ် ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ မၢၵ်ႇတႅၵ်ႇ တီႈၼႂ်းလုမ်းပၢႆးပၺ်ႇၺႃႇၵမ်ႈလဵဝ်။...

ၽူႈၸၢႆးၵေႃႉၼိုင်ႈ ဢႃယု မွၵ်ႈ 40 ပီ တၢႆဝႆႉတၢင်းလင်ၸၼ်ႉၸွမ် ၾၢႆႇပၢႆးမေႃယႃ ဝဵင်းတူၼ်ႈတီး  ထုၵ်ႇႁႅမ်တၢႆႁိုဝ် တၢႆယွၼ်ႉသင်ဢမ်ႇႁူႉဝႃႈၼႆ။   ဝၼ်းတီႈ 30/5/2022 ယၢမ်းၵၢင်ဝၼ်း ၵူၼ်းဝၢၼ်ႈထူပ်းႁၼ် တူဝ်တၢႆ ၽူႈၸၢႆးၵေႃႉၼိုင်ႈ ဢႃယုမွၵ်ႈ 40 ပီ တီႈ တၢင်းလင်ၸၼ်ႉၸွမ် ၾၢႆႇပၢႆး မေႃယႃ ၸႄႈဝဵင်းတူၼ်ႈတီး...

သိုၵ်းမၢၼ်ႈ ယိုတ်းမိူင်း လၢၵ်ႈၵွင်ႈယိုဝ်းသႂ်ႇ ၵူၼ်းၼမ်ႉၶမ်း  တိူဝ်ႉမၢတ်ႇၸဵပ်းႁႅင်း ယၢမ်းလဵဝ် လႆႈသူင်ႇယူတ်းယႃတူဝ်ဝႆႉတီႈႁူင်းယႃ။ မိူဝ်ႈဝၼ်းတီႈ 28/5/2022 ယၢမ်းၵၢင်ၼႂ်ၸဝ်ႉ သိုၵ်းမၢၼ်ႈလၢၵ်ႈၵွင်ႈယိုဝ်းသႂ်ႇ  ၸၢႆးယီႈ ၵူၼ်းၼမ်ႉၶမ်း တီႈ ၶူဝ်ၼမ်ႉသီးရီး ၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ ၊ မၼ်းၸၢႆး လႆႈတိူဝ်ႉၺႃးမၢတ်ႇၸဵပ်းႁႅင်းသေ လႆႈသူင်ႇယူတ်းယႃတူဝ် ဝႆႉတီႈႁူင်းယႃ။ ၵူၼ်းၼမ်ႉၶမ်း လၢတ်ႈတီႈၽူႈတွႆႇႁွၵ်ႈဝႃႈ -...

မိူဝ်ႈဝႃး ဝၼ်းတီႈ 30/5/2022 ယၢမ်းႁူဝ်ၶမ်ႈမွၵ်ႈ 5 မူင်း ဢွၼ်ႇၸၢႆး ဢႃယု 3 ၶူပ်ႇ ယိပ်းၺႃးသၢႆၾႆး တီႈၼႂ်းႁိူၼ်းၶဝ်သေ သျွတ်ႉၺႃးမိုဝ်း ထိုင်တီႈလူႉတၢႆ  တီႈပွၵ်ႉၼိူဝ် ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ ၵူၼ်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ လုၵ်ႈဢွၼ်ႇ ဢႃယုမွၵ်ႈ 3 ၶူပ်ႇ...

ၸုမ်းပျီႇတူႉၸိတ်ႉလႄႈ သိုၵ်းမၢၼ်ႈ/ ပလိၵ်ႈမၢၼ်ႈ(ယေး) ႁူမ်ႈၵၼ် ၼႄၶေႃႈဢၢင်ႈဝႃႈ ႁဵတ်းပွႆးတၢင်ႇထီးထၢတ်ႈၼႆသေ ၸတ်းႁဵတ်းပႃးပၢင် တေႃႇလွင်းၵိုၼ်းၶွၼ်ႈ တီႈဝဵင်းလၢင်းၶိူဝ်း ၸိုင်ႈတႆးပွတ်းၸၢၼ်း။ ပၢင်တေႃႇလွင်းၼႆႉတႄႇမႃးၸဵမ်မိူဝ်ႈဝၼ်းတီႈ 17/5/2022 ၊  ယူႇတီႈၸုမ်းပျီႇတူႉၸိတ်ႉ S သၢမ်တူဝ်လႄႈ ၶွင်ႇသီႇ သိုၵ်းမၢၼ်ႈ ယိုတ်းမိူင်း ဢိၵ်ႇလူၺ်ႈပလိၵ်ႈမၢၼ်ႈ ၽူႈ ၵွၼ်းၸႄႈတွၼ်ႈ/ ဝဵင်း ႁူမ်ႈၵၼ်တင်း ပေႃႈလဵင်ႉၵူၼ်းလွင်း...

မိူဝ်ႈဝႃး ဝၼ်းတီႈ 30/5/2022 ယၢမ်းၵၢင်ဝၼ်း 11 မူင်း ၾႆးမႆႈႁိူၼ်း ၵူၼ်းဝၢၼ်ႈ လင်ၼိုင်ႈ တီႈပွၵ်ႉ 1 ဝဵင်းဢွင်ႇပၢၼ်း ၸိုင်ႈတႆးပွတ်းၸၢၼ်း တိူဝ်ႉသႂ်ႇ ၵူၼ်းၸွႆႈ ၶႄၾႆး ၼႂ်းၸုမ်းၶႂၢႆၶႃပႄလႅင် ၵေႃႉၼိုင်ႈ လႆႈမၢတ်ႇၸဵပ်းၸွမ်း ။ ၽူႈၶဝ်ႈၸုမ်းၸွႆႈၶႄၾႆး ဢွင်ႇပၢၼ်း လၢတ်ႈတီႈၽူႈတွႆႇႁွၵ်ႈဝႃႈ - “ၾႆးၼႆႉ...

ၼႂ်းၸႄႈဝဵင်းၼမ်ႉၸၢင် ၼႂ်းၼႃႈတီႈပျီႇတူႉၸိတ်ႉ ၵုမ်းၵမ်ၼၼ်ႉ  ပိုတ်ႇပၢင်တေႃႇလွင်းမႃးဢမ်ႇထၢတ်ႇၶၢဝ်းတၢင်းၸမ်ပီ၊  ၼိုင်ႈတီႈလႂ် ၸတ်းႁဵတ်း ၼပ်ႉႁူဝ်လိူၼ်။ ဝၢႆးၶွင်ႇသီႇသိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်းပီပၢႆၼႆႉ ၼႂ်းၸႄႈဝဵင်းၼမ်ႉၸၢင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ပိုတ်ႇပၢင်တေႃႇ လွင်း ဝၢၼ်ႈၼိုင်ႈယဝ်ႉ ဝၢၼ်ႈၼိုင်ႈ ၼိုင်ႈတီႈလႂ် ၶၢဝ်းတၢင်းႁိုင် 1 လိူၼ်တေႃႇထိုင် 2 လိူၼ် ၵမ်ႈၼမ် ပဵၼ်ၼႂ်းၼႃႈတီႈပျီႇတူႉၸိတ်ႉ...

ၼႂ်းမိူင်းႁူမ်ႈတုမ်ၼႆႉ ဢိင်ၼိူဝ်ပၢင်တိုၵ်းသိုၵ်းသိူဝ်သေ ၸုမ်းယိပ်းၵွင်ႈၵၢင်ႇ ၾင် မၢၵ်ႇမႅင်းၾင်လိၼ်တေႃႇၵၼ်ၼမ် ၼႂ်းႁူဝ်ပီ 2022 ၼႆႉၵူၺ် မၢၵ်ႇမႅင်းၾင်လိၼ်တႅၵ်ႇလႄႈ ၵူၼ်းမိူင်းမၢတ်ႇၸဵပ်းလူႉတၢႆမီး 100 ပၢႆ ၼႂ်းၼၼ်ႉ ၵူၼ်းမိူင်းတႆး ၼမ်သုတ်း။ UNOCHA Myanmar ၵဵပ်းၶေႃႈမုၼ်းသေပိုၼ်ၽၢဝ်ႇမိူဝ်ႈဝၼ်းတီႈ 18/5/2022 ပူၼ်ႉမႃးၼႆႉဝႃႈ ၼႂ်းၵူၼ်းယဵပ်ႇၺႃးမၢၵ်ႇမႅင်းသေမၢတ်ႇၸဵပ်းလူႉတၢႆၼႆႉ ပႃးလုၵ်ႈဢွၼ်ႇ 37 ၵေႃႉဝႃႈၼႆဝႆႉ။ ၵူၼ်းမိူင်းတႆး ဢၼ်ယဵပ်ႇၺႃးမၢၵ်ႇသေမၢတ်ႇၸဵပ်းလူႉတၢႆ...

မိူဝ်ႈၼႆႉ ဝၼ်းတီႈ 23/5/2022 ယၢမ်းၵၢင်ဝၼ်း 12 မူင်းပၢႆ ၽူႈလၵ်ႉၶဝ်ႈ ႁိူၼ်းၵူၼ်းဝၢၼ်ႈ လင်ၼိုင်ႈ တီႈပွၵ်ႉ 5 ၼႂ်းၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ  သုမ်းရူတ်ႉၶိူင်ႈလမ်းၼိုင်ႈလႄႈ ၾူၼ်းလုၵ်ႈၼိုင်ႈ ဝႃႈၼႆ။ ၵူၼ်းၵူတ်ႉၶၢႆ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ပဵၼ်ႁိူၼ်း  ၵလႃး လင်ၼိုင်ႈ တီႈႁိမ်းဝတ်ႉ...

ပၢင်တေႃႇလွင်းတီႈဝဵင်းသီႇပေႃႉ လိူင်ႇၼမ် ၶၢဝ်းတၢင်းႁိုင်  2 လိူၼ်ပၢႆယဝ်ႉယင်းပႆႇဝၢႆး ၶၢႆႉပိုတ်ႇတီႈၼိုင်ႈယဝ်ႉတီႈၼိုင်ႈ ၸွမ်းဝၢၼ်ႈၸွမ်းသူၼ် ၽူႈလၵ်ႉၵူၼ်းၸူၼ်လိူင်ႇၼမ် ၵူၼ်းမိူင်း ဢမ်ႇမီးလွင်ႈႁူမ်ႇလူမ်ႈ ၵူၼ်းၼုမ်ႇဢၵျၢင်ႉတၢင်းယၢမ်ႈလူႉ  ။ ယၢမ်းလဵဝ် ပၢင်တေႃႇလွင်းၼႆႉမီးဝႆႉ တီႈဝၢၼ်ႈၼႃးလွႆ ၸႄႈဝဵင်းသီႇပေႃႉ  ၵူၼ်းမိူင်းပိုၼ်ႉတီႈလဵၵ်ႉယႂ်ႇၼုမ်ႇထဝ် ဢွၼ်ၵၼ်ၵႂႃႇတေႃႇလဵၼ်ႈ ၵိုၼ်းၵူႈၶမ်ႈ  ။ ၵူၼ်းသီႇပေႃႉ လၢတ်ႈတီႈၽူႈတွႆႇႁွၵ်ႈဝႃႈ - “ပၢင်တေႃႇလွင်း တီႈသီႇပေႃႉၼႆႉ တႄႇမႃးၸဵမ်မိူဝ်ႈ...

ၼႂ်းၸႄႈဝဵင်းၼမ်ႉၶမ်း ၽူႈလၵ်ႉၵူၼ်းၸူၼ် လိူင်ႇၼမ် တေႃႈၼင်ႇ သၢႆၾႆးၾႃႉတီႈသဝ်လၵ်းၾႆးၵေႃႈ ဢမ်ႇဝႆႉ ၵႅတ်း(တတ်း) ၶၢတ်ႇသေ ၵႄႈဢဝ် သဵၼ်ႈတွင်းတၢင်းၼႂ်းမၼ်း ၵႂႃႇၶၢႆ။ တႄႇဢဝ် ၼႂ်းလိူၼ်ဢေႊပရိူဝ်ႊ 2022 မႃးတေႃႇထိုင်ယၢမ်းလဵဝ် ၼႂ်းၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ မီးၵူၼ်းလၵ်ႉ ၵႅတ်း သၢႆၾႆးၾႃႉ  ၵူၼ်းမိူင်း ၸွမ်းၼႂ်းပွၵ်ႉ/ ယွမ်ႇ ။...

  ၵူၼ်း  4 ၵေႃႉ ဢၼ်ၶဝ်ႈ ႁၢၼ်ႉၶၢႆၾူၼ်း  ၸူၼ်ဢဝ်မိုဝ်းထိုဝ် တီႈဝဵင်းမူႇၸေႊ မိူဝ်ႈဝၼ်းတီႈ 10/5/2022 ၼၼ်ႉ တီႉလႆႈၽွင်ႈ  ပႃးတင်းၶိူင်ႈၵွင်ႈၵၢင်ႇၼႂ်းမိုဝ်း။ ဢိင်ၼိူဝ် ၸဝ်ႈႁၢၼ်ႉၾူၼ်း၊ ၵူၼ်းဝၢၼ်ႈ ၵူၼ်းႁိမ်းႁွမ်း ႁူမ်ႈၵၼ်တူၺ်းၼႂ်းၵွင်ႈထၢႆႇ CCTV သေ လမ်းၸွမ်းလင်ၵူၼ်းလၵ်ႉ ၊ ဝၼ်းတီႈ 15/5/2022 ပူၼ်ႉမႃးၼႆႉ   တီႉလႆႈ...

ၽူႈလၵ်ႉၵူၼ်းၸူၼ် လိူင်ႇၼမ်  ၼႂ်းၸႄႈဝဵင်းတႃႈၶီႈလဵၵ်း ႁဵတ်းႁႂ်ႈ ၵူၼ်းမိူင်းပိုၼ်ႉတီႈ ဢမ်ႇမီးလွင်ႈႁူမ်ႇလူမ်ႈ ဢမ်ႇမီးလွင်ႈဢုၼ်ႇၸႂ်  ဢမ်ႇႁတ်းၼွၼ်းလပ်းၼွၼ်းလီ။   ဝၼ်းတီႈ 16/5/2022 ယၢမ်းၵၢင်ၼႂ်ၸဝ်ႉ မွၵ်ႈ 4 မူင်း မီးၽူႈလၵ်ႉၵူၼ်းၸူၼ် ၽူႈၸၢႆး 2 ၵေႃႉ ၶိုင်ယႃႉၽၵ်းတူလဵၵ်း ႁိူၼ်းယေး ၵူၼ်းဝၢၼ်ႈ တီႈပွၵ်ႉမႄႈၶၢဝ် ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း...