မိူဝ်ႈၼႆႉ ဝၼ်းတီႈ 23/6/2026 ၶၼ်ၶမ်းၼႂ်းမိူင်းႁူမ်ႈတုမ်မၢၼ်ႈ ၶိုၼ်ႈမႃးၸွမ်းၶၼ်ၶမ်းလုမ်ႈၾႃႉ ၼိုင်ႈၵျၢပ်ႈလႂ် ထိုင်ၵႂႃႇႁိမ်းႁွမ်း 99 သႅၼ်ပျႃး ၼႆယဝ်ႉ။
ၶၼ်ၶမ်းလုမ်ႈၾႃႉၼႆႉ မိူဝ်ႈဝၼ်းတီႈ 19/6/2026 ထိုင်ၵႂႃႇ 4140 တေႃႊလႃႊသေ မိူဝ်ႈဝႃးဝၼ်းတီႈ 22/6/2026 ၼႆႉ ၵိုင်ႉၵၢင်ႉပုင်ႈၶိုၼ်ႈၵႂႃႇထိုင် 4210 တေႃႊလႃႊ။
ၽူႈလဵပ်ႈႁဵၼ်း လွင်ႈလွၵ်းၵၢတ်ႇၶဝ်ထတ်းသၢင်ဝႃႈ – ဢမေႊရိၵၼ်ႊ တင်း ဢီႊရၼ်ႊ လူတ်းယွမ်းၵၢၼ်ၶဵင်ႈၶႅင်ၵၼ်သေတႃႉ ၵူၼ်းၸိူဝ်းလူင်းတိုၼ်းလၢင်းၶဝ် မီးလွင်ႈမႆႈၸႂ်ၼိူဝ် ငိုၼ်း ၶီႈ ၶွင်ယေးငိုၼ်း ဢမေႊရိၵၼ်ႊၾႅတ်ႇတရႄႇဢွၼ်ၵၼ်သိုဝ်ႉၶမ်းၼမ်ၶိုၼ်ႈမႃးလႄႈ ၶၼ်ၶမ်း ၸင်ႇၶိုၼ်ႈမႃးၸွမ်း ဝႃႈၼႆ။
ယွၼ်ႉၶၼ်ၶမ်းလုမ်ႈၾႃႉ ၶိုၼ်ႈသုင်မႃးသေ ၶၼ်ၶမ်းၼႂ်းမိူင်းၵေႃႈ ၶိုၼ်ႈသုင်မႃးႁိမ်းႁွမ်း မွၵ်ႈ 2 သႅၼ်။ ၼႂ်းဝၼ်းတီႈ 19 လိူၼ်ၵျုၼ်ႊၼႆႉ ၶမ်း 1 ၵျၢပ်ႈ မီးႁိမ်းႁွမ်း 97 သႅၼ်၊ ၼႂ်းဝၼ်းတီႈ 22 လိူၼ်ၵျုၼ်ႊၼႆႉ သမ်ႉၶိုၼ်ႈမႃးထိုင်ႁိမ်းႁွမ်း 99 သႅၼ်။
ၼႂ်းႁူဝ်ပီ 2026 ၼႆႉ ၶၼ်ၶမ်းၼႂ်းမိူင်းၶိုၼ်ႈသုင်ထိုင် 1 ၵျၢပ်ႈ 118 သႅၼ်။ ၼႂ်းလိူၼ်ၵျုၼ်ႊၼႆႉၵေႃႈ ၶၼ်ၶမ်းၼႂ်းမိူင်း ၶိုၼ်ႈလူင်းၸွမ်း ၶၼ်ၶမ်းလုမ်ႈၾႃႉဝႆႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ