Monday, July 15, 2024

ၵႃး – ရူတ်ႉၶိူင်ႈၽႃႇၵၼ် တီႈဝဵင်းပၢင်လူင် မီးလွင်ႈလူႉတၢႆထင်တီႈ ၵေႃႉၼိုင်ႈ

Must read

ၽူႈယိင်းသွင်ၵေႃႉ သွၼ်ရူတ်ႉၶိူင်ႈမႃးၸွမ်းၵၼ်သေ ပဵၼ်ၽေးဢုပၢတ်ႈ ၽႃႇၵၼ် တၢင်းၵႃးလူင်း တီႈဝဵင်းပၢင်လူင် မီးလွင်ႈလူႉတၢႆထင်တီႈ ၵေႃႉ ၼိုင်ႈ။

Photo: U Sai Yong/ ၼၢင်းယိင်း ဢႃယု 18 ပီ ဢၼ်လႆႈလူႉတၢႆ ယွၼ်ႉပဵၼ်ၽေးၵိုင်ႉၵၢင်ႉ ၵႃးလႄႈရူတ်ႉၶိူင်ႈၽႃႇၵၼ်တီႈဝဵင်းပၢင်လူင်

ဝၼ်းတီႈ 8/6/2022 ယၢမ်းႁူဝ်ၶမ်ႈ မွၵ်ႈ 5 မူင်းပၢႆ ရူတ်ႉၶိူင်ႈတင်းၵႃးလူင် ၽႃႇၵၼ် တီႈႁိမ်းၵျွင်းဢလၢၼ်ႇတယႃႇ (အလံတရာကျောင်း) တၢင်း ဢွၵ်ႇဝဵင်း ၼိူဝ်သဵၼ်ႈတၢင်းလူင် ၼႂ်းၵႄႈဝဵင်းပၢင်လူင် – ဝဵင်းလၢႆးၶႃႈ ၼႂ်းဝဵင်းပၢင်လူင် ၸႄႈဝဵင်းလွႆလႅမ် ၸိုင်ႈတႆး ပွတ်းၸၢၼ်း ယွၼ်ႉပဵၼ်ၽေး ဢုပၢတ်ႈ ၼႆယဝ်ႉ။

- Subscription -

ၵူၼ်းပၢင်လူင် လၢတ်ႈတီႈၽူႈတွႆႇႁွၵ်ႈဝႃႈ – “ၽူႈယိင်းသွင်ၵေႃႉ သွၼ်ႉရူတ်ႉၶိူင်ႈမႃးၸွမ်းၵၼ်သေ တေၶဝ်ႈဝဵင်း မိူဝ်ႈၽွင်းၼၼ်ႉ ၶဝ်တေႁေႃႈၶၢမ်ႈ ၵႃးလူင် ၵမ်ႈၼႆႉ တီႈယိပ်းရူတ်ႉၶိူင်ႈၶဝ်ၼၼ်ႉ ၵႂႃႇတုမ်ႉတိူဝ်ႉသႂ်ႇၵႃးလူင်လႄႈ လႆႈဢဝ်ရူတ်ႉၶိူင်ႈၶဝ်ပိၼ်ႈၵႂႃႇ တႃႇၵေႃႉၼိုင်ႈ သဵၼ်တူၵ်းႁွင်ႈၵႂႃႇ ဢမ်ႇတၼ်းတၢႆ ထႅင်ႈၵေႃႉၼိုင်ႈ ၵႃးလူင်ၽႃႇၺႃးသေ လႆႈလူႉတၢႆၵႂႃႇတီႈၼၼ်ႈ”- ဝႃႈၼႆ။

ၽူႈယိင်း သွင်ၵေႃႉ ဢၼ်သွၼ်ႉရူတ်ႉၶိူင်ႈမႃးၸွမ်းၵၼ်သေ လႆႈပဵၼ်ၽေးဢုပၢတ်ႈၼၼ်ႉ ပဵၼ်ၵူၼ်းဝၢၼ်ႈ ပွၵ်ႉ 2 ဝဵင်းပၢင်လူင် ၵေႃႉလႆႈလူႉတၢႆ ၵႂႃႇၼၼ်ႉ တေမီးဢႃယု 18 ပီ ၼႆယဝ်ႉ။

“ၵႃးလူင် ဢၼ်ၽႃႇၵၼ် တင်းရူတ်ႉၶိူင်ႈၼၼ်ႉ ၸဝ်ႈၵႃးၼၼ်ႉတႄႉ တေႃႇထိုင်ယၢမ်းလဵဝ် ပႆႇတီႉလႆႈ”- ၵူၼ်းဝဵင်းပၢင်လူင် သိုပ်ႇလၢတ်ႈၼႄၼင်ႇ ၼႆ။

ပူၼ်ႉမႃး မိူဝ်ႈဝၼ်းတီႈ 26/5/2022 တီႈဢိူင်ႇၼွင်လႅင် ဝဵင်းပၢင်လူင်ၼၼ်ႉၵေႃႈ မီးလွင်ႈၽေးဢုပၢတ်ႈ ရူတ်ႉတမ်ၽႃႇၵၼ် မီးၵူၼ်းလူႉတၢႆ ၵေႃႉ ၼိုင်ႈ။ ဝၼ်းတီႈ 30/5/2022 တီႈၼမ်ႉဝွတ်းႁူဝ်ပူင်း ၼၼ်ႉၵေႃႈ မီးလွင်ႈၽႃႇၵၼ် မီးၵူၼ်းလူႉတၢႆ ၵေႃႉၼိုင်ႈ ၼႆယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း