ၸွမ်သိုၵ်းလူင် ယွတ်ႈသိုၵ်း ႁူဝ်ပဝ်ႈၶွင်ႇသီႇဢဝ်ၶိုၼ်းၸိုင်ႈတႆး တပ်ႉသိုၵ်းၸိုင်ႈတႆး RCSS/SSA ဢၼ်ႁွတ်ႈဝႆႉယူႇတီႈ ဝဵင်းလူင်တူၼ်ႈတီး ၶၢဝ်းတၢင်း 3-4 ဝၼ်းၼႆႉ ႁပ်ႉႁူပ်ႉ ၸုမ်းၵူၼ်းၼုမ်ႇ၊ ပႃႇတီႇၵၢၼ်မိူင်း၊ ၵေႃလိၵ်ႈလၢႆး၊ ၸုမ်းတူင်ႇဝူင်း ၵူၼ်း၊ ၸၢဝ်းၶိူဝ်း ၼႂ်းမိူင်းတႆး ၸိူဝ်းၼႆႉ ။ ဝၢႆးပၢင်ၵုမ်လူင် ပၢင်လူင် ပီႁူဝ်ပၢၵ်ႇ 21 ၵမ်းထူၼ်ႈ...

Speech at UPC (19th August 2020) ဢွၼ်တၢင်းသုတ်း ယွၼ်းသူးပၼ် ၽူႈယႂ်ႇၵူၼ်းလူင်ႁဝ်းၶဝ် ၸိူဝ်းမႃးၶဝ်ႈႁူမ်ႈပၢင်ၵုမ်လူင်တင်းသဵင်ႈ တူဝ်ၸႂ်သွင်ပိူင် ႁႂ်ႈၵတ်းၸိုၼ်ႈသိူဝ်းသႃႇသေၵမ်း။ ၵဝ်ၶႃႈပဵၼ် ၸၢႆးၺုၼ်ႉလုၼ်ႇ ၵႅမ်ႁူဝ်ပဝ်ႈ (1) ငဝ်ႈငုၼ်းတီႇမူဝ်ႇၶရေႇၸီႇၸိူဝ်ႉၶိူဝ်းတႆး။ ပၼ်ႇၵႃးၵၼ် ထိုင်မႃး ၺႃးၵမ်း “ငဝ်ႈငုၼ်း တီႇမူဝ်ႇၶရေႇၸီႇၸိူဝ်ႉၶိူဝ်းတႆး” တေလႆႈတၢင်ၸုမ်းပႃႇတီႇၵၢၼ်မိူင်းၶဝ်သေ ၶႃႈႁဝ်း မီးသုၼ်ႇမွၵ်ႇလၢတ်ႈၶေႃႈၵႂၢမ်း တီႈပၢင်ၵုမ်...

ၵူၼ်းမိူင်းၵေးသီး ၸိူဝ်းဢွၼ်ၵၼ်ၵႂႃႇတူၺ်းသဵၼ်ႈၸိုဝ်ႈ တႃႇတေတွတ်ႈၶႅပ်းၵၢင်ၸႂ် ၼႂ်းပီ 2020 ၼႆႉ တိုၵ်ႉမီးဢေႇယူႇ လႄႈ ၽူႈတႅၼ်းသၽႃး တိုၵ်းသူၼ်းႁႂ်ႈဢွၼ်ၵၼ်ၵႂႃႇတူၺ်းသဵၼ်ႈၸိုဝ်ႈတႃႇတွတ်ႈၶႅပ်းၵၢင်ၸႂ် ဝႃႈၼႆ။ တႄႇဢဝ် ဝၼ်းတီႈ 25/7/2020 တေႃႇထိုင် ဝၼ်းတီႈ 7/8/2020 ယူႇတီႈၶွမ်ႊမသျိၼ်ႊၵၢၼ်လိူၵ်ႈတင်ႈ မိူင်းႁူမ်ႈတုမ် ပိုၼ်ၽၢဝ်ႇသဵၼ်ႈၸိုဝ်ႈ ၵူၼ်းမိူင်း ၸိူဝ်းမီးသုၼ်ႇတွတ်ႈၶႅပ်းၵၢင်ၸႂ် တႃႇၼႂ်းပီ 2020 ၼႆႉ။...

ၶွမ်ႊမသျိၼ်ႊပၢင်လိူၵ်ႈတင်ႈ ပိုၼ်ၽၢဝ်ႇသဵၼ်ႈၸိုဝ်ႈပၼ်ၵူၼ်းမိူင်း တွၼ်ႈတႃႇ တေတွတ်ႈၶႅပ်းၵၢင်ၸႂ် ၼႂ်းပီ 2020 ဢၼ်တေထိုင်မႃးၼႆႉ။ ၽူႈတႅၼ်းသၽႃး တိုၵ်းသူၼ်းႁႂ်ႈၵူၼ်းမိူင်းသူၼ်ၸႂ်။ တႄႇဢဝ် ဝၼ်းတီႈ 25/7/2020 တေႃႇထိုင် ဝၼ်းတီႈ 7/8/2020 ယူႇတီႈၶွမ်ႊမသျိၼ်ႊပၢင်လိူၵ်ႈတင်ႈ ပိုၼ်ၽၢဝ်ႇသဵၼ်ႈၸိုဝ်ႈၵူၼ်းမိူင်း ၽူႈမီးသုၼ်ႇတွတ်ႈၶႅပ်းၵၢင်ၸႂ် တႃႇပၢင်လိူၵ်ႈတင်ႈ ဢၼ်တေၸတ်းၼႂ်းဝၼ်းတီႈ 8 လိူၼ်ၼူဝ်ႊဝႅမ်ႊပိူဝ်ႊတေမႃးၼႆႉ။ ၸၢႆးၸၢမ်ႇမိူင်း ၽူႈတႅၼ်းသၽႃးၸႄႈမိူင်း ၶဵတ်ႇလိူၵ်ႈတင်ႈ မၢႆ...

ၵူၼ်းမိူင်းထႆး ဢၼ်ၶဝ်ႈမႃးယူႇဝႆႉတၢင်းၾင်ႇမိူင်းတႆး ပဵၼ်တၢင်းၵၢၼ်ၼၼ်ႉ ယူႇတီႈၽူႈမီးပုၼ်ႈၽွၼ်း တီႈတႃႈၶီႈလဵၵ်း လႆႈသူင်ႇပွၵ်ႈၶဝ်ႈမိူဝ်း တၢင်းၾင်ႇမႄႈသၢႆၶိုၼ်း 10 ၵေႃႉ။ မိူဝ်ႈၼႆႉ ဝၼ်းတီႈ 24/7/2020 ၵူၼ်းမိူင်းထႆး ဢၼ်ၶဝ်ႈမႃးယူႇဝႆႉတၢင်းမိူင်းတႆး ပဵၼ်တၢင်းၵၢၼ်ၼၼ်ႉ လႆႈသူင်ႇၶၢမ်ႈၶူဝ် မိုတ်ႈၵိုဝ်း မၢႆ 2 လႅၼ်လိၼ်တႆး - ထႆး (မႄႈသၢႆ - တႃႈၶီႈလဵၵ်း)...

ငိုၼ်းၸေႈမၢင် 500 ပျႃးဢၼ်ပႃးႁၢင်ႈၸွမ်ႁၢၼ်ဢွင်ႇသၢၼ်းၼၼ်ႉ လူင်ပွင်ၸိုင်ႈ ၼူၵ်ႉယုင်း ဢိတ်ႇဢွၵ်ႇၸႂ်ႉၼႂ်းဝၼ်းတီႈ 19 ၵျူႊလၢႆႊမၢႆတွင်းဝၼ်းၽူႈႁတ်းငၢၼ်မိူင်းႁူမ်ႈတုမ်။ ငိုၼ်းၸေႈမၢင်ဢၼ်ပႃးႁၢင်ႈ ၸွမ်ႁၢၼ်ဢွင်ႇသၢၼ်း ဢၼ်ထုၵ်ႇၽဵဝ်ႈ၊ ၵဵပ်းပႅတ်ႈမိူဝ်ႈပၢၼ်လူင်ပွင်ၸိုင်ႈသိုၵ်း ၼဢၽ ၼၼ်ႉ  ၼႂ်းပီၼႆႉၵူၺ်း လူင်ပွင်ၸိုင်ႈၼူၵ်ႉယုင်းၶိုၼ်း ဢိတ်ႇဢွၵ်ႇပိုၼ်ၽႄ 2 ပွၵ်ႈပႃးၼႆႉယဝ်ႉ။ ၵမ်းတီႈ 1 မိူဝ်ႈဝၼ်းတီႈ 7/1/2020 ဢိတ်ႇငိုၼ်းၸေႈ မၢင်...

ၼၢင်းယိင်းတႆးၵေႃႉၼိုင်ႈ ၼွၼ်းလူႉတၢႆဝႆႉၼိူဝ်ႁၢတ်ႇသၢႆး ၾင်ႇပၢင်ႇလၢႆႇ တီႈၸႄႈဝဵင်းၶျူၼ်ႊပုရီႊ၊ ၶၢတ်ႈလၢမ်းဝႃႈ မၼ်းၼၢင်းၸူမ်ၼမ်ႉတၢႆ။ မိူဝ်ႈၼႆႉ ဝၼ်းတီႈ 21/07/2020 ပွတ်းၼႂ်ဢွၼ်ဝၼ်း ၸဝ်ႈၼႃႈတီႈၾၢႆႇၸွႆႈထႅမ်ၵူၼ်းထူပ်းၽေး ၸႄႈဝဵင်းသီရႃးၶျႃး (သီရႃႇၸႃႇ)လႆႈႁပ်ႉၸႅင်ႈသေ ၵႂႃႇၵူႈဢဝ်ၶၢပ်ႈတူဝ်တၢႆ ၼၢင်းယိင်းၵေႃႉၼိုင်ႈ ဢၼ်ၼွၼ်းဢူပ်ႇပူပ်ႇၶႂမ်ႈၼႃႈတၢႆဝႆႉ တီႈၾင်ႇၼိူဝ်ၵုၼ်လွႆး ၸႄႈဝဵင်းသီရႃးၶျႃႊ ၸႄႈတွၼ်ႈၶျူၼ်ႊပုရီႊ မိူင်းၸိုင်ႈထႆး-ၼႆယဝ်ႉ။ ၼၢင်းယိင်း ၵေႃႉလူႉတၢႆၵႂႃႇၼႆႉ ၸိုဝ်ႈၼၢင်းႁွမ်၊ ၸိုဝ်ႈၶိူဝ်းႁိူၼ်းဝႃႈ လုင်းဢုင်း၊...

(ၽႂ်ႁၼ်ၵေႃႈၶႅၼ်းတေႃႈ မွၵ်ႇလၢတ်ႈသူင်ႇၶၢဝ်ႇပၼ်သေၵမ်း) ၵူၼ်းၸၢႆးဢႃယုၶၢဝ်ႉၵႄႇၵေႃႉၼိုင်ႈ ယူႇဝဵင်းလႃႈသဵဝ်ႈ ဢွၵ်ႇႁိူၼ်းၵႂႃႇလႆႈ 2 ဝၼ်းယဝ်ႉ ဢမ်ႇပွၵ်ႈမႃးႁိူၼ်းၶိုၼ်းလႄႈ ၽႂ်ႁူႉၸၵ်းႁၼ်မႅၼ်ႈၵေႃႈ ၶႅၼ်းတေႃႇ ပွၵ်ႇၶၢဝ်ႇပၼ်သေၵမ်း ဝႃႈၼႆ။ ပူၼ်ႉမႃး ဝၼ်းတီႈ 14.7.2020 ၼႆႉ  လုင်းၸၢမ်ႇသႃႇ ၵူၼ်းဝၢၼ်ႈၽၢႆတွင်းဢိူင်ႇမိူင်းတဵမ် ၸေႈဝဵင်းလႃႈသဵဝ်ႈ လၢတ်ႈဝႃႈတေၵႂႃႇႁႆႈၼႆသေ ဢွၵ်ႇႁိူၼ်းၵႂႃႇ။   တေႃႇထိုင်ယၢမ်းလဵဝ်  ပီႈၼွင်ႉလုၵ်ႈလၢင်းၼၢင်းမေးၸွမ်းႁႃ ယင်းပႆႇထူပ်းႁၼ်တူဝ်ၶိုၼ်း လႄႈပဵၼ်ဢၼ်မႆႈၸႂ်။ ၸၢႆးလႃႉဢွင်ႇ ၵေႃႉပဵၼ်လုၵ်ႈလုင်းၸၢႆးၸၢမ်ႇသႃႇ...

ၵူၼ်းမိူင်း သူၺ်ႇၺွင်ႇ ၼႂ်းၸေႈဝဵင်းတူၼ်ႈတီး တုၵ်းယွၼ်းႁႂ်ႈ လၢၼ်ႇ တူဝ်းၵဵတ်ႉ ၵၢင်ဝဵင်းသုတ်ႉၶၢႆႉၵႂႃႇဝႆႉၼွၵ်ႈဝဵင်း ၊ ယွၼ်ႉပိူဝ်ႈၾၢႆႇၶွမ်ႊပၼီႊ ဢမ်ႇႁဵတ်းၸွမ်းၶေႃႈတူၵ်းလူင်း လႆႈၸႂ်ၵၼ်ဝႆႉၼၼ်ႉ ဝႃႈၼႆ။ ဝၼ်းတီႈ 10/7/2020 ၵူၼ်းမိူင်းသူၺ်ႇၺွင်ႇမွၵ်ႈ 20-30 လႆႈႁူမ်ႈၵၼ်ၵႂႃႇဢုပ်ႇလၢတ်ႈ ၸဝ်ႈၼႃႈတီႈ တီႈ ၵဵတ်ႉလၢၼ်ႇ ဢၼ်တင်ႈဝႆႉႁိမ်း ပၢင်သဝ်းဢွင်ႇသပေႇ ၼႂ်းဝဵင်း သူၺ်ႇၺွင်ႇ ႁႂ်ႈၶၢႆႉၵႂႃႇတင်ႈၼွၵ်ႈဝဵင်း...

ပၢႆႉၸွမ်းၼႂ်းၵိဝ်ႇ သဵၼ်ႈတၢင်းလူင် ၼႂ်းၸႄႈဝဵင်းလၢႆးၶႃႈ ဢၼ်ပူၵ်းယဝ်ႉၵႂႃႇၸိူဝ်းၼၼ်ႉ လိၵ်ႈတႆး တင်း လိၵ်ႈမၢၼ်ႈ တီႈပၢႆႉမၢင်ဢၼ်ဢမ်ႇငၢမ်ႇမႅၼ်ႈၵၼ်၊ ၵူၼ်းၼုမ်ႇၵမ်ႈၽွင်ႈဝႃႈ ဢမ်ႇၵိုင်ႇလီပဵၼ်။ မိူဝ်ႈဝၼ်းတီႈ 28/6/2020 ပူၼ်ႉမႃးၼၼ်ႉ ယူႇတီႈၽူႈမီးပုၼ်ႈၽွၼ်းၾၢႆႇလိူမ်ႈလႆႇၸႄႈဝဵင်းလၢႆးၶႃႈ တႄႇပူၵ်းပၢႆႉသႂ်ႇ ၸွမ်းၼႂ်းၵိဝ်ႇ ၸွမ်းသဵၼ်ႈတၢင်းလူင် ၼႂ်းၵၢင်ဝဵင်း ၸိူဝ်းၼႆႉ။ ပၢႆႉဢၼ်ပူၵ်းသႂ်ႇၵႂႃႇၸိူဝ်းၼၼ်ႉ လိၵ်ႈတႆး တင်း လိၵ်ႈမၢၼ်ႈ တီႈပွင်ႇဢမ်ႇမိူၼ်ၵၼ်၊ ဢမ်ႇငၢမ်ႇမႅၼ်ႈၵၼ်၊...

မေႃႇသႅင်ၶဵဝ်ဝဵင်းၽႃၵၢၼ်ႉ လိၼ်ၵူၼ်ႇယၢတ်ႇပင်းလူင်းၼႂ်းၼွင်၊ ၵူၼ်းၶုတ်းၶူၼ်ႉသွၵ်ႈႁႃသႅင် ထုၵ်ႇၵူမ်ႇလိၼ်ႁိၼ်သၢႆး လုပ်ႇၼွင်းထူမ်ႈထူမ်တဵင် လူႉတၢႆပၢၵ်ႇပၢႆ။ ဢိင်ၼိူဝ်ၾူၼ်တူၵ်းမႃး ထပ်းၵၼ်လၢႆဝၼ်းသေ မိူဝ်ႈဝၼ်းတီႈ 02/07/2020 ၵၢင်ၼႂ်မွၵ်ႈယၢမ်း 06:30 မူင်းၼၼ်ႉ ၵိူတ်ႇပိူင်ပဵၼ်လိၼ်ၵူၼ်ႇယၢတ်ႇပင်းလူင်း တီႈမေႃႇသႅင်ၶဵဝ်ၽႃၵၢၼ်ႉ (ႁူၺ်ႈၶႃႇ) ၸႄႈမိူင်းၶၢင်။ ႁွၼ်ၵူမ်ႇလိၼ်ႁိၼ်သၢႆး ဢီးပတ်ႉဢဝ်ၵူၼ်းၵႂႃႇႁဵတ်းၵၢၼ်တီႈၼၼ်ႈ ၸိူဝ်းတိုၵ်ႉ ၶူၼ်ႉသွၵ်ႈႁႃသႅင် ၼႂ်းသၢၵ်ႈယိူဝ်ႇလိၼ်ႁိၼ်သၢႆး ဢၼ်ၶွမ်ႊပၼီႊၶဝ် ၶုတ်းထွၵ်ႇၵွင်ဝႆႉၼၼ်ႉ တူၵ်းလူင်းၼႂ်းၼမ်ႉၼွင်သေ...

လူင်ပွင်ၸိုင်ႈၶႄႇ ႁပ်ႉႁွင်းမၵ်းမၼ်ႈ မၢႆမီႈလွင်ႈႁူမ်ႇလူမ်ႈ ၸႂ်ႉတိုဝ်းၵုမ်းယိပ်းၼိူဝ် ၵုၼ်ႁွင်ႊၵွင်ႊ၊ ႁဵတ်းႁႂ်ႈၵူၼ်းႁွင်ႊၵွင်ႊ ဢမ်ႇႁၢၼ်ႉၸႂ် လုၵ်ႉႁိုၼ်ႇသၢၼ်ၶတ်းထႅင်ႈ။ မိူဝ်ႈဝၼ်းတီႈ 01/07/2020 တီႈၼိူဝ်ၵုၼ်ႁွင်ႊၵွင်ႊၼၼ်ႉ ၵူၼ်းမိူင်းႁွင်ႊၵွင်ႊၶဝ် ဢွၼ်ၵၼ် လုၵ်ႉႁိုၼ်ႇသၢၼ်ၶတ်း လူင်ပွင်ၸိုင်ႈမိူင်းၶႄႇလူင်၊ ဢၼ်ယူႇတီႈသၽႃးၶွမ်ႊမိဝ်ႊၼိတ်ႉ လူင်ပွင်ၸိုင်ႈ မိူင်းၶႄႇ ႁၼ်လီႁပ်ႉႁွင်းမၵ်းမၼ်ႈ မၢႆမီႈလွင်ႈႁူမ်ႇလူမ်ႈၸိူဝ်ႉၸၢတ်ႈ ပပ်ႉၽိုၼ်မႂ်ႇ တႃႇၸႂ်ႉတိုဝ်း ၵုမ်းယိပ်းၼိူဝ် ၵုၼ်ႁွင်ႊၵွင်ႊ...

ၽွင်းတႅၼ်းသၽႃးၵူၼ်းမိူင်း ဝဵင်းမွၵ်ႇမႆႇ ဢွၼ်ၼမ်းၸတ်းႁဵတ်းပၢင်ၶေႉၶဵင်ႇပေႃႉမၢၵ်ႇၵွပ်ႉၾ် ၽွင်းၶၢဝ်းလူင်ပွင်ၸိုင်ႈယိုတ်ႈၶၢဝ်းယၢမ်းၾၢင်ႉၶူဝ်ႊဝိတ်ႉ 19 တေႃႇထိုင် ဝၼ်းတီႈ 15 လိူၼ်ၵျူႊလၢႆႊ။ ပၢင်ၶေႉၶဵင်ႇပေႃႉမၢၵ်ႇၵွပ်ႉၾ်တီႈဝဵင်းမွၵ်ႇမႆႇၼႆႉ ၸတ်းႁဵတ်းၼႂ်းဝၼ်းတီႈ 27/6/2020  ။ ၵဵဝ်ႇၵပ်းလွင်ႈၼႆႉ ၵူၼ်းမိူင်းမွၵ်ႇမႆႇတႄႉဝႃႈ ပဵၼ်တႅၼ်းၽွင်းၵူၼ်းမိူင်း မွၵ်ႇမႆႇ ပႃႇတီႇသၢင်ႇသီႈ ၸၢႆးငဝ်းသႅင်ႁိူင်းလႄႈၸဝ်ႈၼႃႈတီႈၾၢႆႇဢုပ်ႉပိူင်ႇၽွင်းငမ်း ဢွၼ်ၼမ်းၸတ်းႁဵတ်း။ ၸိုဝ်ႈမၼ်းၵေႃႈတိုၼ်းတင်ႈဝႃႈ - “ပၢင်ၶေႉၶဵင်ႇပေႃႉမၢၵ်ႇၵွပ်ႉၾ် ဢၼ် ၽွင်းတႅၼ်းၵူၼ်းမိူင်းႁွင်ႉမွၵ်ႇ” ဝႃႈၼႆ။ တီႈၶေႉၶဵင်ႇၵၼ်သမ်ႉပဵၼ်ၵၢင်ဝဵင်း၊...

ဢွၼ်ႇယိင်း ဢႃယု 16 ပီ ၵေႃႉၼိုင်ႈ တိူဝ်ႉၸႂ် ၽႅၼ်ၶေႃးတၢႆ ၼႂ်းၸႄႈဝဵင်းတီႈၵျွၵ်ႉမႄး ဝႃႈၼႆ။ ဝၼ်းတီႈ 28/6/2020 ယၢမ်းၵၢင်ၼႂ် မွၵ်ႈ 8 မူင်း၊ ဢွၼ်ႇယိင်း ဢႃယု 16 ပီ ၽႅၼ်ၶေႃးတၢႆ တီႈၼႂ်းႁိူၼ်း ပီႈဢၢႆႈမၼ်းၼၢင်း တီႈဝၢၼ်ႈပၢင်ၵွၼ်၊ ယၢၼ်ၵႆဝဵင်းၵျွၵ်ႉမႄး မွၵ်ႈ...

ၾႆးမႆႈႁူင်းယဵပ်ႉသိူဝ်ႈၽႃႈ လၢၼ်ႉၶူဝ်းတႆး တီႈပွၵ်ႉၽြႃးၽိဝ်ႇ ဝဵင်းတူၼ်ႈတီး၊ မီးလွင်ႈလူႉသုမ်းတင်းၼမ်။ ဝၼ်းတီႈ 26/6/2020 ယၢမ်းၵၢင်ၶိုၼ်း 11:45 မူင်း ၾႆးမႆႈႁူင်းယဵပ်ႉသိူဝ်ႈၽႃႈ တီႈပွၵ်ႉၽြႃးၽိဝ်ႇ ဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း။ ပဵၼ်ယွၼ်ႉ ယွၼ်ႉၾႆးၾႃႉသွတ်ႉ ၼႆယဝ်ႉ။ ၼၢင်းသႅင် ၵူၼ်းတူၼ်ႈတီး လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ ၾႆးမႆႈ တီႈပွၵ်ႉၽြႃးၽိဝ်ႇ ပဵၼ်တီႈႁူင်းယဵပ်ႉ သိူဝ်ႈၽႃႈၶႃႈ၊...