Friday, March 29, 2024

ဢွၼ်ႇယိင်း 2 ပီႈၼွင်ႉ ဢၼ်လွင်ႈၸွမ်းၼမ်ႉတူႈၼၼ်ႉ ႁၼ်ၶိုၼ်းတူဝ်တၢႆယဝ်ႉ

Must read

ဢွၼ်ႇယိင်း 2 ၵေႃႉ ဢၼ်ၸူမ်ၼမ်ႉႁၢႆၵႂႃႇ မိူဝ်ႈဝၼ်းတီႈ 5/4/2020 ၽွင်းလူင်းလဵၼ်ႈၼမ်ႉတူႈၼၼ်ႉ ယူႇတီႈၸုမ်းၸွႆႈထႅမ် ႁႃႁၼ်ၶိုၼ်းယဝ်ႉ ဝႃႈၼႆ။

Photo by – Shar Htat Paing/ ဢွၼ်ႇယိင်း 2 ပီႈၼွင်ႉ ဢၼ်ထူပ်းႁၼ်တူဝ်တၢႆ ၼႂ်းၼမ်ႉတူႈ တီႈသီႇပေႃႉ မိူဝ်ႈၼႆႉ 7/4/2020

မိူဝ်ႈၼႆႉ ဝၼ်းတီႈ 7/4/2020 ယူႇတီႈၽူႈမီးပုၼ်ႈၽွၼ်းလႄႈ ၸုမ်းတူင်ႉၼိုင်တူင်ႇဝူင်းၵူၼ်း ၼႂ်းသီႇပေႃႉ ႁူမ်ႈၵၼ် သွၵ်ႈ တဝ်ႁႃ ဢွၼ်ႇယိင်း 2 ၵေႃႉ ဢၼ်ၸူမ်ၼမ်ႉႁၢႆၵႂႃႇ မိူဝ်ႈဝၼ်းတီႈ 5/4/2020 ၼၼ်ႉ ႁၼ်ၶိုၼ်းတူဝ်တၢႆ ၶႃပီႈၼွင်ႉယဝ်ႉ ဝႃႈၼႆ။

- Subscription -

ၵူဝ်ႇမဵဝ်း ၸုမ်းၸွႆႈထႅမ် ပရႁိတ (နယ်စည်းမခြားပရဟိတ သီပေါ) လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ မိူဝ်ႈၼႆႉ ထူပ်း ႁၼ် ဢွၼ်ႇယိင်း 2 ပီႈၼွင်ႉယဝ်ႉၶႃႈ ဢၼ်ၸူမ်ၼမ်ႉႁၢႆၵႂႃႇမိူဝ်ႈဝၼ်းတီႈ 5 ပူၼ်ႉမႃးၼၼ်ႉ တႃႇၵေႃႉၼိုင်ႈထူပ်း ႁၼ်တီႈ တိုင်းသေႈ တိုင်းၸၢမ်၊ ထႅင်ႈၵေႃႉၼိုင်ႈသမ်ႉ ထူပ်းႁၼ်တီႈႁိမ်းတႃႈၼမ်ႉဝၢၼ်ႈၼွၵ်ႈၵၢတ်ႇ” ဝႃႈၼႆ။

Photo by – Shar Htat Paing/ ဢွၼ်ႇယိင်း 2 ပီႈၼွင်ႉ ဢၼ်ထူပ်းႁၼ်တူဝ်တၢႆ ၼႂ်းၼမ်ႉတူႈ တီႈသီႇပေႃႉ မိူဝ်ႈၼႆႉ 7/4/2020

ဝၢႆးသေထူပ်းႁၼ် ၶၢပ်ႈတူဝ်တင်းသွင်ၵေႃႉ ပီႈၼွင်ႉယဝ်ႉ ယူႇတီႈၸုမ်းၸွႆႈထႅမ်တူင်ႇဝူင်းၵူၼ်း လႆႈဢဝ်သူင်ႇတီႈႁူင်းယႃသီႇပေႃႉသေ ထိုင်မႃး ယၢမ်းဝၢႆးဝၼ်း 3 မူင်းမိူဝ်ႈၼႆႉ လႆႈၽဝ်ၶၢပ်ႈတူဝ် ၶႃယဝ်ႉ ဝႃႈၼႆ။

ဢိင်ၼိူဝ်လွင်ႈၼႆႉ မိူဝ်ႈဝၼ်းတီႈ 5/4/2020 ယၢမ်းႁူဝ်ၶမ်ႈ မွၵ်ႈ 5 မူင်းၼၼ်ႉ မီးလုၵ်ႈဢွၼ်ႇ 4 ၵေႃႉ လူင်းလဵၼ်ႈၼမ်ႉတူႈ တီႈတႂ်ႈၶူဝ်ၵဝ်ႇ သီႇပေႃႉ။ ပဵၼ်လုၵ်ႈ ဢွၼ်ႇၸၢႆး 2 ၵေႃႉလႄႈ လုၵ်ႈဢွၼ်ႇယိင်း 2 ၵေႃႉ။ ၸိူဝ်းၶဝ်လွင်ႈလႆၸွမ်း ၼမ်ႉ တင်း 4 ၵေႃႉ။ လုၵ်ႈဢွၼ်ႇၸၢႆးတႃႇ 2 ၵေႃႉၼၼ်ႉ တၼ်းၸွႆႈလႆႈလွတ်ႈတၢႆ။ ၵူၺ်းၵႃႈ ဢွၼ်ႇယိင်း 2 ၵေႃႉ ပီႈၼွင်ႉၼၼ်ႉ တႄႉ ဢမ်ႇတၼ်းၸွႆႈလႆႈသေ လႆႈဢဝ်ၸူမ်ႁၢႆ လူႉတၢႆၵႂႃႇ ႁိုင် 3 ဝၼ်း ထိုင်မႃး မိူဝ်ႈၼႆႉ ဝၼ်းတီႈ 7 ၸင်ႇထူပ်းႁၼ်တူဝ်တၢႆ ၶႃတင်းသွင် ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း