ဢိင်ၼိူဝ်သိုၵ်းမၢၼ်ႈဢဝ်ၶိူင်ႈမိၼ်သိုၵ်းမႃးမိၼ်ယိုဝ်းၵူႈမိုဝ်ႉၵူႈဝၼ်းလႄႈ ၵူၼ်းပၢႆႈၽေးသိုၵ်းတီႈဝဵင်းၼမ်ႉၶမ်း မီး 8000 ပၢႆယဝ်ႉ ၊ ယၢမ်းလဵဝ်ၵေႃႈၶၢဝ်းတၢင်းႁိုင်မႃး လိူၼ်ပၢႆယဝ်ႉလႄႈ လူဝ်ႇၶဝ်ႈၼမ်ႉတၢင်းၵိၼ် တၢင်းၸွႆႈထႅမ်ႁၢဝ်ႈႁႅင်း။ ၵူၼ်းပၢႆႈၽေးသိုၵ်းတီႈဝတ်ႉၶမ်းမီး 500 ပၢႆ၊ တီႈ ဝတ်ႉၵုၼ်ႁႆးၽၢႆႇႁွင်ႇ 880၊ ၽၢႆႇၸၢၼ်း 922၊တီႈဝတ်ႉၵျွင်း ၸေႇယသုၶ 300 ပၢႆ(သိုၵ်းမၢၼ်ႈဢဝ်ၶိူင်ႈမိၼ်မႃးပွႆႇမၢၵ်ႇသႂ်ႇလႄႈ ၵျွင်းလူင်ၵေႃႉလူႉၵွႆ၊ၽွင်းၼၼ်ႉၵူၼ်းပၢႆႈၽေးသိုၵ်း ယူႇဝႆႉၼႂ်းၸလွပ်ႈ/ ၵျွင်းဢွၼ်ႇ) ၊...

ဝၢႆးလင်ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇမႃးၸႂ်းၵူၼ်းပၢႆႈၽေးသိုၵ်း တီႈဝဵင်းလႃႈသဵဝ်ႈသေ ပွၵ်ႈမိူဝ်းၶိုၼ်းၼၼ်ႉ မီးၶေႃႈသင်ႇဝႃႈ ႁႂ်ႈၵူၼ်းပၢႆႈၽေးသိုၵ်း ၼႂ်းတူင်ႇဝဵင်းလႃႈသဵဝ်ႈ ၶွၼ်ႈၵၼ်ယူႇ 2 တီႈၵူၺ်း ဝႃႈၼႆ။ တင်ႈတႄႇပၢင်တိုၵ်း 1027 မႃးၶၢဝ်းတၢင်း လိူၼ်ပၢႆ ၵူၼ်းငိူင်ႉဝႄႈၽေးသိုၵ်း ၼႂ်းတူင်ႇဝဵင်းလႃႈသဵဝ်ႈမီး 8000 ပၢႆ ၊ ၶွၼ်ႈၵၼ်ယူႇသဝ်းဝႆႉမီးယူႇမွၵ်ႈ 30 တီႈ။ ဝၼ်းတီႈ10/12/2023 မႃး ဢိင်ၼိူဝ်ၾၢႆႇသိုၵ်းလႄႈ...

မိူဝ်ႈဝၼ်းတီႈ 10/11/2023 ၼၼ်ႉ တင်းၶိုၼ်းတေႃႇမိူင်းလႅင်း သဵင်ၵွင်ႈသဵင်မၢၵ်ႇၼၼ်ႈမေႃး ၼႂ်းၸႄႈဝဵင်းသီႇပေႃႉ မၢၵ်ႇလူင်တူၵ်းသႂ်ႇဝတ်ႉၵျွင်းလူႉၵွႆ 2 လင် ၵူၼ်းတိူဝ်ႉမၢတ်ႇလူႉတၢႆ  ဢမ်ႇမီး  ။ ၵူၼ်းၼႂ်းပိုၼ်ႉတီႈသီႇပေႃႉၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ဢၼ်မႃးပွႆႇမၢၵ်ႇသႂ်ႇၼႆႉ ဢမ်ႇၸႂ်ႈၶိူင်ႈမိၼ်ၶႃႈ ပဵၼ်မၢၵ်ႇလူင်ၶဝ် မႃး တူၵ်းတိူဝ်ႉသႂ်ႇၶႃႈဢေႃႈ ။ လုၵ်ႉတၢင်းလႂ်ပွႆႇမႃးတိူဝ်ႉသႂ်ႇတႄႉ ဢမ်ႇႁူႉတႅတ်ႈတေႃး  ။ ပွတ်းတၢင်းၸၢမ်ၽိူၵ်ႇၼႆႉတႄႉ...

ၼႂ်းလိူၼ်ၼူဝ်ႊဝိမ်ႊပိူဝ်ႊ ပီ 2023 ပူၼ်ႉမႃးၼႆႉ သိုၵ်းမၢၼ်ႈတင်းသိုၵ်းလုၵ်ႉၽိုၼ်ႉယၢင်းလႅင်ႁူမ်ႈလၢႆၸုမ်း ပိုတ်းယိုဝ်းၵၼ်ႁၢဝ်ႈႁႅင်းလႄႈ ၵူၼ်းမိူင်းလွႆၶေႃ လႄႈ လႅၼ်လိၼ်တႆး-ယၢင်းလႅင် ၊ ၵူၼ်းမိူင်းၵိုင်ႉၵၢင်ႉ လႆႈပၢႆႈၽေးသိုၵ်းဢမ်ႇတၼ်းလႆႈၶူဝ်းလဵင်းသင် ။ မိူဝ်ႈလဵဝ်ထိုင်ၶၢဝ်းၵတ်းယဝ်ႉလႄႈၵူၼ်းပၢႆႈၽေး လူဝ်ႇၽႃႈၽႅၼ်ႇသိူဝ်ႈၶူဝ်းဢုၼ်ႇ။ ၵူၼ်းပၢႆႈၽေးတီႈလႅၼ်လိၼ်တႆး-ယၢင်းလႅင်ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ မိူဝ်ႈပဵၼ်ပၢင်တိုၵ်းၵေႃႈ သဵၼ်ႈတၢင်းလူင်သမ်ႉ သိုၵ်းၶဝ်ပိၵ်ႉဝႆႉလႄႈ ရူတ်ႉၵႃးဢမ်ႇၸၢင်ႈၵႂႃႇမႃး ၊ ၵႃႈလႆႈဢဝ်...

ၶၢဝ်းတၢင်းသွင်ဝၼ်း ၼႂ်းဝၼ်းတီႈ 9 လႄႈ ဝၼ်းတီႈ 10 လိူၼ်တီႊသႅမ်ႊပိူဝ်ႊ  2023 ၼႆ့ မၢၵ်ႇလူင် တူၵ်းသႂ်ႇ တီႈဝၢၼ်ႈလွႆသၢႆး ၸႄႈဝဵင်းၵူတ့်ၶၢႆ ၸိုင်ႈတႆးပွတ်းႁွင်ႇ  လုၵ်ႈဢွၼ်ႇဢႃယု 9 ၶူပ်ႇၵေႃ့ၼိုင်ႈတၢႆ ၊   ၵူၼ်းမၢတ်ႇၸဵပ်းႁၢဝ်ႈႁႅင်းမီး  7 ၵေႃ့ၼႆ ယူႇတီႈၸုမ်းပရႁိတၼႂ်းပိုၼ့်တီႈ လႆႈႁူ့ၸွမ်းၼင်ႇၼႆ။ “ဝၼ်းတီႈ 9...

ၶၢဝ်းတၢင်းၸုမ်းဢူၺ်းလီပွတ်းႁွင်ႇ 3 ၸုမ်း ပိုတ်ႇၼႃႈသိုၵ်း 1027 လေႃႇတိုၵ်းသိုၵ်းမၢၼ်ႈမႃးၶၢဝ်းတၢင်း လိူၼ်ပၢႆၼႆႉ ၵူၼ်းမူႇၸေႊ ၺႃးၸုမ်းဢမ်ႇႁူႉၾၢႆႇ တီႉၺွပ်းပဵၼ်တူဝ်ယိူဝ်ႇ ဢမ်ႇယွမ်း 3 ၵေႃႉ။ မိူဝ်ႈဝၼ်းတီႈ 10/12/2023 ယၢမ်ႈၶမ်ႈ 6 မူင်းၼႆႉ ၵူၼ်းၸၢႆးၸဝ်ႈၶွင်ႁၢၼ်ႉၶၢႆၾူၼ်း ၵေႃႉၼိုင်ႈ ၺႃးၸုမ်း ဢမ်ႇႁူႉ ၾၢႆႇၶဝ်ႈမႃးတီႉၺွပ်းထိုင်ၼႂ်းႁၢၼ်ႉၼႂ်းသႅင်ႇ ထိုင်မိူဝ်ႈလဵဝ် ပႆႇႁူႉဝႃႈ...

ယၢမ်းလဵဝ် ဢွင်ႈတီႈ ၵူၼ်းပၢႆႈၽေးသိုၵ်း တီႈဝဵင်းလႃႈသဵဝ်ႈ တိူဝ်းၶိုၼ်ႈမႃး မီး 20 တီႈပၢႆယဝ်ႉ ႁူဝ်ၵူၼ်းပၢႆႈၽေး ဢမ်ႇယွမ်း 6 ႁဵင်ၵေႃႉ။ တႄႇဢဝ် ႁၢင်လိူၼ်ဢွၵ်ႊထိူဝ်ႊပိူဝ်ႊၼၼ်ႉမႃး တေႃႇထိုင် ဝၼ်းတီႈ 5/12/2023 ၼႆႉ ဢွင်ႈတီႈ ၵူၼ်းပၢႆႈၽေးသိုၵ်း တီႈဝဵင်း လႃႈသဵဝ်ႈ ၸိုင်ႈတႆးပွတ်းႁွင်ႇၼႆႉ မီးၵႂႃႇ 20...

ထဝ်ႈၸၢႆး ဢႃယု 70 ပၢႆ ၵေႃႉၼိုင်ႈ ထုၵ်ႇသိုၵ်းမၢၼ်ႈ ၸႂ်ႉၶိူင်ႈမိၼ် ပွႆႇမၢၵ်ႇလူင်တူၵ်းသႂ်ႇ တီႈႁိူၼ်းယေးသေ လႆႈလူႉတၢႆ ထင်တီႈ။ မိူဝ်ႈဝႃး ဝၼ်းတီႈ 8/12/2023 လုင်းၵျေႃႇမိၼ်ႇ ဢႃယု 71 ပီ ၵူၼ်းပွၵ်ႉႁူဝ်ၵၢတ်ႇ ဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈ တႆး ပွတ်းႁွင်ႇ ထုၵ်ႇသိုၵ်းမၢၼ်ႈ...

သိုဝ်ႇၶၢဝ်ႇထႆး ႁၢႆးငၢၼ်းဝႆ့ဝႃႈ - ၼၢင်းယိင်းဢွၼ်ႇ လုၵ်ႈႁဵၼ်းယိင်း ၵူၼ်းမိူင်းမၢၼ်ႈၵေႃ့ၼိုင်ႈဢၼ်ႁဵၼ်းလိၵ်ႈလႄႈ ႁဵတ်းၵၢၼ်တီႈ မိူင်းထႆး -  ပဵၼ်ၵေႃႉႁၵ်ႉၵၼ်တင်းမၢဝ်ႇမိူင်းဢီႊရၼ်ႊၽွင်းလႆႈၶၢဝ်းတၢင်း 5 လိူၼ် ၼၼ်ႉၺႃး မၢဝ်ႇ ဢီႊရၼ်ႊ လၵ်ႉဢဝ်ၶူဝ်းၶွင်ငိုၼ်းၶမ်းမၼ်းၼၢင်းၵႂႃႇတင်းမူတ်းမီးၵႃႈၶၼ် 25 လၢၼ်ႉဝၢတ်ႇ ဝႃႈၼႆ။ ႁႅင်းၵၢၼ်ယိင်းဢၼ်ၺႃး လႅၼ်ၼႆ့ ၸိုဝ်ႈႁွင့် ၼၢင်းမူၺ်လႅင်း ။  ၵေႃႉႁၵ်ႉမၼ်း...

မိူဝ်ႈၼႆႉ ဝၼ်းတီႈ 8/12/2023 ယၢမ်းဝၢႆးဝၼ်း 1 မူင်းပၢႆ သိုၵ်းမၢၼ်ႈ ၸႂ်ႉၶိူင်ႈမိၼ် မႃးပွႆႇမၢၵ်ႇလူင်သႂ်ႇ တီႈပွၵ်ႉၼွင်ၸၢင်ႉ ဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ တိူဝ်ႉသႂ်ႇႁိူၼ်းယေး ၵူၼ်းဝၢၼ်ႈလူႉၵွႆၸွမ်းထႅင်ႈ လင်ၼိုင်ႈ။ ၵူၼ်းပိုၼ်ႉတီႈ ဝဵင်းၼမ်ႉၶမ်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “သိုၵ်းမၢၼ်ႈ ဢဝ်မၢၵ်ႇလူင် ဢၼ်မီးၼမ်ႉၼၵ်း 500...

ယၢမ်းလဵဝ် ၵူၼ်းပၢႆႈၽေးသိုၵ်း တီႈၼႂ်းၼွင်ႁၢႆးယႃႈ ဢမ်ႇလႆႈႁပ်ႉတၢင်းၸွႆႈထႅမ် ၶွင်ၵိၼ်ယႅမ်ႉ ယွၼ်ႉသိုၵ်းမၢၼ်ႈ ႁႄႉ ႁၢမ်ႈ ဢမ်ႇပၼ် ၵူၼ်းတၢင်းၼွၵ်ႈၶဝ်ႈၸွႆႈ။ တႄႇဢဝ် ဝၼ်းတီႈ 15/11/2023 ၼၼ်ႉမႃး ၵူၼ်းမိူင်းယၢင်းလႅင် ဢွၼ်ၵၼ်ပၢႆႈၽေးသိုၵ်း မႃးသွၼ်ႈဝႆႉ ၼႂ်းၸိုင်းတႆး ပွတ်းၸၢၼ်း တင်းၼမ် ၼႂ်းၼၼ်ႉ ၸိူဝ်းပၢႆႈမႃးသွၼ်ႈဝႆႉ ၼႂ်းၼွင်ႁၢႆးယႃႈ ၸႄႈဝဵင်းယွင်ႁူၺ်ႈ ၼႆႉၵေႃႈ...

ပၢင်တိုၵ်း တီႈဝဵင်းၼမ်ႉၶမ်း ၾၢႆႇသိုၵ်းမၢၼ်ႈ ၸႂ်ႉၶိူင်ႈမိၼ် ယိုဝ်းၸွႆႈႁၢဝ်ႈႁႅင်း တိူဝ်ႉသႂ်ႇႁိူၼ်းယေး ၵူၼ်းဝၢၼ်ႈ လူႉၵွႆၸွမ်းလၢႆ လင်လႄႈ ၵူၼ်းမိူင်းလူႉတၢႆၸွမ်းထႅင်ႈ 5 ၵေႃႉ။ ဝၼ်းတီႈ 7/12/2023 ယၢမ်းၵၢင်ၼႂ် 9 မူင်းပၢႆ သိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်း မႃးပွႆႇမၢၵ်ႇ တီႈပႃႇႁဵဝ်ႈၶႄႇ ပွၵ်ႉၵွင်းသႃႇ ဝဵင်း ၼမ်ႉၶမ်း ၸႄႈတွၼ်ႈမူႇၸေႊ...

ၸွမ်းၼင်ႇ ၵေႃႇမတီႇ ၾၢႆႇၸွႆႈထႅမ် ၵူၼ်းပၢႆႈၽေး ၼႂ်းပိုၼ်ႉတီႈ လႆႈၵဵပ်းသဵၼ်ႈမၢႆဝႆႉ ႁူဝ်ၼပ်ႉၵူၼ်းပၢႆႈၽေးသိုၵ်း တီႈထုင်ႉလွႆ ႁူဝ်သိူဝ် ယၢမ်းလဵဝ် မီးဝႆႉ 5,100 ပၢႆ ၼႂ်းၶၢဝ်းတၢင်းလိူၼ်ပၢႆမႃးၼႆႉ။ တႄႇဢဝ် ႁၢင်လိူၼ်ဢွၵ်ႊထိူဝ်ႊပိူဝ်ႊၼၼ်ႉမႃး ႁၢၼ်ႉတေႃႇထိုင် ဝၼ်းတီႈ 6/12/2023 ၼႆႉ ၵူၼ်းဝဵင်းၼမ်ႉၶမ်း ဢွၼ် ၵၼ်ပၢႆႈ ၽေးသိုၵ်း ၵႂႃႇသွၼ်ႈဝႆႉ...

ၸုမ်းဢူၺ်းလီ ပွတ်းႁွင်ႇ လူမ်ႇယိုဝ်း တပ်ႉသိုၵ်းမၢၼ်ႈ တီႈဝဵင်းမိူင်းလူင် ၾၢႆႇသိုၵ်းမၢၼ်ႈ လူႉတၢႆ 5 ၵေႃႉ သိမ်းလႆႈပႃးၵွင်ႈ ထႅင်ႈ 13 လဝ်း။ ဝၼ်းတီႈ 5/12/2023 တႄႇဢဝ် ယၢမ်းၵၢင်ၼႂ် 5 မူင်းထိုင် 10 မူင်းၵၢင်ၶိုၼ်း သိုၵ်းတဢၢင်း TNLA ၊ သိုၵ်းၶၢင်...

မိူဝ်ႈဝႃး ဝၼ်းတီႈ 6/12/2023 ၵၢင်ဝၼ်း 11 မူင်းပၢႆၼၼ်ႉ သိုၵ်းမၢၼ်ႈ ဢဝ်ၶိူင်ႈမိၼ်မႃးပၼ်လဵပ်ႈ ဢမ်ႇယွမ်း 3 လမ်းသေ ပွႆႇမၢၵ်ႇသႂ်ႇၼႂ်းၸႄႈဝဵင်းၼမ်ႉၶမ်း ၵူႈႁူးၵူႈတၢင်း ႁဵတ်းႁႂ်ႈတီႈယူႇတၼ်းသဝ်းၵူၼ်းမိူင်း လူႉၵွႆၼမ် သေဢမ်ႇၵႃး ၵူၼ်းတၢႆ 5 ၵေႃႉ။ ၵူၼ်းၼႂ်းပိုၼ်ႉတီႈၼမ်ႉၶမ်း လၢတ်ႈတီႈၽူႈတွႆႇႁွၵ်ႈဝႃႈ - “ မိူဝ်ႈၶမ်ႈဝႃးၵေႃႈ ႁိူဝ်းမိၼ်သိုၵ်းမၢၼ်ႈ...