ၵူၼ်းမိူင်းၼႂ်းၸႄႈဝဵင်းသီႇပေႃႉ ဢွၼ်ၵၼ်ပၢႆႈၽေးသိုၵ်း မႃးယူႇတီႈဝတ်ႉဝႃးၽႃသိူဝ်ႇႁိမ်းဝဵင်း 100 ၵေႃႉပၢႆ။ မိူဝ်ႈၼႆႉ ဝၼ်းတီႈ 04/02/2019 ယၢမ်းဝၢႆးဝၼ်း 2 မူင်း ၵူၼ်းဝၢၼ်ႈၽၵ်းႁီႉတင်း ဝၢၼ်ႈလူင်ဝၢႆ ႁူဝ်ၵူၼ်း 102 ၵေႃႉ ဢွၼ်ၵၼ်ပၢႆႈႁွတ်ႈမႃးထႅင်ႈ တီႈဝတ်ႉၼႃးၵၢင် ဢိူင်ႇၼွင်ဢၢင်ႇ တွၼ်ႈတၢင်းဢွၵ်ႇဝဵင်းယၢၼ် 15 လၵ်း ၸႄႈဝဵင်း သီႇပေႃႉ ၸိုင်ႈတႆးပွတ်းႁွင်ႇ...

တပ်ႉသိုၵ်းလွတ်ႈလႅဝ်းၶၢင် KIO/ KIA ၵဵပ်းၶွၼ်ႇတီႈပီႈၼွင်ႉၸၢဝ်းတႆး ၼႂ်းၸႄႈမိူင်းၶၢင် တၢင်းပွတ်းဢိူင်ႇလွႆၸႄႈ ၼိုင်းႁိူၼ်းလႂ် လႆႈသႂၢင်းပၼ် 4 မိုၼ်ႇပျႃး ထိုင် 6 မိုၼ်းပျႃး ဝႃႈၼႆ။ ဝၼ်းတီႈ 30/01/2019 သိုၵ်းၶၢင် KIO/ KIA ၶဝ်ႈၵဵပ်းၶွၼ်ႇ တီႈၵူၼ်းမိူင်း ၸၢဝ်းတႆး တၢင်းဝၢၼ်ႈၵုင်းသႃႇ၊ မၢၼ်ႈၼိမ်၊ ဝၢၼ်ႈဝဵင်းႁႆးလႄႈ...

ၵူၼ်းမိူင်းသီႇပေႃႉ ဢၼ်ယဵပ်ႇၺႃးမၢၵ်ႇ တီႈၼႂ်းသူၼ် မိူဝ်ႈ 24/01/2019 ၼၼ်ႉ လႆႈသူင်ႇယူတ်းယႃ တီႈႁူင်းယႃ လႃႈ သဵဝ်ႈသေ တေႃႈလဵဝ် လႆႈၶိုၼ်းဢဝ်မႃးယႃတီႈသီႇပေႃႉယဝ်ႉ ဝႃႈၼႆ။ ဝၼ်းတီႈ 31/01/2019 ယၢမ်းဝၢႆးဝၼ်း 3:30 မူင်း လုင်းသီဝူး (ဦးဇီဝူး) ဢႃယု မွၵ်ႈ 60 ပီ (ၸၢဝ်းလီသူး)...

ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉတီႈ ဝတ်ႉၼႃးမၢၵ်ႇၶေႃ ႁူဝ်ၵူၼ်း 500 ပၢႆၼၼ်ႉ တႃႇႁူဝ်ၵူၼ်း 142 ၵေႃႉ ၶိုၼ်း ဢွၼ်ပွၵ်ႈၶိုၼ်းမိူဝ်းႁိူၼ်းယေးၽႂ်မၼ်းယဝ်ႉ။ ဝၼ်းတီႈ 30/01/2019 ယၢမ်းၵၢင်ဝၼ်း မွၵ်ႈ11:30 မူင်းၼၼ်ႉ ၵူၼ်းဝၢၼ်ႈတူၼ်ႈၵႅင်း၊ တႃႈလူင်၊ ႁူဝ်ၼႃး၊ ၸိူဝ်းပၢႆႈ ၽေးသိုၵ်း မႃးသွၼ်ႈဝႆႉတီႈဝတ်ႉၼႃးမၢၵ်ႇၶေႃ ၸႄႈဝဵင်းသီႇပေႃႉ ၼႂ်းၼၼ်ႉၵူၼ်း 142...

သိုၵ်း RCSS တင်း SSPP မီးပၼ်ႁႃၵၼ်လႄႈ ၵူၼ်းဝၢၼ်ႈတႃႈလူင် ဢၼ်ပၢႆႈမႃးသွၼ်ႈဝႆႉတီႈ ဝတ်ႉၼွင်သိမ်ႇ ႁူဝ်ၵူၼ်း 104 ၵေႃႉၼၼ်ႉ မႆႈၸႂ်ၵၢၼ်သူၼ်ႁႆႈၼႃး မၢၵ်ႇၶဝ်ႈတဝ်ႈၼမ်ႉပႆႇလႆႈၵဵပ်းလႄႈ ၶႂ်ႈဢွၼ်ၵၼ်ပွၵ်ႈ ၶိုၼ်းဝၢၼ်ႈ ၼႃႇယဝ်ႉ ဝႃႈၼႆ။ ဝၼ်းတီႈ 22/01/2019 သိုၵ်း RCSS တင်း SSPP ပဵၼ်ပၢင်တိုၵ်းၵၼ် တီႈဝၢၼ်ႈတႃႈလူင်...

တင်ႈတႄႇပီ 2008 မႃးတေႃႇယၢမ်းလဵဝ် ၶွမ်ႊပၼီႊၶုတ်းထၢၼ်ႇႁိၼ် ၼႂ်းဢိူင်ႇပၢင်ၵွၼ် - ပၢင်ၸၢမ်ၼၼ်ႉ တုမ်ႉတိူဝ်ႉ ပၢႆးယူႇလီၵူၼ်းဝၢၼ်ႈမႃးဝၼ်းယဝ်ႉဝၼ်း ဝႃႈၼႆ။ မိူင်ထၢၼ်ႇႁိၼ်ၼႆႉ ၶုတ်းၼႂ်းၵႄႈဢိူင်ႇပၢင်ၵွၼ်-ပၢင်ၸၢမ်ၼၼ်ႉ တုမ်ႉယွၼ်ႈၵူၼ်းဝၢၼ်ႈၼႂ်းထုင်ႉၼၼ်ႉသေဢမ်ႇၵႃး တုမ်ႉယွၼ်ႈပႃးဝၢၼ်ႈၸိူဝ်းယူႇႁိမ်းၸမ်ဝၢၼ်ႈဢိူင်ႇပၢၼ်းမႃႉ၊ ပဵင်းၸဵၼ်ႈ ၸိူဝ်းၼႆႉ။ သဵၼ်ႈတၢင်းလူႉၵွႆယွၼ်ႉၵႃးတၢင်ႇ ထၢၼ်ႇႁိၼ်၊ ၼမ်ႉၵိၼ်ၼမ်ႉၸႂ်ႉယၢပ်ႇ- ယွၼ်ႉၼမ်ႉထၢၼ်ႇႁိၼ်လႆၶဝ်ႈလႄႈမီးလွင်ႈယၢပ်ႇလၢႆလၢႆလွင်ႈ။ ၸၢႆးထုၼ်းဝိၼ်း ၽူႈတႅၼ်းသၽႃးၸႄႈမိူင်း ၶဵတ်ႇလိူၵ်ႈတင်ႈ မၢႆ 1 ၸႄႈဝဵင်းၵျွၵ်ႉမႄး...

ဢိင်ၼိူဝ် ပဵၼ်ပၼ်ႁႃ လွင်ႈသိုၵ်းတႆး 2 ၸုမ်း ၶဵင်ႈၶႅင်ၵၢၼ်သိုၵ်းတေႃႇၵၼ်၊ တိုၵ်းယိုဝ်းၵၼ်သေ ၵူၼ်းဝၢၼ်ႈ ၼႂ်းဢိူင်ႇ ၵုင်းသေႃႉတင်း ဢိူင်ႇၼွင်ဢၢင် လႆႈပၢႆႈၽေးသိုၵ်းဢွၵ်ႇမႃးထႅင်ႈ ႁူဝ်ၵူၼ်း ႁိမ်း 300 ၵေႃႉ။ ဝၼ်းတီႈ 24/01/2019 ယၢမ်းၵၢင်ဝၼ်း 11:30 မူင်း ၵူၼ်းဝၢၼ်ႈလူင်ဝၢႆ ဢိူင်ႇၵုင်းသေႃႉတင်း ဝၢၼ်ႈၽၵ်းၼၢမ်လႄႈ ဝၢၼ်ႈသႅၼ်ပၢႆး...

ၵူၼ်းမိူင်းသီႇပေႃႉ ၵႂႃႇႁဵတ်းၵၢၼ်သူၼ်ယဵပ်ႇၺႃးမၢၵ်ႇၾင်လိၼ် တႅၵ်ႇသႂ်ႇတိူဝ်ႉၺႃးၸွမ်းၶႃ မၢတ်ႇၸဵပ်းလိူဝ်ႁႅင်းလႆႈ သူင်ႇယူတ်းယႃတူဝ်ဝႆႉတီႈႁူင်းယႃ လႃႈသဵဝ်ႈ။ ဝၼ်းတီႈ 24/01/2019 ယၢမ်းၵၢင်ၼႂ် 8 မူင်း လုင်းသီဝူး(ဦးဇီဝူး) ဢႃယု မွၵ်ႈ 60 ပီ (ၸၢဝ်းလီသူး) ၵႂႃႇႁဵတ်းၵၢၼ်သူၼ် မၼ်း ၸၢႆး ဢၼ်မီးဝႆႉတီႈဝၢၼ်ႈလွႆမွၵ်ႇ ဢိူင်ႇၵုင်းသေႃႉ ၸႄႈဝဵင်းသီႇပေႃႉၼၼ်ႉ ယဵပ်ႇၺႃးမၢၵ်ႇၾင်လိၼ်လုၵ်ႈၼိုင်ႈ တႅၵ်ႇၽူင်ႉသႂ်ႇသေ...

ၵူၼ်းပၢႆႈၽေးသိုၵ်း တီႈဝတ်ႉၼႃးမၢၵ်ႇၶေႃ ဢိူင်ႇၼႃးမၢၵ်ႇၶေႃ ႁူဝ်ၵူၼ်း 500 ပၢႆၼၼ်ႉ မီးၸုမ်းၵူၼ်းၼုမ်ႇ ၶူဝ်လမ်၊ လၢႆးၶႃႈ ႁူမ်ႈၵၼ် ၵႂႃႇၵမ်ႉထႅမ် ငိုၼ်းတွင်းလႄႈ ၶွင်ၵိၼ်တၢင်းယႅမ်ႉ။ ၽူႈမီးၼမ်ႉၸႂ်ၸေႇတၼႃႇ ၸၢႆးၵျေႃႇၺဵင်းလႄႈ ၼၢင်းၸၢမ်ၽွင်း ၸႄႈဝဵင်းတႃႈၶီႈလဵၵ်း ၵမ်ႉၸွႆႈမႃးသေ ဝၼ်းတီႈ 23-24/01/2019 ၸုမ်းၵူၼ်းၼုမ်ႇၶူဝ်လမ် လႄႈ လၢႆးၶႃႈ ႁူမ်ႈၵၼ်ဢဝ်ပုၼ်ႈၽွၼ်း ၵႂႃႇယိုၼ်ႈမႅင်ႇၸွႆႈထႅမ်ပၼ်...

သိုၵ်း SSPP တင်း RCSS ၶဵင်ႈၶႅင်ၵၢၼ်သိုၵ်းတေႃႇၵၼ်သေ ၵူၼ်းမိူင်း 104 ၵေႃႉ ဢွၼ်ၵၼ်ပၢႆႈမႃးသွၼ်ႈ တီႈၼွင် သိမ်ႇ ၸႄႈဝဵင်းၵျွၵ်ႉမႄး။ မိူဝ်ႈၼႆႉ ဝၼ်းတီႈ 24/01/2019 ယၢမ်းဝၢႆးဝၼ်း ၽူႈတႅၼ်းသၽႃးပႃႇတီႇႁူဝ်သိူဝ် ၵျွၵ်ႉမႄး တင်း ၽူႈမီးပုၼ်ႈၽွၼ်း ၼႂ်း ႁွင်ႈၵၢၼ်လူင်ပွင်ၸိုင်ႈ တေႁူမ်ႈၵၼ် ၵႂႃႇတေႃႇဢဝ် ၵူၼ်းပၢႆႈၽေးသိုၵ်း...

ၵူၼ်းဝၢၼ်ႈၼႂ်းဢိူင်ႇသီႇထွၵ်ႈ ၸႄႈဝဵင်းသီႇပေႃႉ ႁူမ်ႈၵၼ်လူင်းလၢႆးမိုဝ်း တုၵ်းယွၼ်းႁႂ်ႈ တပ်ႉသိုၵ်းတႆး 2 ၸုမ်း ႁူပ်ႉထူပ်းဢုပ်ႇဢူဝ်းငူပ်ႉငီႉၵၼ်သေ ႁႂ်ႈၸဵဝ်းၵိုတ်းပၢင်တိုၵ်းဝႆးဝႆး သူင်ႇထိုင်ၽူႈတႅၼ်းသၽႃးပႃႇတီႇႁူဝ်သိူဝ်ဝႆႉ။ ဝၼ်းတီႈ 22/01/2019 ၵူၼ်းဝၢၼ်ႈၼႂ်းဢိူင်ႇသီႇထွၵ်ႈ ႁူဝ်ၵူၼ်း 3,054 ၵေႃႉ ႁူမ်ႈၵၼ်သေ ၵဵပ်းလၢႆးၸိုဝ်ႈ/ လၢႆးမိုဝ်း တၢင်ႇထိုင် တီႈလုမ်းၽူႈတႅၼ်းသၽႃးပႃႇတီႇႁူဝ်သိူဝ် ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ဝႃႈၼႆ။ ၵူၼ်းဝၢၼ်ႈ...

ၵူၼ်းပၢႆႈၽေးၼႂ်းဢိူင်ႇၼႃးမွၼ် ၸႄႈဝဵင်းမိူင်းပၼ်ႇ ႁူဝ်ၵူၼ်း ႁိမ်း 400 ၼၼ်ႉ လႆႈပွၵ်ႈၽႅဝ်ၶိုၼ်းႁိူၼ်းယေးၵၼ်လီ ငၢမ်းယဝ်ႉ ဝႃႈၼႆ။ ၸုမ်းယိပ်းၵွင်ႈၵၢင်ႇၼႂ်းပိုၼ်ႉတီႈ ပဵၼ်ပၼ်ႁႃလွင်ႈႁိမ်ၼႃႈတီႈၵၼ် ၵဵပ်းသိုၵ်းမႂ်ႇ၊ ၵဵပ်းၶွၼ်ႇၵူၼ်းမိူင်းႁၢဝ်ႈႁႅင်းၼႆသေ ၵူၼ်းဝၢၼ်ႈမႆႉပူၵ်ႇ/ ပၢင်ပီႉ၊ ဝၢၼ်ႈလူင်ၶဵဝ် ၼႂ်းဢိူင်ႇၼႃးမွၼ် ၸႄႈဝဵင်းမိူင်းပၼ်ႇ ပၢႆႈဢွၵ်ႇႁိူၼ်းၸဵမ်မိူဝ်ႈ ဝၼ်းတီႈ 01/01/2019 ပၢႆႈၵႂႃႇသွၼ်ႈတၢင်းလၢင်းၶိူဝ်း၊ မိူင်းပၼ်ႇလႄႈ ၾၢႆႇဢွၵ်ႇၶူင်း။ ၵူၼ်းမိူင်းပၼ်ႇ လၢတ်ႈတီႈၽူႈတွႆႇႁွၵ်ႈဝႃႈ...

ၵူၼ်းဝၢၼ်ႈတႃႈလူင် ဢၼ်ၺႃးၸၢၵ်ႇမၢၵ်ႇယွၼ်ႉပၢင်တိုၵ်း SSPP လႄႈ RCSS မိူဝ်ႈဝႃးၼၼ်ႉ တေႃႈလဵဝ် လႆႈၽႃႇတတ်း ဢဝ် မၢၵ်ႇၵွင်ႈဢွၵ်ႇယဝ်ႉတူဝ်ႈလီငၢမ်း ဝႃႈၼႆ။ မိူဝ်ႈဝၼ်းတီႈ 22/01/2019 ၼၼ်ႉ သိုၵ်း SSPP/SSA တင်း RCSS/SSA ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းဝၢၼ်ႈတႃႈလူင် ဢိူင်ႇၼႃးမၢၵ်ႇၶေႃ ၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ၸၢႆးၵမ်ႇ ဢႃယု...

ပီႈၼွင်ႉတႆးလႅင် သၢၼ်ၶတ်းလွင်ႈပီႈၼွင်ႉၶၢင် ပိုၼ်ၽၢဝ်ႇတေၵေႃႇတင်ႈမိူင်းလွတ်ႈလႅဝ်းသဝ်းၶေႃၶၢင် တုၵ်းယွၼ်းႁႂ်ႈ ယုၵ်ႉလိူၵ်ႈပူတ်းပႅတ်ႈၶေႃႈပိုၼ်ၽၢဝ်ႇၼၼ်ႉ ဝႃႈၼႆ။ ဝၼ်းတီႈ 18-19/01/2019 ယူႇတီႈၸုမ်းၵူၼ်းၼုမ်ႇတႆးလႅင်၊ ပႃႇတီႇတႆးလႅင် ႁူမ်ႈၵၼ် ဢွၵ်ႇၶေႃႈပိုၼ်ၽၢဝ်ႇ သၢၼ် ၶတ်းႁၢဝ်ႈႁႅင်း ၶေႃႈပိုၼ်ၽၢဝ်ႇ ဢၼ်ၸၢဝ်းၶၢင် ဢွၵ်ႇမႃးမိူဝ်ႈ 14/01/2019 ဝႃႈ တေၵေႃႇတင်ႈ မိူင်းသဝ်းၶေႃလွတ်ႈ လႅဝ်းၶၢင်ၼႆၼၼ်ႉ။ ၼႂ်းလိၵ်ႈပိုၼ်ၽၢဝ်ႇ ပီႈၼွင်ႉတႆးလႅင်ၼၼ်ႉ ပႃးဝႆႉဝႃႈ “...

ၵူၼ်းမိူင်းသီႇပေႃႉ ၸိုင်ႈတႆးပွတ်းႁွင်ႇ ဢၼ်သွၼ်ႈယူႇဝႆႉ ၸွမ်းဝတ်ႉဝႃးၽႃသိူဝ်ႇ မီးႁိမ်းလိူၼ်ယဝ်ႉ ပႆႇၸၢင်ႈပွၵ်ႈၶိုၼ်း မႆႈၸႂ် ၼႃႈၵၢၼ်တႃငၢၼ်းလႄႈ လုၵ်ႈႁဵၼ်းတႃႇတေတွပ်ႇလိၵ်ႈၼႂ်းႁူင်းႁဵၼ်း။ ၵွပ်ႈၼၼ်လႄႈ မီးၵၢင်ၸႂ်ၶႂ်ႈႁႂ်ႈသိုၵ်းတႆး 2 ၸုမ်း ၶဝ်ႈႁႃၵႄႈလိတ်ႈၵၼ်ဝႆးဝႆး ဝႃႈၼႆ။ တေႃႈလဵဝ် ၵူၼ်းပၢႆႈၽေးသိုၵ်း ဢၼ်ယူႇသဝ်းဝႆႉတီႈ ဝတ်ႉၼႃးမၢၵ်ႇၶေႃ ႁူဝ်ၵူၼ်း 617 ၵေႃႉ၊ ဝတ်ႉတူၼ်ႈၵႃႈ 55 ၵေႃႉ၊...