တပ်ႉသိုၵ်းလူင်ပွင်ၸိုင်ႈ ဢၼ်ပၵ်းတပ်ႉတၢင်းမိူင်းၵႅတ်ႈ ၸေႈဝဵင်းလႃႈသဵဝ်ႈ ဢမ်ႇပၼ်လူတ်ႉၵႃးတၢင်ႇၶဝ်ႈသၢၼ် လတ်းၶၢမ်ႈၶူင်းၶိုၼ်ႈၸူး ၵုၼ်လူင်ႁူဝ်ပၢင်ႇ ၵူၼ်းၵႃႉ ယၢပ်ႇၽိုတ်ႇ။ ၸၢႆးသၢမ်ၵူၼ်းမိူင်းၵႅတ်ႈလၢတ်ႈၽူႈတွႆႇႁွၵ်ႈဝႃႈ - “ၶဝ်ဢမ်ႇပၼ်တၢင်ႇၶဝ်ႈသၢၼ်ၶိုၼ်ႈလႆႈမွၵ်ႈ 3-4 ဝၼ်းယဝ်ႉၶႃႈ။ ၵူၼ်းၵႃႉၵေႃႈယၢပ်ႇၽိုတ်ႇၶႃႈဢေႃႈ။ ပေႃးၶႆႈတၢင်ႇၶိုၼ်ႈတေလႆႈဢဝ်ဝႂ် ၵမ်ႉတီႈၽူႈၵွၼ်းဝၢၼ်ႈဢိူင်ႇလႄႈ တီႈၽူႈၵွၼ်းတပ်ႉ။ ပေႃးၵႂႃႇဢဝ်ဝႂ်သမ်ႉ ၶဝ်ဢမ်ႇႁဵတ်းပၼ်ငၢႆႈငၢႆႈတေဢမ်ႇလႆႈဢဝ်ၵႂႃႇ မွၵ်ႈၼၼ်ႉမွၵ်ႈၼႆႉၼႆသေ ႁၢမ်ႈတၢပ်ႈလႄႈ ယၢမ်းလဵဝ်လူတ်ႉၶဝ်ႈသၢၼ်မႃးၶမ်ဝႆႉတီႈမိူင်းၵႅတ်ႈၼႆႉၼမ်ႉတႄႉတႄႉၶႃႈ။  တင်းၵူၼ်းၵႃႉ တင်းၸဝ်ႈၼႃး ယၢပ်ႇၽိုတ်ႇၵိၼ်းၸႂ်ၶႃႈဢေႃႈ။”...

ၵူၼ်းဝၢၼ်ႈတႃႈလူင် လႄႈ ၵူၼ်းဝၢၼ်ႈႁိမ်းႁွမ်း ၼႂ်းၸႄႈဝဵင်းသီႇပေႃႉ ႁူမ်ႈၵၼ်ၸတ်းႁဵတ်းပၢင်သိုပ်ႇၸႆးတႃ တီႈဝၢၼ်ႈ တႃႈလူင် သၢၼ်ၶတ်းၵၢၼ်သၢင်ႈၾၢႆၼိူဝ်မႄႈၼမ်ႉတူႈ။ မိူဝ်ႈၼႆႉ ဝၼ်းတီႈ 21/8/2019 ယၢမ်းၵၢင်ၼႂ် 7 မူင်း သင်ၶၸဝ်ႈလႄႈ ၵူၼ်းဝၢၼ်ႈၼႃးမၢၵ်ႇၶေႃ၊ ႁူဝ်ၼႃး၊ မၢၼ်ႈႁူမ်ႈ၊ တူၼ်ႈ ၵႅင်း၊ ၼၢႆးလူင်၊ ၼႃးသလွင်း၊ ဝၢၼ်ႈတႃႈလူင်၊ ၼမ်ႉလၼ်ႈလႄႈ သီႇပေႃႉ...

ယူႇတီႈတပ်ႉသိုၵ်းလူင်ပွင်ၸိုင်ႈမၢၼ်ႈ တေလူင်းလဵပ်ႈယၢမ်း ၸွမ်းသၢပ်ႇၸႄႈဝဵင်းမိူင်းပၼ်ႇ တွၼ်ႈတႃႇလွင်ႈႁူမ်ႇလူမ်ႈ သင်ၵူၼ်းမိူင်းထူပ်းၺႃး ယႃႇပေတူၵ်းၸႂ်ၵူဝ်ႁႄသေလႅၼ်ႈပၢႆႈ ဝႃႈၼႆ။ ဝၼ်းတီႈ 16/8/2019 ယၢမ်းၵၢင်ၼႂ် 9 မူင်း ႁွင်ႈၵၢၼ်ၾၢႆႇဢုပ်ႉပိူင်ႇၸႄႈဝဵင်းမိူင်းပၼ်ႇ ႁွင်ႉၽူႈယႂ်ႇၵူၼ်းလူင် ၼႂ်းပွၵ်ႉ/ ဢိူင်ႇ၊ ပႃႇတီႇၵၢၼ်မိူင်းလႄႈ ၵူၼ်းမိူင်းၵမ်ႈၽွင်ႈ ႁဵတ်းပၢင်ၵုမ် တီႈလုမ်းၾၢႆႇဢုပ်ႉပိူင်ႇ ၵူႈလွင်ႈလွင်ႈတီႈၸႄႈဝဵင်းမိူင်း ပၼ်ႇ ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း။ ဢုပ်ႇဢူဝ်းၸႅင်ႈၼႄ...

ၼႂ်းၸိုင်ႈတႆးပွတ်းႁွင်ႇ ပဵၼ်ပၢင်တိုၵ်းၵၼ်ၶိူဝ်းယႂ်းသေ ၵူၼ်းမိူင်း 2,000 ပၢႆ လႆႈဢွၼ်ၵၼ်ပၢႆႈၽေးသိုၵ်းဝႆႉ ဝႃႈၼႆ။ တႄႇဢဝ်ဝၼ်းတီႈ 15/8/2019 ၼႆႉမႃး ၸုမ်းဢူၺ်းလီပွတ်းႁွင်ႇ 3 ၸုမ်း တင်း တပ်ႉသိုၵ်းလူင်ပွင်ၸိုင်ႈမၢၼ်ႈ ပဵၼ်ပၢင် တိုၵ်းၶိူဝ်းယႂ်း ၼႂ်းၸိုင်ႈတႆးပွတ်းႁွင်ႇ ၵူၼ်းမိူင်း 1,000 ပၢႆ လႆႈဢွၼ်ၵၼ်ပၢႆယၢၼ်ႁိူၼ်းယေး။ လိူဝ်ၼၼ်ႉ ဢၼ်ၵိုတ်းၶမ် ၼႂ်းၵႄႈပၢင်တိုၵ်းၵေႃႈ...

သိုၵ်းလူင်ပွင်ၸိုင်ႈမၢၼ်ႈတင်း သိုၵ်းတဢၢင်းပဵၼ်ပၢင်တိုၵ်းၵၼ် ႁိမ်းဝၢၼ်ႈမိူင်းၸီး ဝဵင်းတႃႈမိူင်းငႅၼ်း ၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ။ တိူဝ်ႉၺႃးၵူၼ်းမိူင်းတၢႆၼိုင်ႈၵေႃႉ၊ ၶူးသွၼ် ႁူင်းႁဵၼ်း လႆႈမၢတ်ႇၸဵပ်း ၼိုင်ႈၵေႃႉ။ ဢူးၼေႃႇသၢၼ်ႉ ၽူႈၵွၼ်းႁူင်းႁဵၼ်း ၸၼ်ႉသုင် တႃႈမိူင်းငႅၼ်း လၢတ်ႈတီႈၽူႈတွႆႇႁွၵ်ႈဝႃႈ “ပၢင်တိုၵ်းပဵၼ် ဝၼ်းတီႈ 13/8/2019 ယၢမ်းၵၢင်ဝၼ်း ဢွၼ်ႇၸၢႆး ဢႃယု 19 ပီ...

ၵေႃႉပဵၼ်ပေႃႈ ၼွင်ႉဢွၼ်ႇ ဝိၵ်ႉထူဝ်ႊရီႊယႃႊ ( Victoria)  ဢႃယု 3 ၶူပ်ႇ (ဢၼ်ၺႃးၵၼ်ႉၸၼ်တီႈႁူင်းႁဵၼ်း ၸၼ်ႉဢွၼ် Wisdom Hill ၼေႇပီႇတေႃႇ) ၼၼ်ႉ မိူဝ်ႈၼႆႉလႆႈဢဝ်ႁၢင်ႈၶလိပ်ႉ ဝီႊတီႊဢူဝ်ႊ ဢၼ်လုၵ်ႈယိင်းၸိၼေႁၢင်ႈၵူၼ်းႁၢႆႉ ၼၼ်ႉတၢင်ႇတီႈလုမ်းတြႃးလႄႈ ၾၢႆႇတၢင်းလုမ်းတြႃးလႆႈႁပ်ႉဝႆႉပဵၼ်လၵ်းထၢၼ်လမ်ႇလွင်ႈတႃႇတိလႆႈၵူၼ်းႁၢႆႉတူဝ်တႄႉ ဝႃႈၼႆ။ မိူဝ်ႈၼႆႉဝၼ်းတီႈ 14/8/2019 လုမ်းတြႃးႁွင်ႉဢဝ်ပေႃႈ လႄႈ မႄႈထဝ်ႈ ...

ငဝ်းတူင်ႉ လွင်ႈလိၼ်ႁၢမ်းလႅၼ် (Soil Without Land) ဢၼ်ထၢႆႇဝႆႉလွင်ႈၵူၼ်းၼုမ်ႇသိုၵ်းတႆး ၼႃႈလိၼ်သိုၵ်းမၢႆ 1 ၵဵင်း တုင်ၼၼ်ႉ တေၼႄ ၼႂ်းႁူင်းၼႄငဝ်းမိူင်းထႆး တႄႇဢဝ်ၼႂ်းၵၢင်လိူၼ်ဢေႃႊၵတ်ႊသ်ၼႆႉၵႂႃႇ။ ငဝ်းတူင်ႉ လွင်ႈ“လိၼ်ႁၢမ်းလႅၼ်” Soil Without Land ၼၼ်ႉ တေၼႄၼႂ်းႁူင်းငဝ်းၼႂ်းဝဵင်းလူင် ၵုင်းထဵပ်ႈ(မိူင်းၵွၵ်ႇ)၊ ၵဵင်းမႆႇလႄႈ မႄႈသွတ်ႇ ၼႂ်းဝၼ်းတီႈ 15/8/2019...

ၵူၼ်းဝၢၼ်ႈဢၼ်ပၢႆႈၽေးမႃးသွၼ်ႈဝႆႉၸွမ်းဝတ်ႉဝႃး တီႈတၢင်ႉယၢၼ်း ႁူဝ်ၵူၼ်း မွၵ်ႈ 490 ၵေႃႉ ယွၼ်ႉပၢင်တိုၵ်းၼၼ်ႉ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်းယဝ်ႉ ဝႃႈၼႆ။ ဝၼ်းတီႈ 11/8/2019 ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉတီႈဝတ်ႉလူင်မူႉ၊ ဝတ်ႉႁူဝ်မင်း၊ ဝတ်ႉၼမ်ႉပိုင်ႈလႄႈ ဝတ်ႉ တေႃလွၵ်ႇ ၼႂ်းၸႄႈဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇၼၼ်ႉ ၶိုၼ်းဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်းမူတ်းယဝ်ႉ။ ၽူႈဢွၼ်ႁူဝ်တူင်ႉၼိုင် ၼႂ်းၸုမ်းၵူၼ်းၼုမ်ႇ တၢင်ႉယၢၼ်း လၢတ်ႈတီႈၽူႈတွႆႇႁွၵ်ႈဝႃႈ “ ဢွၼ်ၵၼ်ပွၵ်ႈမိူဝ်းၶိုၼ်းႁိူၼ်းၽႂ်...

ၵူၼ်းၼမ်ႉတူႈ ၵေႃႉၼိုင်ႈ ဢႃယု 36 ပီ ယဵပ်ႇၺႃးမၢၵ်ႇမႅင်းၾင်လိၼ် ၽွင်းၵႂႃႇတူၺ်းသူၼ် တေႃႈလဵဝ် လႆႈသူင်ႇယူတ်း ယႃဝႆႉတီႈလႃႈသဵဝ်ႈ။ ဝၼ်းတီႈ 4/8/2019 ယၢမ်းဝၢႆးဝၼ်း 1 မူင်းပၢႆၼၼ်ႉ ၵူၼ်းၼမ်ႉတူႈ ၸိုဝ်ႈႁွင်ႉ ၵူဝ်ႇသူးၵျေး ဢႃယု 36 ပီ ၵႂႃႇ တူၺ်းသူၼ် ဢၼ်မီးဝႆႉတီႈႁိမ်းႁွမ်းဝၢၼ်ႈၼွင်ၵၢၼ်ႇ ဢိူင်ႇမၢၼ်ႈၸၢမ်...

ၽွင်းၾၢႆႇၵဵပ်းသၢႆမၢႆႁူဝ်ၵူၼ်း လူင်းထတ်း သဵၼ်ႈၸိုဝ်ႈ ၽူႈမီးသိတ်ႇသဵင် တွတ်ႈၶႅပ်းၵၢင်ၸႂ် ၼၼ်ႉ  ပႃႇတီႇယၢင်း ( KPP ) တုၵ်းယွၼ်းယႃႇပေၸႂ်ႉ ၸိုဝ်ႈ “ဢူး” ၊ “တေႃႇ”  ၼမ်းၼႃႈ ၸိုဝ်ႈသဵင် ၶိူဝ်းယၢင်း ဝႃႈၼႆ။ ၸေႃးၸေးဝႃး  ၽူႈၼမ်းၼႂ်းပႃႇတီႇၵူၼ်းမိူင်းယၢင်း KPP လၢတ်ႈဝႃႈ - ဢၼ်လူင်ပွင်ၸိုင်ႈမၢၼ်ႈ...

ၼၵ်ႉၶၢဝ်ႇ ၶုၼ်ႇသေႃႇဢူး ၺႃးၸွႆးတြႃး လူၺ်ႈၽိတ်းမၢႆမီႈ ၶူဝ်းၵုၼ်ႇၵႃႉ ၼမ်းၶဝ်ႈဢွၵ်ႇ ပဵၼ်ဝၢႆးတႅမ်ႈၶၢဝ်ႇႁႅင်းၵၢၼ် တီႈလႃႈသဵဝ်ႈလႄႈ ၸုမ်းၼၵ်ႉၶၢဝ်ႇလၢႆလၢႆၸုမ်း မႆႈၸႂ်လွင်ႈႁူမ်ႇလူမ်ႇၼၵ်ႉၶၢဝ်ႇ။ ၵူၼ်းႁဵတ်းၵၢၼ် ဢၼ်ႁဵတ်းၵၢၼ်တီႈသူၼ်လဵၼ်ႈၼမ်ႉ Gold Luck Water Park ၼႂ်း ၸႄႈဝဵင်းလႃႈသဵဝ်ႈ ၸိုင်ႈတႆး ပွတ်း ႁွင်ႇၼၼ်ႉ ဢမ်ႇလႆႈၵႃႈႁႅင်းၼႆလႄႈ ၽူႈသိုဝ်ႇၵႂႃႇတွင်ႈထၢမ် ပေႃႈလဵင်ႉ/ ၼၢႆးၸၢင်ႈ...

ႁႅင်းၵၢၼ် တီႈဢွင်ႈတီႈလုၵ်ႈဢွၼ်ႇလဵၼ်ႈလႄႈ သူၼ်ၼမ်ႉ ဝဵင်းလႃႈသဵဝ်ႈ ႁူမ်ႈၵၼ်ပႆတၢင်း ဢွၵ်ႇၼႄၵၢင်ၸႂ်တေႃႇပေႃႈ လဵင်ႉ/ ၼၢႆးၸၢင်ႈ ယွၼ်ႉဢမ်ႇလႆႈၵႃႈႁႅင်း။ ဝၼ်းတီႈ 30/07/2019 ယၢမ်းၵၢင်ၼႂ် 9 မူင်းၶိုင်ႈၼၼ်ႉ ၵူၼ်းႁဵတ်းၵၢၼ်(ႁႅင်းၵၢၼ်) တီႈသူၼ်ၼမ်ႉ Gold Luck Water Park ႁူမ်ႈၵၼ်တႄႇ ပႆတၢင်းလုၵ်ႉဢဝ် တီႈ ပွၵ်ႉ(1) သေ...

သိုၵ်းမၢၼ်ႈမိူင်းပဵင်း လၢတ်ႈဝႃႈ ၶေႃႈၸီႉသင်ႇပိဝ်ႇႁႃႇၼႆသေ တီႉၺွပ်းၵူၼ်းဝၢၼ်ႈၼႄးဝႃႈပဵၼ်ၵူၼ်း RCSS။ ၵုမ်းၶင်ဝႆႉ 10 ဝၼ်းယဝ်ႉ ၸင်ႇမွပ်ႈပၼ်ပလိၵ်ႈပိုတ်ႇလိူင်ႈလူၺ်ႈတၢင်းၽိတ်းယႃႈမဝ်းၵမ်။ ဝၼ်းတီႈ 28/7/2019 ယၢမ်းၵၢင်ၶမ်ႈ မွၵ်ႈ 8 မူင်း 45 မိၼိတ်ႉ လုင်းၼၼ်ႇတိယ ၵူၼ်းဝၢၼ်ႈၼႂ်းဢိူင်ႇမိူင်းပူးဢွၼ်ႇ ၸႄႈ ဝဵင်းမိူင်းပဵင်း ဢၼ်ၺႃးသိုၵ်းလူင်ပွင်ၸိုင်ႈမၢၼ်ႈ တပ်ႉပိဝ်ႇႁႃႇ မိူင်းပဵင်း ၵုမ်းၶင်တူဝ်ဝႆႉၼၼ်ႉ...

ၵူၼ်းဝၢၼ်ႈၸၢဝ်းလႃးႁူႇ ၺႃးသိုၵ်းလူင်ပွင်ၸိုင်ႈမၢၼ်ႈပေႃႉထုပ်ႉ ၼႄးဝႃႈသိုဝ်ႉၶဝ်ႈသၢၼ်ပၼ်သိုၵ်းတႆး ဢၼ်တူင်ႉၼိုင် ၼႂ်းမိူင်းပဵင်း ၸိုင်ႈတႆး ပွတ်းဢွၵ်ႇ ၶူင်း။ မိူဝ်ႈၼႆႉ ဝၼ်းတီႈ 25/7/2019 ၵဝ်ႉငဝ်ႈသုၼ်ႇလႆႈ ၵူၼ်းၸိုင်ႈတႆး SHRF ဢွၵ်ႇၽိုၼ်တၢမ်းငဝ်းလၢႆး ၵဵဝ်ႇၵပ်းလွင်ႈသိုၵ်း မၢၼ်ႈ တပ်ႉၶမယ 579 ပေႃႉထုပ်ႉၵူၼ်းဝၢၼ်ႈၵေႃႉၼိုင်ႈ ၽွင်းၵႂႃႇသိုဝ်ႉၶဝ်ႈသၢၼ်ၼႂ်းဝၢၼ်ႈမိူင်းလႅင်း ဢိူင်ႇမိူင်းလႅင်း ၸႄႈ ဝဵင်းမိူင်းပဵင်း ၸႄႈတွၼ်ႈမိူင်းသၢတ်ႇ...

ၵူၼ်းမိူင်းတူၼ်ႈတီး ႁူမ်ႈၵၼ်ပႆတၢင်းၼႄၵၢင်ၸႂ် ၵမ်ႉထႅမ်တႃႇမူၼ်ႉ မႄးပိူင်ငဝ်ႈပိုင်းမိူင်း 2008 မိူဝ်ႈၼႆႉ ဝၼ်းတီႈ 17/7/2019 ယၢမ်းၵၢင်ၼႂ် 10 မူင်း တႄႇပႆ တီႈဝတ်ႉ/ ၵျွင်းမိၼ်း(မင်းကျောင်း) ထိုင် သူၼ်ႇမွၵ်ႇၵၢင်ဝဵင်း ၼႂ်းၸႄႈဝဵင်းတူၼ်ႈ တီး ၸိုင်ႈတႆးပွတ်းၸၢၼ်း။ ၵူၼ်းမိူင်းဢၼ်မႃးၶဝ်ႈႁူမ်ႈၵမ်ႉထႅမ်ပႆၸွမ်းသမ်ႉ တင်းမူတ်း မီး 300 ပၢႆ ၵမ်ႈၼမ်ပဵၼ်ပီႈၼွင်ႉတၢင်းၵၢတ်ႇလေႃႉ၊...