ဢွၼ်ႇယိင်း ဝဵင်းပၢင်းတရႃႉ ၵေႃႉၼိုင်ႈ ၺႃးၵၼ်ႉၸၼ်ၸွမ်းတၢင်း ၽွင်မၼ်းၼၢင်း ၵႂႃႇႁႃၵႂၢႆးသေ တေပွၵ်ႈႁိူၼ်းၶိုၼ်း။   မိူဝ်ႈဝၼ်းတီႈ 3/8/2023 ယၢမ်းႁူဝ်ၶမ်ႈမွၵ်ႈ 5 မူင်း ဢွၼ်ႇယိင်း ဢႃယု 20 ပၢႆ ၵေႃႉၼိုင်ႈ ၵႂႃႇႁေႃႈၵႂၢႆးတၢင်း ၼွၵ်ႈဝၢၼ်ႈသေ တေပွၵ်ႈႁိူၼ်းၼၼ်ႉ ထုၵ်ႇၽူႈၸၢႆး ဢမ်ႇႁူႉၾၢႆႇ ပူၵ်ႉၼႃႈပူၵ်ႉတႃၵေႃႉၼိုင်ႈ...

ၽွင်းသိုၵ်းသိူဝ်ၶဝ်ႈမႃးၼႂ်းပိုၼ်ႉတီႈၼႆႉ ဢမ်ႇၵႃးၵူၼ်းဝၢၼ်ႈၵူၺ်း ထူပ်းၽေး၊ ၸိူဝ်းပဵၼ် ဝူဝ်းၵႂၢႆး ၵူၼ်းဝၢၼ်ႈ ၸိူဝ်းမီးၾၢႆႇတူၵ်းဝဵင်းလၢႆးၶႃႈ ၵေႃႈၽႃႇၺႃးမၢၵ်ႇမႅင်းၾင်လိၼ် တၢႆ ဢမ်ႇယွမ်း 50 တူဝ်ယဝ်ႉဝႃႈၼႆ။ မိူဝ်ႈဝၼ်းတီႈ 21/8/2023 ၼႆႉ ဝူဝ်းဢွၼ်ႇသွင်တူဝ် ၽႃႇၺႃးမၢၵ်ႇမႅင်း တႅၵ်ႇတိူဝ်ႉသႂ်ႇတီႈၼႂ်းထိူၼ်ႇ တၢင်းဝၢၼ်ႈ ပၼ်း ဢိူင်ႇဝၢၼ်ႈပၼ်း ၸႄႈဝဵင်းလၢႆးၶႃႈ ၸႄႈတွၼ်ႈလွႆလႅမ်...

ယၢမ်းလဵဝ် ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း တူင်ႉၼိုင်ပၵ်းယူႇဝႆႉ ၼႂ်းမူႇဝၢၼ်ႈသေ ႁဵတ်းႁႂ်ႈၵူၼ်းမိူင်းမႆႈၸႂ် ၵူဝ်ပဵၼ်ပၢင်တိုၵ်း ဝႃႈၼႆ။   တႄႇဢဝ် ဝၼ်းတီႈ 17/8/2023 ယၢမ်းၵၢင်ၼႂ် ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း တူင်ႉၼိုင် ၶဝ်ႈပၵ်းသဝ်းသွၼ်ႈယူႇဝႆႉ ၸွမ်း ႁိူၼ်းယေး ၵူၼ်းမၢၼ်ႈၼမ်ႉၸၢင်ႉ ဢိူင်ႇၼွင်လွင်း ၼႂ်းၵႄႈမူႇၸေႊ - ၼမ်ႉၶမ်း ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ...

သိုၵ်းမၢၼ်ႈ ၸၵၶ 2 မိူင်းၼွင် ပိၵ်ႉသဵၼ်ႈတၢင်း လၢႆးၶႃႈ - မိူင်းၼွင် ၸမ် 20 ဝၼ်းယဝ်ႉ ပႆႇပိုတ်ႇ ႁဵတ်းႁႂ်ႈ ၵူၼ်းမိူင်း - ၸဝ်ႈၵႃး ၵႂႃႇမႃးထူပ်းတၢင်းယၢပ်ႇၽိုတ်ႇႁႅင်း။ တႄႇဢဝ် ဝၼ်းတီႈ 6/8/2023 ၼၼ်ႉမႃး တေႃႇထိုင်ယၢမ်းလဵဝ် သိုၵ်းမၢၼ်ႈ ယိုတ်းမိူင်း ၸၵၶ...

ၸဝ်ႈငိုၼ်းသႃး ၵၼ်ႊထရႅၵ်ႊ ၵေႃႇသၢင်ႈႁိူၼ်းယေး တီႈဝဵင်းတူၼ်ႈတီး ဢဝ်ၸၢၵ်ႈၵႃးထုၺ်လိၼ်မႃးထုၺ်ထႆ သုမ်ႉသွင်းႁိူၼ်းယေးၵူၼ်းမိူင်းဢမ်ႇယွမ်း 10 လင်ဢၼ်မီးတီႈလိၼ်ႁွင်ႈၵၢၼ်ၽွင်းၵၼ်ၾၢႆႇၵေႃႇသၢင်ႈ ဢၼ်မီးတီႈပွၵ်ႉပျီႇတေႃႇတႃႇ ဝဵင်းတူၼ်ႈတီး။ ၸုမ်းၸဝ်ႈငိုၼ်းသႃးၸိူဝ်းၼႆႉဢဝ်ၵႃး/ၸၢၵ်ႈထႆထုၺ်လိၼ် မႃးယႃႉသုမ်ႉသွင်းၶၢႆၶူဝ်းလႄႈသုမ်ႉယူႇသဝ်းၵူၼ်းမိူင်း တီႈပွၵ်ႉပျီႇတေႃႇတႃႇ ဝဵင်းတူၼ်ႈတီးမိူဝ်ႈဝႃး ဝၼ်းတီႈ 22 /08/2023 ယၢမ်းၵၢင်ၼႂ်။ ၵူၼ်းမိူင်းၸဝ်ႈၶွင်သုမ်ႉ/လၢၼ်ႉ ၵမ်ႈၽွင်ႈဢမ်ႇတၼ်းလႆၵဵပ်းၶူဝ်းၶွင်သင် ၼႅတ်ႈလႅၼ်ႈပၢႆႈ။ ၵူၼ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ " ၽွင်းၶဝ်ဢဝ်ၸၢၵ်ႈမႃးယႃႉၼၼ်ႉ ၵူၼ်းတီႈႁွင်ႈၵၢၼ်ၾၢႆႇလိူမ်ႈလႆႇၵေႃႈမႃးမီးတီႈၼၼ်ႈမွၵ်ႈ...

ၵၢင်လိူၼ်ဢေႃးၵတ်ႉသ်ၼႆႉမႃး ၶၼ်ငိုၼ်းမၢၼ်ႈ တူၵ်းႁႅင်း ႁဵတ်းႁႂ်ႈၸဝ်ႈၵႃႉၶၢႆၶူဝ်းၵုၼ်ႇ - ၵူၼ်းပိုၼ်ႉတီႈ ၸွမ်းလႅၼ်လိၼ် ထူပ်း တၢင်းယၢပ်ႇၽိုတ်ႇႁႅင်း။ တႄႇဢဝ် ဝၼ်းတီႈ 18/8/2023 ၼၼ်ႉမႃး တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ ငိုၼ်းၶႄႇ 100 ယႂၼ်ႊ လႆႈငိုၼ်းမၢၼ်ႈ 50,000 ပျႃး...

ၶၢဝ်းတၢင်း 2 လိူၼ်မႃးၼႆႉ ၵူၼ်းမိူင်းတႆး ထုၵ်ႇႁဵတ်းႁၢႆႉၸႃႉလူလၢႆ ၼမ်မႃးလိူဝ်ၵဝ်ႇ လုၵ်ႈဢွၼ်ႇပႃႈတႂ် 18 ယိင်ႈၶႅၼ်း ဢမ်ႇမီးလွင်ႈႁူမ်ႇလူမ်ႈ ဢမ်ႇမီးၽႂ်ၸုမ်းလႂ်ဢဝ်လိူင်ႈႁႄႉၵင်ႈပၼ် ၸုမ်းၵပ်းသၢၼ်လွင်ႈၼၢင်းယိင်းတႆး ပိုၼ်ၽၢဝ်ႇႁၢႆးငၢၼ်းဝႆႉၼင်ႇၼႆ။ ဝၼ်းတီႈ 18/8/2023 ယူႇတီႈ ၸုမ်းၵပ်းသၢၼ်လွင်ႈၼၢင်းယိင်းတႆး (Shan Women’s Action Network – SWAN) ဢွၵ်ႇၽိုၼ်လိၵ်ႈၶေႃႈမုၼ်း...

ၵၢင်လိူၼ်ၼႆႉမႃး ၶၼ်ငိုၼ်းမၢၼ်ႈ တူၵ်းႁႅင်း မိူၼ်ၼင်ႇ ငိုၼ်းၶႄႇ 100 ယႂၼ်ႊ လႆႈငိုၼ်းမၢၼ်ႈ 50,500 ပျႃး၊ ငိုၼ်းထႆး 960 ဝၢတ်ႇ လႆႈငိုၼ်းမၢၼ်ႈ 100,000 ပျႃး ႁဵတ်းႁႂ်ႈၵူၼ်းၵႃႉၶူဝ်းၵုၼ်ႇ - ၵူၼ်းမိူင်းပိုၼ်ႉတီႈ ဢွၼ်ၵၼ် ထူပ်းတၢင်းယၢပ်ႇၽိုတ်ႇ ၵိၼ်းၸႂ်ႁႅင်း။ ၶၼ်ငိုၼ်းၶႄႇ ဝၼ်းမိူဝ်ႈၼႆႉ ဝၼ်းတီႈ...

မိူဝ်ႈဝၼ်းတီႈ 16/8/2023 ၼၼ်ႉ ၸုမ်းၼွၵ်ႈမိူင်းၼႂ်းမိူင်း ႁူမ်ႈၵၼ် 40 ပၢႆ ဢွၵ်ႇလိၵ်ႈပိုၼ်ၽၢဝ်ႇ သၢၼ်ၶတ်း လုၵ်ႈၸုမ်း PSLF/TNLA ထႆလိၼ် ထူမ်ဢွင်ႈတီႈၵိုၵ်းပိုၼ်း ဢၼ်မီးတီႈၸေႊလၢၼ်ႉ ၼႂ်းၸႄႈဝဵင်းမူႇၸေႊၼၼ်ႉသေဢမ်ႇၵႃး တုၵ်းယွၼ်းပႃး ႁႂ်ႈၸုမ်းၵဵဝ်ႇၶွင်ႈ ဢဝ်လိူင်ႈၸွမ်းတြႃးပၼ် ၼၵ်းၼၵ်းၼႃၼႃ ၼႆယဝ်ႉ ။ ၼၢင်းဝႃႇၼူႉ ၽူႈၼမ်းၼႂ်း SPB  ၵေႃႁူမ်ႈသၢင်ႈလွင်ႈငမ်းယဵၼ်...

သိုၵ်းတဢၢင်း TNLA ႁၢမ်ႈၵူၼ်းပိုၼ်ႉတီႈ ဝဵင်းမူႇၸေႊၵႂႃႇမႃး ၸွမ်းၼႂ်းထိူၼ်ႇၶိူဝ်းလႄႈ သူၼ်ၼႃး ၵူဝ်ၽႃႇၺႃးမၢၵ်ႇမႅင်း တႅၵ်ႇသႂ်ႇ ႁဵတ်းႁႂ်ႈတုမ်ႉတိူဝ်ႉၵူၼ်းမိူင်း ထူပ်းလွင်ႈယၢပ်ႇၽိုတ်ႇႁႃၵိၼ်လဵင်ႉတွင်ႉ။ ဝၼ်းတီႈ 16/8/2023 ယၢမ်းႁူဝ်ၶမ်ႈ သိုၵ်းတဢၢင်း TNLA တႄႇႁၢမ်ႈၵူၼ်းဝၢၼ်ႈ ၼႂ်းဢိူင်ႇၼွင်သႅင် ၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ ၵႂႃႇသူၼ်ၼႃး ပၼ်ၾၢင်ႉသတိဝႆႉ “ပၢင်တိုၵ်းၼႆႉ ဢမ်ႇႁူႉဝႃႈ တေၵိူတ်ႇၶိုၼ်ႈမိူဝ်းလႂ်...

မိူဝ်ႈၼႆႉ ဝၼ်းတီႈ 16/8/2023 ယၢမ်းၵၢင်ဝၼ်း 11:19 မူင်း သိုၵ်းမၢၼ်ႈ ၶမယ 573 ဢၼ်ပၵ်းဝႆႉတီႈ ၼႂ်းၵၢင်ဝၢၼ်ႈမၢၵ်ႇလၢင်း တၢင်းၾၢႆႇဢွၵ်ႇဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်းၼၼ်ႉ လၢၵ်ႈၵွင်ႈယိုဝ်းသႂ်ႇ ၽူႈၸၢႆးသွင်ၵေႃႉ သွၼ်ႉရူတ်ႉၶိူင်ႈမႃးၸွမ်းၵၼ် တၢႆ 1 ၵေႃႉ မၢတ်ႇ 1 ၵေႃႉ...

ဝၢႆးပၢင်တိုၵ်း သိုၵ်းမၢၼ်ႈတင်း SSPP/ SSA ယဵၼ်လူင်း မွၵ်ႈ 5 ဝၼ်းၼႆႉ သိုၵ်းမၢၼ်ႈ ထႅမ်ႁႅင်းသိုၵ်း မုင်ႈၸူး တၢင်းဝဵင်း လၢႆးၶႃႈၼမ်မႃးထႅင်ႈ ႁဵတ်းႁႂ်ႈၵူၼ်းပိုၼ်ႉတီႈ မႆႈၸႂ်ၵူဝ်ပဵၼ်ပၢင်တိုၵ်းႁၢဝ်ႈႁႅင်း။ တႄႇဢဝ် ဝၼ်းတီႈ 6/8/2023 ၼၼ်ႉမႃး ႁၢၼ်ႉတေႃႇထိုင်ယၢမ်းလဵဝ် သိုၵ်းမၢၼ်ႈ ယိုတ်းမိူင်း ထႅမ်ႁႅင်းသိုၵ်း မုင်ႈၸူး ဝဵင်း...

သိုၵ်းမၢၼ်ႈ ယိုတ်းမိူင်း ပိၵ်ႉဢိုတ်း သဵၼ်ႈတၢင်း လၢႆးၶႃႈ - မိူင်းၼွင်မႃး မီးၶၢဝ်းတၢင်း 5 ဝၼ်းယဝ်ႉ ပႆႇပိုတ်ႇပၼ်ၶိုၼ်း ႁဵတ်းႁႂ်ႈတုမ်ႉတိူဝ်ႉ ၵူၼ်းမိူင်းၵႂႃႇမႃးႁႃၵိၼ်လဵင်ႉတွင်ႉ ယၢပ်ႇၽိုတ်ႇႁႅင်း။ တႄႇဢဝ် ဝၼ်းတီႈ 6/8/2023 ၼၼ်ႉမႃး သိုၵ်းမၢၼ်ႈတင်း ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး (SSPP/ SSA) ပဵၼ်ပၢင်တိုၵ်းၵၼ် တၢင်းၾၢႆႇဢွၵ်ႇဝဵင်းလၢႆးၶႃႈ...

မိူဝ်ႈၼႆႉ ဝၼ်းတီႈ 9/8/2023 ယၢမ်းၵၢင်ၼႂ် သိုၵ်းမၢၼ်ႈ ယိုတ်ႈမိူင်း ဢဝ်ၶိူင်ႈမိၼ်တိုၵ်း (ၵျႅတ်ႊၾၢႆႊတိူဝ်ႊ) လမ်းၼိုင်ႈ မႃး ပၼ်ႇလဵပ်ႈ ၼႂ်းဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း 2 ပွၵ်ႈ ၶိူင်ႈမိၼ်ၼႆႉ လုၵ်ႉတၢင်းၼမ်ႉၸၢင်မႃး ဝႃႈၼႆ။ ၽူႈတူင်ႉၼိုင် ၵၢၼ်သိုၵ်း ၼႂ်းဝဵင်းလၢႆးၶႃႈ လၢတ်ႈတီႈၽူႈတွႆႇႁွၵ်ႈဝႃႈ - “...

ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး SHRF ၸီႉၸမ်ႈဝႃႈ သိုၵ်းမၢၼ်ႈ ၵၼ်ႉၸၼ် ၼၢင်းယိင်း မႄႈၸဝ်ႈႁိူၼ်းလႄႈမႄႈမၢၼ်း တီႈဝဵင်းၵူတ်ႉၶၢႆၼၼ်ႉ ႁႂ်ႈသိုၵ်းမၢၼ်ႈဢဝ်ပုၼ်ႈၽွၼ်း တီႉၺွပ်း ပၼ်တူတ်ႈတၢမ်ႇၵူၼ်းသိုၵ်းၶဝ် ႁႂ်ႈထိုင်တီႈထိုင်လႅၼ်။ ဝၼ်းတီႈ 8/8/2023 ယူႇတီႈၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး SHRF ဢွၵ်ႇၽိုၼ်တၢမ်းငဝ်းလၢႆး ၼႂ်းၼၼ်ႉ ပႃးဝႆႉဝႃႈ သိုၵ်းမၢၼ်ႈ ၶဝ်ႈ ၵၼ်ႉၸၼ်...