ဝၼ်းတီႈ 15/06/2025 ယၢမ်းႁူဝ်ၶမ်ႈ 5 မူင်းၶိုင်ႈ တေႃႇထိုင် 7 မူင်းၵၢင်ၶမ်ႈ သိုၵ်းတႆး SSPP တင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ် တီႈၸဵင်ႇၸၢၼ်းဝၼ်းဢွၵ်ႇ ဝၢၼ်ႈႁူးသူၼ် ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။ သဵင်ၵွင်ႈတႅၵ်ႇၼႂ်းၸႄႈဝဵင်းၵျွၵ်ႉမႄးၼႆႉ ပဵၼ်ယွၼ်ႉၾၢႆႇသိုၵ်းတဢၢင်း TNLA ထူဝ်းသိုၵ်းၽိုတ်ႉၶဝ်ႈမႃး ၸူးၼႂ်းၼႃႈတီႈသိုၵ်းတႆး SSPP လႄႈတင်းသွင်ၾၢႆႇ...

ပၢင်တိုၵ်း သိုၵ်းမၢၼ်ႈတင်း သိုၵ်းတဢၢင်း ၼႂ်းၸႄႈဝဵင်းၼွင်ၶဵဝ် ယင်းပႆႇယဝ်ႉတူဝ်ႈ ပႆႇလႆႈႁူႉတႅတ်ႈတေႃး ဝႃႈၽႂ်ပေႉၽႂ်သုမ်းၼႆ ၽွင်းတိုၵ်ႉပဵၼ်ၶၢဝ်း တင်းသွင်ၾၢႆႇႁိမ်ၼႃႈတီႈၵၼ်သေ ယိုဝ်းၵၼ်ႁၢဝ်ႈႁႅင်းယူႇၼၼ်ႉ ၾၢႆႇသိုၵ်းတဢၢင်း ပိုၼ်ၽၢဝ်ႇဢွၵ်ႇဝႃႈ တႅပ်းတတ်းတႃႇၽွတ်ႈႁႅၼ်း ၶွမ်ႊမတီႊၸၼ်ႉၵၢၼ်မိူင်း သုင်သုတ်း ဝႃႈၼႆ။ ၼႂ်းၶွမ်ႊမတီႊ တိူင်ႇပၢင်ႇလွင်ႈၵၢၼ်မိူင်းတဢၢင်း (TPCC) ဢၼ်ၽွတ်ႈႁႅၼ်းမႃး မိူဝ်ႈဝၼ်းတီႈ 24/03/2021 ၼၼ်ႉ ၶဝ်ႈပႃးဝႆႉ ပႃႇတီႇၸိူဝ်ႉၸၢတ်ႈတဢၢင်း...

သိုၵ်းမၢၼ်ႈ ပိုၼ်ၽၢဝ်ႇၵိုတ်းတိုၵ်းဝႆႉသေတႃႉ တိုၵ်ႉသိုပ်ႇပွႆႇမၢၵ်ႇသႂ်ႇ    ၼႂ်းၸႄႈဝဵင်းၼွင်ၶဵဝ်  ၸိုင်ႈတႆးပွတ်းႁွင်ႇ ထႅမ်ႁႅင်းသိုၵ်းၶိုၼ်ႈမႃးဢမ်ႇထၢတ်ႇ၊ ၵူၼ်းဝၢၼ်ႈတုမ်ႉတိူဝ်ႉ ၸၢၵ်ႇမၢၵ်ႇ မၢတ်ႇၸဵပ်းလူႉတၢႆ။ ၵူၼ်းဝၢၼ်ႈမၢၵ်ႇမူင်ႈဝၢၼ် လၢတ်ႈဝႃႈ သိုၵ်းမၢၼ်ႈထႅမ်ႁႅင်းသိုၵ်းၶိုၼ်ႈမႃး တၢင်းဝၢၼ်ႈၼွင်လူင်၊ ၼွင်လႅင် ဢၼ်မီးၾၢႆႇႁွင်ႇတွင်းၶမ်း၊ လႆႈငိၼ်းသဵင်ၵွင်ႈသဵင်မၢၵ်ႇၵူႈဝၼ်း၊ သမ်ႉဢမ်ႇမီးလႅင်းၾူၼ်းလႄႈ လွင်ႈၵူၼ်းဝၢၼ်ႈမၢတ်ႇၸဵပ်းလူႉတၢႆၸိူဝ်းၼႆႉဢမ်ႇလႆႈႁူႉငိၼ်းၶိုတ်းတၼ်း ပဵၼ်ဢၼ်ယၢပ်ႇၽိုတ်ႇ တႃႇၶဝ်ႈၸွႆႈထႅမ်။ မိူဝ်ႈဝၼ်းတီႈ 8/5/2025 ယၢမ်းဝၢႆးဝၼ်း 12 မူင်း ၾၢႆႇတင်းတပ်ႉသိုၵ်းမၢၼ်ႈထူဝ်းသိုၵ်းၶဝ်ႈၼႂ်းဝၢၼ်ႈ...

မိူဝ်ႈဝၼ်းတီႈ 06/05/2025 ယၢမ်းၵၢင်ၼႂ် ႁွင်ႈၵၢၼ်ၾၢႆႇၵႅတ်ႇၶႄသိုၵ်းမၢၼ်ႈ ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ်ဝႃႈ သိုပ်ႇယိုတ်ႈၶၢဝ်းယၢမ်းထႅင်ႈ ဝၼ်းၵိုတ်းတိုၵ်း တႄႇဝၼ်းတီႈ 6 တေႃႇ 31 ဝၼ်း လိူၼ်ၼႆႉသဵင်ႈ ဝႃႈၼႆ။ ၵူၺ်းၵႃႈ မိူဝ်ႈဝၼ်းတီႈ 05/05/2025 ယၢမ်းၵၢင်ၶမ်ႈၼႆႉ ၾၢႆႇသိုၵ်းမၢၼ်ႈ ယင်းတိုၵ်ႉသိုပ်ႇဢဝ် ၶိူင်ႈမိၼ်တိုၵ်း၊ ၶိူင်ႈၵွင်ႈလူင်၊ ၶိူင်ႈတရူၼ်ႊၸိူဝ်းၼႆႉ ပွႆႇမၢၵ်ႇသႂ်ႇၵူၺ်းဢမ်ႇၵႃး တင်းသွင်ၾၢႆႇ...

ပူၼ်ႉမႃး မိူဝ်ႈဝၼ်းတီႈ 05/05/2025 ၼႆႉ ၵူၼ်းဝၢၼ်ႈမၢၼ်ႈၸၢၵ်ႈ ၸၢဝ်းၶိူဝ်းတဢၢင်း ၼႂ်းဢိူင်ႇပၢင်ယူၵ်ႇ ႁူဝ်ၵူၼ်း 100 ပၢႆ ႁူမ်ႈၵၼ်ဢွၵ်ႇၼႄၵၢင်ၸႂ် တေႃႇသိုၵ်းတဢၢင်း TNLA ၸိူဝ်းၵႂႃႇၶုတ်းဢဝ်ႁိၼ်ႁႄႈ (သီႇလီႇၵုၼ်ႇ) တီႈသၼ်လွႆမၢၼ်ႈၸၢၵ်ႉ ဢၼ်မီးၸဵင်ႇၸၢၼ်းဝၼ်းတူၵ်းလႄႈ ယၢၼ်ၵႆၵၼ်တင်း ဝဵင်းၼမ်ႉၶမ်း မွၵ်ႈ 11 လၵ်း ၸိုင်ႈတႆးပွတ်းႁွင်ႇ။ ၵူၼ်းဝဵင်းၼမ်ႉၶမ်း ၵေႃႉၼိုင်ႈ...

ဝၼ်းတီႈ 3/5/2025 မိူဝ်ႈဝႃး သိုၵ်းတဢၢင်း TNLA ႁဵတ်းပၢင်သပ်းၸႅင်ႈၶၢဝ်ႇတၢင်း ဢွၼ်ႊလၢႆႊသေ လၢတ်ႈဝႃႈ တေႁူမ်ႈမိုဝ်းၵၼ်တင်းၸုမ်းဢူၺ်းလီလႄႈ NUG သေ တေတိုၵ်းၽဵဝ်ႈၸဝ်ႈဢႃႇၼႃႇသိုၵ်းမၢၼ်ႈၵႂႃႇထႅင်ႈ၊ ဝဵင်းဢၼ်ယိုတ်းလႆႈဝႆႉတီႈ သိုၵ်းမၢၼ်ႈၸိူဝ်းၼၼ်ႉၵေႃႈတေဢမ်ႇဢၢၼ်းပၼ်ၶိုၼ်းသိုၵ်းမၢၼ်ႈလႃးလႃး ဝႃႈၼႆ။  တီႈပၢင်သပ်းၸႅင်ႈၶၢဝ်ႇၼၼ်ႉ ၸဝ်ႈသိုၵ်း တႃႉပၢၼ်းလႃႉ ၵႅမ်ၽူႈၼမ်းၼႂ်း 2  TNLA လႄႈ ၽူႈၶၢၼ်ပၢၵ်ႇ လူၺ်းယေႇဢူး မႃးသပ်းၸႅင်ႈ။...

မိူဝ်ႈဝၼ်းတီႈ 05/04/2025 ယၢမ်းၵၢင်ၶမ်ႈ 10 မူင်းပၢႆ သိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်းသေ ပွႆမၢၵ်ႇသႂ်ႇ တီႈဝၢၼ်ႈၼွင် လႅင် တင်း ဝၢၼ်ႈၼမ်ႉသွင်ႁူး ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇၼႆ ႁွင်ႈၵၢၼ်ပိုၼ်ၽၢဝ်ႇ တပ်ႉသိုၵ်းပူတ်းပွႆႇ ၸိူဝ်ႉၸၢတ်ႈတဢၢင်း ပိုၼ်ၽၢဝ်ႇဝႆႉ ၼင်ႇၼႆ။ “ၾၢႆႇသိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်းသေ ဢဝ်မၢၵ်ႇလူင်ႁႅင်း 250 ပွင်ႇ ပွႆႇသႂ်ႇ...

မိူဝ်ႈၼႆႉ ဝၼ်းတီႈ 01/04/2025 ယၢမ်းၵၢင်ဝၼ်းမွၵ်ႈ 11 မူင်းၶိုင်ႈၼၼ်ႉ ၵူၼ်းသိုၵ်းတပ်ႉသိုၵ်းၵဝ်ႈၵၢင်ႉတင်း တပ်ႉသိုၵ်းတဢၢင်း ၽိတ်းမေႃးၵၼ် လွင်ႈဢွင်ႈတီႈ ႁႃငိုၼ်းၵွင်ၵၢင် တႃႇၸွႆႈထႅမ်ၵူၼ်းႁူပ်ႉၽေး ၽႅၼ်ႇလိၼ်ဝႆ(ဢိင်ႇသၼ်ႇ) သေ ဢဝ်ၵွင်ႈပေႃႉထုပ်ႉၵၼ် ၾၢႆႇၼႃႈၵၢတ်ႇလူင် ၼႂ်းၵၢင်ဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ ၼႆယဝ်ႉ။ ၵူၼ်းၼႂ်းပိုၼ်ႉတီႈ ဝဵင်းၵူတ်ႉၶၢႆ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “သိုၵ်းလွႆ...

တင်ႈတႄႇၵၢင်ပီ 2024 မႃးၼႆႉ သိုၵ်းတဢၢင်း TNLA ပိုၼ်ၽၢဝ်ႇ ယိုတ်းၵုမ်း လႆႈ ၸေႈဝဵင်းမိူင်းၵုတ်ႈ။ မိူင်းၵုတ်ႈၼႆႉ ပဵၼ်ဢွင်ႈတီႈဢၼ်ဢွၵ်ႇ သႅင်လီသီလႅင် သႅင်ဢၼ်ၵႃႈၶၼ်ယႂ်ႇ ၵိုၵ်းပိုၼ်း ဢွၵ်ႇၼမ်။ ဝၢႆးလင် ပၢင်ယၼ်ႇသိုၵ်း 1027 ပွၵ်ႈၵမ်းသွင်မႃးၵေႃႈ ၶုၼ်ဢၼ်ၽွင်းငမ်း မိူင်းၵုတ်ႈၵေႃႈ လႅၵ်ႈလၢႆႈမႃး။ ဢိင်ၼိူဝ်လွင်ႈၼႆႉသေ ၽူႈမီးပိုၼ်ႉႁူႉ...

မိူဝ်ႈဝၼ်းတီႈ 23 ပူၼ်ႉမႃးၼၼ်ႉ တပ်ႉသိုၵ်းတဢၢင်း TNLA ဢဝ်ႁႅင်းသိုၵ်းသေ တဵၵ်းႁႂ်ႈသိုၵ်းတႆး SSPP ၶၢႆႉတပ်ႉဢွၵ်ႇ ၼႂ်းၸႄႈဝဵင်းမိူင်းမိတ်ႈလႄႈ ထိုင်တီႈ SSPP လႆႈလၼ်ႇၵွင်ႈပၼ်ၾၢင်ႉၶဝ်ၵႂႃႇ ဝႃႈၼႆ။ ဢိင်ၼိူဝ်လွင်ႈၼႆႉ ထိုင်မႃး ဝၼ်းတီႈ 24/03/2025 ၼႆႉ ယူႇတီႈ တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA လႆႈတႅမ်ႈလိၵ်ႈပွင်ႇၸူး တပ်ႉသိုၵ်းၸိုင်ႈတႆး SSPP...

ဝၼ်းတီႈ 23/03/2025 ယၢမ်းၵၢင်ဝၼ်း မွၵ်ႈ 12 မူင်းလႄႈ ယၢမ်းၵၢင်ၶမ်ႈမွၵ်ႈ 7 မူင်း တပ်ႉသိုၵ်းပူတ်းပွႆႇ ၸိူဝ်ႉၸၢတ်ႈတဢၢင်း ဢဝ်ႁႅင်းသိုၵ်းသေ ႁႃလၢႆးတၢင်း ႁႂ်ႈပႃႇတီႇမႂ်ႇသုင် ၸိုင်ႈတႆး ၶၢႆႉတပ်ႉဢွၵ်ႇၵႂႃႇ ၼႂ်းၸႄႈဝဵင်းမိူင်းမိတ်ႈ ၼႆယဝ်ႉ။ ယွၼ်ႉသိုၵ်းတဢၢင်း TNLA ႁႂ်ႈပႃႇတီႇမႂ်ႇသုင်ၸိုင်ႈတႆး SSPP ၶၢႆႉပၼ်တပ်ႉပၢင်သဝ်း ဢၼ်ပၵ်းဝႆႉတၢင်း ဝၢၼ်ႈၽၢႆၵဝ်ႇ...

သိုၵ်းတဢၢင်း TNLA ၼႄးတၢင်းၽိတ်းတႅပ်းမႆႉတႃႇႁဵတ်းႁိူၼ်းၼႆသေ တီႉၵူၼ်းဝၢၼ်ႈၼႂ်းဢိူင်ႇပၢင်ပဝ်း 17 ၵေႃႉလႆႈလိူၼ်ယဝ်ႉၸင်ႇပွႆႇပၼ်ၶိုၼ်း ၵူၼ်းဝၢၼ်ႈထုၵ်ႇပေႃႉထုပ်ႉထဵတ်ႈထၢမ်မၢတ်ႇၸဵပ်းမႃးလႄႈ ယၢမ်းလဵဝ်လႆႈယူတ်းယႃတူဝ်ဝႆႉၵေႃႈမီး ဝႃႈၼႆ။ ၵူၼ်းဝၢၼ်ႈ 17 ၵေႃႉၼႆႉပဵၼ်ၵူၼ်းဝၢၼ်ႈ ဝၢၼ်ႈလူင်ၵဵင် (ၵျွင်းၵုင်း) ဢိူင်ႇပၢင်ပဝ်း ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ၊ ၺႃးသိုၵ်းတဢၢင်း TNLA ၼႄးဝႃႈၽိတ်းမၢႆမီႈ ပၵ်းပိူင် တႅပ်းမႆႉသၵ်း ၼႆသေ တီႉၺွပ်းၵုမ်းၶင်...

တင်ႈတႄႇၵၢင်ပီ 2024 ၼၼ်ႉမႃး သိုၵ်းတဢၢင်း TNLA ပိုၼ်ၽၢဝ်ႇ ယိုတ်းၵုမ်းလႆႈ ၸႄႈဝဵင်းမိူင်းၵုတ်ႈမႃး  ဝဵင်းမိူင်းၵုတ်ႈၼႆႉ ပဵၼ်ဢွင်ႈတီႈဢၼ်ဢွၵ်ႇသႅင်လီသီလႅင် သႅင်ဢၼ်မီးၵႃႈၶၼ်ယႂ်ႇ ၵိုၵ်းပိုၼ်းဢွၵ်ႇၼမ်။ ဝၢႆးလင် ၽႅၼ်ယၼ်ႇသိုၵ်း 1027 ပွၵ်ႈၵမ်းသွင်မႃး ၸုမ်းၽွင်းငမ်း မိူင်းၵုတ်ႈၵေႃႈ လႅၵ်ႈလၢႆႈ မႃး ဢိင်ၼိူဝ်လွင်ႈၼႆႉသေ ၽူႈမီးပိုၼ်ႉႁူႉလႄႈ ၵူၼ်းမိူင်းၵမ်ႈၼမ် ဢွၼ် ၵၼ်ထတ်းသၢင်ၼိူဝ်...

ဝၼ်းတီႈ 7/3/2025 ယၢမ်းဝၢႆးဝၼ်း သိုၵ်းတဢၢင်း TNLA ၶဝ်ႈလုမ်းၵပ်းသၢၼ် ၸုမ်းသိုၵ်းၶၢင် KIO ဢၼ်မီးတီႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ၊ လိုပ်ႈသိုၵ်းၶၢင်ဢွၵ်ႇလုမ်း၊ တီႉသိုၵ်ၶၢင်ၵႂႃႇၽွင်ႈဝႃႈၼႆ။  မိူဝ်ႈဝႃးယၢမ်းဝၢႆးဝၼ်းမွၵ်ႈ 5 မူင်းၼႆႉသိုၵ်းတဢၢင်း ဢဵၼ်ႁႅင်းမွၵ်ႈ 100 ႁွတ်ႈထိုင်လုမ်းၵပ်းသၢၼ် KIO တီႈဝဵင်းၵူတ်ႉၶၢႆသေ ဢုပ်ႇလၢတ်ႈထဵင်မေႃးၵၼ်ႁႅင်း ၼႆၵူၼ်းမိူင်းဝဵင်းၵူတ်ႉၶၢႆၵေႃႉၼိုင်ႈလၢတ်ႈၼင်ႇၼႆ။ “တီႈလုမ်းၵပ်းသၢၼ်ၼၼ်ႉမီးသိုၵ်းၶၢင်ပႂ်ႉဝႆႉ ဢိတ်းၼိုင်ႈၵူၺ်း။ သိုၵ်းတဢၢင်းမႃးထိုင်ယဝ်ႉလိုပ်ႈၶဝ်ၶိုၼ်ႈရူတ်ႉၵႃး။ သိုၵ်းၶၢင်သမ်ႉဢမ်ႇၶိုၼ်ႈသေ...

ၽွင်းမိူင်းၶႄႇ မိပ်ႇဢီးႁႂ်ႈသိုၵ်းတဢၢင်း TNLA  လႄႈ သိုၵ်းမၢၼ်ႈ ႁူပ်ႉထူပ်းဢုပ်ႇဢူဝ်းၵၼ် ၽွင်းတူဝ်တႅၼ်းတင်းသွင် ၸုမ်းႁွတ်ႈထိုင်ဝႆႉတီႈဝဵင်းလူင်ၶုၼ်ႊမိင်ႊ မိူင်းၶႄႇၼၼ်ႉ တႃႇဢုပ်ႇဢူဝ်းလွင်ႈၵိုတ်းတိုၵ်းၵၼ် ၼႆယူႇၼၼ်ႉ သိုၵ်းမၢၼ်ႈဢဝ်ၶိူင်ႈမိၼ်မႃးပွႆႇမၢၵ်ႇသႂ်ႇတီႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ၵူၼ်းမိူင်းလႆႈယၢပ်ႇၸႂ်ၸွမ်း။ ဝၼ်းတီႈ 15/2/2025 သိုၵ်းမၢၼ်ႈ လုၵ်ႉတၢင်း တပ်ႉၶမယ - 406 ဝၢၼ်ႈတွင်းၶမ်းလႄႈ ၶမယ 354 သေ ပွႆႇမၢၵ်ႇလူင်...