ႁိုၼ်း ၵႃယၢင်း

ၼႂ်းလုၵ်ႈလိူၼ်ၵျုႊလၢႆႊ ဝူင်ႈတီႈၼိုင်ႈ ယဵပ်ႇၶဝ်ႈၸူးဝူင်ႈတီႈသွင်မႃးၼႆႉ ၵူၼ်းမိူင်းတႆး လႆႈႁူပ်ႉႁၼ် တေႃႇသူႈ ယၢပ်ႇယၢၵ်ႈ ၵိၼ်းၸႂ်ၼႃႇဢႃးလႃးၼႆႉ ပိူင်လူင်သုတ်းမီး ယူႇ 2 လွင်ႈ။ 1) တၢင်းပဵၼ်ၶူဝ်ႊဝိတ်ႉ 19 ။ 2) ပၢင်တိုၵ်းသိုၵ်းသိူဝ် ပၼ်ႁႃ တင်း သွင်လွင်ႈၼႆႉ ၵမ်ႈၼမ်သုတ်း ပဵၼ်ယႂ်ႇတီႈတၢင်းမိူင်းတႆးပွတ်းႁွင်ႇ။ တီႈတၢင်းၵေးသီး...

ၸဵမ်မိူဝ်ႈတပ်ႉသိုၵ်းမၢၼ်ႈ ယိုတ်းသိမ်းဢႃႇၼႃႇသေယဝ်ႉ ၼႂ်းမိူင်းမၢၼ်ႈ ဢမ်ႇၵႃး ပႃးၸဵမ် ၼႂ်းမိူင်းတႆးႁဝ်းၶႃႈ တင်းမူတ်း တင်းသဵင်ႈ ၼႂ်းမိူင်းၸၢဝ်းၶိူဝ်းတင်းသဵင်ႈၼႆႉ ႁဝ်းၶႃႈ ယွင်ႇမဝ်းၵႂင်ၵႃးၸွမ်း ၶၢဝ်ႇငၢဝ်းဢၼ်လီလႄႈ ဢၼ်ဢမ်ႇလီ၊ ၶၢဝ်ႇ ငၢဝ်း ဢၼ်ၸႂ်ႈလႄႈ ဢၼ်ဢမ်ႇၸႂ်ႈ၊ ဢၼ်ၽိတ်းလႄႈ ဢၼ်ပွမ် ဢဝ်ၸဵမ်ၸိူဝ်းၼႆႉၵႂႃႇ မၼ်းၶူၼ်းၵဝ်းယုင်ႈယၢင်ႈၵၼ် သေယဝ်ႉ  ႁဵတ်းႁႂ်ႈႁူဝ်ၸႂ်ၵူၼ်းႁဝ်း သုၵ်ႉယုင်ႈဢူၼ်...

ဢိင်ၼိူဝ် ငဝ်းလၢႆးၼႃႈၵၢၼ်တႃငၢၼ်း မိူင်းႁူမ်ႈတုမ် သုၵ်ႉယုင်ႈဢူၼ်ၵဝ်းသေယဝ်ႉ ၼႂ်းမိူင်းတႆးႁဝ်းၶႃႈၵေႃႈ ၸၢဝ်းၶိူဝ်း ဢၼ်ၼိုင်ႈလႄႈ ဢၼ်ၼိုင်ႈ တႃႇတေယူႇၸွမ်းၵၼ်ၵႂႃႇ ၼင်ႇႁၢင်ႈပေႃးဢမ်ႇမီးလၢႆးတၢင်းမၼ်းယဝ်ႉ။ ပိူဝ်ႈတႃႇၵူႈၸၢဝ်း ၶိူဝ်းတေယူႇ ၸွမ်းၵၼ်ၵႂႃႇလႆႈၼႂ်းမိူင်းတႆး ၵတ်းၵတ်းယဵၼ်ယဵၼ်ၽဵင်ႇပဵင်းၸွမ်းထမ်းဢၼ်ဝႃႈၼၼ်ႉ ႁဝ်းၶႃႈ သၢင်ႈသဝ်း ၸိူင်ႉၼင်ႇႁိုဝ်၊ ပွင်သၢင်ႈၸိူင်ႉၼင်ႇႁိုဝ် ဢၼ်ဝႃႈၼၼ်ႉ ႁဝ်းၶႃႈ ႁႂ်ႈလႆႈမႃးတေႃႉတႆႇၶႆႈၼႄၵၼ်ပွတ်းဢွၼ်ႇတွၼ်ႈၼိုင်ႈ။ ဝူင်ႈပူၼ်ႉမႃးၼၼ်ႉ ႁဝ်းၶႃႈပၢႆးၼႄၵၼ်မႃး လွင်ႈ CRPH...

လၢႆးၵၢၼ်ႁဝ်း မိူဝ်ႈဝူင်ႈပူၼ်ႉၼၼ်ႉ ႁဝ်းလႆႈလၢတ်ႈမႃးဝႃႈ CRPH ဢမ်ႇၼၼ် NUG ၶဝ် ႁဵတ်းၵၼ် ပိူင်ႈႁွႆႈၵႂႃႇဢီႈသင်ၼႆ ၼၼ်ႉ ထိုင်ၼႂ်းဝူင်ႈၼႆႉ ႁဝ်းတေလၢႆးငၢၼ်းတၢင်ႇၼႄထႅင်ႈဝႃႈ-  လိူၼ်မေႊ 18 ဝၼ်း ပူၼ်ႉမႃးၼႆႉ ယူႇတီႈ NUG ၶဝ် ပိုၼ်ၽၢဝ်ႇဝႃႈ ၶွတ်ႇၽွတ်ႈၶွမ်ႊမ သျိၼ်ႊၾၢႆႇၶဵၼ်ႇတႅမ်ႈပၵ်းပိူင်ၸိုင်ႈမိူင်း/ ပိူင်ပိုင်းၸိုင်ႈမိူင်း မိူင်းႁူမ်ႈတုမ်ၾႅတ်ႊၻရႄႊၻီႊမူဝ်ႊၶရေႊသီႊ...

ဝၼ်းတီႈ 21 လိူၼ်မေႊၼႆႉ ပဵၼ်ဝၼ်းၸၢဝ်းတႆးႁဝ်း ဢွၼ်ၵၼ်ႁဵတ်းၵၢၼ်လုၵ်ႉၽိုၼ်ႉမႃး မၢႆတွင်း ဝၼ်းလုၵ်ႉၽိုၼ်ႉတႃႇ ၸၢဝ်းၶိူဝ်းတႆးၼႆ ၵူႈၵေႃႉတေႁူႉငိၼ်းၸွမ်းၵၼ်ယူႇ။ တူၺ်းၼႂ်းဝၼ်းမိူဝ်ႈလဵဝ် ဢၼ်လီတိူဝ်ႉၸႂ် ၶေႃးၶူမ်ၼႆႉတႄႉ ၵၢၼ်လုၵ်ႉၽိုၼ်ႉဢၼ်ႁဝ်းမၢင်ႇၵိူဝ်း ဢၼ်ႁဝ်းဢၢင်ႈဢၢၼ်း ဝႃႈ ပိူဝ်ႈတႃႇတေ လိုပ်ႈပႅတ်ႈၶဵၼ်ၸဝ်ႈဢႃႇၼႃႇ ၸိူဝ်းမႃးပေႉပုၼ်ႈၼိူဝ် ၸိူဝ်ႉၸၢတ်ႈၸၢဝ်းၶိူဝ်းတႆး၊ မိူင်းတႆးႁဝ်းၼႆသေ ႁႂ်ႈ လႆႈၶွတ်ႇၽွတ်ႈမိူင်းၸိုင်ႈတႆး ဢၼ်မီးလွင်ႈလွတ်ႈလႅဝ်းထၢင်ႇႁၢင်ႈ ပူတ်းပွႆႇၵတ်းယဵၼ် ၶိုၼ်ႈယႂ်ႇမုၼ်းလႅင်းဝႃႈၼၼ်သေ...

ပိူဝ်ႈတႃႇဝူင်ႈၼႆႉ ႁဝ်းၶႃႈၶႂ်ႈမႃးဢုပ်ႇၸွမ်းႁူဝ်ၶေႃႈဢၼ်ဝႃႈ “လူင်ပွင်ၸိုင်ႈၸၢဝ်းၶိူဝ်းၽွမ်ႉႁူမ်ႈ” ဢၼ်ဝႃႈၼၼ်ႉ ပဵၼ်ႁိုဝ်မီးႁိုဝ်ၼႆၶႃႈ။ ပၢင်လိူၵ်ႈတင်ႈ 2020 ဢၼ်ႁဵတ်းယဝ်ႉၵႂႃႇၼႂ်းဝူင်ႈဝၢင်ႈၼႆႉ ယူႇတီႈပႃႇတီႇၼူၵ်ႉလႅင်ၼူၵ်ႉယုင်း ဢွၵ်ႇပေႉၵႂႃႇလူၼ်ႉႁိုၵ်းလူၼ်ႉၾင်ႇသေယဝ်ႉၵေႃႈ မီးမႃးၶၢဝ်ႇသဵင်ဢၼ်ဝႃႈ ယူႇတီႈလူင်ပွင်ၸိုင်ႈၼူၵ်ႉယုင်းၼႆႉ တေဢွၼ်ၽွတ်ႈႁႅၼ်း လူင်ပွင်ၸိုင်ႈၸၢဝ်းၶိူဝ်းၽွမ်ႉႁူမ်ႈ ဢၼ်ႁွင်ႉဝႃႈ (National Unity Government) ဢၼ်ဝႃႈၼၼ်ႉ ၼႆလႄႈမီးၵူၼ်းတင်းၼမ်တင်းလၢႆ ဢွၼ်ၵၼ်ၶဝ်ႈၸႂ်သူၼ်ၸႂ်မႃး။ ပေႃးၼႆ လူင်ပွင်ၸိုင်ႈၸၢဝ်းၶိူဝ်းၽွမ်ႉႁူမ်ႈ ဢၼ်ႁွင်ႉဝႃႈ (National Unity...

မႂ်ႇသုင်ၶႃႈ ၼႂ်းသွင်သၢမ်ဝၼ်းၼႆႉ ၼႂ်းမိူင်းႁူမ်ႈတုမ်ႁဝ်း မီးလွင်ႈတူၵ်းၸႂ်လႂ်တိုၼ်ႇၵဵဝ်ႇလူၺ်ႈလွင်ႈ တၢင်းပဵၼ် ၶူဝ်ႊဝိတ်ႉ 19 လိူင်ႇၽႄႈမႃးသေယဝ်ႉ ထိုင်တီႈမိူင်းရၶႅင်ႇတင်းမိူင်းပေႃးလႆႈ ႁဵတ်း Lock Down သေ ႁူင်းႁဵၼ်းၸၼ်ႉသုင် ဢၼ်ပဵၼ် ပိုၼ်ႉထၢမ်ၸိူဝ်းၼၼ်ႉၵေႃႈ လႆႈပိၵ်ႉဢိုတ်းၶိုၼ်းတင်းသဵင်ႈၼႆ တေလႆႈငိၼ်းၵၼ်ယူႇၶႃႈၼေႃႈ။ ၵွပ်ႈပိူဝ်ႈဝႃႈ ႁူင်းႁဵၼ်းၵေႃႈလႆႈဢိုတ်း မိူင်းရၶႅင်ႇၵေႃႈလွင်ႈၵႂႃႇတင်းပႆ လႆႈဢိုတ်းဝႆႉၼႆလႄႈ ၵူၼ်းမိူင်းတႄႉဢွၼ်ၵၼ်မႆႈၸႂ်ဝႃႈ တၢင်းပဵၼ်ဢၼ်ၼႆႉ တေလိူင်ႇၽႄႈၸွတ်ႇၵႂႃႇ...

ပီ 2020 ၼႂ်းလုၵ်ႈလိူၼ် ဢေႃႊၵတ်ႉသ် ဝၼ်းတီႈ 19 ၼၼ်ႉ တီႈၼေႇပျီႇတေႃႇ လႆႈၸတ်းႁဵတ်းၵႂႃႇ ပၢင်ပိုတ်ႇပၢင်ၵႅဝ်ႈ ပၢင်လူင်ႁူဝ်ပၢၵ်ႇပီ 21 ဢၼ်ဝႃႈၼၼ်ႉ ႁဝ်းၶႃႈၵေႃႈဢွၼ်ၵၼ်လႆႈႁူႉလႆႈငိၼ်း ၵၼ်သေယဝ်ႉ ၵမ်ႈၽွင်ႈၵေႃႈတူၵ်းၸႂ်လႂ်တိုၼ်ႇၸွမ်း ၵမ်ႈၽွင်ႈၵေႃႈငိၼ်းၸူမ်းၸွမ်း တေမီးတင်းၼမ် တင်းလၢႆၶႃႈၼေႃႈ ။ ၵူၺ်းၵႃႈၼႂ်းဢၼ်ၵူၼ်း ၸူမ်းၸွမ်းသမ်ႉဢေႇသေယဝ်ႉ လွင်ႈတူၵ်းၸႂ်လႂ်တိုၼ်ႇ ၼၼ်ႉတေၼမ်ႁိုဝ်ၼႆ...

မႂ်ႇသုင်ၶႃႈ ၵဵဝ်ႇလူၺ်ႈပၢင်ၵုမ်လူင် ပၢင်လူင် 21 ဢၼ်တေၸတ်းႁဵတ်းၵႂႃႇၼႂ်းဝၼ်းတီႈ 19 တေႃႇထိုင် 21 ၼၼ်ႉ ယူႇၾၢႆႇလူင်ပွင်ၸိုင်ႈ ဢမ်ႇၼၼ်ၵေႃႈ တပ်ႉမတေႃႇသိုၵ်းမၢၼ်ႈသေလႄႈတင်း EAO ဢၼ်ႁွင်ႉဝႃႈ ၸုမ်းၸၢဝ်းၶိူဝ်းလုၵ်ႉၽိုၼ်ႉၶဝ်ၸိူဝ်းၼႆႉ  ႁိဝ်ႈၸင်ႈၵၼ်ၸိူင်ႉႁိုဝ် တေႃႇလွင်းၵၼ်ၸိူင်ႉႁိုဝ် ၶၢၼ်ထဵင်ၵၼ်ၸိူင်ႉႁိုဝ် ၊ မၼ်းမႃးမီးလွင်ႈယၢပ်ႇၽိုတ်ႇၵိုတ်ႉၶမ်ၵၼ်ၸိူင်ႉႁိုဝ် ဢၼ်ဝႃႈၼၼ်ႉ ဝူင်ႈပူၼ်ႉမႃးၼႆႉ ႁဝ်းၶႃႈလၢတ်ႈၵႂႃႇတွၼ်ႈၼိုင်ႈယဝ်ႉၶႃႈၼေႃႈ။ ၼင်ႇႁဝ်းၶႃႈ ၵူႈၵေႃႉၵူႈၵူၼ်းႁူႉၸၵ်းထိုင်ၼၼ်ႉယဝ်ႉ။ ပေႃးဝႃႈမႃးဢုပ်ႇၵၼ်...

မႂ်ႇသုင်ၵၼ်ၵူႈၵေႃႉၵူႈၵူၼ်းၶႃႈ တွၼ်ႈတႃႇဝူင်ႈၼႆႉ ႁဝ်းၶႃႈၶႂ်ႈမႃးဢုပ်ႇၵုမ်ၵၼ်ၼႂ်းႁူဝ်ၶေႃႈဢၼ်ဝႃႈ  ၵတိၵႂၢမ်းမၼ်ႈပၢင်လူင်ၼႆႉပဵၼ်ၶေႃႈၵႄႈၵၢၼ်မိူင်းတွၼ်ႈတႃႇမိူင်းႁူမ်ႈတုမ် ဢၼ်ဝႃႈၼၼ်ႉၶႃႈဢေႃႈ။ ႁဵတ်းသင်လႄႈ ႁဝ်းၶႃႈဝႃႈၼၼ်ၶႃႈလႃႇၼႆ ဢမ်ႇပေႃးႁိုင်ပေႃးၼၢၼ်း ၼႂ်းလိူၼ်ဢေႃးၵတ်ႉသ်ဝၼ်းတီႈ 10 ပၢႆ ၼႆႉ တီႈဝဵင်းလူင်ၼေႇပျီႇတေႃႇ တေမီးပၢင်ၵုမ်လူင်လွင်ႈငမ်းယဵၼ်မိူင်းႁူမ်ႈတုမ် ဢၼ်ယူႇၾၢႆႇလူင်ပွင်ၸိုင်ႈ တၢင်ႇၸိုဝ်ႈဝႆႉဝႃႈ ပၢင်လူင်ၸူဝ်ႈပၢၵ်ႇပီ 21 ဢၼ်ဝႃႈၼၼ်ႉၶႃႈၼေႃႈ။ တေၸတ်းႁဵတ်းထႅင်ႈပၢင်ၵုမ် လူင်ၼၼ်ႉပွၵ်ႈၵမ်းထိ 4 ဝႃႈၼၼ်ယဝ်ႉလႄႈ  ယူႇတီႈၸုမ်းယိပ်းၵွင်ႈၵၢင်ႇၸၢဝ်းၶိူဝ်းၶဝ် မိူၼ်ၸိူင်ႉပီႈၼွင်ႉရၶႅင်ႇၶဝ် ပီႈၼွင်ႉတဢၢင်းၶဝ် ဢိၵ်ႇလူၺ်ႈပႃးတၢင်းပီႈၼွင်ႉၵဝ်ႈၵၢင်ႉၶဝ်...

ၼႂ်းဝူင်ႈပူၼ်ႉမႃးၼႆႉ ပပ်ႉဝွၵ်းတႃႇလုၵ်ႈဢွၼ်ႇတႆး “ၼႃႈမူၼ်းၶၢဝ်ၶၢဝ် ” ဢၼ် ႁိုၼ်း ၵႃယၢင်း တႅမ်ႈၼၼ်ႉ ဢိတ်ႇဢွၵ်ႇပိုၼ်ၽႄႈ ပၼ်တႃႇလုၵ်ႈဢွၼ်ႇတႆးလႆႈလူ လႆႈဢၢၼ်ႇ။ လႆႈႁူႉဝႃႈ ဢိတ်ႇဢွၵ်ႇပိုၼ်ၽႄႈပဵၼ်ပွၵ်ႈၵမ်း 2 ဝႃႈၼႆ။ ၼႂ်းပပ်ႉၼၼ်ႉ ပႃးဝႆႉသင်လၢႆလၢႆ ၊ ယိူင်းဢၢၼ်း ၸိူင်ႉ ႁိုဝ်သေလႄႈ လႆႈဢိတ်ႇဢွၵ်ႇထႅင်ႈၵမ်းၼိုင်ႈ ၼႆၼၼ်ႉ ၽူႈတွႆႇႁွၵ်ႈ...

ၼႂ်းဝူင်ႈဝၢင်ႈၶၢဝ်းၶိဝ်းၼႆႉ ယူႇတီႈပႃႇတီႇမိူင်းႁူမ်ႈတုမ်ၶိူင်ႇၵိုမ်းမုၼ်းလႅင်း ဢၼ်ႁွင်ႉဝႃႈ ပႃႇတီႇသၢင်ႇသီႈ မီးၵႂၢမ်းၾၢၵ်ႇထိုင်ပေႃႈမႄႈၵူၼ်းမိူင်းဝႃႈ ပၢင်လိူၵ်ႈတင်ႈၵူႈလွင်ႈလွင်ႈပီ 2020 ၼႆႉ ပေႃးဝႃႈပႃႇတီႇၶဝ်ဢွင်ႇပေႉၵႂႃႇ ပဵၼ်လူင်ပွင်ၸိုင်ႈမႃး တေမူၼ်ႉမႄးပၼ်မတ်ႉတႃ 261 ။ ၵွပ်ႈပိူဝ်ႈၸိူင်ႉၼႆလႄႈ ၸႄႈမိူင်းၽႂ်မၼ်းၼၼ်ႉ တေမီးသုၼ်ႇလိူၵ်ႈတင်ႈၸွမ်ၽွင်း ႁင်းၽႂ်ႁင်းမၼ်း ယဝ်ႉ တေပၼ်သုၼ်ႇလႆႈဢၼ်ၼၼ်ႉၼႆလႄႈ လႆႈႁၼ်ပႃႇတီႇၸၢဝ်းၶိူဝ်းၵမ်ႈၽွင်ႈၵေႃႈသမ်ႉ ဢၼ်ႁူမ်ႁူမ်ၸူမ်းၸူမ်းသေႁပ်ႉတွၼ်ႈ ၼၼ်ႉၵူၺ်းသေဢမ်ႇၵႃး သမ်ႉႁူၺ်းထိုင်ပေႃႈမႄႈၵူၼ်းမိူင်း ဝႃႈ ႁဝ်းတေပဵၼ်လူင်ပွင်ၸိုင်ႈယဝ်ႉ၊...

ၼႂ်းဝၼ်းသွင်ဝၼ်းၼႆႉ ယူႇတီႈမိူင်းဢမေႊရိၵၼ်ႊ ႁဵတ်းလိၵ်ႈပိုၼ်ၽၢဝ်ႇထိုင်ၸွတ်ႇတူဝ်ႈလုမ်ႈၾႃႉ ဝႃႈ ၸိုင်ႈမိူင်းၸိူင်ႉၼင်ႇမိူင်းၶႄႇလႄႈမိူင်းမၢၼ်ႈၼႆႉ တိုၵ်ႉမီးလွင်ႈႁိပ်ႇႁွမ်ႈတေႃႇၽႃႇသႃႇၵိူဝ်းယမ်၊ ၾၢႆႇသႃႇသၼႃႇ၊ ပႆႇမီးလွင်ႈလွတ်ႈလႅဝ်း ပႃးၼႂ်းသဵၼ်ႈၸိုဝ်ႈၸိုင်ႈမိူင်း ဢၼ်တဵၵ်းတဵင်ႁိပ်ႇႁွမ်ႈယူႇ ဝႃႈၼၼ်။ ၽိူဝ်ႇၼႆႉဢွၵ်ႇမႃး မီးၵႂၢမ်းထၢမ်မႃးဝႃႈ တၢမ်တူဝ်မၼ်းၼၼ်ႉလူး ၵဵဝ်ႇလူၺ်ႈသုၼ်ႇလႆႈ သုၼ်ႇပဵၼ် ၵူၼ်းသေယဝ်ႉ သမ်ႉမီးလွင်ႈပူတ်းပွႆႇ ထၢင်ႇႁၢင်ႈ လွတ်ႈလႅဝ်းၵႃႈႁိုဝ်လႃႇ။ ယူႇတီႈၸိုင်ႈမိူင်းမၼ်း ၵူၺ်းၵေႃႈ တိုၵ်ႉပဵၼ်ပၼ်ႁႃႁၢဝ်ႈႁႅင်းယူႇ ဝၼ်းမိူဝ်ႈလဵဝ်ၼႆႉ ႁဝ်းၶႃႈတေႁဵတ်းႁိုဝ်ယုမ်ႇယမ်ၵၼ်...

ၼႂ်းပၢင်ၵုမ်တႅၼ်းၽွင်းမိူင်းႁူမ်ႈတုမ် ဢၼ်ႁွင်ႉဝႃႈ (ပြည်ထောင်စုလွှတ်တော်အစီးအ၀ေး)ၼၼ်ႉ ဢၼ်တိုၵ်ႉၸတ်းႁဵတ်းယူႇယၢမ်းမိူဝ်ႈလဵဝ်ၼႆႉ မီးလွင်ႈလၢၵ်ႇလၢႆး 2-3 လွင်ႈ ႁဵတ်းႁႂ်ႈၵူၼ်းမိူင်း ပေႃးလႆႈၶဝ်ႈႁူၶဝ်ႈၸႂ်ၸွမ်းၵေႃႈ ႁဝ်းၶႃႈလႆႈႁၼ်မႃး။ ဢၼ်ၼိုင်ႈၼႆႉ မၼ်းၵေႃႈတေပဵၼ်ဝႃႈ ပၢင်ၵုမ်တႅၼ်းၽွင်း မိူင်းႁူမ်ႈတုမ်ၼႆႉ ယူႇတီႈၽူႈတႅၼ်းၽွင်း ၶဝ် တတ်းလူတ်းပႅတ်ႈ ငိုၼ်းၸႂ်ႉၸၢႆႇၿတ်ႉၵျႅတ်ႉၶွင်တပ်ႉသိုၵ်း တပ်ႉမတေႃႇသိုၵ်းမၢၼ်ႈ ၼႆႉဢၼ်ၼိုင်ႈသေယဝ်ႉ သမ်ႉၼႂ်းမိူဝ်ႈဝႃးၼႆႉမီး ၽူႈတႅၼ်းၽွင်းၾၢႆႇသၢင်ႇသီႈၶဝ် ယိုၼ်ႈၶေႃႈတင်ႈတႃႇပူတ်းပႅတ်ႈ ႁူဝ်ၼႃႈတႅၼ်းၽွင်းမိူင်းႁူမ်ႈတုမ် လုင်းတီႇၶုၼ်ႇမျၢတ်ႉ...

လိူၼ်မေႊ ထူၼ်ႈ 21 ၼႆႉ ပဵၼ်ဝၼ်းဢၼ်လုၵ်ႉၽိုၼ်ႉယိပ်းၵွင်ႈၵၢင်ႇ ဢဝ်ၶိုၼ်းၸိုင်ႈတႆးႁဝ်း ၶွပ်ႈတဵမ် 62 ပီယဝ်ႉ၊ ဢဝ်ၼႆႉၵႂႃႇၼႃႈ ၵၢၼ်လုၵ်ႉၽိုၼ်ႉဢဝ်ၶိုၼ်းၸိုင်ႈတႆးႁဝ်းၶႃႈၼၼ်ႉ တေလႆႈ သိုပ်ႇယၢင်ႈၵႂႃႇၸိူင်ႉႁိုဝ်သေယဝ်ႉ ၽႅဝ်ထိုင်မႃးၶေႃႈဢဵၼ်းဢၢၼ်းမၼ်း ၽႅဝ်ထိုင်မႃးတီႈၶၵ်ႉတွၼ်ႈ လႂ်ယဝ်ႉ ဢၼ်ဝႃႈၼၼ်ႉ ႁဝ်းၶႃႈဢွၼ်ၵၼ်မႃးတေႃႉတႆႇၶႆႈၼႄ ပၢႆးဢုပ်ႇၼႄၵၼ်ပွတ်းဢွၼ်ႇတွၼ်ႈၼိုင်ႈ။ မိူဝ်ႈတႄႇၵၢၼ်လုၵ်ႉၽိုၼ်ႉမႃးၼၼ်ႉတႄႉ ပိူဝ်ႈတႃႇလွတ်ႈလႅဝ်းသဝ်းၶေႃ ဢဝ်ၶိုၼ်းၸိုင်ႈတႆး ဝႃႈၼၼ်သေယဝ်ႉ ထိုင်မႃးမိူဝ်ႈ 1961...