ဝၼ်းတီႈ 20 လိူၼ်ၵျူႊလၢႆႊ (မိူဝ်ႈဝႃး) ယၢမ်းဝၢႆးဝၼ်းမွၵ်ႈ 3 မူင်းၼၼ်ႉ ႁၢၼ်ႉၶၢႆၶမ်း မီႊလျႅၼ်ႊၼႃႇ ဢၼ် မီးၼိူဝ်သဵၼ်ႈတၢင်း 110 (မၼေႃႇႁႃႇရီႇ) ၸႄႈဝဵင်းၶျၢၼ်းမျႃႉတႃႇသီႇ ဝဵင်းလိူဝ်ႇၼၼ်ႉ ၺႃး ၸူၼ်ၶဝ်ႈ ယိုဝ်းၵွင်ႈလွၵ်ႇငိုတ်ႈသေ ၸူၼ်ဢဝ်ၶမ်းၵႂႃႇ ဝႃႈၼႆ။ ၸုမ်းၵူၼ်းၸူၼ်ၼၼ်ႉ ပဵၼ်ၵူၼ်းၸၢႆး 6 ၵေႃႉ ၶီႇရူတ်ႉၶိူင်ႈ...

မိူဝ်ႈဝႃးဝၼ်းတီႈ 19 လိူၼ်ၵျူႊလၢႆႊယၢမ်းတၢမ်းၶမ်ႈ ၼၢင်းယိင်းသွင်ၵေႃႉပီႈၼွင်ႉဢၼ်ယူႇဝႆႉ ၼႂ်းပွၵ်ႉ 10 (တိုင်းရုံးလမ်း) သဵၼ်ႈတၢင်းဢွၼ်ႇ (ဂမုန်းလမ်းသွယ်) ဝဵင်းလႃႈသဵဝ်ႈ ၺႃး ၸူၼ် ၸူၼ်ဢဝ်ငိုၼ်းၶမ်းၵႂႃႇသေ ၶႃႈႁႅမ်တၢႆပႅတ်ႈတင်းသွင်ၵေႃႉ ။ ၵူၼ်းမိူင်းၵေႃႉယူႇၼႂ်းပွၵ်ႉ 10 ဝဵင်းလႃႈသဵဝ်ႈ လၢတ်ႈၽူႈတွႆႇႁွၵ်ႈဝႃႈ “ပဵၼ်သွင်ၵေႃႉပီႈၼွင်ႉ ၶဝ်ဢႃႇယုယႂ်ႇယဝ်ႉၼင်ႇၵဝ်ႇ။ ယူႇၸွမ်းၵၼ်ဝႆႉ ပဵၼ်ၼၢင်းယိင်းတင်းသွင်ၵေႃႉ။ ႁိူၼ်းၶဝ်မီးႁိမ်းတၢင်းၶဝ်ႈၵႂႃႇ ၼႂ်းတိူင်းၼၼ်ႉဢေႃႈ။...

မိူဝ်ႈဝႃးဝၼ်းတီႈ 8/6/2026 ယၢမ်းတၢမ်းၶမ်ႈ 3 မူင်းၶိုင်ႈ ၸဝ်ႈႁၢၼ်ႉၶၢႆၶမ်း ၼႂ်းၵၢတ်ႇလူင်ဝဵင်းမူႇၸေႊ ၵူၼ်းၸုမ်းၼိုင်ႈၸူၼ် ႁိမ်ဢဝ်ထူင်ၶမ်းၵႂႃႇ ၸွမ်းတၢင်း ၽွင်းဢိုတ်းလၢၼ်ႉ ယဝ်ႉသေ ပွၵ်ႈၶိုၼ်းႁိူၼ်းယေး ၊ ၶမ်း ပႃးၵႂႃႇၸွမ်း 30 ၵျၢပ်ႈ ၵိုင်ႇငိုၼ်းမၢၼ်ႈ မွၵ်ႈ 2,000 သႅၼ်ပျႃး ဝႃႈၼႆ။ ၽွင်းၸဝ်ႈႁၢၼ်ႉၶမ်း ပႃးတင်းထူင်ငိုၼ်းထူင်ၶမ်းသေ...

မေႃသွၼ်ယိင်း ယူႇဝၢၼ်ႈမိၼ်းမူႇ (မြင်းမူ) ဝဵင်းပၢင်လႃႈ ၸိုင်ႈတႆးပွတ်းၸၢၼ်း လဵၼ်ႈၵဵမ်ႊဢွၼ်ႊလၢႆႊ ထိုင်တီႈတိတ်းၼီႈၶွတ်ႇ ဢမ်ႇမီးငိုၼ်းသၢႆႈ - ၵႂႃႇၸူၼ်ၶူဝ်းၶွင်ငိုၼ်းၶမ်း ၵူၼ်းၼႂ်းဝၢၼ်ႈ  2 ပႃႈလၢၼ် သေယဝ်ႉတႅင်းတၢႆ ။  ၼႂ်းဝၼ်းတီႈ 19/5/2026 ယၢမ်းႁူဝ်ၶမ်ႈ 7 မူင်းၶိုင်ႈၼၼ်ႉ မေႃသွၼ်ယိင်း ၸိုဝ်ႈ- တေႃႇၼူႉၼူႉထူၺ်း ဢၼ်သွၼ်လိၵ်ႈယူႇဝႆႉတီႈႁူင်းႁဵၼ်းၸၼ်ႉဢွၼ် ၼႂ်းဝၢၼ်ႈၶဝ်ၼၼ်ႉ...

ၵူၼ်းၸၢႆးသွင်ၵေႃႉ ပႃးၵွင်ႈပွတ်း လႄႈ ၽႃႉလႅဝ်းၼိုင်ႈမၢၵ်ႈသေ ၶဝ်ႈၸူၼ်ဢဝ်ငိုၼ်း တီႈယေးငိုၼ်း KBZ ၵိင်ႇၽႄ တိူင်းဝဵင်းလိူဝ်ႇ (မၢၼ်းတလေး) မၢႆ 42 (စက်မှုပန်းခြံဘဏ်ခွဲ) ဢၼ်မီးၼႂ်းၵႄႈသဵၼ်ႈတၢင်း 133 တင်း 134 ၊ သဵၼ်ႈတၢင်းလူင် 78 ၸႄႈဝဵင်းပျီႇၵျီးတၶုၼ်ႇ တိူင်းမၢၼ်း တလေး လႆႈငိုၼ်းမၢၼ်ႈၵႂႃႇ...

မိူဝ်ႈဝႃး ဝၼ်းတီႈ 24 လိူၼ်ၾႅပ်ႉပိဝ်ႊရီႇ ယၢမ်းတၢမ်းၶမ်ႈ မွၵ်ႈ 5 မူင်း ၵူၼ်းယိပ်းၵွင်ႈပွတ်းသၢမ်ၵေႃႉ ၶီႇၵႃးသီၶၢဝ်မႃးသေ ၶဝ်ႈၵႂႃႇၼႂ်းႁၢၼ်ႉၶၢႆၵုၼ်ႇၵူႈသႅၼ်းသႅၼ်း တီႈပွၵ်ႉ 5 ဝဵင်းလႃႈသဵဝ်ႈ တီႉၺွပ်း ႁွင်ႉဢဝ်တူဝ်ၸဝ်ႈႁၢၼ်ႉၵႂႃႇၵူၺ်းဢမ်ႇၵႃး ၸူၼ်ဢဝ်ၵႂႃႇပႃးတူဝ်ငိုၼ်း ဝႃႈၼႆ။ ၼႂ်းၶလိပ်ႉငဝ်းႁၢင်ႈတူင်ႉ ဢၼ်ၽႄႈၶိုၼ်ႈမႃးၼိူဝ်သိုဝ်ႇတူင်ႇဝူင်းၵူၼ်း (ဢွၼ်ႊလၢႆႊ) ၼႆႉ - မီးၵူၼ်းၸၢႆးပူၵ်ႉၼႃႈတႃသၢမ်ၵေႃႉ ၶဝ်ႈၵႂႃႇၼႂ်းႁၢၼ်ႉၶၢႆၵုၼ်ႇယွႆႈ...

မိူဝ်ႈၼႆႉ ဝၼ်းတီႈ  24/08/2025  ယၢမ်းၵၢင်ၼႂ်ၸဝ်ႉ ၸဝ်ႈၵွၼ်းဝတ်ႉ ၵျွင်းလွႆၵပ်းမိူင်း တီႈပွၵ်ႉၵွင်းသႃႇ  ဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ ၺႃးၽၼ်း  လူႉလွၼ်ႇထင်တီႈ။ ၵူၼ်းမိူင်း ဝဵင်းၼမ်ႉၶမ်းၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ− “ ၼႂ်ၼႆႉၵူၼ်းၾၢႆႇၵေႃႇသၢင်ႈ ဢၼ်မႃးမႄးဝတ်ႉၵျွင်း လႆႈၵႂႃႇႁၼ်ၶၢပ်ႈတူဝ်ၸဝ်ႈသြႃႇ ၼွၼ်းတၢႆဢိူၵ်ႇလိူတ်ႈဝႆႉ ၼႂ်းဝိႁၢရ် မၼ်းၸဝ်ႈ။ တီႈၶၢပ်ႈတူဝ်မၼ်းၸဝ်ႈၾၢႆႇၼႃႈၼႆႉ ဢမ်ႇႁၼ်မီးႁွႆးမၢတ်ႇၸဵပ်းသင် သေတႃႉ ၾၢႆႇလင်လႄႈႁိမ်းၵွင်ႇၵေႃႈၸဝ်ႈၼၼ်ႉ လႆႈႁၼ်ႁွႆးၽၼ်းဝႆႉလၢႆႁွႆး...

ၵူၼ်းဢမ်ႇႁူႉၾၢႆႇၶဝ်ႈၸူၼ်  ႁၢၼ်ႉၶၢႆၶူဝ်းၵုၼ်ႇ တီႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း လႆႈၵႂႃႇၶမ်း 3 ၵျၢပ်ႈဢၼ် ၵိုင်ႇငိုၼ်း 240 သႅၼ်ပျႃး ဝႃႈၼႆ ။ ဝၼ်းတီႈ 15/7/2025 ယၢမ်းဝၢႆးဝၼ်း 3 မူင်းပၢႆ မီးၵူၼ်းဢမ်ႇႁူႉၾၢႆႇ 4 ၵေႃႉ ပူၵ်ႉၼႃႈပူၵ်ႉတႃႇ  ၶီႇရူတ်ႉၵႃး ဝီႊၵူဝ်ႊ သီလမ်မႃးၵိုတ်းၼႃႈႁၢၼ်ႉၶၢႆၶူဝ်းၵုၼ်ႇဢၼ်ၼိုင်ႈ ဢၼ်မီးၼႂ်းပွၵ်ႉ2...

ၼၢင်းယိင်း 2 ၵေႃႉ သွၼ်ႉရူတ်ႉၶိူင်ႈၸွမ်းၵၼ်မႃး ၺႃးၵူၼ်းၸၢႆး 2 ၵေႃႉ သွၼ်ႉရူတ်ႉၶိူင်ႈၸွမ်းလင်သေ ၸၵ်ႉၶုတ်ႈႁိမ်ဢဝ်ထူင်ငိုၼ်းပၢႆႈ တီႈၼႂ်းၵၢင်ဝဵင်းမူႇၸေႊ ဝႃႈၼႆ။ ဝၼ်းတီႈ 25/02/2025 ယၢမ်းႁူဝ်ၶမ်ႈ တီႈၼိူဝ်သဵၼ်ႈတၢင်းလူင်မူႇၸေႊ ၼႂ်းပွၵ်ႉၵၢတ်ႇ ၾၢႆႇၼႃႈႁူင်းႁႅမ်း သူၺ်ႇယႃႇၸု (ရွှေရာစု) ၼႂ်းၵၢင်ဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ မိူဝ်ႈၽွင်းၼၼ်ႉ...

ၸဝ်ႈၶွင်ႁၢၼ်ႉၶၢႆၶူဝ်းၵုၼ်ႇၶွင်ၵိၼ်ယႅမ်ႉ တီႈဝဵင်းၵုၼ်ႁဵင် ၵေႃႉၼိုင်ႈ ၺႃးၸုမ်းဢမ်ႇႁူႉၾၢႆႇၶဝ်ႈၸူၼ်သေ ထုၵ်ႇယိုဝ်းတၢႆထင်တီႈ ၵိုၵ်းႁိူၼ်း။ ဝၼ်းတီႈ 5/1/2025 ယၢမ်းႁူဝ်ၶမ်ႈမွၵ်ႈ 5 မူင်းၶိုင်ႈ မီးၸုမ်းဢမ်ႇႁူႉၾၢႆႇ 4 ၵေႃႉ ၶီႇၵႃးမႃးၸွမ်းလမ်းၼိုင်ႈသေ ၶဝ်ႈ ၸူၼ်ႁိူၼ်းယေးၵူၼ်းဝၢၼ်ႈ ပွၵ်ႉ 2 တီႈဝဵင်းၵုၼ်ႁဵင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ၸဝ်ႈၶွင်ႁိူၼ်း ၽူႈ ၸၢႆးဢႃယု...

မီးၸုမ်းဢမ်ႇႁူႉၾၢႆႇ ၶိုင်ဢၢင်ႈၶဝ်ႈၸူၼ် ၼႂ်းႁိူၼ်းယေး ၵူၼ်းဝၢၼ်ႈလင်ၼိုင်ႈ တီႈဝဵင်းတႃႈၶီႈလဵၵ်း ၸဝ်ႈႁိူၼ်းတုမ်ႉ တွပ်ႇႁႄႉၵင်ႈၶိုၼ်းသေ ထိုင်တီႈတင်းသွင်ၾၢႆႇ မီးလွင်ႈပိုတ်းယိုဝ်းၵၼ် ၾၢႆႇၵူၼ်းၸူၼ် မီးလွင်ႈမၢတ်ႇၸဵပ်း ၵေႃႉၼိုင်ႈ။ ဝၼ်းတီႈ 20/2/2024 ယၢမ်းၵၢင်ၶမ်ႈ 7 မူင်း မီးၸုမ်းဢမ်ႇႁူႉၾၢႆႇ ဢဵၼ်ႁႅင်း ဢမ်ႇယွမ်း 10 ၶိုင်ၶဝ်ႈၸူၼ် ၼႂ်းႁိူၼ်း ၵူၼ်းဝၢၼ်ႈ တီႈပွၵ်ႉတူၼ်ႈၵေႃႉၼႂ်း...

ၵူၼ်းမိူင်းမူႇၸေႊၺႃးၸုမ်းဢမ်ႇႁူႉၾၢႆႇၶဝ်ႈထိုင် ၼႂ်းႁိူၼ်းၼႂ်းယေးသေ ယိုဝ်းၵွင်ႈလွၵ်ႇငိုတ်ႈ မီးလွင်ႈတုမ်ႉတိူဝ်ႉ မၢတ်ႇၸဵပ်းၵေႃႉၼိုင်ႈ။  မိူဝ်ႈၼႆႉ ဝၼ်းတီႈ 20/12/2023 ယၢမ်းၸဝ်ႉ 6 မူင်းၶိုင်ႈၼႆႉ ၵူၼ်းမိူင်း ၼႂ်းပွၵ်ႉႁွင်ႇ သဵၼ်ႈတၢင်းတေႃႇယွတ်ႈ ၸႄႈဝဵင်းမူႇၸေႊ ၺႃးၸုမ်းဢမ်ႇႁူႉၾၢႆႇ ၶဝ်ႈထိုင်ၼႂ်းႁိူၼ်းယေးသေ ယိုဝ်းၵွင်ႈလွၵ်ႇငိုတ်ႈ ၸူၼ်ႁိမ်ဢဝ်ၶူဝ်းၶွင်  ၵူၼ်းႁူမ်ႈႁိူၼ်း ၺႃးမတ်ႉ 4 ၵေႃႉ လႄႈ မီးလွင်ႈမၢတ်ႇၸဵပ်းၵေႃႉၼိုင်ႈ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈ...

ၵူၼ်း 6 ၵေႃႉ ပႃးၵွင်ႈ 3 လဝ်း ၶဝ်ႈၸူၼ် ၼႂ်းႁိူၼ်းယေးၵူၼ်းဝၢၼ်ႈ တီႈဝဵင်းလႃႈသဵဝ်ႈ လင်ၼိုင်ႈ သုမ်းငိုၼ်း 600 သႅၼ်ပျႃး။   ဝၼ်းတီႈ 10/9/2023 ယၢမ်းဝၢႆးဝၼ်း 1 မူင်း ၽူႈၸၢႆး 6 ၵေႃႉ ပႃးၵွင်ႈပွတ်း 2...

လုၵ်ႈဢွၼ်ႇယိင်း ဢႃယု 15 ပီ ႁဵတ်းၵၢၼ်ၵိၼ်ၸၢင်ႈလုမ်းလႃးႁိူၼ်းယေးၽူႈမၢၵ်ႇၵူၼ်းမီးလင်ၼိုင်ႈၼႂ်းဝၢၼ်ႈဢၢႆႇ ၸႄႈဝဵင်းလႃႈသဵဝ်ႈ ၽူႈၸၢႆး 2 ၵေႃႉၶဝ်ႈႁိူၼ်းဢၢၼ်းမႃးလၵ်ႉၸူၼ်ၶူဝ်းၶွင်သေ တႅင်းလုၵ်ႈဢွၼ်ႇတၢႆ။ မိူဝ်ႈဝၼ်းတီႈ 3/9/2023 ၽူႈၸၢႆး 2 ၵေႃႉ ၶဝ်ႈႁိူၼ်းပေႃႈလဵင်ႉၸၢဝ်းၶႄႇ လင်ၼိုင်ႈတီႈဝၢၼ်ႈဢၢႆႇ ဝဵင်းလႃႈသဵဝ်ႈ၊ လုၵ်ႈဢွၼ်ယိင်းဢၼ်မႃးလုမ်းလႃးႁိူၼ်းပေႃႈလဵင်ႉ သမ်ႉႁွင်ႉသႅၼ်ႇလႄႈ ၸူၼ်ၼၼ်ႉတႅင်းလုၵ်ႈဢွၼ်ႇတၢႆသေ သိုပ်ႇၶဝ်ႈသွၵ်ႈတဝ်ဢဝ်ၶူဝ်းၶွင်ငိုၼ်းၶမ်းပေႃႈလဵင်ႉၵႂႃႇတင်းၼမ် ၵူၼ်းပိုၼ်ႉတီႈလၢတ်ႈၼင်ႇၼႆ။ ၵူၼ်းမိူင်းလႃႈသဵဝ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “...

ဝၼ်းတီႈ 5/9/2023 ယၢမ်းၼႂ်ၸဝ်ႉ 6 မူင်းပၢႆ ၸူၼ်ၶဝ်ႈႁိူၼ်းၵူၼ်းဝၢၼ်ႈလင်ၼိုင်ႈ တီႈဝၢၼ်ႈမႂ်ႇ ထုင်ႉၼႃးၵွင်းမူး ၸႄႈဝဵင်းမိူင်းတူၼ် ၸိုင်ႈတႆးပွတ်းဢွၵ်ႇ  ၊ ယိုဝ်းၸဝ်ႈႁိူၼ်းတၢႆ၊ ယိုဝ်းပႃးၵူၼ်းဝၢၼ်ႈဢၼ်ၶဝ်ႈမႃးၸွႆႈ တၢႆ 3 ၵေႃႉ။ ၵူၼ်းၼုမ်ႇၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ ပဵၼ်ၵႂႃႇမိူဝ်ႈၸဝ်ႉၼႆႉဢေႃႈ ။ တၢင်းၶဝ် ယူႇ ၼႆႉ...