ဝၼ်းတီႈ 20 လိူၼ်ၵျူႊလၢႆႊ (မိူဝ်ႈဝႃး) ယၢမ်းဝၢႆးဝၼ်းမွၵ်ႈ 3 မူင်းၼၼ်ႉ ႁၢၼ်ႉၶၢႆၶမ်း မီႊလျႅၼ်ႊၼႃႇ ဢၼ် မီးၼိူဝ်သဵၼ်ႈတၢင်း 110 (မၼေႃႇႁႃႇရီႇ) ၸႄႈဝဵင်းၶျၢၼ်းမျႃႉတႃႇသီႇ ဝဵင်းလိူဝ်ႇၼၼ်ႉ ၺႃး ၸူၼ်ၶဝ်ႈ ယိုဝ်းၵွင်ႈလွၵ်ႇငိုတ်ႈသေ ၸူၼ်ဢဝ်ၶမ်းၵႂႃႇ ဝႃႈၼႆ။
ၸုမ်းၵူၼ်းၸူၼ်ၼၼ်ႉ ပဵၼ်ၵူၼ်းၸၢႆး 6 ၵေႃႉ ၶီႇရူတ်ႉၶိူင်ႈ 3 လမ်းမႃး။ ပူၵ်ႉၼႃႈပူၵ်ႉတႃသေၶဝ်ႈမႃးၼႂ်းႁၢၼ်ႉၶၢႆၶမ်း 3 ၵေႃႉ ယိုဝ်းၵွင်ႈလွၵ်ႇငိုတ်ႈယဝ်ႉ ၸူၼ်ဢဝ်ၶမ်းၼႂ်းႁၢၼ်ႉၵႂႃႇ တၢင်းၼမ်မွၵ်ႈ 1 ၸွႆႉ( 100 ၵျၢပ်ႈ)၊ ၵူၼ်းႁဵတ်းၵၢၼ် ၼႂ်းႁၢၼ်ႉၶၢႆၶမ်း မၢတ်ႇၸဵပ်း ၵေႃႉၼိုင်ႈ။ တေႃႇထိုင် ယၢမ်းလဵဝ် ၽူႈမီးပုၼ်ႈၽွၼ်းၶဝ် ပႆႇတီႉၺွပ်းလႆႈတူဝ် ၵူၼ်းၸူၼ် ၸိူဝ်း ၼၼ်ႉ။
ၸုမ်းၸူၼ်ၼၼ်ႉ ၶီႇရူတ်ႉၶိူင်ႈသေ ၶိုၼ်းဢွၵ်ႇပၢႆႈၵႂႃႇၸွမ်း သဵၼ်ႈတၢင်း 62 ။ ယၢမ်းလဵဝ် ပလိၵ်ႈၶဝ် တိုၵ်ႉၵူတ်ႇထတ်းတူၺ်း ၼႂ်းၵွင်ႈထႆႇ CCTV သေ ၶူၼ်ႉသွၵ်ႈႁႃ ၵူၼ်းႁဵတ်းၽိတ်း ၸိူဝ်း ၼၼ်ႉဝႆႉယူႇ ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ