တီႈမိူင်သူႈ လႄႈ ဝဵင်းၵေးသီး ၸိုင်ႈတႆးပွတ်းၸၢၼ်း ဢၼ်ၸတ်းပၢင်ပၼ်သဵင်ၵင်ၸႂ်တႃႇလိူၵ်ႈတင်ႈဝၼ်းမိူဝ်ႈၼႆႉ 25/01/2026 ၼၼ်ႉၵေႃႈ  ၵူၼ်းဝၢၼ်ႈၼ်ၵႂႃႇပၼ်သဵင်ၵၢင်ၸႂ် မီးဢေႇၼႇလႄႈ ၵၢင်ႉၵႄႇပေႃးလႆႈလူင်းၼႂ်းပွၵ်ႉၼႂ်းယွမ်ႇ  သေႃႇၸွမ်းၵိဝ်ႇၸွမ်းငွၼ်ႈ လၢတ်ႈႁႂ်ႈၵူၼ်းဝၢၼ်ႈ ၵႂႃႇပၼ်သဵင်ၵၢင်ၸႂ်ပင်လိူၵ်ႈတင်ႈ ဝႆးဝႆး ဝႃႈၼႆ။ ၼႂ်ၼႆႉ ၸွမ်းႁူင်းပၼ်သဵင်ၵၢင်ၸႂ်ၸိူဝ်းမီး ၼႂ်းဝဵင်းမိူင်းသူႈ ၊ ၵေးသီးၸိူဝ်းၼႆႉ မီးပလိၵ်ႈမၢၼ်ႈၵႂႃႇပႂ်ႉဢဝ်ႁူမ်ႇလူမ်ႈ ၼိုင်ႈတီႈမီး 10 ၵေႃႉ မၢင်တီမီးထိုင်...

ပလိၵ်ႈသိုၵ်းမၢၼ်ႈတင်ႈၵဵတ်ႉလၢၼ်ႇ ၵူတ်ႇထတ်းၵူၼ်းၵႂႃႇမႃး ႁၢဝ်ႈႁႅင်းၼိူဝ်သဵၼ်ႈတၢင်းတူၼ်ႈတီး - ၵေးသီး ႁဵတ်းႁႂ်ႈၵူၼ်းၵႂႃႇမႃးယၢပ်ႇၽိုတ်ႇဝႃႈၼႆ ။ ဝၢႆးလင်သိုၵ်းမၢၼ်ႈပိုၼ်ၽၢဝ်ႇတီႉၺွပ်းရူတ်ႉၵႃး ဢမ်ႇမီးဝတ်းဝႂ်လၢႆႊသိၼ်ႊၼၼ်ႉမႃး ပလိၵ်ႈသိုၵ်းမၢၼ်ႈတင်ႈၵဵတ်ႉလၢၼ်ႇပႂ်ႉၵူတ်ႇထတ်း ၵူၼ်းၵႂႃႇမႃးႁၢဝ်ႈႁႅင်းယဝ်ႉ လွၵ်ႇငိုတ်ႈယွၼ်းငိုၼ်းပႃး လႄႈႁဵတ်းႁႂ်ႈၵူၼ်းၵႂႃႇမႃးဢမ်ႇမီးလွင်ႈႁူမ်ႇလူမ်ႈၼႆယဝ်ႉ ။   ၸွမ်းတၢင်း ၵဵတ်ႉလၢၼ်ႇသိုၵ်းမၢၼ်ႈၵူတ်ႇထတ်း ဝႂ်ႁၢပ်ႉႁွင်းဢွၵ်ႇတၢင်း ၊ မၢႆၾၢင်ႇသေဢမ်ႇၵႃး ၵူတ်ႇထတ်းၶိူဝ်းၶွင်ၵုၼ်ႇၵိၼ်ယဵမ်ႉ ဢၼ်လုၵ်ႉတင်းမိူင်းၶႄႇ- မိူင်းထႆး ၸိူဝ်းၼႆႉၼႆယဝ်ႉ ။ ၼၢင်းယိင်းဢႃယု30 ၵူၼ်းပိုၼ်ႉတီႈၵေးသီးလၢတ်ႈၽူႈတွႆႇႁွၵ်ႈဝႃႈ...

တႄႇႁူဝ်ပီ 2025 မႃးၼႆႉ ၼႂ်းၸႄႈဝဵင်းလၢႆးၶႃႈ၊ ၸႄႈဝဵင်းမိူင်းၵိုင်လႄႈ ၸႄႈဝဵင်းၵေးသီး ၵူၼ်းၸၢဝ်းၶႄႇ မႃးတင်ႈပဵၼ်ၸုမ်းၵျႃးၽႅၼ်ႉသေ ႁဵတ်းၵၢၼ်လွၵ်ႇလႅၼ်ၵိၼ်ငိုၼ်းၼိူဝ်ဢွၼ်ႊလၢႆႊ၊ ပိုတ်ႇႁူင်းလဵၼ်ႈၵဵမ်း၊ ပၢင်တေႃႇလွင်းၼိူဝ်ဢွၼ်ႊလၢႆႊၸိူဝ်းၼႆႉ ၼမ်ႁႅင်းမႃးလိူဝ်ၵဝ်ႇသေ မီးၸုမ်းယိပ်းၵွင်ႈၵၢင်ႇၶဝ် ပႂ်ႉဢဝ်ႁူမ်ႇလူမ်ႈပၼ်ပႃး ဝႃႈၼႆ။   ၼႂ်းပိုၼ်ႉတီႈၸွမ်းသၢႆၼမ်ႉတဵင်း ၸိူဝ်းထႅဝ်ၸႄႈဝဵင်းလၢႆးၶႃႈ၊ ၸႄႈဝဵင်းမိူင်းၵိုင်လႄႈ ၸႄႈဝဵင်းၵေးသီးၼႆႉ မီးၸုမ်းသိုၵ်းတႆးလႄႈ ၸုမ်းပျီႇတူႉၸိတ်ႉ ဢၼ်ယူႇတႂ်ႈဢႃႇၼႃႇသိုၵ်းမၢၼ်ႈၶဝ် တူင်ႉၼိုင်ၵႂႃႇမႃးဝႆႉၼႆ ၵူၼ်းမိူင်းၼႂ်းပိုၼ်ႉတီႈ...

မိူဝ်ႈဝႃး ဝၼ်းတီႈ 18/06/2025 ယၢမ်းၵၢင်ၼႂ် 6 မူင်းပၢႆ ၸၢႆးၸိူင်းႁၢၼ် ၽူႈတႅမ်ႈ/ ႁွင်ႉၽဵင်းၵႂၢမ်းတႆး ၸိုဝ်ႈသဵင်ယႂ်ႇ ၵိုင်ႉၵၢင်ႉဢမ်ႇယူႇလီသေ လႆႈသူင်ႇယူတ်းယႃတူဝ် တီႈႁူင်းယႃသျေႉသွင်ႇ (ရှေ့ဆောင်) ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း လႅၼ်လိၼ်တႆး - ထႆး။ ၼၢင်းမွၼ်းႁွမ် ၵေႃႉပဵၼ်ၼွင်ႉယိင်း ၸၢႆးၸိူင်းႁၢၼ် လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ...

ၵႃးတၢင်ႇမၢၵ်ႇၵွင်ႈၸိုၼ်းယၢမ်းလမ်းၼိုင်ႈ ၾႆးမႆႈတီႈၼိူဝ်သဵၼ်ႈတၢင်း ၼႂ်းၵႄႈၵေးသီး - မိူင်းၵၢဝ် ၵူၼ်းႁေႃႈၵႃး ႁၢႆဝႆႉ။ မိူဝ်ႈဝၼ်းတီႈ 3/7/2023 ပူၼ်ႉမႃးၼႆႉ ၵႃးသႅၼ်း ဢႅဝ်လ်ႊၽၢတ်ႊ Alphard လမ်းၼိုင်ႈ ဢၼ်တၢင်ႇမၢၵ်ႇၵွင်ႈၸိုၼ်းယၢမ်းဝႆႉၼၼ်ႉ ၾႆးမႆႈယူႇၼိူဝ်သဵၼ်ႈတၢင်း ၼႂ်းၵႄႈ မိူင်းၵၢဝ် - ၵေးသီး ၸႄႈဝဵင်းၵေးသီး ၸႄႈတွၼ်ႈလွႆလႅမ် ၵူၼ်းႁေႃႈၵႃးတႄႉ ႁၢႆဝႆႉၼႆယဝ်ႉ။ ၵူၼ်းၼႂ်းပိုၼ်ႉတီႈၵေးသီးၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ...

ၵူၼ်းမိူင်းၵေးသီး ၶုတ်းႁၼ်မႅၼ်ႈ မၢၵ်ႇလူင်ၵဝ်ႇၵႄႇ ဢႃယုမွၵ်ႈ 80 ပီ တီႈၼႂ်းၵၢတ်ႇၵၢင်ဝဵင်း ၵူၼ်းမိူင်းတူၵ်းၸႂ်။ မိူဝ်ႈဝႃး ဝၼ်းတီႈ 15/5/2023 ယၢမ်းၵၢင်ၼႂ်  ၵူၼ်းမိူင်းၵေးသီး ၶုတ်းလုၵ်းလိၼ်တႃႇႁဵတ်းၶဵင်ႇတၢင်းၶၢႆ ၼႂ်းၵၢတ်ႇသေ လႆႈႁၼ်မႅၼ်ႈ မၢၵ်ႇပုမ်းလူင်ၵဝ်ႇၵႄႇပၢၼ်ဢိင်းၵလဵတ်ႈၽွင်းငမ်းမိူင်း လုၵ်ႈၼိုင်ႈ ဢၼ်ဢႃယုမၢၵ်ႇ မီးၸမ် 80 ပီ။ ၵူၼ်းၼႂ်းပိုၼ်ႉတီႈၸႄႈဝဵင်းၵေးသီးၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ...

ၵူၼ်းဝၢၼ်ႈ ၼႂ်းဝဵင်းမိူင်းၼွင် ဢၼ်လႆႈပၢႆးၽေးသိုၵ်း မႃးသွၼ်ႈဝႆ့တီႈ ဝတ်ႉလူင်မိူင်းၼွင် (ၵျွင်းမင်ႇၵလႃႇယၢၼ်ႇဢွင်ႇ) ၼၼ်ႉ ယၢပ်ႇၽိုတ်ႇတႃႇၶိုၼ်းပွၵ်ႈ ဢဝ် မၢၵ်ႇၶဝ်ႈတဝ်ႈၼမ်ႉ။ ၵူၼ်းဝၢၼ်ႈဢွၼ်ၵၼ်ပၢႆႈၽေးပၢင်တိုၵ်း ၼႂ်းၵႄႈ တပ်ႉသိုၵ်း RCSS လႄႈ SSPP မႃးမိူဝ်ႈဝၼ်းတီႈ 11/4/2023  ။ ယၢမ်းလဵဝ် ယွၼ့်ပဵၼ်ၶၢဝ်းၵဵပ်း မၢၵ်ႇၶဝ်ႈတဝ်ႈၼမ့်လႄႈ ၶႂ်ႈပွၵ်ႈၶိုၼ်းႁိူၼ်းႁင်းၽႂ်မၼ်းသေတႃႉ ငဝ်းလၢႆးၼႂ်းပိုၼ့်တီႈ ပႆႇၼိမ်လႄႈ...

ၼႂ်းဝူင်ႈဝၢင်ႈၼႆႉ ၽူႈလၵ်ႉၵူၼ်းၸူၼ်လိူင်ႇၼမ် ၵူၼ်းမိူင်းဝဵင်းၵေးသီးလႄႈ ႁူမ်ႇလူမ်ႈဝၢၼ်ႈဢိူင်ႇႁူမ်ႈပၼ် တီႉၺွပ်းၵူၼ်းလၵ်ႉရူတ်ႉၶိူင်ႈတီႈဝဵင်းၵေးသီး တီႉၺွပ်းလႆႈတင်းၼမ်။ ဝၼ်းတီႈ 2/10/2022 ၼႆႉ   ၵူၼ်းမိူင်းတီႉလႆႈ ၵူၼ်းလၵ်ႉရူတ်ႉၶိူင်ႈၼႂ်းၵၢတ်ႇလူင်ၵေးသီး လႄႈ ရူတ်ႉၶိူင်ႈၸုမ်းၾၢႆႇပၢႆးယူႇလီ ၼႂ်းႁူင်းယႃၵေးသီး။ ၵူၼ်းၵေးသီးၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ၽူႈလၵ်ႉၸိူဝ်းၼႆႉ ပဵၼ်ၵူၼ်းၼုမ်ႇလွၼ်ႉလွၼ်ႉ။ ၶဝ်ႉလုၵ်ႉတၢင်းၼမ်ႉသၼ်ႇသေလူင်းမႃးၵေးသီးလႆႈ 2-3 ဝၼ်းယဝ်ႉ၊ ဝၼ်းတီႈ 2 ၼၼ်ႉၶဝ်လၵ်ႉရူတ်ႉၶိူင်ႈၼႂ်းၵၢတ်ႇလႄႈ ၼႂ်းဝၢင်းႁူင်းယႃ။ ၵူၼ်းမိူင်းလႄႈၽူႈမီးပုၼ်ႈၽွၼ်းၵႂႃႇတီႉၺွပ်းဝႅတ်ႉလွမ်ႉလႆႈၶဝ်တီႈတၢင်းဢွၵ်ႇဝဵင်း...

ၶွမ်ႊပၼီႊၶုတ်းထၢၼ်ႇႁိၼ်  ႁၢင်ႈႁႅၼ်းတူဝ်ႈတၼ်း တႃႇ ၶုတ်းထၢၼ်ႇႁိၼ် တီႈဢိူင်ႇမိူင်းၵၢဝ် ၸႄႈဝဵင်းၵေးသီး ။ တႄႇဢဝ် လိူၼ်သႅပ်ႊထႅမ်ႊပိူဝ်ႊၼႆႉမႃး ၶွမ်ႊပၼီႊၶုတ်းထၢၼ်ႇႁိၼ် မွၵ်ႈ 5 ဢၼ် ဢဝ်ၶိူင်ႈၸၢၵ်ႈ၊ ၵႃးၶုတ်း၊ ၵႃးထႆ၊ ၵႃးတေႃႉသူင်ႇ ၸိူဝ်းၼႆႉ မႃးတမ်းဝႆႉ ႁိမ်းဝၢၼ်ႈသူၼ်မွၼ်း ဢိူင်ႇမိူင်းၵၢဝ် ၸႄႈဝဵင်းၵေးသီး ၸႄႈတွၼ်ႈလွႆလႅမ် ၸိုင်ႈတႆး ပွတ်း...

သိုၵ်း RCSS တင်း SSPP ဢၼ်ဢမ်ႇတွၵ်ႉတႅၵ်ႉၵၼ်မႃး ၶၢဝ်း 7 – 8 လိူၼ် ၼႆႉ ၼႂ်းၶၢဝ်းတၢင်း ဝၼ်း႞သွင်ဝၼ်းၼႆႉ ႁူပ်ႉၸုၼ် လေႃႇတိုၵ်းပိုတ်းယိုဝ်းၵၼ်ၵၼ်ၶိုၼ်းလႄႈ ၵူၼ်းမိူင်း ထုင်ႉၵေးသီး-မိူင်းၼွင်- မိူင်းၼၢင်း မႆႈၸႂ် ၵူဝ်သိုၵ်းသွင်မူႇၼႆႉ ႁဵတ်းၶဵၼ်တေႃႇၵၼ်ထႅင်ႈ။   ဝၼ်းတီႈ 21/9/2022 ယၢမ်းၵၢင်ၼႂ်...

ပီႈၼွင်ႉၵူၼ်းဝၢၼ်ႈၼွင်ယူမ်း ဢိူင်ႇမိူင်းၼိမ် ဝဵင်းၵေးသီး ၶႂ်ႈႁႂ်ႈသိုၵ်းမၢၼ်ႈပၼ်တူတ်ႈတၢမ်ႇ ၵူၼ်းသိုၵ်းၵေႃႉဢၼ်လူင်းမိုဝ်းပူၼ်ႉပႅၼ်ၽၼ်းလုင်းသူၺ်ႇထုၼ်း ထိုင်တီႈလႆႈၶဝ်ႈယူတ်းယႃတူဝ်တီႈႁူင်းယႃၼၼ်ႉ ဝႃႈၼႆ။ မိူဝ်ႈဝၼ်းတီႈ 31/8/2022 ယၢမ်းဝၢႆးဝၼ်း 1 မူင်း လုင်းသူၺ်ႇထုၼ်း ဢႃယု 67 ပီ ၵူၼ်းဝၢၼ်ႈၼွင်ယူမ်း ဢိူင်ႇမိူင်းၼိမ် ၸႄႈဝဵင်းၵေးသီး ဢဝ်ဝူဝ်းၵႂႃႇလဵင်ႉၼွၵ်ႈဝၢၼ်ႈ၊ သိုၵ်းမၢၼ်ႈဢၢင်ႈယိုဝ်းဝူဝ်းမၼ်းလႄႈ မၼ်းၸၢႆးၶဝ်ႈႁၢမ်ႈ ထိုင်တီႈၺႃးသိုၵ်းမၢၼ်ႈ ၶလယ 131...

မိူဝ်ႈၼႆႉ ဝၼ်းတီႈ 21/9/2022 ယၢမ်းၵၢင်ၼႂ် သိုၵ်း SSPP တင်း RCSS ယိုဝ်းၵၼ် ႁိမ်းဝၢၼ်ႈပၢင်ႇႁႆႈလႄႈ ၶူဝ်ၼမ်ႉတွင်း ၼႂ်းဢိူင်ႇမိူင်းယၢႆး ၸႄႈဝဵင်းၵေးသီး ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း  ဝႃႈၼႆ။ ၵူၼ်းၵေးသီး လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ၶဝ်ယိုဝ်းၵၼ် တီႈႁိမ်းၶူဝ်ၼမ်ႉတွင်း ႁိုင် 20 မိၼိတ်ႉ...

SHRF ၸီႉၸမ်ႈ သိုၵ်းမၢၼ်ႈ တၵ်းလႆႈႁပ်ႉပုၼ်ႈၽွၼ်း ဢၼ်လႆႈၽၼ်းလုင်းသူၺ်ႇပုၼ်းမၢတ်ႇၸဵပ်းႁႅင်းထိုင်တီႈလႆႈယူတ်းယႃတူဝ်တီႈႁူင်းယႃၼၼ်ႉသေ ႁႂ်ႈလႆႈပၼ်တူတ်ႈတၢမ်ႇၵူၼ်းသိုၵ်းဢၼ်ပူၼ်ႉပႅၼ်ႁဵတ်းၽိတ်းၼၼ်ႉဝႃႈၼႆ။ မိူဝ်ႈၼႆႉ ဝၼ်းတီႈ 13/9/2022 ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး SHRF ဢွၵ်ႇၽိုၼ်တၢမ်းငဝ်းလၢႆး လွင်ႈၵူၼ်းသိုၵ်းမၢၼ်ႈ 3 ၵေႃႉ ပေႃႉထုပ်ႉဢဝ်မိတ်ႈပၢတ်ႇၶေႃး ၵူၼ်းလဵင်ႉဝူဝ်းၵေႃႉၼိုင်ႈ တီႈဝၢၼ်ႈၼွင်ယူမ်း ဢိူင်ႇမိူင်းၼိမ် ၸႄႈဝဵင်းၵေးသီး ၸႄႈ တွၼ်ႈလွႆလႅမ် ၸိုင်ႈတႆးပွတ်းၸၢၼ်းၼၼ်ႉ ႁႂ်ႈသိုၵ်းမၢၼ်ႈ...

လုင်းသူၺ်ႇပုၼ်း ၵူၼ်းၵေးသီး ထုၵ်ႇသိုၵ်းမၢၼ်ႈၽၼ်းသႂ်ႇ  မၢတ်ႇၸဵပ်းႁၢဝ်ႈႁႅင်း လႆႈယဵပ်ႉဢမ်ႇယွမ်း 40 ႁွႆးၼၼ်ႉ ယူတ်းယႃတူဝ်သဵင်ႈငိုၼ်းဝႆႉၼပ်ႉႁူဝ်သႅၼ်ပျႃး ၵူၺ်းၵႃႈတေႃႇထိုင်ယၢမ်းလဵဝ် သိုၵ်းမၢၼ်ႈ တိုၵ်ႉမႃးၸွႆႈ 5 မိုၼ်ႇပျႃးၵူၺ်း။ လုင်းသူၺ်ႇပုၼ်း ဢႃယု 67 ပီ ၵူၼ်း ဝၢၼ်ႈၼွင်ယူမ်း ဢိူင်ႇမိူင်းၼိမ် ၸႄႈဝဵင်းၵေးသီး ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ဢၼ်ထုၵ်ႇသိုၵ်းမၢၼ်ႈၽၼ်း    တီႈတၢင်းၾၢႆႇဢွၵ်ႇဝၢၼ်ႈၼၼ်ႉ...

ထဝ်ႈၸၢႆးၵူၼ်း ၵေးသီး ၵေႃႉၼိုင်ႈ ထုၵ်ႇသိုၵ်းမၢၼ်ႈ ဢဝ်ၽႃႉၽၼ်းသႂ်ႇ လႆႈမၢတ်ႇၸဵပ်းႁၢဝ်ႈႁႅင်း လႆႈယဵပ်ႇဢမ်ႇယွမ်း 40 ႁွႆး ယၢမ်းလဵဝ် လႆႈယူတ်းယႃတူဝ်ဝႆႉတီႈႁူင်းယႃ ဝႃႈၼႆ။ မိူဝ်ႈဝႃး ဝၼ်းတီႈ 31/8/2022 ယၢမ်းဝၢႆးဝၼ်း 1 မူင်းၶိုင်ႈ လုင်းသူၺ်ႇပုၼ်း ဢႃယုမွၵ်ႈ 60 ပီ ထုၵ်ႇသိုၵ်းမၢၼ်ႈ တပ်ႉ 131...