ၵူၼ်းပၢႆႈၽေးသိုၵ်း တီႈၸႄႈဝဵင်းသီႇပေႃႉ ႁူဝ်ၵူၼ်း 300 ၵေႃႉ လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ်လႄႈ ၽႃႈႁူမ်ႇၶူဝ်းၼွၼ်း ၶူဝ်းဢုၼ်ႇ ၸိူဝ်းၼႆႉ ။  ဝၼ်းတီႈ 8-9 /1/2022 ၼႆႉ  သိုၵ်းဢူၺ်းလီပွတ်းႁွင်ႇလႄႈ RCSS ပိုတ်းယိုဝ်းၵၼ်ထုင်ႉဝၢၼ်ႈၼမ်ႉသိမ်ႇ- သူၼ်ဢွႆႈၼၼ်ႉလႄႈ ၵူၼ်းဝၢၼ်ႈ ပၢႆႈၽေးသိုၵ်းမႃးႁွတ်ႈထိုင်ၵျွင်းၽြႃးၵၢင်ႉမေႃႇ (မေႃႇၵိူဝ်) ၸႄႈဝဵင်းသီႇပေႃႉ  ဢမ်ႇယွမ်း 300...

ၶၢဝ်းၵတ်းပီၼႆႉ ၼႂ်းၸိုင်ႈတႆး လၢႆလၢႆဝဵင်း ၼႂ်းဝူင်ႈၼႆႉၵူၺ်း ၾူၼ်တူၵ်းႁႅင်း ပႃးမၢၵ်ႇႁဵပ်းလုၵ်ႈယႂ်ႇ ႁဵတ်းႁႂ်ႈယိင်ႈၶႅၼ်းၵတ်းလိူဝ်ၵဝ်ႇ။        မိူဝ်ႈဝႃး ဝၼ်းတီႈ 23/12/2021 ယၢမ်းၵၢင်ၶမ်ႈမွၵ်ႈ 7 မူင်း ၾူၼ်တူၵ်းႁႃႇယႂ်ႇ ပႃးတင်းမၢၵ်ႇႁဵပ်းလုၵ်ႈလူင် တီႈၼႂ်းၸႄႈဝဵင်းတၢင်ႉ ယၢၼ်း ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ  ။ ၵူၼ်းတၢင်ႉယၢၼ်း လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ၾူၼ်တူၵ်းႁႅင်း...

ၵူၼ်းဝၢၼ်ႈၶျွင်းသူင်ႇ ဝဵင်းသီႇပေႃႉ ႁူဝ်ၵူၼ်း 40 ပၢႆပၢႆႈၽေးသိုၵ်းမႃးလႆႈႁိမ်းၸမ်ပီ ၊ တေႃႇထိုင်ယၢမ်းလဵဝ်ပႆႇၸၢင်ႈပွၵ်ႈၶိုၼ်းႁိူၼ်းယေး မႆႈၸႂ်တႃႇမိူဝ်းပူၵ်းပွင်ႁိူၼ်းယေးဢၼ်လူႉၵွႆယွၼ်ႉပၢင်တိုၵ်း၊ တႃႇမိူဝ်း ယူႇသဝ်းႁႃၵိၼ်လဵင်ႉတွင်ႉ သမ်ႉမႆႈၸႂ်လွင်ႈႁူမ်ႇလူမ်ႈ။   ၵူၼ်းဝၢၼ်ႈၶျွင်းသူင်ႇ ႁူဝ်ၵူၼ်း 40 ပၢႆ လင်ၶႃးႁိူၼ်း 13 လင် လႆႈပၢႆႈၽေးသိုၵ်း ဢွၵ်ႇမႃး မိူဝ်ႈလိူၼ်မၢတ်ႊၶျ်ႊ(လိူၼ်ထူၼ်ႈသၢမ်) 2021 ။ ...

ၸုမ်းသိုၵ်းဢူၺ်းလီပွတ်းႁွင်ႇ မႃးတူင်ႉၼိုင်ယူႇႁိမ်းႁွမ်းဝၢၼ်ႈ ၵူၼ်းဝၢၼ်ႈတႃႈတေႈ ၵမ်ႈၽွင်ႈ မႆႈၸႂ် လွင်ႈသိုၵ်း လွင်ႈသိူဝ်သေ ငိူင်ႉဢွၵ်ႇဝၢၼ်ႈမႃး ၶၢဝ်းတၢင်း ႁိမ်းလိူၼ်ၵေႃႈပႆႇႁတ်း ပွၵ်ႈမိူဝ်းဝၢၼ်ႈၶိုၼ်း။ ၵူၼ်းဝၢၼ်ႈတႃႈတႄႈ တႄႇငိူင်ႉပၢႆႈ မိူဝ်ႈႁူဝ်လိူၼ်ၻီႊသႅမ်ႊပိူဝ်ႊ ပီ 2021 ၼႆႉမႃး ႁၢၼ်ႉတေႃႇထိုင် ဝၼ်းတီႈ 15 ၼႆႉ ပႆႇႁတ်းပွၵ်ႈဝၢၼ်ႈၶိုၼ်း။ ယၢမ်းလဵဝ် မႃးယူႇၸွမ်းသူၼ်မၢၵ်ႇမူင်ႈ ႁိူၼ်းပီႈၼွင်ႉ...

ၶွမ်ႊပၼီႊငူၺ်ႇယီႇပလႄး ဢမ်ႇထွမ်ႇ သဵင်ၵၢင်ၸႂ် ၵူၼ်းမိူင်းသီႇပေႃႉ ဢၼ်သၢၼ်ၶတ်းလွင်ႈၶုတ်းထၢၼ်ႇႁိၼ် တီႈႁူဝ်ၼမ်ႉ၊ တႄႇလူင်းမိုဝ်းၶုတ်းထၢၼ်ႇႁိၼ်ၼႂ်းၵႄႈလွင်ႈလိူတ်ႇမႆႈၵူၼ်းမိူင်း   ၸုမ်းသုၼ်ႇလႆႈၵူၼ်း တိုၵ်းသူၼ်းႁႂ်ႈၼႄၵၢင်ၸႂ်   ၶွမ်ႈၶတ်းလူၺ်ႈ ဢမ်ႇသိုဝ်ႉၶူဝ်းၵုၼ်ႇဢၼ်ၶွမ်ႊပၼီႊ ႁဵတ်းဢွၵ်ႇၶၢႆ။ ၸၢႆးႁေႃသႅင် ၽူႈၶၢၼ်ပၢၵ်ႇၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး လၢတ်ႈတီႈၽူႈတွႆႇႁွၵ်ႈဝႃႈ - “ငဝ်းလၢႆး တၢင်းယၢပ်ႇၽိုတ်ႇ ၵၢၼ်ႁႃၵိၼ်လဵင်ႉတွင်ႉ ပီႈၼွင်ႉၵူၼ်းမိူင်းႁဝ်းၶႃႈ ယၢမ်းမိူဝ်ႈလဵဝ်ၼႆႉ   ၶွမ်ႊပၼီႊဢမ်ႇထွမ်ႇ ဢမ်ႇတူၺ်းႁၼ်သေ သိုပ်ႇၶုတ်းထၢၼ်ႇႁိၼ်...

ၸုမ်းယိပ်းၵွင်ႈၵၢင်ႇၶဝ်ႈယူႇသဝ်းတူင်ႉၼိုင်ၼႂ်းဝၢၼ်ႈလႄႈ တႄႇဢဝ် ႁူဝ်လိူၼ်ၻီႊသႅမ်ႊပိူဝ်ႊ 2021 ၼႆႉမႃး ၵူၼ်းဝၢၼ်ႈတႃႈတေႈ ၸႄႈဝဵင်းသီႇပေႃႉ ၵူဝ်ပဵၼ်ပၢင်တိုၵ်း၊ တႃႇလင်ၶႃးႁိူၼ်း မွၵ်ႈ 30 လင် ဢွၼ်ၵၼ်ငိူင်ႉဝႄႈဝႆႉထႃႈ ယၢပ်ႇၽိုတ်ႇတီႈယူႇတီႈၵိၼ်။ ၵူၼ်းဝၢၼ်ႈတႃႈတေႈ ဢွၼ်ၵၼ်မႃးသွၼ်ႈဝႆႉတီႈ ဝၢၼ်ႈတူင်ႈၸၢင်ႉ ၸႄႈဝဵင်းသီႇပေႃႉ ၸဵမ်မိူဝ်ႈႁူဝ်လိူၼ်ၼႆႉမႃး ။ ၵူၼ်းပိုၼ်ႉတီႈ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ပဵၼ်ပီႈၼွင်ႉဝၢၼ်ႈတႃႈတေႈ လင်ၶႃး...

ၼႂ်းတိုဝ်ႉတၢင်း ပီမႂ်ႇတႆး 2116 ၼီႈၼႆႉသေ ယူႇတီႈၵေႃလိၵ်ႈလၢႆး ဝဵင်းသီႇပေႃႉ လူင်းပိုၼ်ႉတီႈ ၸွႆႈထႅမ် ၵူၼ်းမိူင်းပိုၼ်ႉတီႈ ၸိူဝ်းထူပ်းတၢင်းယၢပ်ႇ ၽိုတ်ႇ လွင်ႈတၢင်းပဵၼ်ၶူဝ်ႊဝိတ်ႉလႄႈ သိုၵ်းသိူဝ် ၸိူဝ်းၼႆႉ။ မိူဝ်ႈဝႃး ဝၼ်းတီႈ 5/12/2021 ယူႇတီႈၵေႃလိၵ်ႈလၢႆးလႄႈ ၾိင်ႈငႄႈတႆး ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ လူင်းပိုၼ်ႉ တီႈ ၸွႆႈထႅမ်ၵူၼ်းဝၢၼ်ႈၸေႈဢႅၼ်ႇပူႇတႃႇလႄႈ...

မိူဝ်ႈၼႆႉ ဝၼ်းတီႈ 2/12/2021 ယၢမ်းၵၢင်ၼႂ် ပူႇၵႄႇၼုမ်ႇ ဝၢၼ်ႈတႃႈလူင် ၺႃးၵူၼ်းႁၢႆႉ ယိုဝ်းတၢႆ ၼႂ်းၵၢတ်ႇလူင် ဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ။ ၵေႃႉၺႃးယိုဝ်းတၢႆ ၼႂ်းၵၢတ်ႇသီႇပေႃႉၼၼ်ႉ ၸိုဝ်ႈႁွင်ႉၸၢႆးၼၼ်ႇတေႃး တိုၵ်ႉႁပ်ႉၼႃႈတီႈပုၼ်ႈၽွၼ်း ပဵၼ်ပူႇၵႄႇ ဝၢၼ်ႈတႃႈလူင်မႃး လႆႈလိူၼ်ပၢႆ မၼ်းၸၢႆးၼႆႉ ဢႃယု တိုၵ်ႉမီးမွၵ်ႈ 30 ပီ။ ၵူၼ်းသီႇပေႃႉၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ...

ၶွမ်ႊပၼီႊငူၺ်ႇယီႇပလႄး  တႄႇၶုတ်းထၢၼ်ႇႁိၼ်မႂ်ႇ တီႈႁူဝ်ၼႃးၾႃႉ ထုင်ႉၼမ်ႉမႃႉ ၸႄႈဝဵင်းသီႇပေႃႉ  ၵူၼ်းမိူင်း သၢၼ်ၶတ်းမႃးတႃႇသေႇၵေႃႈဢမ်ႇထွမ်ႇ ၶိုင်ႁဵတ်းသၢင်ႈယူႇမႅၵ်းမႅၵ်း။ မိူဝ်ႈဝႃး ဝၼ်းတီႈ 23/11/2021 ယူႇတီႈၵဝ်ႉငဝ်ႈသုၼ်ႈလႆႈၵူၼ်း ၸိုင်ႈတႆး SHRF ဢွၵ်ႇၽိုၼ်တၢမ်းငဝ်းလၢႆးလွင်ႈ ၶွမ်ႊပၼီႊငူၺ်ႇယီႇပလႄး တေတႄႇၶုတ်းထၢၼ်ႇႁိၼ်မႂ်ႇ တီႈႁူဝ်ၼႃးၾႃႉ ထုင်ႉၼမ်ႉမႃႉ ၸႄႈဝဵင်းသီႇပေႃႉ ၸႄႈတွၼ်ႈ ၵျွၵ်ႉမႄး ၸိုင်ႈတႆးပွတ်းႁွင်ႇ။  SHRF တိုၵ်းသူၼ်း...

ၽွင်းၵူၼ်းဝၢၼ်ႈ ဢွၼ်ၵၼ်ပၢႆႈၽေးသိုၵ်းယူႇၼၼ်ႉ ပၢင်တိုၵ်းသိုပ်ႇပဵၼ်တၢင်းဝၢၼ်ႈ ၶျွင်းသူင်ႇ ၸႄႈဝဵင်းသီႇပေႃႉ မၢၵ်ႇလူင်တူၵ်းသႂ်ႇႁိူၼ်းၵူၼ်းဝၢၼ်ႈလင်ၼိုင်ႈ ၾႆးမႆႈ လူႉၵွႆ။      တႄႇဢဝ် ဝၼ်းတီႈ 7-14/11/2021 ၼႆႉမႃး ၵူၼ်းဝၢၼ်ႈၶျွင်းသူင်ႇ၊ ႁၢတ်ႇလႅၼ်ႈ၊ သူၼ်လူင်၊ တႃႈတေႈ၊ မိူင်းတဵမ်၊ ဝၢၼ်ႈမႂ်ႇ၊ ၵုင်းၸၢင်ႈလဵၵ်း ႁူဝ်ၵူၼ်း 400 ပၢႆ  ဢွၼ်ၵၼ်ပၢႆႈၽေးသိုၵ်း မႃးသွၼ်ႈဝႆႉ...

ၵူၼ်းပၢႆႈၽေးသိုၵ်း ၸႄႈဝဵင်းသီႇပေႃႉ ႁူဝ်ၵူၼ်း 400 ပၢႆ ဢၼ်ပၢႆႈမႃးသွၼ်ႈဝႆႉၸွမ်းဝတ်ႉဝႃးၽႃသိူဝ်ႇ ၶၢဝ်းတၢင်း 7 ဝၼ်းမႃးၼႆႉ ဢွၼ်ၵၼ် ပွၵ်ႈ ၶိုၼ်းႁိူၼ်းယေးၽႂ်မၼ်းယဝ်ႉ။ ၵူၼ်းပၢႆႈၽေးသိုၵ်း  ဢၼ်ပၢႆႈမႃးသွၼ်ႈဝႆႉ တီႈဢွင်ႇမင်ႇၵလႃႇၽူဝ်းတေႃႇ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉ မႄး ၸိုင်ႈတႆးပွတ်းႁွင်ႇ ႁူဝ်ၵူၼ်း 416 ၵေႃႉၼၼ်ႉ မိူဝ်ႈဝႃး ဝၼ်းတီႈ 14/11/2021...

ၵူၼ်းပၢႆႈၽေးသိုၵ်း ၸႄႈဝဵင်းသီႇပေႃႉ ႁူဝ်ၵူၼ်း 300 ပၢႆ လူဝ်ႇတၢင်းၸွႆႈထႅမ် တၢင်းၵိၼ်တၢင်းယႅမ်ႉ ဝႃႈၼႆ။ ဝၼ်းတီႈ 7/11/2021 သိုၵ်းဢူၺ်းလီပွတ်းႁွင်ႇတင်း သိုၵ်း RCSS ပဵၼ်ပၢင်တိုၵ်း ႁိမ်းဝၢၼ်ႈႁၢတ်ႇလႅၼ်ႈ၊ သူၼ်လူင်၊ ၶျွင်းသူင်ႇ ၸိူဝ်းၼႆႉသေ ၵူၼ်းဝၢၼ်ႈတူၵ်းၸႂ်ၵူဝ် လႆႈဢွၼ်ၵၼ်ပၢႆႈ မႃးသွၼ်ႈဝႆႉတီႈဝတ်ႉၽူဝ်းတေႃႇ ဝဵင်းသီႇပေႃႉ ၸိုင်ႈတႆးပွတ်းႁွင်ႇ ႁူဝ်ၵူၼ်း 300...

ၸုမ်းဢူၺ်းလီပွတ်းႁွင်ႇလႄႈ RCSS ပဵၼ်ပၢင်တိုၵ်းႁၢဝ်ႈႁႅင်း တၢင်းပွတ်းသီႇပေႃႉသေ ၵူၼ်းမိူင်းပိုၼ်ႉတီႈ လႆႈပၢႆႈၶဝ်ႈဝဵင်းမွၵ်ႈ 300 ဝႃႈၼႆ။ မိူဝ်ႈဝႃး ဝၼ်းတီႈ 7/11/2021 သိုၵ်းဢူၺ်းလီပွတ်းႁွင်ႇတင်း သိုၵ်း RCSS ပဵၼ်ပၢင်တိုၵ်း ႁိမ်းဝၢၼ်ႈႁၢတ်ႇလႅၼ်ႈ၊ သူၼ်လူင်၊ ၶျွင်းသူင်ႇ ၸိူဝ်းၼႆႉသေ ၵူၼ်းဝၢၼ်ႈတူၵ်းၸႂ်ၵူဝ် လႆႈဢွၼ်ၵၼ်ပၢႆႈ မႃးသွၼ်ႈဝႆႉတီႈဝတ်ႉၽူဝ်းတေႃႇ ဝဵင်းသီႇပေႃႉ ၸိုင်ႈတႆးပွတ်းႁွင်ႇ ႁူဝ်ၵူၼ်း...

 ၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇၵေႃႈ မီးၵူၼ်းတိတ်းၸပ်းၸိူဝ်ႉမႅင်းၼမ်ၶိုၼ်ႈမႃး 700 ပၢႆ လူႉတၢႆယဝ်ႉ 30 ပၢႆ ၵူၼ်း ပိုၼ်ႉတီႈ ၸိူဝ်း ပႆႇယုမ်ႇ ၶူဝ်ႊဝိတ်ႉ 19 ၼႆႉၵေႃႈ တိုၵ်ႉမီးၼမ်လႄႈ ၸုမ်းၸွႆႈထႅမ်တူင်ႇဝူင်းၵူၼ်းမႆႈၸႂ်လွင်ႈလွတ်ႈၽေးၶူဝ်ႊဝိတ်ႉတႃႇၵူၼ်းၼႂ်းပွၵ်ႉယွမ်ႇဝၢၼ်ႈဢိူင်ႇ  ။ မိူဝ်ႈဝႃး ဝၼ်းတီႈ 28/7/2021 ၼႂ်းၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ မီးၵူၼ်းလူႉတၢႆ...

ယၢမ်းလဵဝ် ၼႂ်းမိူင်းတႆး မီးၵူၼ်းတိတ်းၸပ်း ၸိူဝ်ႉမႅင်းၶူဝ်ႊဝိတ်ႉ 19 ဢမ်ႇယွမ်း ၼိုင်ႈႁဵင်ယဝ်ႉ လူႉတၢႆ မွၵ်ႈ 20 ၵေႃႉ။ တႄႇဢဝ်ၼႂ်းလိူၼ်ၵျုၼ်ႊ 2021 ၼႆႉမႃး တၢင်းပဵၼ်ၶူဝ်ႊဝိတ်ႉ 19 ၽႄႈလၢမ်း ၼႂ်းမိူင်းတႆး သၢမ်ပွတ်းတွၼ်ႈမႃးႁၢဝ်ႈႁႅင်း ယၢမ်းလဵဝ် မီးၵူၼ်းတိတ်းၸပ်းၸိူဝ်ႉမႅင်း ၶူဝ်ႊဝိတ်ႉ 19 ဢမ်ႇယွမ်း ႁဵင်...