ၼႂ်းလိူၼ်ၵျႅၼ်ႊၼိဝ်ႊရီႇ ႁူဝ်ပီ 2026 ၼႆႉ သိုၵ်းၵဝ်ႈၵၢင်ႉ ပွႆႇပၼ်ၶိုၼ်းႁၢႆးသိုၵ်းမၢၼ်ႈ (တိူင်းသိုၵ်းပွတ်းႁွင်ႇ ၸိူဝ်းၺႃးတီႉၺွပ်းၵႂႃႇ ၽွင်းသုမ်းပၢင်တိုၵ်း မိူင်းတႆးပွတ်းႁွင်ႇ မိူဝ်ႈၽႅၼ်ယၼ်ႇသိုၵ်း 1027) တႃႇ 500 ၵေႃႉ ၼႆယဝ်ႉ။ မိူဝ်ႈဝၼ်းတီႈ 25/1/2026 ၸုမ်းသိုၵ်းၵဝ်ႈၵၢင်ႉ MNDAA ပိုၼ်ၽၢဝ်ႇဢွၵ်ႇတီႈၼႃႈလိၵ်ႈသိုဝ်ႇတူင်ႇဝူင်းၵူၼ်း The Kokang ၼၼ်ႉပဵၼ်တၢင်းၵၢၼ်ဝႃႈ -...

မိူဝ်ႈၵၢင်လိူၼ်ၵျႅၼ်ႊၼိဝ်ႊရီႊၼႆႉ သိုၵ်းၵဝ်ႈၵၢင်ႉ (MNDAA) ၸိူဝ်းတူင်ႉၼိုင် ပၼ်ႇၵၢၼ်ၽွင်းငမ်းယူႇ ၼႂ်းၸႄႈဝဵင်းသႅၼ်ဝီ ပိုၼ်ၽၢဝ်ႇ ႁႂ်ႈၵူၼ်းမိူင်းၵိုတ်း ၵၢၼ်ၶၢႆၼိူဝ်ႉ၊ ၶၢႆပႃ ႁိုင် ၶၢဝ်းတၢင်း ၼိုင်ႈဝူင်ႈ တႃႇ 7 ဝၼ်း ၼႆယဝ်ႉ။ ႁႂ်ႈပဵၼ်ၵၢၼ်ယိူင်းၸူးၵူၼ်းသိုၵ်းၸိူဝ်းလူႉတၢႆၵႂႃႇ ၽွင်းၶဝ်ႈပၢင်တိုၵ်းၽႅၼ်ၵၢၼ်ယၼ်ႇသိုၵ်း 1027 ၼၼ်ႉသေ ၸင်ႇဢွၵ်ႇၶေႃႈပူင် ၸီႉသင်ႇ...

တပ်ႉသိုၵ်းၵဝ်ႈၵၢင်ႉ ၸတ်းႁဵတ်းပၢင်မၢႆတွင်း ၶိုၼ်းတင်ႈၼႃႈလိၼ်ၶိုၵ်ႉတွၼ်းမၢႆ 1။ ၶိုၼ်းၶွတ်ႇၽွတ်ႈတမ်းဝၢင်းဝၢၼ်ႈဢိူင်ႇဝဵင်း လၢႆးမႂ်ႇမႂ်ႇ။ၼႂ်းၼႃႈလိၼ်ၶိုၵ်ႉတွၼ်းမၢႆ 1 ၼႆႉပႃးဝႆႉ ၸႄႈတွၼ်ႈ 4 ဢၼ်လႄႈ ဝဵင်းလူင် 1 ဝဵင်း။ ၼႂ်းၾၢင်ႁၢင်ႈၼႃႈလိၼ်ၶိုၵ်ႉတွၼ်းဢၼ်မႂ်ႇၼႆႉ ၶဝ်ဢဝ် ဝဵင်းလၢဝ်ႇၵၢႆး (ဢၼ်ၶဝ်ယိုတ်းလႆႈၽွင်းၽႅၼ်ယၼ်ႇသိုၵ်း 1027 )ၼၼ်ႉ ပဵၼ်ဝႆႉဝဵင်းလူင်ၶဝ်။ ၸႄႈတွၼ်ႈ 4 ဢၼ်ၼႂ်းပိူင်ၽွင်းငမ်း MNDAA ပေႃးတူၺ်းၶိုၼ်းၼႂ်းပိူင်ပိုင်းလၵ်းမိူင်း2008 ၼၼ်ႉတႄႉၼႂ်းၼႃႈလိၼ်ၶိုၵ်ႉတွၼ်းမၢႆ...

ထုင်ႉၼမ်ႉမႃႉ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇၼႆႉ ၸဵမ်မိူဝ်ႈ 2004 ပုၼ်ႉမႃး ၵမ်းၵမ်းဝႃႈ မီးပၼ်ႁႃ ၵၢၼ်ၶုတ်းထၢၼ်ႇႁိၼ် ။ ၵူၼ်းမိူင်း လုၵ်ႉႁိုၼ်ႇသၢၼ်ၶတ်းမႃး လၢႆပွၵ်ႈလၢႆၵမ်းၵေႃႈ ဢမ်ႇႁၼ်ၵိုတ်းယင်ႉၵႂႃႇတင်းပိုၵ်း ။ တေႃႇထိုင်ငဝ်းလၢႆးမိူဝ်ႈလဵဝ်ၵေႃႈ ပၼ်ႁႃပႆႇယဝ်ႉပႆႇဝၢႆး ။ ၼႂ်းထုင်ႉၼမ်ႉမႃႉၼႆႉ ဢိင်ၼိူဝ် ၵၢၼ်ၶုတ်းထၢၼ်ႇႁိၼ်ၼႆႉသေ ဢမ်ႇလၢႆးဢွမ်ႈၵေႃႈ ၵမ်းသိုဝ်ႈ...

မိူဝ်ႈၼႆႉ 9/1/2026 ယၢမ်းၵၢင်ၼႂ် 10 မူင်းၶိုင်ႈ သိုၵ်းမၢၼ်ႈဢဝ်ႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ႁိမ်းဝၢၼ်ႈ သႅၼ်တေႃ ဢၼ်မီးၼိူဝ်သဵၼ်ႈတၢင်းၸႄႈဝဵင်းမိူင်းယႆၵႂႃႇတၢင်း ဝဵင်းသီႇပေႃႉ ပဵၼ်ဢွင်ႈတီႈသိုၵ်းၵဝ်ႈၵၢင်ႉ (MNDAA) တူင်ႉၼိုင်ယူႇသဝ်းဝႆႉ ။ သိုၵ်းမၢၼ်ႈဢဝ်ႁိူဝ်းမိၼ်တိုၵ်း Jet Fighter မိူဝ်းပၼ်ႇလဵပ်ႈၸွမ်းဝၢၼ်ႈ ႁိမ်းႁွမ်းထုင်ႉသႅၼ်တေႃသေ ၶိုၼ်းသူင်ႇႁိူဝ်းမိၼ်သႅၼ်း Y-12 ၵႂႃႇပွႆႇမၢၵ်ႇ တူၵ်းသႂ်ႇ ၼႂ်းထိူၼ်ႇ...

ႁူဝ်ပီ 2026 ၼႂ်းလိူၼ်ၵျႅၼ်ႊၼိဝ်ႊရီႊမႃးၼႆႉ သိုၵ်းမၢၼ်ႈ တင်း သိုၵ်းၵဝ်ႈၵၢင်ႉ (MNDAA) ႁူပ်ႉဢုပ်ႇဢူဝ်း လႆႈၶေႃႈတူၵ်းလူင်းၵၼ်သေ သိုၵ်းၵဝ်ႈၵၢင်ႉ ၸိူဝ်းတင်ႈၵဵတ်ႉလၢၼ်ႇၸွမ်းသဵၼ်ႈတၢင်းလူင်ၵႄႈၵၢင် ဝဵင်းသီႇပေႃႉ လႄႈ ဝဵင်းလႃႈသဵဝ်ႈဝႆႉၼၼ်ႉ လႆႈထွၼ်ဢဝ်ႁႅင်းသိုၵ်းထွႆဢွၵ်ႇႁၢင်ႇ ၶဝ်ႈၵႂႃႇယူႇသဝ်းဝႆႉၶိုၼ်း ၸွမ်းဝၢၼ်ႈ ၸိူဝ်းႁၢင်ႇၵႆၵၼ်တင်း သဵၼ်ႈတၢင်းလူင်ႁၢႆးဝေးၼၼ်ႉ ဝႃႈၼႆ။ မိူဝ်ႈဝၼ်းတီႈ 2/12/2026 သိုၵ်းၵဝ်ႈၵၢင်ႉတႄႇထွၼ်သၢႆသိုၵ်းဢွၵ်ႇၵႂႃႇယူႇဝႆႉၸွမ်းဝၢၼ်ႈ ဢၼ်လုၵ်ႉတၢင်း ဝဵင်းသီႇပေႃႉ...

ၼင်ႇႁိုဝ်ပေႃးတေဢွၵ်ႇၾၢင်ႁၢင်ႈ မီးၵူၼ်းမိူင်းၵႂႃႇပၼ်သဵင်ၵၢင်ၸႂ် (တွၼ်ႈၶႅပ်းမႄး) ၼမ် ၼႂ်းဝၼ်းပၢင်လိူၵ်ႈတင်ႈ ဝၼ်းတီႈ 28 လိူၼ်တီႊသႅမ်ႊပိူဝ်ႊၼၼ်ႉ သိုၵ်းမၢၼ်ႈယိုတ်းမိူင်း ငူပ်ႉငီႉၵၼ်တင်း သိုၵ်းၵဝ်ႈၵၢင်ႉသေ ႁႂ်ႈၽူႈမီးပုၼ်ႈၽွၼ်းၼႂ်းၸုမ်းသိုၵ်းၵဝ်ႈၵၢင်ႉ တီႈထုင်ႉၼမ်ႉပွင်ႈ ၸႄႈဝဵင်းလႃႈသဵဝ်ႈ ပၢဝ်ႇသေႃႇထိုင်ၵူၼ်းမိူင်း တႃႇၵႂႃႇပၼ်သဵင်ၵၢင်ၸႂ်လူင်ႈၼႃႈ ၼႆယဝ်ႉ။ မိူဝ်ႈၼႆႉ ဝၼ်းတီႈ 25 လိူၼ်တီႊသႅမ်ႊပိူဝ်ႊ ၽူႈမီးပုၼ်ႈၽွၼ်း ၾၢႆႇၽွင်းငမ်း ၼႂ်းထုင်ႉၼမ်ႉပွင်ႈ...

ၼႂ်းႁူဝ်လိူၼ်တီႊသႅမ်ႊပိူဝ်ႊၼႆႉ သိုၵ်းၵဝ်ႈၵၢင်ႉ (MNDAA) ၵဵပ်းသိုၵ်းမႂ်ႇထႅင်ႈ ၵူၺ်းဢမ်ႇၵႃး ႁွင်ႉဢဝ်ပႃး ၵူၼ်းသိုၵ်းသေ ႁႃၵူတ်ႇထတ်းၵူၼ်း ၵဵပ်းသဵၼ်ႈမၢႆၶႅၵ်ႇ/ ၵူၼ်းပႅၵ်ႇၼႃႈ ၶၢဝ်း ၵၢင်ၶမ်ႈ ၵၢင်ၶိုၼ်းလႄႈ ႁဵတ်းႁႂ်ႈၵူၼ်းမိူင်းၸိူဝ်းယူႇသဝ်းၼႂ်းပိုၼ်ႉတီႈ ဢမ်ႇမီးလွင်ႈႁူမ်ႇလူမ်ႈ ။ ၸူဝ်ႈသိုၵ်းၵဝ်ႈၵၢင်ႉ ၶဝ်ႈမႃးၵုမ်းၸႄႈဝဵင်းသႅၼ်ဝီ ဝၢႆးလင်ပၢင်တိုၵ်းၽႅၼ်ၵၢၼ်ယၼ်ႇသိုၵ်း 1027 ပွၵ်ႈၵမ်းၼိုင်ႈ ႁိုင်ၶၢဝ်းတၢင်း မွၵ်ႈ 2 ပီၼႆႉ...

ၼႂ်းႁူဝ်လိူၼ်တီႊသႅမ်ႊပိူဝ်ႊၼႆႉ သိုၵ်းမၢၼ်ႈယိုတ်းမိူင်းၸိူဝ်းပၵ်းသဝ်းၼႂ်းၸႄႈဝဵင်းလႃႈသဵဝ်ႈ ႁွင်ႉဢဝ်ၸုမ်းၶိုင်ပွင်ပၢင်လိူၵ်ႈတင်ႈ ၶဝ်ႈၵႂႃႇၼႂ်းထုင်ႉၼမ်ႉပွင်ႈ ၼႃႈတီႈၸုမ်းသိုၵ်းၵဝ်ႈ ၵၢင်ႉၵုမ်းၵမ်ဝႆႉသေ ပၢဝ်ႇသေႃႇ ႁႂ်ႈၵူၼ်းမိူင်းဢဝ်ဝႂ်မုင်ႉႁေႃႁိူၼ်းၵႂႃႇၼႄ ၼႆယဝ်ႉ။ မိူဝ်ႈၼႆႉ ဝၼ်းတီႈ 4 လိူၼ်တီႊသႅမ်ႊပိူဝ်ႊ ယၢမ်းၵၢင်ၼႂ် သိုၵ်းမၢၼ်ႈ တင်း ၸုမ်းပွင်ၵၢၼ်ပၢင်လိူၵ်ႈတင်ႈၶဝ် ႁွတ်ႈၽႅဝ်ထိုင်တီႈ လုမ်းၶႄၾႆးတီႈၼမ်ႉပွင်ႈသေ လူင်းၵဵပ်းၶေႃႈမုၼ်း ၵူၼ်းမိူင်း တႃႇပၢင်လိူၵ်ႈတင်ႈယူႇ ၼႆယဝ်ႉ။ ၼၢင်းယိင်း ၵေႃႉယူႇၼႂ်းထုင်ႉၼမ်ႉပွင်ႈ...

ႁၢင်လိူၼ်ၼူဝ်ႊဝႅမ်ႊပိူဝ်ႊမႃးၼႆႉ သိုၵ်းၵဝ်ႈၵၢင်ႉ MNDAA ႁွင်ႉဢဝ်ၵူၼ်းမိူင်းၼႂ်းပိုၼ်ႉတီႈ ၸိူဝ်းမီးယူႇ ၼႂ်းၸႄႈဝဵင်းသႅၼ်ဝီ မိူင်းတႆးပွတ်းႁွင်ႇ ၵႂႃႇႁဵတ်းမၢႆၾၢင် လႄႈ ဝႂ်မုင်ႉႁေႃ ႁိူၼ်း တီႈလုမ်း (လဝၵ)၊ ၵူၼ်းမိူင်းလႆႈပၼ်ၵႃႈႁဵတ်း ၼိုင်ႈၵေႃႉလႂ် 20,000 ပျႃးပၢႆ ။ တႃႇႁဵတ်းမၢႆၾၢင် လႄႈ ဝႂ်မုင်ႉႁေႃႁိူၼ်းၼႆႉ ၾၢႆႇၸဝ်ႈၼႃႈတီႈၼႂ်းၸုမ်းသိုၵ်းၵဝ်ႈၵၢင်ႉၶဝ် ႁပ်ႉႁဵတ်းပၼ် ၼိုင်ႈဝၼ်းလႂ် 200...

တႄႇဝၼ်းတီႈ 14 လိူၼ်ၼူဝ်ႊဝႅမ်ႊပိူဝ်ႊမႃး သိုၵ်းမၢၼ်ႈ တင်း သိုၵ်းၵဝ်ႈၵၢင်ႉ ၶႅင်ႇၵၼ်ပိၵ်ႉၶူဝ်ဢိုတ်းသဵၼ်ႈတၢင်းလူင်ႁၢႆးဝေးတီႈဝဵင်းသီႇပေႃႉ ဢၼ်မီးၵႄႈၵၢင် ဝဵင်းလိူဝ်ႇ-လႃႈသဵဝ်ႈ- မူႇၸေႊၼၼ်ႉသေ ၵူၼ်းမိူင်း ၸိူဝ်း လႄႈ ၸဝ်ႈရူတ်ႉၵႃး ၸိူဝ်းၸႂ်ႉတိုဝ်းသဵၼ်ႈတၢင်းၼၼ်ႉ ဢွၼ်ၵၼ်ႁူပ်ႉတၢင်းယၢပ်ႇၽိုတ်ႇႁၢဝ်ႈႁႅင်း။ ႁၢၼ်ႉတေႃႇထိုင်ဝၼ်းမိူဝ်ႈၼႆႉ (22/11/2025) ၵေႃႉ ပႆႇပိုတ်ႇပၼ်သဵၼ်ႈတၢင်း ၼႆယဝ်ႉ။ မိူဝ်ႈဝၼ်းတီႈ 21 လိူၼ်ၼူဝ်ႊဝႅမ်ႊပိူဝ်ႊ ပလူင်ႈဢၼ်တေႃႉဢဝ်...

ၼႂ်းၵၢင်လိူၼ်ၼူဝ်ႊဝႅမ်ႊပိူဝ်ႊၼႆႉ သိုၵ်းမၢၼ်ႈ တင်း သိုၵ်းၵဝ်ႈၵၢင်ႉ ဢမ်ႇပွင်ႇၶၢဝ်ႇပၼ်ၵူၼ်းမိူင်းသင်သေ ၵိုင်ႉၵၢင်ႉဢိုတ်း ၶူဝ်လူင်တီႈဝဵင်းသီႇပေႃႉ၊ သိုပ်ႇတင်ႈၵဵတ်ႉလၢၼ်ႇထႅမ်ႁႅင်းသိုၵ်းၶိုၼ်ႈမိူင်းတႆးပွတ်းႁွင်ႇ ။ ၶူဝ်လူင်တီႈဝဵင်းသီႇပေႃႉ လႄႈ သဵၼ်ႈတၢင်းၵႂႃႇမႃး ဝဵင်းလိူဝ်ႇ- လႃႈသဵဝ်ႈၼႆႉ သိုၵ်းတင်းသွင်ၾၢႆႇဢိုတ်းဝႆႉ ၵူႈသဵၼ်ႈ၊ တင်ႈၵဵတ်ႉလၢၼ်ႇၽိူမ်ႉဝႆႉၵူႈၸွၵ်ႉ ၼွၵ်ႈလိူဝ်ၵူၼ်းၼႂ်းပိုၼ်ႉတီႈ ဢမ်ႇပၼ်ရူတ်ႉၵႃးတင်းၼွၵ်ႈ လတ်းၽၢၼ်ႇၵႂႃႇမႃးၼႆ ၸၢႆးဢွင်ႇ ၵူၼ်းမိူင်းၵေႃႉယူႇဝႆႉၼႂ်းထုင်ႉၼမ်ႉလၼ်ႈ လၢတ်ႈၼႄတီႈၽူႈတွႆႇႁွၵ်ႈ ၼင်ႇၼႆ။ “တေႃႇထိုင်မိူဝ်ႈၼႆႉ (18/11/2025)...

ဝၼ်းတီႈ 15/11/2025 ယၢမ်းၵၢင်ၼႂ် ၼႂ်ဝႃး သိုၵ်းၵဝ်ႈၵၢင်ႉ MNDAA ၶိုၼ်းဢဝ်ၶႃႈသိုၵ်း သိုၵ်းမၢၼ်ႈ 200 ပၢႆ ဢၼ်ၶဝ်တီႉလႆႈၽွင်းပၢင်တိုၵ်းၽႅၼ်ယၼ်ႇသိုၵ်း 1027 ၼၼ်ႉ ၶိုၼ်းသူင်ႇပၼ်သိုၵ်းမၢၼ်ႈၶိုၼ်းဝႃႈၼႆ။ ထိုင်မႃးဝၼ်းတီႈ 16/11/2025 သိုၵ်းမၢၼ်ႈ လိုပ်ႈတပ်ႉပၢင်သဝ်း MNDAA ၸိူဝ်းမီးတီႈၼႂ်းၸႄႈဝဵင်းလႃႈသဵဝ်ႈ ၼိူဝ်သဵၼ်ႈတၢင်းၵႂႃႇ မိူင်းယႆဝႃႈၼႆ။ တပ်ႉ MNDAA ဢၼ်သိုၵ်းမၢၼ်ႈၸႂ်ႉထွႆၼႆႉ ပဵၼ်တပ်ႉဢၼ်ပၵ်းဝႆႉတီႈ...

မိူဝ်ႈၼႆႉ ဝၼ်းတီႈ 14/11/2025 တႄႇယၢမ်းၵၢင်ၼႂ်ၸဝ်ႉ 6 မူင်း သိုၵ်းၵဝ်ႈၵၢင်ႉ (MNDAA) တင်း သိုၵ်းမၢၼ်ႈၵိုင်ႉၵၢင်ႉဢိုတ်းၶူဝ်လူင် ဝဵင်းသီႇပေႃႉပႅတ်ႈလႄႈ ၵူၼ်းမိူင်း ဢမ်ႇၸၢင်ႈ ၶၢမ်ႈၵႂႃႇမႃး။ ၸဝ်ႈရူတ်ႉၵႃး လႆႈၵိုတ်းပႂ်ႉဝႆႉ ၸွမ်းၼိူဝ်သဵၼ်ႈတၢင်းလူင်တင်းၼမ် ၼႆယဝ်ႉ။ ယွၼ်ႉသိုၵ်းၵဝ်ႈၵၢင်ႉ ၵိုင်ႉၵင်ႉ ဢဝ်ထူင်လိၼ် ထူင်သၢႆးဢိုတ်းၶူဝ်ပႅတ်ႈလႄႈ ၸဝ်ႈၵႃး...

တီႈဝဵင်းၵူတ်ႉၶၢႆ ဢၼ်သိုၵ်းတဢၢင်း တိုၵ်းလႆႈၽွင်းငမ်းဝႆႉၼၼ်ႉဢိင်ၼိူဝ်ငဝ်းလၢႆးဢမ်ႇပေႃးၶႂ်ႈ ၼိမ်သဝ်းၶိုၼ်းႁေၵူၼ်းတူၵ်းၶွၵ်ႈတႂ်ႈသိုၵ်းတဢၢင်းၵုမ်းၼၼ်ႉ ဢွၵ်ႇပၢႆႈလွတ်ႈဝႆႉ 30 ပၢႆ ယၢမ်းလဵဝ်သိုၵ်းတဢၢင်းတိုၵ်ႉလမ်းႁႃယူႇဝႃႈၼႆ။ ၵူၼ်းတူၵ်းၶွၵ်ႈၸိူဝ်းၼႆႉ ပၢႆႈမိူဝ်ႈဝၼ်ႈတီႈ1/11/2025 ယၢမ်းၵၢင်ၶိုၼ်း။ ၵူၼ်းမိူင်းဝဵင်းၵူတ်ႉၶၢႆလၢတ်ႈဝႃႈ “ ၵူၼ်းတူၵ်းၶွၵ်ႈၸိူဝ်းၼႆႉပဵၼ်ၵူၼ်းၶွၵ်ႈယွၼ်ႉယႃႈမဝ်းၵမ်၊ လွင်ႈလၵ်ႉၸၵ်ႉၶုတ်ႈၸိူဝ်းၼႆႉ။ ၶွၵ်ႈလူင်ၵူတ်ႉၶၢႆၼႆႉယႂ်ႇ- ၵႅၼ်ႇၶႅင်ထၢၼ်ႇၼႆႉႁဵတ်းႁိုဝ်လႄႈ ဢွၵ်ႇပၢႆႈလႆႈပဵၼ် 30 ပၢႆပဵၼ်ဢၼ်လီဢၢမ်းလူင်လၢင် - ဢမ်ႇၼၼ်ၵေႃႈ သိုၵ်းတဢၢင်းလၵ်ႉပွႆႇႁိုဝ်ဢမ်ႇႁူႉ။ ၵူၺ်းၵႃႈတေႃႇထိုင်မိူဝ်ႈၼႆႉ ပလိၵ်ႈတဢၢင်းလမ်းႁႃယူႇၵေႃႈပႆႇႁၼ်တီႉလႆႈၶိုၼ်း...