ဝၼ်းတီႈ 23/12/2021 ၶမ်ႈဝႃး ယၢင်းၵၢင်ၶိုၼ်းလိုၵ်း သိုၵ်းမၢၼ်ႈႁႅၼ်းသိုၵ်းလေႃႇတိုၵ်း ၸုမ်းသိုၵ်းၵူၼ်းမိူင်း PDF  လႄႈသိုၵ်းယၢင်း တီႈထုင်ႉ လေးၵေႉၵေႃႇ ဝဵင်းမျႃႉဝတီႇ မိူင်းယၢင်းၽိူၵ်ႇ လႅၼ်လိၼ် ယၢင်း-ထႆး၊ ၸႂ်ႉၶိူင်ႈမိၼ်ယိုဝ်းသိုၵ်းလၢမ်းယိုဝ်းလူင်းသႂ်ႇဝၢၼ်ႈၵူၼ်း။ သိုၵ်းမၢၼ်ႈယိုဝ်းၵွင်ႈလူင်လူင်းဢမ်ႇယွမ်း 50 ၵမ်း။ တူၵ်းသႂ်ႇႁိမ်းႁွမ်းဝၢၼ်ႈၵူၼ်းယူႇသဝ်း။ ၾၢႆႇသိုၵ်းၵႅတ်ႇၶႄၵူၼ်းမိူင်း PDF တႄႉဢမ်ႇမီးလွင်ႈယိုဝ်းတုမ်ႉတွပ်ႇၶိုၼ်း ၵူၼ်းပိုၼ်ႉတီႈလၢတ်ႈ - ၶၢဝ်ႇယၢင်း...

သိုၵ်းမၢၼ်ႈယိုတ်းမိူင်း ပႂ်ႉတၢင်းၶဝ်ႈ/ဢွၵ်ႇဝဵင်း ဢုမ်ႇပဝ်း( ဢွင်ႇပၢၼ်း) သေ ၵဵပ်းၶွၼ်ႇလေႃႉရူတ်ႉ (ဘီးခွန်) တီႈၸဝ်ႈၵႃးတၢင်ႇၽၵ်းယိူဝ်ႈၼၢင်းၶဵဝ်ဢွၵ်ႇဢုမ်ႇပဝ်း သူင်ႇၶၢႆမိူင်းမၢၼ်ႈ  ၼမ်မႃးၵူႈဝၼ်းလႄႈ ၸဝ်ႈၽၵ်းၶဵဝ် ယၢပ်ႇၽိုတ်ႇ။ “ၶဝ်ဝႃႈ ဘီးခွန် ၶွၼ်ႇလေႃႉရူတ်ႉ ၼႆသေ ပႂ်ႉၵဵပ်းတၢင်းၶဝ်ႈဝဵင်း ဢွင်ႇပၢၼ်းဢေႃႈ။ ၵဵပ်းတီႈၸဝ်ႈၵႃးတၢင်ႇၽၵ်းၶဵဝ်တေႃႉၶၢႆမိူင်းမၢၼ်ႈတၢင်းဝဵင်းၽိဝ်း၊ ၵျွၵ်ႉတၶႃး ၸိူဝ်းၼႆႉ။ ရူတ်ႉၵႃးၼိုင်ႈလမ်း ၶဝ်ယွၼ်းပဵၼ် 5000 ပျႃးဢေႃႈ။...

မိူဝ်ႈၼႆႉ ဝၼ်းတီႈ 22/12/2021 ယၢမ်းၵၢင်ၼႂ် မွၵ်ႈ 9 မူင်း ၶွင်ႇသီႇသိုၵ်းမၢၼ်ႈ ယိုတ်းမိူင်း လၢမ်းလိမ်းယိုဝ်းၵွင်ႈ ၾၢႆႇလဵဝ် ၵႂႃႇၵူႈႁူးၵူႈတၢင်း ၼႂ်း ၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ။   ၵူၼ်းၵူတ်ႉၶၢႆ လၢတ်ႈတီႈၽူႈတွႆႇႁွၵ်ႈဝႃႈ - “ပဵၼ်သိုၵ်းမၢၼ်ႈ ယိုဝ်းၶႃႈဢေႃႈ။ လႆႈငိၼ်းယိုဝ်းၾၢႆႇလဵဝ်ၵူၺ်းၶႃႈ။ မွၵ်ႈ 7-8...

ၶွင်ႇသီႇသိုၵ်းမၢၼ်ႈ ယိုတ်းမိူင်းလေႃႇတိုၵ်း သိုၵ်းၶႄႇၵဝ်ႈၵၢင်ႉ(ၵူဝ်းၵၢင်ႉ) ႁၢဝ်ႈႁႅင်း တၢင်းပွတ်းမိူင်းၵူဝ်း ၸိုင်ႈတႆးပွတ်းႁွင်ႇ ၾၢႆႇသိုၵ်း မၢၼ်ႈ မၢတ်ႇၸဵပ်းလူႉတၢႆ ၸမ် 100 သိုၵ်းၵဝ်ႈၵၢင်ႉယိုတ်းလႆႈၶိူင်ႈၵွင်ႈၵၢင်ႇမၢၼ်ႈတင်းၼမ် သိုဝ်ႇၶၢဝ်ႇ The Kokang ဢွၵ်ႇဝႆႉၼင်ႇၼႆ။ ပၢင်တိုၵ်းပဵၼ်မိူဝ်ႈဝႃး ဝၼ်းတီႈ 19/12/2021  ၾၢႆႇသိုၵ်းမၢၼ်ႈ မၢတ်ႇၸဵပ်းလူႉတၢႆ 83 ၵေႃႉ။ ၽွင်းတေႃႉသူင်ႇ...

မိူဝ်ႈၼႆႉ ဝၼ်းတီႈ 16/12/2021 တႄႇဢဝ် ယၢမ်းၵၢင်ၼႂ် ထိုင်ယၢမ်းလဵဝ် ၶွင်ႇသီႇသိုၵ်းမၢၼ်ႈ ယိုတ်းမိူင်းတင်း သိုၵ်းၶႄႇၵဝ်ႈၵၢင်ႉ MNDAA ပဵၼ်ပၢင်တိုၵ်းၵၼ်ႁၢဝ်ႈႁႅင်း ၸွမ်းသၼ်လွႆၼူၵ်ႉၵူတ်း ဢိူင်ႇၼမ်ႉပူ ၼႂ်းၵႄႈၼမ်ႉပွင်ႈ - လႃႈသဵဝ်ႈ ယၢၼ်ၵၼ်ဝဵင်း မွၵ်ႈ 20 လၵ်း ၼႂ်းၸႄႈဝဵင်း လႃႈသဵဝ်ႈ ၸိုင်ႈတႆးပွတ်းႁွင်ႇ။ ၵူၼ်းပိုၼ်ႉတီႈ လၢတ်ႈတီႈၽူႈတွႆႇႁွၵ်ႈဝႃႈ...

ၶၢဝ်းတၢင်းသိုၵ်းမၢၼ်ႈၵုမ်းထိင်း(ယိုတ်း) ဝၢၼ်ႈမိူင်းမႃးၼႆႉ  မီးၸုမ်းယိပ်းၵွင်ႈၵၢင်ႇ ႁဵတ်းႁၢႆႉတေႃႇၵူၼ်းမိူင်းလႄႈပဵၼ်ၸုမ်းဢၼ်ၸၼ်ႉတႅမ်ႇတႄႉတႄႉ ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ လၢတ်ႈတီႈပၢင်ၵုမ်လုမ်းႁူဝ်ပဝ်ႈၶွင်ႇသီႇသိုၵ်းၼင်ႇၼႆ။ ပၢင်ၵုမ်ၼၼ်ႉၸတ်းႁဵတ်းမိူဝ်ႈဝၼ်းတီႈ 13 လိူၼ်တီႊသႅမ်ႊပိူဝ်ႊ သေ ၸွမ်ၸိၵ်းသိုၵ်းမၢၼ်ႈ မလဢ လၢတ်ႈတီႈပၢင်ၵုမ်ၼၼ်ႉဝႃႈ- ၸုမ်းဢၼ်ယိပ်းၵွင်ႈသေ ၸႂ်ႉလၢႆးႁုၵ်ႉႁၢႆႉပိုတ်းယိုဝ်းတိုၵ်းတေႃးတေႃႇၵူၼ်းမိူင်း ႁဵတ်းႁႂ်ႈၵူၼ်းမိူင်းၵူဝ်ႁႄၼႆႉ ပဵၼ်ၸုမ်းဢၼ်ၸၼ်ႉတႅမ်ႇတႄႉတႄႉ။ ပၢၼ်ဝၢၼ်ႈမိူင်းတီႊမူဝ်ႊၵရေႊသီႊၼႆႉ ဢၼ်ႁဵတ်းႁၢႆႉလွၵ်ႇငိုတ်ႈၵူၼ်းမိူင်းႁႂ်ႈၵူဝ်ၼႆႉ ပဵၼ်လၢႆးႁဵတ်းဢၼ်သၢၼ်ၶတ်းၵၼ်တင်းပိူင်တီႊမူဝ်ႊၵရေႊသီႊ- ၼႆ သိုဝ်ႇၶၢဝ်ႇၶွင်သိုၵ်းမၢၼ်ႈ ဢၼ်ပဵၼ် မျႃႇဝတီႇ...

ၵူၼ်းဝၢၼ်ႈၵွင်းဝႅပ်ႈ ဢိူင်ႇၶွင်းဢိ ၸႄႈဝဵင်းၾၢႆၶုၼ် ၸိုင်ႈတႆးပွတ်းၸၢၼ်းၵေႃႉၼိုင်ႈၺႃးသိုၵ်းမၢၼ်ႈတီႉၵႂႃႇလႆႈ 4 ဝူင်ႈပၢႆ ပီႈၼွင်ႉၵူၼ်းႁိူၼ်းတိုၵ်ႉၵႂႃႇႁၼ်ၶိုၼ်းတူဝ်တၢႆမၼ်းၸၢႆးတီႈထိူၼ်ႇႁိမ်းဝၢၼ်ႈ သမ်ႉပေႃးတူႇၵႂ်ႈဝႆႉယဝ်ႉ ႁဵတ်းႁႂ်ႈၵူၼ်းႁိူၼ်းမၼ်းတိူဝ်ႉၸႂ်ဢမ်ႇမီးလွင်ႈႁူမ်ႇလူမ်ႈ။ ၵူဝ်ႇလႃႉဝိၼ်း ဢႃယု 30 ပီပၢႆၵူၼ်းဝၢၼ်ႈၵွင်းဝႅပ်ႈၼႆႉ သိုၵ်းမၢၼ်ႈၶဝ်ႈသွၵ်ႈႁိူၼ်းမၼ်းသေ ၵူတ်ႇထတ်းႁၼ်ၶႅပ်းႁၢင်ႈၵွင်ႈၵၢင်ႇ ၼႂ်းမိုဝ်းထိုဝ်မၼ်းၸၢႆးလႄႈ တီႉၺွပ်းၵႂႃႇ မိူဝ်ႈဝၼ်းတီႈ 12/11/2021 ဝႃႈၼႆ။ ၵူၼ်းဝၢၼ်ႈၵွင်းဝႅပ်ႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ- “မၼ်းပဵၼ်ၵူၼ်းႁဵတ်းၵၢၼ်တူင်ႇဝူင်းၵူၼ်းၵူၺ်း။ မၼ်းႁႃလဵင်ႉတွင်ႉမႄႈမၼ်းလႄႈၼွင်ႉယိင်းမၼ်းသိုဝ်ႈသိုဝ်ႈယူဝ်းယူဝ်း။ သိုၵ်းမၢၼ်ႈမႃးတူၺ်းၾူၼ်းမၼ်း  ႁၼ်ၶႅပ်းႁၢင်ႈၵွင်ႈလႄႈ ၼႆသေၼႄးမၼ်းဝႃႈ...

ၽူႈသိုဝ်ႇၶၢဝ်ႇၵၢမ်ႇပေႃးၸတၢႆး 3 ၵေႃႉလႄႈ ၵူၼ်းၼုမ်ႇ ၵေႃႉ႞ ထုၵ်ႇမၢပ်ႇၼႄးဝႃႈ ပဵၼ်ၽူႈသိုဝ်ႇၶၢဝ်ႇ ၵၢမ်ႇပေႃႉၸတၢႆး ၼႆသေ ထုၵ်ႇသိုၵ်းမၢၼ်ႈတီႉၺွပ်း ဢဝ်လိူင်ႈၸွႆးတြႃးဝႆႉ လူၺ်ႈမတ်ႉတႃ 505 (က) ၼၼ်ႉ   သိုၵ်းမၢၼ်ႈ ပၼ်တူတ်ႈတၢမ်ႇၶွၵ်ႈ ၼိုင်ႈၵေႃႉလႂ်သၢမ်ပီ။ မိူဝ်ႈၼႆႉ ဝၼ်းတီႈ 10/12/2021 ယူႇတီႈၶွင်ႇသီႇသိုၵ်းမၢၼ်ႈ ယိုတ်းမိူင်း တီႈၶွၵ်ႈတွင်ႇလေးလူင်း ၸႄႈဝဵင်းယွင်ႁူၺ်ႈ...

မိူဝ်ႈၼႆႉ ဝၼ်းတီႈ 9/12/2021 ယၢမ်းၵၢင်ၼႂ် မွၵ်ႈ 2 မူင်းၶိုင်ႈ ၶွင်ႇသီႇသိုၵ်းမၢၼ်ႈ ယိုတ်းမိူင်း တင်း သိုၵ်းၶၢင် KIA ပဵၼ်ပၢင်တိုၵ်းၵၼ် တီႈႁိမ်း ဝၢၼ်ႈၼမ်ႉပႃၶီး ၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ။ ၵူၼ်းပိုၼ်ႉတီႈ ၼႂ်းၵႄႈၵူတ်ႉၶၢႆ - သႅၼ်ဝီ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ...

သိုၵ်းမၢၼ်ႈ ဢၼ်ပႂ်ႉတီႈၶူဝ်ဢီႇၼၢႆး ဝဵင်းလႃႈသဵဝ်ႈ တၢင်းၵႂႃႇဝဵင်းၼမ်ႉတူႈၼၼ်ႉ ၵူတ်ႇထတ်းၵူၼ်းမိူင်းၵႂႃႇမႃး၊ ၸိူဝ်းၶီႇရူတ်ႉၶိူင်ႈ ရူတ်ႉထိပ်ႇ ၸိူဝ်းၼႆႉ တၵ်းတေလႆႈ လူင်းဢီးၵူႈၵေႃႉ။     ၵူၼ်းမိူင်းၸိူဝ်းၶီႇရူတ်ႉၶိူင်ႈလတ်း တီႈၶူဝ်ဢီႇၼၢႆး ဢမ်ႇငၢႆႈမိူၼ်ၵူႈပွၵ်ႈ၊  လႆႈလူင်းဢီးရူတ်ႉၶိူင်ႈၼႃႈၵဵတ်ႉမၢၼ်ႈ ၵူႈၵေႃႉ။ သင်ဝႃႈ ဢမ်ႇလူင်းရူတ်ႉသေ ၶပ်းရူတ်ႉၶၢမ်ႈၶူဝ်ၸိုင် သိုၵ်းမၢၼ်ႈပၼ်တူတ်ႈတၢမ်ႇ လႆႈၶိုၼ်းလူင်းဢီးသေပွၵ်ႈမႃးၶိုၼ်း။   ယဝ်ႉၸင်ႇဢီးၶၢမ်ႈၶူဝ်ၶိုၼ်းထႅင်ႈၵမ်းၼိုင်ႈသေ ၸင်ႇတေလႆႈသိုပ်ႇၶၢဝ်းတၢင်း -...

ၼႂ်းလိူၼ်လဵဝ်ၵူၺ်း သိုၵ်းမၢၼ်ႈ  လႄႈ သိုၵ်းၵဝ်ႈၵၢင်ႉ/ ၵူဝ်းၵၢင်ႉ MNDAA ပိုတ်းယိုဝ်းၵၼ်126 ပွၵ်ႈ  ဝႃႈၼႆ။ သိုဝ်ႇၶၢဝ်ႇ The Kokang ဢွၵ်ႇဝႆႉဝႃႈ ၼႂ်းလုၵ်ႈလိူၼ်ၼူဝ်ႊဝႅမ်ႊပိူဝ်ႊ 2021 ၼႆႉ သိုၵ်းမၢၼ်ႈႁႅၼ်းသိုၵ်း   လေႃႇတိုၵ်း သိုၵ်းၵဝ်ႈၵၢင်ႉ/ ၵူဝ်းၵၢင်ႉ MNDAA ၼႂ်း ၸိုင်ႈတႆးပွတ်းႁွင်ႇ သွင်ၾၢႆႇပဵၼ်ပၢင်တိုၵ်းၵၼ် တင်းမူတ်း...

ဝၼ်းတီႈ 5/11/2021 မိူဝ်ႈဝႃးယၢမ်းၵၢင်ၼႂ်ၸဝ်ႉ ၵူၼ်းမိူင်းတႃႈၵုင်ႈ ၼႄၵၢင်ၸႂ်သၢၼ်ၶတ်းသိုၵ်းမၢၼ်ႈ တီႈၸႄႈဝဵင်းၵျီႉမျိၼ်ႇတၢႆႇ ဝဵင်းလူင်တႃႈၵုင်ႈ သိုၵ်းမၢၼ်ႈႁေႃႈၵႃးၽႃႇၾုင်ၵူၼ်း မၢတ်ႇၸဵပ်း လူႉတၢႆ လႄႈၺႃးတီႉ ဢမ်ႇယွမ်း 10 ။ ၵူၼ်းၼုမ်ႇသႅၼ်းပၢၼ် Gen Z ၸုမ်းၼိုင်ႈ ယိပ်းၶူဝ်ႉမွၵ်ႇသေ ပႆတၢင်းၼႄၵၢင်ၸႂ် သၢၼ်ၶတ်းသိုၵ်းမၢၼ်ႈ လူၺ်ႈလၢႆးၵတ်းယဵၼ်၊ တီႈသဵၼ်ႈတၢင်း ပၢၼ်းပိၼ်ႇၵျီးလၢၼ်း ၸႄႈဝဵင်းၵျီႉမျိၼ်ႇတၢႆႇ...

ၸွမ်ၸိၵ်းသိုၵ်းမၢၼ်ႈယိုတ်းမိူင်း လၢတ်ႈဝႃႈ ဝၢႆးလင်ပိုၼ်ၽၢဝ်ႇငဝ်းလၢႆးၶိုၵ်ႉၶၵ်ႉ ၸိုင်ႈမိူင်းၼႆႉ (ဝၢႆးလင်ယိုတ်းဢႃႇၼႃႇမႃးၼႆႉ) ၵၢၼ်လူင်းတိုၼ်းလၢင်းၵူၼ်းၼွၵ်ႈမိူင်းလႄႈၵၢၼ်ႁူမ်ႈမိုဝ်းႁဵတ်းၵၢၼ်ပၢႆးမၢၵ်ႈမီး လူတ်းယွမ်းလူင်းတႄႉတႄႉဝႃႈဝႃႈ ဝႃႈၼႆ။ ဝၼ်းတီႈ 3/12/2021 ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ ဢုပ်ႇလၢတ်ႈတီႈပၢင်ၵုမ်လုမ်းႁူဝ်ပဝ်ႈၶွင်ႇသီႇၽွင်းငမ်းပွင်ၵၢၼ်ၸိုင်ႈမိူင်း တီႈၼေႇပျီႇတေႃႇၼင်ႇၼႆ။  ၸွမ်ၸိၵ်းသိုၵ်းမိၼ်းဢွင်ႇလၢႆႇလၢတ်ႈဝႃႈ - ယွမ်ႉပိူဝ်ႈတၢင်းပဵၼ်ၶူဝ်ႊဝိတ်ႉၽႄႈလၢမ်း ႁၢဝ်ႈႁႅင်းလႄႈ ၵုမ်ႇလႆႈႁဵတ်းတႃႇႁႄႉၵင်ႈတၢင်းပဵၼ်ၵူၺ်း ၊ ၵွပ်ႈၼႆၵၢၼ်ငၢၼ်းတၢင်ႇလွင်ႈလႆႈလွတ်ႈႁၢမ်းၵႂႃႇပႅတ်ႈ- ဝႃႈၼႆ။  လိူဝ်ၼၼ်ႉ မၼ်းယင်းလၢတ်ႈထႅင်ႈဝႃႈ ဢိင်ၼိူဝ်လွင်ႈတၢင်းလၢႆလၢႆဢၼ်သေ ၶွၼ်ႇၼႂ်းမိူင်းၵေႃႈ ဢမ်ႇလႆႈတဵမ်ထူၼ်ႈ၊ တီႈၵဵတ်ႉ/လၢၼ်ႇလႅၼ်လိၼ်...

သိုၵ်းၵဝ်ႈၵၢင်ႉ MNDAA ႁႅၼ်းသိုၵ်းလေႃႇတိုၵ်း တပ်ႉသိုၵ်းမၢၼ်ႈ ဢၼ်ပႂ်ႉၶူဝ် ၼိူဝ်သဵၼ်ႈတၢင်း လုၵ်ႉလႃႈသဵဝ်ႈ ၵႂႃႇတၢင်း ၸႄႈဝဵင်းၼမ်ႉတူႈ မိူင်းတႆးပွတ်းႁွင်ႇ။ မိူဝ်ႈဝႃး ဝၼ်းတီႈ 1/12/2021 ယၢမ်းဝၢႆးဝၼ်း မွၵ်ႈ 4 မူင်း သိုၵ်းၵဝ်ႈၵၢင်ႉ/ ၵူဝ်းၵၢင်ႉ MNDAA လေႃႇတိုၵ်း သိုၵ်းမၢၼ်ႈ ဢၼ်ပႂ်ႉၵဵတ်ႉဝႆႉတီႈႁူဝ်ၶူဝ်ဢီႇၼၢႆး ယၢၼ်ၵႆဝဵင်းမွၵ်ႈ 8...

သဵၼ်ႈတၢင်းၽႄႈႁူဝ်ပိုၵ်ႉ ၼႂ်းၵႄႈလႃႈသဵဝ်ႈ- သႅၼ်ဝီ ၾၢႆႇသိုၵ်းမၢၼ်ႈဢဝ်သၢႆးမႃးၵွင် ပိၵ်ႉတၢင်းဝႆႉႁိုင်မႃးၶၢဝ်းတၢင်း 5 လိူၼ်ပၢႆ၊ ႁၢင်လိူၼ်ၼူဝ်ႊဝႅမ်ႊပိူဝ်ႊပူၼ်ႉမႃးၼႆႉ ၾၢႆႇၽွင်းငမ်း မႃးထႆထုၺ်ပိုတ်ႇၶိုၼ်းၵႂႃႇမႃးလႆႈယဝ်ႉဝႃႈၼႆ။  သဵၼ်ႈတၢင်းၼၼ်ႉ ပဵၼ်သဵၼ်ႈတၢင်းဢၼ်လုၵ်ႉသႅၼ်ဝီ လူင်းမႃး၊ ဢၼ်လုၵ်ႉႁူဝ်ပိုၵ်ႉမႃး တေၶဝ်ႈဝဵင်းလႃႈသဵဝ်ႈ။ သိုၵ်းမၢၼ်ႈပိၵ်ႉမႃးၸဵမ်မိူဝ်ႈလိူၼ် ၵျုၼ်ႊ ဝၼ်းတီႈ 17 ။ ပေႃးတေၶဝ်ႈလႃႈသဵဝ်ႈ လႆႈဝႄႈၵွင်သၢႆးသေ လႆႈၵႂႃႇတၢင်းသဵၼ်ႈတၢင်းႁွပ်ႈဝဵင်းသေ ၸင်ႇၶဝ်ႈ။ ႁဵတ်းႁႂ်ႈၵူၼ်းမိူင်းၵႂႃႇမႃးယၢပ်ႇ...