ၶိူင်ႈမိၼ်ယိုဝ်းသိုၵ်း ၶွင်သိုၵ်းမၼ်ႈယိုတ်းမိူင်း တူၵ်းၵွႆတီႈဝၢၼ်ႈဢူင်းတေႃး တိူင်းၸႄႈၵႅင်း ႁွင်ႈၵၢၼ်ၶၢဝ်ႇ မျႃႉဝတီႇ ၶွင်ၸုမ်းသိုၵ်းမၢၼ်ႈပိုၼ်ၽၢဝ်ႇ။
ၶၢဝ်ႇမျႃႉဝတီႇဢွၵ်ႇမိူဝ်ႈၼႆႉၵၢင်ဝၼ်းဝႃႈ – ၶိူင်ႈမိၼ်ယိုဝ်းသိုၵ်း သိုၵ်းမၢၼ်ႈဢၼ် လုၵ်ႉတီႈတပ်ႉလူမ်း တတႃးဢူး ၼၼ်ႉ မိၼ်ၶိုၼ်ႈၵႂႃႇ ၾိုၵ်းသွမ်ႉၵၼ်သိုၵ်း တၢင်းၵၢင်ႁၢဝ် ၊ တူၵ်းလူင်းၼႂ်းၼွင်တီႈၾၢႆႇဢွၵ်ႇဝၢၼ်ႈဢူင်းတေႃး တိူင်းၸႄႈၵႅင်း မိူဝ်ႈၼႆႉ 16/2/2022 ယၢမ်းၵၢင်ၼႂ် 10 မူင်း 43 မိၼိတ်ႉ- ဝႃႈၼႆ။
ၸုမ်းၸွႆႈထႅမ် ၵႂႃႇတီႈၶိူင်ႈမိၼ်တူၵ်းၼၼ်ႉ လႆႈႁၼ် တူဝ်တၢႆသိုၵ်းတပ်ႉလူမ်းၵေႃႉၼိုင်ႈ လႅပ်ႈပဵၼ်ၽူႈမီးၸၼ်ႉတပ်ႉလူမ်း ။ ၵိုတ်းလုပ်ႇၶႅၼ်လုပ်ႇၶႃ ၸပ်းဝႆႉတီႈ သိူဝ်ႈၶူဝ်းမၼ်းၵူၺ်း ဝႃႈၼႆ။
ၵူၼ်းတိူင်းၸႄႈၵႅင်းတႄႉလၢတ်ႈဝႃႈ – ပဵၼ်ၶိူင်ႈမိၼ် သိုၵ်းမၢၼ်ႈ ဢၼ်ၵႂႃႇယိုဝ်း သိုၵ်းၵူၼ်းမိူင်း PDF ၼႂ်းတိူင်းၸႄႈၵႅင်း၊ မၵူၺ်း၊ ၵႂႃႇယိုဝ်းတၢင်းမိူင်းၶျၢင်း၊ မိူင်းယၢင်းလႅင်လႄႈ မိူင်းယၢင်းၽိူၵ်ႇၸိူဝ်းၼႆႉဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ