ဝၼ်းတီႈ 12/10/2023 ႁူဝ်ၶမ်ႈ 5 မူင်း ထိုင် 6 မူင်း(ယၢမ်းထႆး) ၸုမ်းၵူၼ်းၼုမ်ႇမိူင်းမၢၼ်ႈ ႁူမ်ႈၵၼ်ၸတ်းပၢင် Deadly Strike ၼႄၾၢင်ႁၢင်ႈ လွင်ႈသိုၵ်းမၢၼ်ႈဢဝ်ၵွင်ႈလူင် ယိုဝ်းသႂ်ႇတီႈပၢင်သဝ်းၵူၼ်းပၢႆႈၽေးသိုၵ်း တီႈမူင်ႈလၢႆးၶႅၵ်ႉ ၸႂ်ႉလၢႆးႁုၵ်ႉႁၢႆႉတေႃႇၵူၼ်းမိူင်း။ မိူဝ်ႈဝၼ်းတီႈ 9/10/2023 ၼၼ်ႉ သိုၵ်းမၢၼ်ႈတင်ႈၸႂ် ၸႂ်ႉၶိူင်ႈမိၼ် ပိုတ်းယိုဝ်း ပွႆႇမၢၵ်ႇလူင်သႂ်ႇ ပၢင်သဝ်းၵူၼ်းပၢႆၽေး...

ယူႊၼီႊသႅပ်ႉၾ်လၢတ်ႈ မွင်ၸႂ်ၸွမ်းလွင်ႈပၢင်သဝ်းၵူၼ်းပၢႆႈၽေးသိုၵ်း တီႈလၢႆႊၸႃႊ ၺႃးသိုၵ်းမၢၼ်ႈၸႂ်ႉၶိူင်ႈမိၼ် ပွႆႇမၢၵ်ႇသႂ်ႇ မိူဝ်ႈဝၼ်းတီႈ 9/10/2023 ယၢမ်းၶမ်ႈ ႁဵတ်းႁႂ်ႈ လုၵ်ႈဢွၼ်ႇလူႉတၢႆၸွမ်းၼမ်။ သိုၵ်းမၢၼ်ႈတင်ႈၸႂ်ၸႂ်ႉၶိူင်ႈမိၼ် ပွႆႇမၢၵ်ႇလူင်သႂ်ႇ ဢွင်ႈတီႈၵူၼ်းပၢႆႈၽေးယူႇသဝ်း ႁိမ်းတပ်ႉငဝ်ႈငုၼ်း KIO/KIA  တီႈလၢႆႊၸႃႊ ၵူၼ်းပၢႆႈၽေးလူတၢႆ ၼပ်ႉႁူဝ်သိပ်း ၼႂ်းၼၼ်ႉလုၵ်ႈဢွၼ်ႇလူႉတၢႆၸွမ်းၼမ် ယူႇတီႈႁွင်ႈၵၢၼ်ၾၢႆႇငိုၼ်းၵွင်ၵၢင်လုၵ်ႈဢွၼ်ႇၸၢတ်ႈၸိုင်ႈလုမ်ႈၾႃႉ ယူႊၼီႊသႅပ်ႉၾ် (UNICEF)ဢွၵ်ႇလၢတ်ႈမွင်ၸႂ်ၸွမ်းလွင်ႈၼႆႉ ၼႆယဝ်ႉ။ ၼႂ်းလိၵ်ႈမွင်ၸႂ်ၼၼ်ႉ ပႃးဝႆႉဝႃႈ -...

ၼႂ်းဝူင်ႈၼႆႉ ပိဝ်ႇၸေႃးထီး လုၵ်ႈၸုမ်းသိုၵ်းမၢၼ်ႈယိုတ်းမိူင်း တင်ႈလၢၼ်ႇပႂ်ႉၵဵတ်ႉ ၵူတ်ႇထတ်း ၵဵပ်းၶွၼ်ႇ ၵူၼ်းမိူင်း ၸွမ်းဢွင်ႈတီႈၵိုၵ်းပိုၼ်း ၽြႃးသူၺ်ႇဢိၼ်းတဵင်ႇ ၸႄႈဝဵင်းယွင်ႁူၺ်ႈ ႁဵတ်းႁႂ်ႈၵူၼ်းမိူင်းဢမ်ႇထၢင်ႇႁၢင်ႈၵႂႃႇမႃး။ ၵူၼ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ မိူဝ်ႈၵူႈပွၵ်ႈတႄႉ PNO ၶဝ်သင်ၶဝ် ပႂ်ႉၵဵပ်းယူႇၸွမ်းၸိူဝ်းၼၼ်ႉ။ ၵူၺ်းၼႃႇ ဢမ်ႇၵဵပ်းလူင်ၵႂႃႇၵူႈၵေႃႉႁဵတ်းၼႆ။ မိူဝ်ႈလဵဝ် တူၵ်းပၢၼ်ပိဝ်ႇၸေႃးထီးၶဝ်မႃးၵဵပ်းၼႆႉ ၽႂ်ႁိုၵ်ႉသႂ်ႇၵေႃႈ ၺႃးၵူႈၵမ်းယဝ်ႉ မိူၼ်ၼင်ႇ ...

မီးလွင်ႈလူဝ်ႇတွင်ႈထၢမ်ၼႆသေ သိုၵ်းမၢၼ်ႈထၢၵ်ႈၵေႃႉၼိုင်ႈတီႈၼွင်ႁၢႆးယႃႈ ၺႃးတီႉၺွပ်းၵုမ်းၶင်ဝႆႉ တီႈႁူင်းပလိၵ်ႈယွင်ႁူၺ်ႈ ၸႄႈတွၼ်ႈတူၼ်ႈတီး မိူဝ်ႈဝၼ်းတီႈ 8/10/2023 ၼႆႉ။ ၵူၼ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸၵၸၶဝ် (ၾၢႆႇၸွပ်ႇၶၢဝ်ႇသိုၵ်းမၼ်ႈ) မႃးၸူဝ်းမၼ်းၵႂႃႇတီႈလၢၼ်ႉၶၢႆၼမ်ႉၼဵင်ႈၸဵမ်းၼႆသေ တီႉၺွပ်းဢဝ်ၵႂႃႇတီႈႁူင်းပလိၵ်ႈယွင်ႁူၺ်ႈ တႄႇဢဝ် ၶၢဝ်းယၢမ်း 11 မူင်းထိုင် 3 မူင်းႁူဝ်ၶမ်ႈ။ႁွင်ႉမၼ်းၶဝ်ႈႁွင်ႈထဵတ်ႈထၢမ်ၵေႃႉလဵဝ်ၼႆဢေႃႈ။ ၸႂ်ႉၵူၼ်းၵႂႃႇၸွမ်း ပႂ်ႉဝႆႉတၢင်းၼွၵ်ႈၼႆဢေႃႈ။ ဝၢႆးၼၼ်ႉလၢတ်ႈဝႃႈ လူဝ်ႇၵုမ်းၶင်ဝႆႉၼႆသေ...

သိုၵ်းမၢၼ်ႈလႄႈသိုၵ်းၶၢင် KIA ၶဵင်ႈၶႅင်ၵၢၼ်သိုၵ်းတေႃႇၵၼ် တီႈၼႂ်းဢိူင်ႇၸႄႈဢူ လႄႈ ဢိူင်ႇၵုၼ်ၵွၵ်ႇ ၸႄႈဝဵင်းသႅၼ်ဝီ ၵူၼ်းမိူင်းပိုၼ်ႉတီႈ လႆႈဢွၼ်ၵၼ်ပၢႆႈၽေးသိုၵ်း။ ၼႂ်းဝၼ်းတီႈ 6 ဢွၵ်ႊထူဝ်ႊပိူဝ်ႊ ယၢမ်းၵၢင်ၼႂ် သိုၵ်းၶၢင် KIA ထႅမ်ႁႅင်းသိုၵ်း ၶဝ်ႈတၢင်း ဢိူင်ႇၵုၼ်ၵွၵ်ႇ သိုၵ်းမၢၼ်ႈသမ်ႉဢိူမ်ႈၶဝ်ႈၸူးၼႂ်းဢိူင်ႇၸေႊဢူ ။ ၵူၼ်းမိူင်းမွၵ်ႈ 300 လႆႈပၢႆႈၽေးသိုၵ်း၊ သွၼ်ႈယူႇဝႆႉတီႈၵျွင်းမုၼ်ၸဝ်ႈၽၢႆၶမ်း မွၵ်ႈ...

 ဝၼ်းတီႈ 3/10/2023  သိုၵ်းမၢၼ်ႈတင်းသိုၵ်းၶၢင် KIA ပိုတ်းယိုဝ်းၵၼ်ႁၢဝ်ႈႁႅင်းသေ မၢၵ်ႇလူင်တူၵ်းသႂ်ႇ ႁိူၼ်းၵူၼ်းမိူင်းလူႉၵွႆလူႉသုမ်းၼမ် ၼႂ်းဝၢၼ်ႈသိူၵ်ႈမူ ၸႄႈဝဵင်းၽႃၵၢၼ်ႉ။ ၵူၼ်းၽႃၵၢၼ်ႉၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ႁဵတ်းၼႆၼႆႉ ၽႂ်ၵေႃႈဢမ်ႇလႆႈၸႂ် မၼ်းတုမ်ႉတိူဝ်ႉ ၵူၼ်းမိူင်းၵူၺ်း   ။ သိုၵ်းမၢၼ်ႈၸိူဝ်းၼႆႉ  ၶဝ်ၶႂ်ႈႁဵတ်းသင်ၵေႃႈႁဵတ်းၵႂႃႇတိၵ်းတိၵ်း ၶဝ်ဢမ်ႇဝူၼ်ႉသင်။ ၵမ်းလိုၼ်းၵေႃႈ တိူဝ်ႉ ၵူၼ်းမိူင်းၶိုၼ်းၵွႆး  ” -...

ၵူၼ်းမၢၼ်း တီႈဝဵင်းပၢင်လႃႈ ၵေႃႉၼိုင်ႈ ၺႃးသိုၵ်းမၢၼ်ႈ လၢၵ်ႈၸၼ်တီႉၺွပ်းၵႂႃႇလႄႈ ႁဵတ်းႁႂ်ႈမၼ်းၼၢင်းတူၵ်းၸႂ်ၵူဝ်ႁႄသေထိုင်တီႈတူၵ်းလုၵ်ႈ။ ဝၼ်းတီႈ 29/9/2023 ယၢမ်း 2 မူင်းၼၼ်ႉ သိုၵ်းမၢၼ်ႈယိုတ်းမိူင်းၼႄးဝႃႈ ၵူၼ်းၸၢႆးၵေႃႉၼိုင်ႈဢၼ်တီႈ  ဝဵင်းပၢင်လႃႈၼၼ်ႉ ၵဵဝ်ႇၵပ်းၵွင်ႉၵၢႆႇၸွမ်းၵၢၼ်သိုၵ်းၵၢၼ်မိူင်းၼႆသေ လိုပ်ႈလမ်းတီႉၺွပ်း။ ၽွင်းသိုၵ်းမၢၼ်ႈ ၶဝ်ႈသွၵ်ႈတဝ်ႁိူၼ်းယေးမၼ်းၸၢႆးၼၼ်ႉ  ဢမ်ႇၺႃးမၼ်းၸၢႆး၊ ၺႃးၵေႃႉပဵၼ်မေးၼၢင်း ဢၼ်မီးတွင်ႉပႃးပုမ်ဝႆႉ 3 လိူၼ်။ သိုၵ်းမၢၼ်ႈႁိုတ်းႁၢတ်ႇၸၢတ်ႇသႂ်ႇ ထဵတ်ႈထၢမ်လၢၵ်ႈၸၼ်တီႉၺွပ်းမၼ်းၼၢင်းၵႂႃႇၸွမ်းလႄႈ...

 သၢမ်ၸိုင်ႈမိူင်း မိူင်းထႆး-မိူင်းၶႄႇ - မိူင်းမၢၼ်ႈ ပိုၼ်ၽၢဝ်ႇတေႁူမ်ႈၵၼ်ၵူတ်ႇထတ်းၵႂၢတ်ႇလၢင်ႉ ၵူၼ်းလႅၼ် ငိုၼ်းဢွၼ်ႊလၢႆႊ ၼႆသေ လူင်းပိုၼ်ႉတီႈၵူတ်ႇထတ်း ထိုင်မႃးၼႂ်းႁူဝ်လိူၼ်ဢွၵ်ႊထူဝ်ႊပိူဝ်ႊၼႆႉ  ၶိုၼ်းပိုၼ်ၽၢဝ်ႇဝႃႈ တီႉၺွပ်းလႆႈ 200 ပၢႆယဝ်ႉ ဝႃႈၼႆ။ ၼႂ်းၽိုၼ်ၶၢဝ်ႇမျၢၼ်ႇမႃႉဢလိၼ်း ၶွင်သိုၵ်းမၢၼ်ႈယိုတ်းမိူင်း ႁၢႆးငၢၼ်းပိုၼ်ၽၢဝ်ႇဝႆႉဝႃႈ - “ တႄႇဢဝ်လိူၼ်ဢေႊပရိူဝ်ႊ ထိုင်လိူၼ်ၵျုၼ်ႊ ဝၼ်းတီႈ16 ပူၼ်ႉမႃးၼႆႉ မၵ်းမၼ်ႈပဵၼ်ၶၢဝ်းတၢင်း...

ႁၢင်လိူၼ်သႅပ်ႊထိမ်ႊပိူဝ်ႊၼႆႉ မီးၶၢဝ်ႇလိုဝ်းဢွၵ်ႇမႃးဝႃႈ တေယိုတ်းဝႂ်ငိုၼ်း  50 လႄႈ ဝႂ် 100 သိုၵ်းမၢၼ်ႈယိုတ်းမိူင်းလၢတ်ႈဝႃႈ လွင်ႈၼႆႉ ပဵၼ်ၶၢဝ်ႇပွမ် ဝႃႈၼႆ။ ႁၢင်လိူၼ်သႅပ်ႉထႅမ်ႇပိူဝ်ႇ ဝၼ်းသဝ် ဝၼ်းတိတ်ႉ ၼႆႉ မီးၶၢဝ်ႇလိုဝ်းဝႃႈ သိုၵ်းမၢၼ်ႈတေယႃႉငိုၼ်းမၢင် 50 လႄႈ မၢင် 100 ပျႃး ၼႆလႄႈ ႁဵတ်းႁႂ်ႈၵူၼ်းမိူင်းတူၵ်းၸႂ်ယုပ်းၽၢၼ်ႈ။ ၸွမ်ႁၢၼ်ၸေႃႇမိၼ်းထုၼ်း ၾၢႆႇသိုၵ်းမၢၼ်ႈယိုတ်းမိူင်းလၢတ်ႈတီႈပၢင်သပ်းၸႅင်ႈၶၢဝ်ႇဝႃႈ...

မၢၵ်ႇတႅၵ်ႇတီႈပၢမ်ႉၼမ်ႉမၼ်း Denko ၼွၵ်ႈဝဵင်းလႃႈသဵဝ်ႈရူတ်ႉၵႃးၾႆးမႆႈ ၵူၼ်းမၢတ်ႇၸဵပ်းလူႉတၢႆၼမ်ၼၼ်ႉ သိုၵ်းမၢၼ်ႈပလိၵ်ႈမၢၼ်ႈလူင်းၵူတ်ႇထတ်းထဵတ်ႈထၢမ် ၵူႈဝၼ်း၊ ၵူၼ်းၸိူဝ်းယူႇႁိမ်းႁွမ်းၼၼ်ႉဢမ်ႇႁတ်းၵႂႃႇမႃးၵႃႉၶၢႆ ပိုတ်ႇႁၢၼ်ႉပိုတ်ႇႁိူၼ်းလွတ်ႈလႅဝ်း။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ လွင်ႈမၢၵ်ႇတႅၵ်ႇၼႆႉၵေႃႈ ၵႆႉပဵၼ်ၸွမ်းႁၢၼ်ႉၸွမ်းသႅင်ႇ လႄႈ လႆႈၵူဝ်ၶႃႈဢေႃႈ။ ၵွပ်ႈၼၼ်လႄႈ ဢွၼ်ၵၼ်ပူတ်းပၢႆႉႁၢၼ်ႉသႅင်ႇၽႂ်မၼ်းဝႆႉ ၵူဝ်ၺႃးၸုမ်းဢမ်ႇႁူႉၾၢႆႇဢဝ်မၢၵ်ႇပွႆႇ ” -ဝႃႈၼႆ။ ယွၼ်ႉမၢၵ်ႇတႅၵ်ႇတီႈပၢမ်ႉၼမ်ႉမၼ်း မိူဝ်ႈဝၼ်းတီႈ 27/09/2023 ၼၼ်ႉ ၸၢၵ်ႇမၢၵ်ႇတိူဝ်ႉသႂ်ႇၵူၼ်းမၢတ်ႇၸဵပ်း ၸၢႆး...

သိုၵ်းမၢၼ်ႈယိုတ်းမိူင်း တီႉၺွပ်းၵူၼ်းၼွင်ႁၢႆးယႃႈ 4 ၵေႃႉပေႃႈမႄႈလုၵ်ႈ ၼႂ်းၼၼ်ႉ ၶိုၼ်းပွႆႇပၼ် ၸိူဝ်းပဵၼ်လုၵ်ႈလၢင်း 2 ၵေႃႉ ၵိုတ်းပေႃႈမႄႈတိုၵ်ႉၺႃး ၵူတ်ႇထတ်းထဵတ်ႈထၢမ် ၵုမ်းၶင် ဝၢႆးၼၼ်ႉ ယိုတ်းဢဝ်ႁိူၼ်းယေးပႃးထႅင်ႈ ။ ၵူၼ်းပိုၼ်ႉတီႈၼွင်ႁၢႆးယႃႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ မိူဝ်ႈၶဝ်ပႆႇမႃးယိုတ်းၼၼ်ႉတႄႉ ၶဝ်ႁႂ်ႈဢဝ်ၶူဝ်းၶွင် ၼႂ်းႁိူၼ်းၼၼ်ႉဢွၵ်ႇ ၼႂ်းၶၢဝ်းတၢင်း 3 ဝၼ်းၼႆဢေႃႈ။ ၽိူဝ်ႇဝႃႈ...

 သိုၵ်းမၢၼ်ႈပိုၼ်ၽၢဝ်ႇၼႂ်း ၽိုၼ်ၽၢဝ်ႇမျၢၼ်ႇမႃႉဢလိၼ်းဝႃႈ တေလူင်းသွၼ်လိၵ်ႈမၢၼ်ႈပၼ်ၵူၼ်းၸိူဝ်းဢမ်ႇပႆႇမေႃလၢတ်ႈ မေႃဢၢၼ်ႇလိၵ်ႈမၢၼ်ႈၵႂၢမ်းမၢၼ်ႈဝႃႈၼႆ။ လွင်ႈသွၼ်လိၵ်ႈမၢၼ်ႈၵႂၢမ်းမၢၼ်ႈၵူႈဝၢၼ်ႈၵူႈဢိူင်ႇၼႆႉ ၾၢႆႇတၢင်းၽူႈႁၢပ်ႇၵၢၼ်လူင်ပွင်ၸိုင်ႈၵူႈႁွင်ႈၵၢၼ် တေတႄႇလူင်းသွၼ်ပၼ် ၼႂ်းလိူၼ်တီႊသႅမ်ႊပိူဝ်ႊ 2023 ၼႆႉ ၊ တႃႇၶၢဝ်းတၢင်း 40 ဝၼ်း။ ဢၼ်လႆႈဝႆႉသဵၼ်ႈသၢႆမၢႆတႄႉ ပဵၼ်သႅၼ်းပၢၼ်ဢႃယု 15 ၶိုၼ်ႈၼိူဝ်ၵူၼ်းၼုမ်ႇလႄႈၵူၼ်းထဝ်ႈ။ ပိူင်လူင်တေသွၼ်ပၼ်လွင်ႈတႅမ်ႈမၢႆဢၢၼ်ႇလၢတ်ႈလိၵ်ႈမၢၼ်ႈ၊ လိၵ်ႈဢိင်းၵလဵတ်ႈလႄႈ ပၢႆးၼပ်ႉသွၼ်ႇ။  ၼႂ်းၽိုၼ်ၶၢဝ်ႇၼၼ်ႉပႃးဝႆႉဝႃႈ ၵူၼ်းဢမ်ႇမေႃလၢတ်ႈတႅမ်ႈဢၢၼ်ႇလိၵ်ႈမၢၼ်ႈၵႂၢမ်းမၢၼ်ႈၼႆႉ တေပဵၼ်ၵူၼ်းၼႂ်းၼႃႈလိၼ်ၸၢဝ်းၶိူဝ်း။ တေပဵၼ်ယွၼ်ႉႁဵၼ်းလိၵ်ႈၸၢဝ်းၶိူဝ်းၽႂ်မၼ်းၵူၺ်း၊...

သိုၵ်းမၢၼ်ႈဢၼ်ပၵ်းၼႂ်းဝဵင်းမိူင်းပၢႆး ၸိုင်ႈတႆးပွတ်းၸၢၼ်း လၢမ်းလိမ်းယိုဝ်းၵွင်ႈလူင်ၵႂႃႇၵူႈႁူးၵူႈတၢင်း ၊ ၵူၼ်းမိူင်းမႆႈၸႂ်ၵူဝ်မၢၵ်ႇလူင်တူၵ်းသႂ်ႇႁိူၼ်းယေး  ။ ၵူၼ်းပၢႆႈၽေးသိုၵ်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ သိုၵ်းမၢၼ်ႈ  ၶမယ 422  ဢၼ်ပၵ်းပႂ်ႉႁူမ်ႇလူမ်ႈၾၢႆၼမ်ႉ  မိူင်းပၢႆး ၼၼ်ႉ ယိုဝ်းၵွင်ႈလူင်ၶဝ် ၵႂႃႇတၢင်းဝၢၼ်ႈၸိူဝ်းမီးၾၢႆႇဢွၵ်ႇလႄႈၾၢႆႇတူၵ်းဝဵင်း။ ပၢင်တိုၵ်း ဢမ်ႇမီးသေတႃႉ သိုၵ်းမၢၼ်ႈလၢမ်းလိမ်းယိုဝ်းၵွင်ႈလူင်ယူႇၸိူင်ႉၼႆ ၶႂ်ႈမီးႁိမ်းၸမ်လိူၼ်ယဝ်ႉ။ မိူဝ်ႈ 4 ဝၼ်းပူၼ်ႉမႃးၼႆႉၵေႃႈ မၢၵ်ႇတူၵ်းသႂ်ႉႁိမ်းဝၢၼ်ႈ...

လွင်ႈသိုၵ်းမၢၼ်ႈယိုတ်းမိူင်းၼႆႉၵူၼ်းမိူင်းတင်းၸိုင်ႈမိူင်း (ၸိူဝ်းဢမ်ႇၸႂ်ႈ ၶိူဝ်းသိုၵ်းမၢၼ်ႈၼၼ်ႉ) ဢမ်ႇယွမ်းႁပ်ႉ ဢမ်ႇလႆႈၸႂ်ၸဝ်ႈဢႃႇၼႃႇသိုၵ်းလႄႈ ဢွၼ်ၵၼ်သၢၼ်ၶတ်းသိုၵ်းမၢၼ်ႈလူၺ်ႈလၢႆးၽႂ်မၼ်း ၵမ်ႈၽွင်ႈယိပ်းၵွင်ႈၵၢင်ႇ တိုၵ်းယိုဝ်း ၵမ်ႈၽွင်ႈသမ်ႉ ႁႃငိုၼ်းၵမ်ႉၸွႆႈ ၵမ်ႈၽွင်ႈသမ်ႉ တႅမ်ႈလွင်ႈသိုၵ်းမၢၼ်ႈဢမ်ႇလီသေ တၢင်ႇဢွၼ်ႊလၢႆႊ၊ ၼႂ်းလိူၼ်ၼႆႉၵူၺ်းသိုၵ်းမၢၼ်ႈတီႉၺွပ်းၵူၼ်းတႅမ်ႈတၢင်ႇဢွၼ်ႊလၢႆႊ ဢမ်ႇယွမ်း 30 ၵေႃႉယဝ်ႉ ႁွင်ႈၵၢၼ်ၾၢႆႇ ပိုၼ်ၽၢဝ်ႇ သိုၵ်းမၢၼ်ႈ ဢွၵ်ႇဝႆႉၼင်ႇၼႆ။ ႁွင်ႈၵၢၼ်ၶၢဝ်ႇ မျႅၼ်ႇမႃႉဢလိၼ်း ၶွင်ၸုမ်းသိုၵ်းမၢၼ်ႈ ပိုၼ်ၽၢဝ်ႇဝႆႉဝႃႈ...

ၼႂ်းလိူၼ်ၼႆႉ သိုၵ်းမၢၼ်ႈ ၶဝ်ႈထိုင်ၼႂ်းဝၢၼ်ႈၼႂ်းသူၼ်သေ  သင်ႇ ႁႂ်ႈၵူၼ်းမိူင်းယႂႃႇငၢၼ်ႇ ပွင်ႇၶၢဝ်ႇပၼ်လွင်ႈတူင်ႉၼိုင်သိုၵ်းၵႅတ်ႇၶႄၵူၼ်းမိူင်း PDF ပေႃးဢမ်ႇပွင်ႇၶၢဝ်ႇပၼ် တေၽဝ်ႁိူၼ်းယေးၵူၼ်းမိူင်းၼႆယဝ်ႉ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸုမ်းပိဝ်ႇၸေႃးထီးၶဝ် ႁွင်ႉဢဝ်လုၵ်ႈသိုၵ်းမၢၼ်ႈသေ ၶဝ်ႈဝၢၼ်ႈမႃး။ တဵၵ်းထၢမ်ႁိူၼ်းတႂ်ႈႁိူၼ်းၼိူဝ်ၶႃႈဢေႃႈ ။ ၶဝ်ဝႃႈ ၵူၼ်းမိူင်းႁူႉလွင်ႈ PDF ယူႇၼႆဢေႃႈ။ ႁႂ်ႈၵူၼ်းမိူင်း ၸွပ်ႇလွင်ႈ PDF ပၼ်ၶဝ်ၼႆဝႃႈ။ပေႃးဢမ်ႇပွင်ႇၶၢဝ်ႇပၼ်ၶဝ်ၼႆႉ...