ၸုမ်းပၵ်းတႃပႂ်ႉတူၺ်း တႃႇသုၼ်ႇလႆႈသုၼ်ႇပဵၼ်ၵူၼ်းၼႂ်းမိူင်းမွၼ်း လၢတ်ႈဝႃႈ တႃႇၶိုၼ်ႈပၢင်သွၼ်ၵၢၼ်သိုၵ်းၼႆသေ သိုၵ်းမၢၼ်ႈ ပၼ်ႁႅင်းဢီး ၵဵပ်းသဵၼ်ႈမၢႆၼၢင်းယိင်း ၼႂ်းမိူင်းမွၼ်းဝႆႉယူႇ - ဝႃႈၼႆ။ ၵဵဝ်ႇလူၺ်ႈလွင်ႈၼႆႉ ၽူႈၵွၼ်းပွၵ်ႉ၊ ၽူႈၵွၼ်းမူႇဝၢၼ်ႈ ၼႂ်းၸႄႈဝဵင်းတၢၼ်ႇၽိဝ်ႇသယႅၵ်ႉ ၸႄႈမိူင်းမွၼ်း ဢွၼ်ၵၼ်လူင်းၵဵပ်းသဵၼ်ႈမၢႆၼၢင်းယိင်း ၸိူဝ်းၶဝ်ႈပႃးၼႂ်းဢႃယု ႁၢပ်ႇထၢမ်းၵၢၼ်သိုၵ်းသေ တႄႇသူင်ႇပၼ် တီႈပၢင်သွၼ်ၵၢၼ်သိုၵ်း ၼႂ်းလိူၼ်ဢေႃႊၵတ်ႊသ်ၼႆႉ - ဝႃႈၼႆ။   လိူဝ်သေ ၵူၼ်းၸၢႆးယဝ်ႉ...

သိုၵ်းမၢၼ်ႈလၢမ်းလိမ်းယိုဝ်းၵွင်ႈလူင် တူၵ်းသႂ်ႇႁိူၼ်းယေးၵူၼ်းမိူင်းဝဵင်းၼမ်ႉလၼ်ႈ လူႉၵွႆ 2 လင် ၵူၼ်းဝၢၼ်ႈမၢတ်ႇၸဵပ်းၸၢၵ်ႇမၢၵ်ႇၵေႃႉၼိုင်ႈ လႆႈယူတ်းယႃတူဝ်ဝႆႉ။ ဝၼ်းတီႈ 16/08/2024 ယၢမ်းၵၢင်ဝၼ်းမွၵ်ႈ 3 မူင်း သိုၵ်းမၢၼ်ႈယူႇတၢင်းၵွင်းသူၼ်ၼဵင်ႈလွႆလဵၵ်း ဢၼ်မီးၵွင်းမူးၼၼ်ႉသေ ယိုဝ်းၵွင်ႈလူင်ၵႂႃႇ တူၵ်းသႂ်ႇႁိူၼ်းယေးၵူၼ်းဝၢၼ်ႈတၢင်းပွၵ်ႉၵွင်းလၢင်း လူႉၵွႆ 2 လင်။ ၵူၼ်းမိူင်းဝဵင်းၼမ်ႉလၼ်ႈလၢတ်ႈတီႈၽူႈတွႆႇႁွၵ်ႈဝႃႈ- “မၢတ်ႇၸဵပ်းၵေႃႉၼိုင်ႈပဵၼ်ၼၢင်းယိင်းဢွၼ်ႇ။ ယၢမ်းလဵဝ်ၵႂႃႇယူတ်းယႃတူဝ်ဝႆႉတီႈတူၼ်ႈတီး။ သိုၵ်းမၢၼ်ႈယိုဝ်းၵွင်ႈလူင်ႁိမ်းဝၢၼ်ႈၵူႈဝၼ်းလႄႈ ၵူၼ်းမိူင်းဝဵင်းၼမ်ႉလၼ်ႈ ဢွၼ်ၵၼ်ပၢႆႈၵႂႃႇယူႇတၢင်ႇတီႈတၢင်ႇဝဵင်းယူႇယွတ်းယွတ်းယႅတ်းယႅတ်းၸဵမ်လႂ်ယဝ်ႉ။ ဝၢႆးလင်မၢၵ်ႇမႃးတူၵ်းသႂ်ႇၼႆႉတႄႉ...

ငဝ်းလၢႆး မိူင်းမၢၼ်ႈ ၼႂ်းမိူဝ်ႈလဵဝ်ၼႆႉ ႁဵတ်းႁႂ်ႈလႆႈမႆႈၸႂ်ယူႇလႄႈ ​​တေလႆႈၶၢတ်ႈၶႅၼ်ႈဝႆႉႁူဝ်ႉသၢမ်ႁၢဝ်း။ ၼိုင်ႈ - ဢၼ်​​တေႁဵတ်းႁႂ်ႈ ပဵၼ်သိုၵ်းၵၢင်မိူင်း၊ သွင် - ဢၼ်​​တေဝဵၼ်ႉပွႆႇမိူင်းမၢၼ်ႈပႅတ်ႈ ၼွၵ်ႈၶွပ်ႇ ဢေသီယၼ်၊ သၢမ် - ဢၼ်​​​တေ ၶဝ်ႈၵႅဝ်ၸွမ်းလိူင်ႈၵၢၼ် တၢင်းၼႂ်းမိူင်းမၢၼ်ႈ ၸိူဝ်းၼႆႉ ဢမ်ႇၶႂၢင်းပၼ်လႆႈၼႆ ဝၢင် ယီႈ ပၢၵ်ႇလၢတ်ႈထိုင်...

ၼႂ်းဝူင်ႈၼႆႉ ၶၼ်ငိုၼ်းမၢၼ်ႈ တူၵ်းႁႅင်းသုတ်း ၼိုင်ႈတေႃႊလႃႊထိုင် 5,800 ပျႃး ၊ ၼိုင်ႈယႂၼ်ႊ ထိုင် 800 ပျႃးလႄႈ ၼိုင်ႈဝၢတ်ႇ ထိုင် 200 ပျႃး ၶၼ်ၶမ်းၼိုင်ႈၵျၢပ်ႈမီးထိုင် 75 သႅၼ်ပျႃး။ ၼႂ်းဝၼ်းတီႈ 16/08/2024 ၼႆႉတႄႉ ၶၼ်ငိုၼ်းမၢၼ်ႈ ၶိုၼ်းၶိုၼ်ႈမႃး ဢိတ်းၼိုင်ႈ...

ၸုမ်းၾၢႆႇၵူတ်ႇထတ်းလဵပ်ႈႁဵၼ်း လွတ်ႈလႅဝ်း ၵဵဝ်ႇၵပ်းမိူင်းမၢၼ်ႈ IIMM ပိုၼ်ၽၢဝ်ႇ ၼႂ်းဝၼ်းတီႈ 13 လိူၼ်ၼႆႉဝႃႈ ဢၼ်တပ်ႉသိုၵ်းမၢၼ်ႈ တဵၵ်းငႅၼ်းႁဵတ်းႁၢႆႉတေႃႇၵူၼ်းမိူင်း၊ သိုၵ်းမၢၼ်ႈ ပဵၼ်မူႇပဵၼ်ၸုမ်း ၵၼ်ႉၸၼ်လူလၢႆတေႃႇ ၼၢင်းယိင်းလႄႈ ႁဵတ်းႁၢႆႉတေႃႇလုၵ်ႈဢွၼ်ႇ ႁူမ်ႈပႃး လွင်ႈပူၼ်ႉပႅၼ်ၼိူဝ်ၵူၼ်းၶိူဝ်း ၸိူဝ်းၼႆႉ ပဵၼ်လွင်ႈပူၼ်ႉပႅၼ် ၵၢၼ်သိုၵ်းယဝ်ႉ ဝႃႈၼႆ။ လွင်ႈသိုၵ်းမၢၼ်ႈ ႁဵတ်းႁၢႆႉမိူၵ်ႈမႂ်ႈ တေႃႇၵူၼ်းမိူင်းၼၼ်ႉ မီးဝႆႉလၵ်းထၢၼ်...

ႁူဝ်ၼႃႈ သိုၵ်းမၢၼ်ႈ ယိုတ်းမိူင်း ၸွမ်ၸိၵ်ႈသိုၵ်းမၢၼ်ႈ မိၼ်းဢွင်ႇလၢႆႇ လၢႆႈတႅၼ်းတီႈယူႇ ၽူႈၵွၼ်းတိူင်းသိုၵ်း ငဝ်ႈငုၼ်းၸဵင်ႇႁွင်ႇဝၼ်းဢွၵ်ႇ (ယမၶ) လႃႈသဵဝ်ႈလႄႈ ၽူႈၵွၼ်းၸၵၶ 1 ဝဵင်းၵျွၵ်ႉမႄး ဢၼ်သုမ်းၵၢၼ်ႉပၢင်တိုၵ်းၵႂႃႇ ဝႃႈၼႆ။ ဢွင်ႈတီႈ ၽူႈၵွၼ်းတိူင်းသိုၵ်း ယမၶ လႃႈသဵဝ်ႈၼၼ်ႉ သိုၵ်းမၢၼ်ႈ  ဢဝ်ၸွမ်ႁၢၼ် မျိၼ့်ၵျေႃႇထုၼ်း (မြင့်ကျော်ထွန်း) လုမ်းၾိုၵ်းၵၢၼ်သိုၵ်း (တပ်ႉမတေႃႇ)...

ၽွင်းပၢင် တိုၵ်းႁၢဝ်ႈႁႅင်း တီႈဝဵင်းလႃႈသဵဝ်ႈၼၼ်ႉ သိုၵ်းမၢၼ်ႈ ဢဝ်ၶိူင်ႈမိၼ် ယိုဝ်းမၢၵ်ႇလူင်း ၼႂ်းဝဵင်း ၽူႈ ၵုမ်းၶွၵ်ႈသမ်ႉ ဢမ်ႇပိုတ်ႇၽၵ်းတူၶွၵ်ႈလူင်၊ ဢမ်ႇၶၢႆႉၵူၼ်းတူၵ်းၶွၵ်ႈလႄႈ ႁဵတ်းႁႂ်ႈ ၵူၼ်းၼႂ်းၶွၵ်ႈ ၺႃးၸၢၵ်ႇမၢၵ်ႇသေ လူႉတၢႆ 100 ပၢႆၼႆ - ၵူၼ်းၸိူဝ်းပူၼ်ႉလွတ်ႈဢွၵ်ႇမႃး လၢတ်ႈၼင်ႇၼႆ။ သိုၵ်းၵဝ်ႈၵၢင်ႉ MNDAA ၶဝ်ႈယိုဝ်းဝဵင်းလႃႈသဵဝ်ႈ မိူဝ်ႈဝၼ်းတီႈ 24/07/2024...

ၸဵမ်မိူဝ်ႈသိုၵ်းမၢၼ်ႈ ပိုၼ်ၽၢဝ်ႇဢွၵ်ႇပိူင်ၵဵပ်းသိုၵ်း ၼႂ်းပီ 2023 ၼၼ်ႉမႃး ၵူၼ်းၼႂ်းမိူင်းတႆးပတ်းပိုၼ်ႉ ဢႃယု 18 ၶိုၼ်ႈၼိူဝ် ႁႃလွၵ်းလၢႆးငိူင်ႉဝႄႈၽႂ်မၼ်း မၢင်ၸိူဝ်းၵေႃႈ ပၢႆႈၸူးတပ်ႉသိုၵ်းတႆး ၵမ်ႈၽွင်ႈၵေႃႈ ႁႃတၢင်းပၢႆႈဢွၵ်ႇမိူင်း တႃႇႁႃႁဵတ်းၵၢၼ်ႁႃၵိၼ်လဵင်ႉတွင်ႉ တၢင်းမိူင်းထႆး ၊ မိူင်းၶႄႇ။ မိူၼ်ၼင်ႇ တီႈဝဵင်းမိူင်းယွင်း ၸိုင်ႈတႆး ပွတ်းဢွၵ်ႇၼႆႉၵေႃႈ သိုၵ်းမၢၼ်ႈ လူင်းၵဵပ်းသဵၼ်ႈၸိုဝ်ႈၵူၼ်းၼုမ်ႇ 2...

ၸုမ်းဢူၺ်းလီပွတ်းႁွင်ႇ 3 ၸုမ်း ဢွၵ်ႇလိၵ်ႈပိုၼ်ၽၢဝ်ႇ တုၵ်းယွၼ်းထိုင် ႁႂ်ႈၶႄႇႁၢမ်ႈသိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်း ပွႆႇမၢၵ်ႇသႂ်ႇၵူၼ်းမိူင်း ဝႃႈၼႆ။ ဝၼ်းတီႈ 06/08/2024 ၼႆႉ ၸုမ်းသိုၵ်းဢူၺ်းလီပွတ်းႁွင်ႇ 3 ၸုမ်း ယွၼ်းတၢင်းၸွႆႈထႅမ်တီႈမိူင်းၶႄႇ ႁႂ်ႈတူၵ်ႇတၵ်ႉႁႄႉ ႁၢမ်ႈသိုၵ်းမၢၼ်ႈ လွင်ႈၸႂ်ႉၶိူင်ႈမိၼ် ပွႆႇမၢၵ်ႇသႂ်ႇ တီႈဢမ်ႇပဵၼ်ပၢင်တိုၵ်းသေ ႁဵတ်းႁႂ်ႈႁိူၼ်းယေး၊ ဝတ်ႉဝႃးၽႃသိူဝ်ႇ၊ ၵၢတ်ႇလႄႈ ႁူင်းႁဵၼ်း...

မိူဝ်ႈၼႆႉ ယၢမ်းဝၢႆးဝၼ်း 3 မူင်း 45 မိၼိတ်ႉ ဢမ်ႇမီးပၢင်တိုၵ်း သိုၵ်းသိူဝ် သင်သေ သိုၵ်းမၢၼ်ႈဢဝ် ႁိူဝ်းမိၼ် မႅင်းမီႈ 4 လမ်း မႃးပွႆႇမၢၵ်ႇသႂ်ႇ ၼႂ်းပိုၼ်ႉတီႈ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တၢင်းပွတ်းသၼ်လွႆ သၼဵၼ်း ဝဵင်းပၢင်လူင်။ ဝၼ်းတီႈ 7...

ၼႂ်းဝၼ်းတီႈ 7/8/2024 မိူဝ်ႈၼႆႉ ယၢမ်းဝၢႆးဝၼ်း 2 မူင်း  ပၢင်တိုၵ်းၵေႃႈဢမ်ႇပဵၼ်သေတႃႉ သိုၵ်းမၢၼ်ႈဢဝ်ႁိူဝ်းမိၼ်သိုၵ်း   Jetfighter  မႃးပွႆႇမၢၵ်ႇသႅၼ်း  500 ပွၼ်ႊ ထႅင်ႈတီႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ ၊ ၼႂ်းဝူင်ႈၼႆႉပဵၼ်လွင်ႈပွႆႇမၢၵ်ႇ ပွၵ်ႈၵမ်း 2 ။  ၵူၼ်းမိူင်းဝဵင်းၵူတ်ႇၶၢႆ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈမိူဝ်ႈၵႆႈၼႆႉ သိုၵ်းမၢၼ်ႈဢဝ်ႁိူဝ်းမိၼ်သိုၵ်း  မႃးပွႆႇမၢၵ်ႇၵႂႃႇထႅင်ႈတီႈ...

ၼႂ်းၶၢဝ်းတၢင်း ၽႅၼ်ၵၢၼ်ယၼ်ႇသိုၵ်း 1027 မႃးၼႆႉ သိုၵ်းၸၢဝ်းၶိူဝ်း ၵုမ်းလႆႈဝႆႉလၢႆဝဵင်း ၼႂ်းၸိုင်ႈတႆးပွတ်းႁွင်ႇ ႁဵတ်း ႁႂ်ႈသိုၵ်းမၢၼ်ႈ ဢမ်ႇႁၢၼ်ႉၸႂ်သေ ၶိုၼ်းၸႂ်ႉၶိူင်ႈမိၼ်တိုၵ်း မႃးယိုဝ်းမၢၵ်ႇလူင်သႂ်ႇ ၶိူဝ်း ယႂ်း မိူၼ်ၼင်ႇ - လၢဝ်ႇၵၢႆး ၊ ၵျွၵ်ႉမႄး ၊ လႃႈသဵဝ်ႈ ၸိူဝ်းၼႆႉ။ မိူၼ်ၼင်ႇ တီႈၸႄႈဝဵင်းသႅၼ်ဝီၼႆႉၵေႃႈ...

သိုၵ်းမၢၼ်ႈ ယိုတ်းမိူင်း ယူႇၼႂ်းတပ်ႉသေ ယိုဝ်းၵွင်ႈလူင် ဢွၵ်ႇဝဵင်းထပ်းၵၼ်လၢႆဝၼ်းလႄႈ ႁဵတ်းႁႂ်ႈၵူၼ်း မိူင်းယႆ တိုၼ်ႇသၢၼ်ႈ မႆႈၸႂ်ၵူဝ်ပဵၼ်ပၢင်တိုၵ်းယႂ်ႇ။ ဝၼ်းတီႈ 04/08/2024 ယၢမ်းၵၢင်ၼႂ် သိုၵ်းမၢၼ်ႈ ယူႇတီႈၼႂ်းတပ်ႉၶဝ်သေ ယိုဝ်းၵွင်ႈလူင် ဢွၵ်ႇဝဵင်းမိူင်းယႆ ၶိူဝ်းယႂ်း ႁဵတ်းႁႂ်ႈၵူၼ်းမိူင်း ဢွၼ်ၵၼ်တိုၼ်ႇသၢၼ်ႈ မႆႈၸႂ်ၵူဝ်ပဵၼ်ပၢင်တိုၵ်းယႂ်ႇလႄႈ မၢင်ၸိူဝ်း ငိူင်ႉပၢႆႈ ဢွၵ်ႇဝဵင်းထႃႈ မၢင်ၸိူဝ်း ဢမ်ႇၶၢမ်ႇပၢႆႈ...

သိုၵ်းမၢၼ်ႈ တႄႇႁၢမ်ႈၵူၼ်းၼုမ်ႇ ဢႃယု 23 ထိုင် 35 ပီ ၸိူဝ်းတႄႇဢွၵ်ႇၼွၵ်ႈမိူင်း တီႈၶူင်ႇႁိူဝ်းမိၼ် တႃႈၵုင်ႈ။ တႄႇဝၼ်းတီႈ 01/08/2024 ၼၼ်ႉမႃး သိုၵ်းမၢၼ်ႈ ယိုတ်းမိူင်း ၵူတ်ႇထတ်းဝတ်းဝႂ်၊ ၽၢတ်ႉသပွတ်ႇ ၵူၼ်းၼုမ်ႇ ၸိူဝ်းတေၶိုၼ်ႈၶိူင်ႈမိၼ် တီႈၶူင်ႇႁိူဝ်းမိၼ် တႃႈၵုင်ႈ ႁၢဝ်ႈႁႅင်း ၼႆယဝ်ႉ။   သိုၵ်းမၢၼ်ႈ ၼႄၶေႃႈဢၢင်ႈ...

သိုၵ်းမၢၼ်ႈတင်း ပျီႇတူႉၸိတ်ႉပဢူဝ်း PNO  ယိုဝ်းမၢၵ်ႇသႂ်ႇ ငဝ်ႈငုၼ်း တပ်ႉသိုၵ်းပူတ်းပွႆႇၸိူဝ်ႉၸၢတ်ႈပဢူဝ်း PNLA ဢၼ်မီးတီႈၸႄႈဝဵင်းမွၵ်ႇမႆႇ ၸိုင်ႈတႆးပွတ်းၸၢၼ်း ၵူၼ်းမိူင်းမႆႈၸႂ် လွင်ႈႁူမ်ႇလူမ်ႈသေ ဢွၼ်ၵၼ်ပၢႆႈၽေးသိုၵ်းထႅင်ႈ။ ဝၼ်းတီႈ 03/08/2024 ၼႆႉ ပၢင်တိုၵ်းဢမ်ႇပဵၼ်သေ သိုၵ်းမၢၼ်ႈတင်း တပ်ႉသိုၵ်းၵူၼ်းမိူင်း ပျီႇတူႉၸိတ်ႉပဢူဝ်း PNO ယိုဝ်းၵွင်ႈလူင် ဢမ်ႇယွမ်း 10 ၵမ်း တူၵ်းသႂ်ႇႁိမ်းဝၢၼ်ႈပၢင်မိူတ်ႇ...