ႁူဝ်ၼႃႈသိုၵ်းမၢၼ်ႈ ယိုတ်းမိူင်း လၵ်ႉလွမ်ၸီႉသင်ႇဝႆႉ တီႈၽူႈမီးပုၼ်ႈၽွၼ်းၶဝ်ဝႃႈ – သင်ဝႃႈ ပႃႇတီႇၼူၵ်ႉယုင်း NLD ယိုၼ်ႈတၢင်ႇမၢႆၾၢင်မႃးၶိုၼ်းၼႆ ႁႂ်ႈယွမ်းႁပ်ႉၵႂႃႇၶိုၼ်း ဝႃႈၼႆ။
ၶေႃႈၸီႉသင်ႇၼႆႉ ယူႇတီႈ တူင်ႇဝူင်းသိုၵ်း တီႈၼေႇပျီႇတေႃႇ ၽႄႈဢွၵ်ႇမႃး ၵွၼ်ႇႁူဝ်ၼႃႈ သိုၵ်းမၢၼ်ႈ မိၼ်းဢွင်ႇလၢႆႇ တေၵႂႃႇမိူင်းၶႄႇ။ ၵဵဝ်ႇၵပ်းလွင်ႈၼၼ်ႉသေ တႃႇတေပဵၼ်မႃးတႄႉၼၼ်ႉ ၸၢင်ႈမီးလွင်ႈ ယၢပ်ႇၽိုတ်ႇယူႇ၊ ပႃႇတီႇ NLD တေတၢင်ႇမၢႆၾၢင်ၶိုၼ်းႁိုဝ် ဢမ်ႇတၢင်ႇႁိုဝ် ဢၼ်ဝႃႈၼၼ်ႉ တေႃႇဢွင်ႇသၢၼ်းသုၵျီႇၵူၺ်း တေပဵၼ်ၵေႃႉတႅပ်းတတ်းလႆႈၼႆ ၽူႈလဵပ်ႈႁဵၼ်းၵၢၼ်မိူင်း ၵေႃႉၼိုင်ႈ ထတ်းသၢင် လၢတ်ႈဝႆႉတီႈသိုဝ်ႇ BBC ၼင်ႇၼႆ။
ၽွင်းၼင်ႇၼႆ မီးၶၢဝ်ႇဢွၵ်ႇမႃးထႅင်ႈဝႃႈ လုၵ်ႈၸုမ်း ပႃႇတီႇၼူၵ်ႉယုင်း NLD တင်း တေႃႇဢွင်ႇသၢၼ်းသုၵျီႇ ႁူပ်ႉဢုပ်ႇၵၼ် ဝႃႈၼႆသေတႃႉ လွင်ႈၼႆႉ ဢမ်ႇမီးၸုမ်းလႂ် ပိုၼ်ၽၢဝ်ႇပဵၼ်တၢင်းၵၢၼ်။
ပႃႇတီႇၼူၵ်ႉယုင်း NLD ၼႆႉ ယွၼ်ႉဢမ်ႇယိုၼ်ႈတၢင်ႇၶိုၼ်း ၸွမ်းၼင်ႇပၵ်းပိူင် ၵၢၼ်ယိုၼ်ႈတၢင်ႇပဵၼ် ပႃႇတီႇၵၢၼ်မိူင်း တီႈသိုၵ်းမၢၼ်ႈလႄႈ ၺႃးမွတ်ႇယႃႉပႅတ်ႈ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ