သိုၵ်းမၢၼ်ႈမႃးပွႆႇမၢၵ်ႇယၢမ်း ၵူၼ်းဝၢၼ်ႈၵူၼ်းမိူင်းၼွၼ်းယဵၼ်တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ။
ဝၼ်းတီႈ 5/11/2024 ၵၢင်ၼႂ်ၸဝ့် 1 မူင်း – ၶိူင်ႈမိၼ်သိုၵ်းမၢၼ်ႈပွႆႇမၢၵ်ႇတီႈဝၢၼ်ႈမႄႈႁၢၼ်ႇ 2 ၵမ်း ဝႃႈၼႆ ။
ၼၢင်းယိင်းပိုၼ့်တီႈလၢတ်ႈၽူႈတွႆႇႁွၵ်ႈဝႃႈ – ၸႂ်ႈဢေႃႈ သိုၵ်းမၢၼ်ႈဢဝ်ၶိူင်ႈမိၼ်မႃးပွႆႇမၢၵ်ႇထႅင်ႈ တီႈမႄႈႁၢၼ်ႇ ယၢမ်းၵူၼ်းတိုၵ့်ၼွၼ်းလပ်းၼွၼ်းယဵၼ် ။ တိူဝ်ႉၺႃး လုမ်းၽူႈၵွၼ်းပွၵ့် ၼႂ်းပွၵ့်မႄႈႁၢၼ်ႇ လႄႈ ႁိူၼ်းယေး ။ ၵူၼ်းမၢတ်ႇၸဵပ်းလူ့တၢႆတႄ့ ဢမ်ႇမီး”- ဝႃႈၼႆ ။
မိူဝ်ႈဝၼ်းတီႈ 29/10/2024 ယၢမ်းၵၢင်ၼႂ် 11 မူင်းၶိုၼ်ႈ သိုၵ်းမၢၼ်ႈ ဢဝ်ၶိူင်ႈမိၼ်မိူဝ်းပွႆႇမၢၵ်ႇတီႈတင်းပွၵ့် 11 ၊ သဵၼ်ႈတၢင်းဢွင်ႇၸေႇၸၼႃႇ တုမ့်တိူဝ့် ၵူၼ်းၶီႇရူတ့် ဝႃႈၼႆ ။
တီႈဝဵင်းလႃႈသဵဝ်ႈၼႆႉ သိုၵ်းၵဝ်ႈၵၢင်ႉ ယၼ်ႇသိုၵ်း 1027 ၶိုၼ်းပွၵ်ႈၵမ်းသွင် မိူဝ်ႈဝၼ်းတီႈ 02/07/2024 ယၢမ်းၵၢင်ၶိုၼ်း 11:45 မူင်းသေ ထိုင်မႃးဝၼ်းတီႈ 03/10/2024 ၼႆႉ ပိုၼ်ၽၢဝ်ႇ ယိုတ်းၵုမ်းလႆႈ ဝဵင်းလႃႈသဵဝ်ႈမႃး – ၵူၼ်းပိုၼ်ႉတီႈလၢတ်ႈ။
တႄႇဢဝ် ဝၼ်းတီႈ 30/08/2024 ၼၼ်ႉမႃး သိုၵ်းမၢၼ်ႈ ဢဝ်ၶိူင်ႈမိၼ် မႃးပွႆႇမၢၵ်ႇ တီႈဝဵင်းလႃႈသဵဝ်ႈ ႁၢဝ်ႈႁႅင်း ႁၢၼ်ႉတေႃႇထိုင်ယၢမ်းလဵဝ် မီးၶၢဝ်းတၢင်းသွင်လိူၼ်ပၢႆယဝ်ႉ ဝႃႈၼႆ။
မိူၼ်ၼႆၼင်ႇၵဝ်ႇ မိူဝ်ႈဝႃးဝၼ်းတီႈ 4/11/2024 ယၢမ်းၵၢင်ဝၼ်း 2 မူင်းၶိုင်ႈ ၵေႃႈ သိုၵ်းမၢၼ်ႈဢဝ်ၶိူင်ႈမိၼ်ပွႆႇမၢၵ်ႇတီႈ ဝဵင်းၼွင်ၶဵဝ် တီႈဝၢၼ်ႈဢုမ်ႇတီး ၊ ဢုမ်ႇၶႃး ႁိူၼ်းယေး လူ့ၵွႆ ဝႃႈၼႆ ။
တႅမ်ႈ -ယိင်းသဵဝ်ႈၶၢဝ် ( ၽူႈသိုဝ်ႇၶၢဝ်ႇၾိုၵ်းၵၢၼ် )
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ