မိူဝ်ႈဝၼ်းတီႈ 29/04/2025 ယၢမ်းၵၢင်ၼႂ် 8 မူင်းတေႃႇ တၢမ်းၶမ်ႈမွၵ်ႈ 4 မူင်း သိုၵ်းမၢၼ်ႈ ၸႂ်ႉၶိူင်ႈမိၼ်သေ ပွႆႇမၢၵ်ႇထၢတ်ႈငူၼ်ႉ(ၵွင်ႉ) လႄႈ ပွႆႇမၢၵ်ႇၶိူင်ႈၵွင်ႈလူင်သႂ်ႇ ဢွင်ႈတီႈတပ်ႉပၢင်သဝ်း တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ ၽွင်းတပ်ႉသိုၵ်းမၢၼ်ႈတင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ် ႁိမ်းတပ်ႉပၢင်သဝ်း မၢႆ (902)...

ဝၢႆးၽႅၼ်ယၼ်ႇသိုၵ်း 1027 ၵိုတ်းယင်ႉၵႂႃႇ မိူင်းတႆးပွတ်းႁွင်ႇ ၽႅဝ်ၵႂႃႇတႂ်ႈမိုဝ်းသိုၵ်းပလွင်ႈလႄႈ သိုၵ်းၶႄႇၵဝ်ႈၵၢင်ႉၶဝ်၊ ၵွပ်ႈပိူဝ်ႈ ပလွင်ႈလႄႈ ၶႄႇၵဝ်ႈၵၢင်ႉၼႆႉ ပဵၼ်ၸုမ်းၶိူဝ်းၵူၼ်း ဢေႇလိူဝ်တႆး တႄႉတႄႉဝႃႈဝႃႈလႄႈ ယိၼ်းလီဢၢႆ ၊ ယိၼ်းမၢင်ၸႂ်ယဝ်ႉ ပေႃႉမေႃႈဢမ်ႇလႆႈ ဢွၼ်ပေႃႉၵၢၵ်ႇ။ ႁွႆးဝႃႈ မိူင်းတႆးပွတ်းႁွင်ႇၼႆႉ လုၵ်ႉၼႂ်းမိုဝ်းသိုၵ်းမၢၼ်ႈသေ ၽႅဝ်ၵႂႃႇၼႂ်းမိုဝ်းသိုၵ်းတၢင်ႇၶိူဝ်းၵူၺ်း၊ တေႃႈၼင်ႇ မိူင်းတႆးပွတ်းဢွၵ်ႇလႄႈ ပွတ်းၸၢၼ်းၵေႃႈ မီးယူႇတႂ်ႈမိုဝ်းသိုၵ်းမၢၼ်ႈၵူၺ်း၊...

သိုၵ်းမၢၼ်ႈယိူင်းဢၢၼ်းတႃႇၵုမ်းလႆႈၶိုၼ်းဝဵင်းမိူင်းပၢႆးၼႆသေ ထႅမ်ႁႅင်းသိုၵ်းၶဝ်ႈမႃးၶိူဝ်းယႂ်းလႄႈ သဵင်ၵွင်ႈတႅၵ်ႇ ပိုတ်းယိုဝ်းၵၼ်တင်းၸုမ်းလုၵ်ႉၽိုၼ်ႉၵႅတ်ႇၶႄၵူၼ်းမိူင်း ပၢင်တိုၵ်းပဵၼ်ဢမ်ႇယဝ်ႉဢမ်ႇတူဝ်ႈ။  ဝၼ်းတီႈ 28/4/2025 ယၢမ်းၵၢင်ၼႂ် 5 မူင်း သိုၵ်းမၢၼ်ႈ လုၵ်ႉတၢင်းတပ်ႉ ၶမယ -422  ႁႅင်းသိုၵ်းၸမ် 300 ထူဝ်းသိုၵ်း ၶိုၼ်ႈမႃးလႄႈ ပိုတ်းယိုဝ်းၵၼ်တင်းၸုမ်း  ၵႅတ်ႇၶႄႇၵူၼ်းမိူင်း PDF တပ်ႉပိဝ်ႇႁႃႇမၢႆ 1 -ၼႆ ၼႃႈလိၼ်သိုၵ်းၽႄၸိုင်ႈတႆးပွတ်းၸၢၼ်း...

ၶွမ်ႊမတီႊ ၾၢႆႇလိူမ်ႈလႆႇ ၼေႇပျီႇတေႃႇ တႂ်ႈသိုၵ်းမၢၼ်ႈ ဢွၵ်ႇလိၵ်ႈပိုၼ်ၽၢဝ်ႇ ႁႂ်ႈၶွမ်ႊပၼီႊၸိူဝ်းၶဝ်ႈပႃးၵေႃႇသၢင်ႈ လုမ်းႁွင်ႈၵၢၼ်လူင်ပွင်ၸိုင်ႈ ၊ ႁိူၼ်းၽူႈႁၢပ်ႇၵၢၼ် ၊ လုမ်းၾၢႆႇၽွင်းငမ်း တီႈၼေႇပျီႇတေႃႇၼၼ်ႉ ၵပ်းသိုပ်ႇၵႂႃႇၶိုၼ်း လွင်ႈၼႆႉပိုၼ်ၽၢဝ်ႇဝႆႉ မိူဝ်ႈဝၼ်းတီႈ 26/04/2025 ၼႂ်းၽိုၼ်ၶၢဝ်ႇတႂ်ႈသိုၵ်းမၢၼ်ႈၵုမ်းၵမ်။ မိူဝ်ႈၽႅၼ်ႇလိၼ်ဝႆ ၼႂ်းဝၼ်းတီႈ 28 လိူၼ်မၢတ်ႊၶျ်ပူၼ်ႉမႃးၼႆႉ ႁဵတ်းႁႂ်ႈႁိူၼ်းၸွမ်ၸိုင်ႈ ၊ လုမ်းသၽႃး ၊...

ဝၢႆးလင်သိုၵ်းမၢၼ်ႈ ပိုၼ်ၽၢဝ်ႇ ယိုတ်ႈၶၢဝ်းယၢမ်းၵိုတ်းတိုၵ်း ၸူဝ်ႈၶၢဝ်းထႅင်ႈၼၼ်ႉ သိုၵ်းမၢၼ်ႈ ယင်းတိုၵ်ႉသိုပ်ႇဢဝ် ႁႅင်းၵူၼ်း ႁႅင်းၶိူင်ႈၵွင်ႈၵၢင်ႇ လုၵ်ႉတၢင်းဝဵင်းပၢင်ႇဢူး ၽိူမ်ႉၶိုၼ်ႈမႃးတၢင်း ၼႂ်းၸႄႈဝဵင်းၼွင်ၶဵဝ်ထႅင်ႈလႄႈ ႁဵတ်းႁႂ်ႈတင်းသွင်ၾၢႆႇ ပဵၼ်ပၢင်တိုၵ်းၵၼ်ထႅင်ႈ ႁၢဝ်ႈႁႅင်း။ သိုၵ်းမၢၼ်ႈ ဢဝ်ႁႅင်းသိုၵ်းလႄႈ ၶိူင်ႈၵွင်ႈၵၢင်ႇ မုင်ႈၼႃႈၸူး ဝၢၼ်ႈတွင်းၶမ်း ၼႃႈတီႈသိုၵ်းတဢၢင်း ၵုမ်း ၵမ်ဝႆႉၼၼ်ႉသေ ယၢမ်းလဵဝ် တင်းသွင်ၾၢႆႇ ပဵၼ်ပၢင်တိုၵ်းၵၼ်ႁၢဝ်ႈႁႅင်း...

လူင်ပွင်ၸိုင်ႈမိူင်းၶႄႇ ယူႇၵႄႈၵၢင်ၸွႆႈၶပ်းၶိုင်ပၼ် မိပ်ႇငႅၼ်းတဵၵ်းႁႂ်ႈ သိုၵ်းၵဝ်ႈၵၢင်ႉ MNDAA ထွႆဢွၵ်ႇ ၼႂ်းဝဵင်းလႃႈသဵဝ်ႈ ပၼ်ၶိုၼ်း တႄႇဝၼ်းတီႈ 22 ၼႆႉမႃး သိုၵ်းမၢၼ်ႈ တေႃႉဢဝ်ၶိူင်ႈၵွင်ႈၵၢင်ႇ ဢိၵ်ႇၵူၼ်းသိုၵ်းၼပ်ႉႁူဝ်ႁဵင်ၵေႃႉ ၶဝ်ႈယူႇသဝ်းၶိုၼ်း ၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ၼႂ်းၶၢဝ်းတၢင်းၼိုင်ႈဝူင်ႈ ၽွင်းသိုၵ်းမၢၼ်ႈၶဝ်ႈမႃးပၵ်းတပ်ႉ ယူႇသဝ်းၶိုၼ်း ၼႂ်းဝဵင်းလႃႈသဵဝ်ႈၼႆႉ ႁဵတ်းႁႂ်ႈၽူႈလၵ်ႉၵူၼ်းၸူၼ် လိူင်ႇၼမ်ႁႅင်းသေ ၵူၼ်းမိူင်းၺႃးၸူၼ်ၵႂႃႇ ဢမ်ႇယွမ်းသၢမ်ပွၵ်ႈယဝ်ႉၼႆ...

ရူတ်ႉၵႃးတၢင်ႇၵုၼ်ႇ ဢၼ်လုၵ်ႉတၢင်းမိူင်းတႆးပွတ်းဢွၵ်ႇၶူင်းလတ်းမႃးထိုင် မိူင်းတႆးပွတ်းၸၢၼ်း တီႈဝဵင်းႁူဝ်ပူင်းၼၼ်ႉ ထုၵ်ႇသိုၵ်းမၢၼ်ႈတီႉၺွပ်းဝႆႉတင်းၼမ်။ ပူၼ်ႉမႃး ဝၼ်းတီႈ 23/04/2025 ၼႆႉ ရူတ်ႉၵႃးတၢင်ႇၵုၼ်ႇ ဢၼ်လုၵ်ႉတၢင်းမိူင်းတႆး ပွတ်းဢွၵ်ႇၶူင်း တေႃႉတၢင်ႇၵုၼ်ႇမႃးၼၼ်ႉ ၺႃးသိုၵ်းမၢၼ်ႈ ဢဝ်ၶေႃႈဢၢင်ႈလွင်ႈၵဵပ်းၶွၼ်ႇၼႆသေ တီႉၺွပ်းရူတ်ႉၵႃးလူင်သေ ၵႂႃႇဝႆႉၼႂ်းဝၢင်းႁူင်းႁဵၼ်းတပ်ႉသိုၵ်း ၾၢႆႇၶွမ်ႊပိဝ်ႊတိူဝ်ႊလႄႈ ၾၢႆႇပၢႆးသၢႆႊ (ဟိုပုံးမြို့ တပ်မတော် ကွန်ပျူတာနဲ့ နည်းပညာသိပ္ပံကျောင်း) တီႈဝဵင်းႁူဝ်ပူင်း ၸိုင်ႈတႆးပွတ်းၸၢၼ်း။ ၵူၼ်းႁေႃရူတ်ႉၵႃး...

တင်ႈတႄႇ ၸွမ်ၸိၵ်းသိုၵ်းမိၼ်းဢွင်ႇလၢႆႇ လုၵ်ႉမိူင်းပႄႊလႃႊရုတ်ႉသ်လႄႈ မိူင်းရတ်ႉသျႃႊ ပွၵ်ႈမႃးၽႅဝ်ၶိုၼ်း တီႈၼေႇပျီႇတေႃႇ ၼႂ်းႁူဝ်လိူၼ်မၢတ်ႊၶျ်ၼၼ်ႉ ၾၢႆႇႁွင်ႈၵၢၼ်ၶၢဝ်ႇ လူင်ပွင်ၸိုင်ႈမိူင်းမၢၼ်ႈ ပိုၼ်ၽၢဝ်ႇဝႃႈ ပေႃးထိုင်မႃး လိူၼ်တီႊသႅမ်ႊပိူဝ်ႊ ႁၢင်ပီ 2025 မႃး ၾၢႆႇသိုၵ်းမၢၼ်ႈ တေဢွၼ်ႁူဝ်ၼမ်းၼႃႈ ၸတ်းပၢင်လိူၵ်ႈတင်ႈ ဢၼ်ပႃႇတီႇၵူႈၸုမ်း ၶဝ်ႈႁူမ်ႈလိူၵ်ႈတင်ႈၸွမ်းလႆႈ ဝႃႈၼႆ။   ဝၢႆးလင် သိုၵ်းမၢၼ်ႈ ယိုတ်းဢႃႇၼႃႇ...

သိုၵ်းမၢၼ်ႈပိုၼ်ၽၢဝ်ႇ ပူၼ်ႉမႃးၼႂ်းဝၼ်းတီႈ 23/04/2025 ၼႆႉဝႃႈ တေၶဝ်ႈႁူမ်ႈၼႄၾၢင်ႁၢင်ႈသိုၵ်း တီႈၼႂ်းပၢင်ၵႅဝ်ႈ ဝၼ်းဢွင်ႇပေႉသိုၵ်း (Victory Day) ၶွပ်ႈတဵမ် (80) ပီ တီႈမိူင်းရတ်ႉသျႃး ဝႃႈၼႆ။ ပၢင်ၵႅဝ်ႈၼႆႉ တေၸတ်းႁဵတ်းတီႈ Red Square ဝဵင်းမေႃႊသၵူဝ်ႊ ၊ မိူင်းရတ်ႉသျႃး ၼႂ်းဝၼ်းတီႈ 09/05/2025 တေထိုင်ၼႆႉ။   တႃႇတေၶဝ်ႈႁူမ်ႈၼႄၾၢင်ႁၢင်ႈသိုၵ်းၸွမ်းၼၼ်ႉ...

မိူဝ်ႈဝၼ်းတီႈ 24/04/2025 ယၢမ်းၵၢင်ၶမ်ႈမွၵ်ႈ 6 မူင်း သိုၵ်းမၢၼ်ႈၸႂ်ႉၶိူင်ႈမိၼ် ပွႆႇမၢၵ်ႇသႂ်ႇ ၸွမ်းႁိမ်းဝၢၼ်ႈ သဵၼ်ႈတၢင်းၽႄ ဢုမ်ႇတီး ၼႃႈတီႈတပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA ၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ သိုၵ်းမၢၼ်ႈ ၸႂ်ႉၶိူင်ႈမိၼ် မႃးပွႆႇမၢၵ်ႇသႂ်ႇ မွၵ်ႈ 30 လုၵ်ႈပၢႆလႄႈ ႁဵတ်းႁႂ်ႈလင်ႁိူၼ်းၵူၼ်းမိူင်း ၸွမ်းဝၢၼ်ႈႁိမ်းတၢင်းၽႄ ဢုမ်ႇတီး ၾႆးမႆႈၵႂႃႇတင်းၼမ်ၼႆ ၵူၼ်းမိူင်းပိုၼ်ႉတီႈၵေႃႉၼိုင်ႈ...

တႄႇၵၢင်လိူၼ်ဢေႊပရိူဝ်ႊမႃး လူင်ပွင်ၸိုင်ႈမိူင်းၶႄႇ မိပ်ႇငႅၼ်းႁႂ်ႈသိုၵ်းၵဝ်ႈၵၢင်ႉ ထွႆဢွၵ်ႇၵႂႃႇၼႂ်းဝဵင်းလႃႈသဵဝ်ႈသေ ပိုတ်ႇသဵၼ်ႈတၢင်းပၼ်ႁႂ်ႈသိုၵ်းမၢၼ်ႈၶဝ်ႈမႃး ပၵ်းတပ်ႉပၢင်သဝ်း ဢဝ်တီႈယူႇၶိုၼ်း။ ယၢမ်းလဵဝ် ၽူႈယႂ်ႇၵူၼ်းလူင် ၼႂ်းတပ်ႉသိုၵ်းမၢၼ်ႈလႄႈ ၶႃႈႁၢပ်ႇၵၢၼ်ၶုၼ် ၼႂ်းႁွင်ႈၵၢၼ်လူင်ပွင်ၸိုင်ႈ သိုၵ်းမၢၼ်ႈ ၵမ်ႈၼမ် ႁွတ်ႈၽႅဝ်ဝႆႉၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ႁၢင်ႈႁႅၼ်း တႃႇပိုတ်ႇၶိုၼ်း ႁူင်းယႃ၊ ႁွင်ႈၵၢၼ် ၾၢႆႇလိူမ်ႈလႆႇ၊ ႁွင်ႈၵၢၼ် ပၢႆးပၺ်ႇၺႃႇ၊ ႁွင်ႈၵၢၼ် ၾၢႆႇၵူတ်ႇထတ်းၶဝ်ႈဢွၵ်ႇမိူင်း...

ဝၼ်းတီႈ 23/04/2025 သိုၵ်းမၢၼ်ႈ ၸိူဝ်းပႂ်ႉႁိမ်းၶူဝ်ၼမ်ႉယၢဝ် တီႈလႅၼ်ၶႅၼ်ႈ သိုၵ်းမၢၼ်ႈတင်း သိုၵ်းၵဝ်ႈၵၢင်ႉ တၢင်းၶဝ်ႈဢွၵ်ႇဝဵင်းလႃႈသဵဝ်ႈ - သႅၼ်ဝီၼၼ်ႉ တင်ႈလၢၼ်ႇပႂ်ႉၵဵပ်းၶွၼ်ႇ ရူတ်ႉၵႃးၵူၼ်းမိူင်း ၸိူဝ်းလတ်းၵႂႃႇမႃး ၼႂ်းၸိုင်ႈတႆးပွတ်းႁွင်ႇ။ တင်ႈတႄႇ သိုၵ်းမၢၼ်ႈ ဢဝ်ၶိူင်ႈၵွင်ႈၵၢင်ႇတင်း ႁႅင်းၵူၼ်းသိုၵ်း ၼပ်ႉႁူဝ်ႁဵင်ၵေႃႉ ၶဝ်ႈမႃးၵုမ်းၵမ်ၶိုၼ်း ၼႂ်းဝဵင်းလႃႈသဵဝ်ႈ ၵူၼ်းမိူင်းၸိူဝ်းလတ်းၵႂႃႇမႃး တီႈၶူဝ်ၼမ်ႉယၢဝ် AD လႆႈပၼ်ငိုၼ်း...

ဝၼ်းတီႈ 22/04/2025 DPLA ပိုၼ်ၽၢဝ်ႇဝႃႈ သိုၵ်းမၢၼ်ႈတင်း တပ်ႉသိုၵ်းပူတ်းပွႆႇၵူၼ်းမိူင်းထၼု DPLA ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းတီႈထုင်ႉၵျွၵ်ႉၵူႇ ၼႂ်းၸႄႈဝဵင်းလွၵ်ႉၸွၵ်ႇ ၸိုင်ႈတႆးပွတ်းၸၢၼ်း။ ဝၼ်းတီႈ 21/04/2025 ယၢမ်းၵၢင်ဝၼ်း 12 မူင်းၶိုင်ႈ တႄႇပဵၼ်ပၢင်တိုၵ်းၵၼ်ႁၢဝ်ႈႁႅင်းတေႃႇထိုင် ႁူဝ်ၶမ်ႈ 5 မူင်းၶိုင်ႈ ပၢင်တိုၵ်းယဵၼ်ၵႂႃႇၵမ်းၼိုင်ႈ။ ထိုင်ဝၼ်းမိူဝ်ႈၼႆႉ ပၢင်တိုၵ်းတီႈထုင်ႉၵျွၵ်ႉၵူႇ သိုပ်ႇပဵၼ်ႁၢဝ်ႈႁႅင်းဝႆႉ ဝႃႈၼႆ။    လုၵ်ႈၸုမ်း DPLA...

ၼႂ်းဝၼ်းတီႈ 22/04/2025 ၽိုၼ်ၶၢဝ်ႇမျၢၼ်ႇမႃႉဢလိၼ်း တႂ်ႈသိုၵ်းမၢၼ်ႈ ပိုၼ်ၽၢဝ်ႇဝႆႉဝႃႈ လုၵ်ႈ ႁဵၼ်း ၼႂ်းတိူင်းတႃႈလိူဝ်ႇ၊ ၸႄႈၵႅင်း၊ ၼေႇပျီႇတေႃႇလႄႈ မိူင်းၶၢင် ၸိူဝ်းတွပ်ႇလိၵ်ႈဝႆႉၸၼ်ႉ 12 (G - 12) တႃႇၶဝ်ႈၸၼ်ႉၸွမ်ဝႆႉ တႃႇ 60,000 ၵေႃႉၼၼ်ႉ ဢိင်ၼိူဝ် ၽေးၽႅၼ်ႇလိၼ်ဝႆသေ ဝႂ်ၶေႃႈတွပ်ႇလူႉႁၢႆၵႂႃႇလႄႈ တေၶိုၼ်းလႆႈတွပ်ႇလိၵ်ႈ...

တႃႇတေမႄးပူၵ်းပွင်ၵေႃႇသၢင်ႈၶိုၼ်း ပိုၼ်ႉတီႈ ၸိူဝ်းၺႃးၽေးၽႅၼ်ႇလိၼ်ဝႆၼႆသေ ဝၼ်းတီႈ 22/04/2025 ၼႆႉ သိုၵ်းမၢၼ်ႈပိုၼ်ၽၢဝ်ႇ ယိုတ်ႈၶၢဝ်းယၢမ်းၵိုတ်းတိုၵ်း ၸူဝ်ႈၶၢဝ်းထႅင်ႈ 1 ဝူင်ႈ ဝႃႈၼႆ။ ယွၼ်ႉၽေးၽႅၼ်ႇလိၼ်ဝႆ တီႈမိူင်းမၢၼ်ႈ ၼႂ်းဝၼ်းတီႈ 28 လိူၼ်မၢတ်ႊၶျ်ပူၼ်ႉမႃးၼၼ်ႉသေ တႄႇဢဝ် ဝၼ်းတီႈ 02-22/04/2025 ၼႆႉ သိုၵ်းမၢၼ်ႈ ပိုၼ်ၽၢဝ်ႇၵိုတ်းတိုၵ်းဝႆႉ ၸူဝ်းၶၢဝ်း။ ယၢမ်းလဵဝ်သမ်ႉ...