ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ လၢတ်ႈဝႃႈ ၼႃႈလိၼ်ဢၼ်သုမ်းၵႂႃႇၼၼ်ႉ တေၶိုၼ်းဢဝ်ႁႂ်ႈလႆႈ ႁႂ်ႈယဝ်ႉတူဝ်ႈၼႂ်းၶၢဝ်းႁိုဝ်ႉၼႆႉ တေတႄႇပိုတ်းယိုဝ်းၵႂႃႇၼႂ်းႁၢင်လိူၼ်မေႊၼႆႉ တေယိုဝ်းပႃးတင်းၵၢင်ႁၢဝ် ႁၢဝ်ႈႁႅင်း ဝႃႈၼႆ။

ဝၼ်းတီႈ 15-16/05/2025 ၼႆႉ ၸွမ်ၸိၵ်းသိုၵ်းမၢၼ်ႈ ယိုတ်းမိူင်း ႁဵတ်းပၢင်ၵုမ်လွင်ႈသိုၵ်း တီႈၼေႇပျီႇ တေႃႇ မိၼ်းဢွင်ႇလၢႆႇ လၢတ်ႈဝႃႈ တေပိုတ်းယိုဝ်းဢဝ်ၶိုၼ်း ၼႃႈလိၼ်ဢၼ်လႆႈသုမ်းၵႂႃႇ ၸိူဝ်းၼၼ်ႉ။ တေယိုဝ်းတၢင်းလိၼ်လႄႈ တၢင်းၵၢင်ႁၢဝ် ၼႂ်းႁိုဝ်ႉၼႆႉၵေႃႈ တေဢမ်ႇလိုဝ်ႈ ဝႃႈၼႆ။

မၼ်းၸၢႆး လၢတ်ႈၼႂ်းပၢင်ၵုမ်ဝႃႈ – တေဢဝ်ၶိုၼ်းႁႂ်ႈလႆႈ ၼႂ်းၶၢဝ်းတၢင်း 6 လိူၼ် ၼႂ်းပီ 2025 ၼႆႉ။ တေၸႂ်ႉ ႁႅင်းသိုၵ်း ၵူၼ်းသိုၵ်းမႂ်ႇ ဢၼ်ၾိုၵ်းဝႆႉပၼ်ၵၢၼ်သိုၵ်း ၸိူဝ်းၼၼ်ႉ။ တေႁႂ်ႈၽူႈၼမ်းသိုၵ်း ၼႂ်းတပ်ႉသိုၵ်း မၢၼ်ႈ ဢွၼ်ႁူဝ်ၼမ်းၼႃႈၶဝ်သေ ပိုတ်းယိုဝ်းသိုၵ်းလုၵ်ႉၽိုၼ်ႉ ၸိူဝ်းၼႆႉ။ ၽွင်းပိုတ်းယိုဝ်းတၢင်းၼႃႈ လိၼ်ယူႇၼၼ်ႉ တၢင်းၵၢင်ႁၢဝ်ၵေႃႈ တေၸွႆႈယိုဝ်းဝၼ်းဝၼ်းၶိုၼ်းၶိုၼ်း – ဝႃႈၼႆ။

ၼႂ်းဢၼ်သိုၵ်းမၢၼ်ႈ တေသႂ်ႇႁႅင်းသေ ၶိုၼ်းဢဝ်ၼႆႉတႄႉ ပဵၼ်ၼႃႈလိၼ် ၼႂ်းၸႄႈဝဵင်းၼွင်ၶဵဝ်လႄႈ ၼႃႈလိၼ် ဢၼ်သိုၵ်းတဢၢင်း TNLA ယိုတ်းလႆႈဝႆႉၸိူဝ်းၼၼ်ႉ တင်းမူတ်း။ လိူဝ်ၼၼ်ႉ ပဵၼ်ၼႂ်းတိူင်း ၸႄႈၵႅင်း၊ တိူင်းတၼၢဝ်းသီ၊ ၸႄႈမိူင်းယၢင်းလႅင်၊ မိူင်းၶျၢင်း ၸိူဝ်းၼႆႉပႃး။ ယၢမ်းလဵဝ် ဢၼ်သိုၵ်းမၢၼ်ႈ သင်ႇ ႁႂ်ႈထူဝ်းသိုၵ်းၶိုၼ်ႈယူႇတိၵ်းတိၵ်း ဢမ်ႇထၢတ်ႇသေဝၼ်းတႄႉ ပဵၼ်ၼႂ်းၸႄႈမိူင်းရၶႅင်ႇ၊ မိူင်းၶၢင်၊ တိူင်းပႃႇၵိူဝ်လႄႈ တိူင်းမၵူၺ်း ၸိူဝ်းၼႆႉ။