မိူဝ်ႈငဝ်းလၢႆးဝၢၼ်ႈမိူင်းၼိမ်တႄႉ ၵူၼ်းမိူင်းႁဵတ်းၵိၼ်ၵၢၼ်သင်ၵေႃႈငၢႆႈ၊ ၶႅၵ်ႇၼွၵ်ႈမိူင်း ၵေႃႈလိူင်ႇ။ ပေႃးၶႅၵ်ႇၼွၵ်ႈမိူင်းလိူင်ႇၵေႃႈ ႁူင်းႁႅမ်းလႄႈ ၵူၼ်းၵႃႉၵူၼ်းၶၢႆၼႂ်းပိုၼ်ႉတီႈ မီးငိုၼ်းၶဝ်ႈ။ မိူၼ်ၼင်ႇ ၵဵင်းတုင် ၸိုင်ႈတႆးပွတ်းဢွၵ်ႇၵေႃႈ မီးၶႅၵ်ႇၼွၵ်ႈမိူင်းၸိူဝ်းသူၼ်ၸႂ် ဢွင်ႈတီႈၵိုၵ်းပိုၼ်း ၵႆႉမႃးဢႅဝ်ႇ ယဵမ်ႈၼမ်။ ၸိူဝ်းပဵၼ်လၢမ်ႈ ပိၼ်ႇၽႃသႃပၼ်ၶႅၵ်ႇၼွၵ်ႈမိူင်းၸိူဝ်းၼႆႉၵေႃႈ ပဵၼ်ၵၢၼ်။ ၵူၺ်းၵႃႈ ဝၢႆးသေ သိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းယဝ်ႉတႄႉ လွင်ႈၸိူဝ်းၼႆႉ ပိၼ်ႈၽူၼ်ၵၼ်မူတ်း။ ၸိူဝ်းယၢမ်ႈႁဵတ်းၵၢၼ် Tourist...

သိုၵ်းမၢၼ်ႈ ဢွၵ်ႇလိၵ်ႈပိုၼ်ၽၢဝ်ႇ ႁၢမ်ႈၼၢင်းမေႃယႃလုမ်းလႃး (Nurse) မိူင်းမၢၼ်ႈ တွပ်ႇလိၵ်ႈ တႃႇၵႂႃႇႁဵတ်းၵၢၼ်မိူင်းသိင်ႊၵပူဝ်ႊ ၾၢႆႇတၢင်းသိုၵ်းမၢၼ်ႈ တေဢမ်ႇဢွၵ်ႇပၼ်ဝႂ် Transcript Letter လႃးလႃးယဝ်ႉၼႆလႄႈ ႁဵတ်းႁႂ်ႈ ၼၢင်းမေႃယႃ ၸိူဝ်းႁၢင်ႈႁႅၼ်း တႃႇဢွၵ်ႇႁဵတ်းၵၢၼ် ၼွၵ်ႈမိူင်းၼၼ်ႉ ထူပ်းတၢင်းယၢပ်ႇၽိုတ်ႇ ဝႃႈၼႆ။ ၼၢင်းမေႃယႃလုမ်းလႃး ဢၼ်လႆႈႁပ်ႉဝႂ် Diploma လႄႈ Bachelor ပွႆႉမိူင်းမၢၼ်ႈဝႆႉၼၼ်ႉ...

သိုၵ်းမၢၼ်ႈ လူင်းၵဵပ်းသဵၼ်ႈမၢႆၶႅၵ်ႇ ၼႂ်းဢိူင်ႇၼႂ်းဝၢၼ်ႈ ၼႂ်းၸႄႈဝဵင်းမိူင်းတူၼ် ၸိုင်ႈတႆးပွတ်းဢွၵ်ႇ ၵူၼ်းၼုမ်ႇပိုၼ်ႉတီႈ ၵူဝ်ပဵၼ်သိုၵ်းမၢၼ်ႈ လူင်းၵဵပ်းသိုၵ်းၼႆသေ ဢွၼ်ၵၼ်ငိူင်ႉပၢႆႈ။  ဝၢႆးလင် ၵိုတ်းလွင်ႈၵဵပ်းငိုၼ်းၵဵပ်းသိုၵ်းၵႂႃႇမွၵ်ႈ 3 လိူၼ်ယဝ်ႉသေ ထိုင်မႃးၼႂ်းၵၢင်လိူၼ်မေႊၼႆႉ မီးၶၢဝ်ႇဝႃႈ သိုၵ်းမၢၼ်ႈ ၶိုၼ်းၵဵပ်းၵူၼ်းမႂ်ႇထႅင်ႈၼႆလႄႈ ၽွင်းသိုၵ်းမၢၼ်ႈ လူင်းထတ်းသဵၼ်ႈသၢႆမၢႆၶႅၵ်ႇ ၵူၼ်းမိူင်း တူၼ်ဢွၼ်ၵၼ်တူၵ်းၸႂ်။  ၵူၼ်းၸၢႆး ၵေႃႉၼိုင်ႉ ယူႇဝဵင်းမိူင်းတူၼ် လၢတ်ႈၽူႈတွႆႇႁွၵ်ႈဝႃႈ -“...

တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ သိုၵ်းမၢၼ်ႈပႂ်ႉၵူတ်ႇထတ်းလႄႈ တီႉရူတ်ႉၵႃး ဢမ်ႇမီးဝႂ်လၢႆႊသိၼ်ႊ ၸိူဝ်းဢမ်ႇတၢင်ႇမၢႆၾၢင်ဝႆႉၸိူဝ်းၼၼ်ႉ ၼႂ်းဝၼ်းလဵဝ်ၵူၺ်းတီႉလႆႈ 100 လမ်းပၢႆ ဝႃႈၼႆ။   မိူဝ်ႈဝႃး ဝၼ်းတီႈ 22/05/2025 ယၢမ်းၵၢင်ဝၼ်း ပလိၵ်ႈသိုၵ်းမၢၼ်ႈ ပႂ်ႉတီႉၺွပ်း ရူတ်ႉဢမ်ႇမီးမၢႆၾၢင် တီႈႁိမ်းႁူင်းထမ်း ထမ်ႇမႃႇယူင်ႇ ၵၢင်ဝဵင်းတူၼ်ႈတီး ၸိုင်ႈတႆးပွတ်းၸၢၼ်း ၵူၼ်းၸိူဝ်းဢမ်ႇတိုဝ်းမၢၵ်ႇႁူဝ် ရူတ်ႉၶိူင်ႈ ဢမ်ႇမီးၶႅပ်းမၢႆ(ပၢႆႉ)...

သိုၵ်းမၢၼ်ႈ ယိုတ်းမိူင်းတင်း ပျီႇတူႉၸိတ်ႉပဢူဝ်း PNO ၶႃႈႁႅမ်တၢႆ ထဝ်ႈၸၢႆး ၵေႃႉၼိုင်ႈ တီႈဝဵင်းယွင်ႁူၺ်ႈ ယဝ်ႉၵေႃႈ ဢဝ်ၾႆးၽဝ်ႁိူၼ်းယေးၵူၼ်းဝၢၼ်ႈထႅင်ႈ 40 လင်ပၢႆ။ ပူၼ်ႉမႃး ဝၼ်းတီႈ 09/05/2025 ယၢမ်းဝၢႆးဝၼ်း သိုၵ်းမၢၼ်ႈ ၵႂႃႇတီႉၺွပ်းဢဝ် လုင်းၸိင်း ဢႃယု 54 ပီ ဢၼ်ၼွၼ်းပႂ်ႉႁႆႈ တၢင်းၼွၵ်ႈဝၢၼ်ႈၸၢင်ႈၸွႆႉ ၸႄႈဝဵင်းယွင်ႁူၺ်ႈ...

ဝၼ်းတီႈ 21/05/2025 DPLA ပိုၼ်ၽၢဝ်ႇဝႃႈ သိုၵ်းမၢၼ်ႈတင်း တပ်ႉသိုၵ်းပူတ်းပွႆႇၵူၼ်းမိူင်းထၼု DPLA ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းဢိူင်ႇၵျွၵ်ႉၵူႇ ၼႂ်းၸႄႈဝဵင်းလွၵ်ႉၸွၵ်ႇ ၸိုင်ႈတႆးပွတ်းၸၢၼ်း ၾၢႆႇတၢင်းသိုၵ်းမၢၼ်ႈ ဢဝ်မၢၵ်ႇၵွင်ႉငူၼ်ႉထၢတ်ႈပိုတ်းယိုဝ်းၸွႆႈ ဝႃႈၼႆ။ ပၢင်တိုၵ်းၼႆႉ ပဵၼ်တၢင်းဝၢၼ်ႈလွႆႁွင်ႇလႄႈ ၽႅတ်ႉယိၼ်းၵူင်း (ဖက်ရင်းကုန်းရွာ) ဝၼ်းတီႈ 21/04/2025 ယၢမ်းၵၢင်ဝၼ်း 12 မူင်းၶိုင်ႈထိုင် 1 မူင်း ၾၢႆႇတၢင်းသိုၵ်းမၢၼ်ႈ ယိုဝ်းမၢၵ်ႇၵွင်ႉငူၼ်ႉထၢတ်ႈ...

ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ လၢတ်ႈဝႃႈ ၼႃႈလိၼ်ဢၼ်သုမ်းၵႂႃႇၼၼ်ႉ တေၶိုၼ်းဢဝ်ႁႂ်ႈလႆႈ ႁႂ်ႈယဝ်ႉတူဝ်ႈၼႂ်းၶၢဝ်းႁိုဝ်ႉၼႆႉ တေတႄႇပိုတ်းယိုဝ်းၵႂႃႇၼႂ်းႁၢင်လိူၼ်မေႊၼႆႉ တေယိုဝ်းပႃးတင်းၵၢင်ႁၢဝ် ႁၢဝ်ႈႁႅင်း ဝႃႈၼႆ။ ဝၼ်းတီႈ 15-16/05/2025 ၼႆႉ ၸွမ်ၸိၵ်းသိုၵ်းမၢၼ်ႈ ယိုတ်းမိူင်း ႁဵတ်းပၢင်ၵုမ်လွင်ႈသိုၵ်း တီႈၼေႇပျီႇ တေႃႇ မိၼ်းဢွင်ႇလၢႆႇ လၢတ်ႈဝႃႈ တေပိုတ်းယိုဝ်းဢဝ်ၶိုၼ်း ၼႃႈလိၼ်ဢၼ်လႆႈသုမ်းၵႂႃႇ ၸိူဝ်းၼၼ်ႉ။ တေယိုဝ်းတၢင်းလိၼ်လႄႈ တၢင်းၵၢင်ႁၢဝ်...

ဝၼ်းတီႈ 20/05/2025 ၼႆႉ ႁွင်ႈၵၢၼ်ၶၢဝ်ႇ သိုၵ်းတဢၢင်း ပိုၼ်ၽၢဝ်ႇဝႃႈ ယွၼ်ႉသိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်း ပွႆႇမၢၵ်ႇလူင် ႁႅင်း 500 ပွၼ်ႊ သႂ်ႇၼႂ်းၸႄႈဝဵင်းၼွင်ၶဵဝ် မိူဝ်ႈဝၼ်းတီႈ 11 ယၢမ်းၵၢင်ဝၼ်းမွၵ်ႈ 12 မူင်းၶိုင်ႈၼၼ်ႉသမ်ႉ 2 လုၵ်ႈ။ မၢၵ်ႇလူင်တူၵ်းသႂ်ႇ ၶွမ်ႊပၼီႊၶုတ်းႁႄႈ တိူဝ်ႉၺႃးၶိူင်ႈၸၢၵ်ႈလူင် ဢၼ်ၸႂ်ႉတိုဝ်းၼႂ်းၵၢၼ်ၶုတ်းႁႄႈၼၼ်ႉသေ လူႉၵွႆၵႂႃႇတင်းၼမ်...

သိုၵ်းမၢၼ်ႈ ၵဵပ်းငိုၼ်းၵူၼ်းမိူင်းဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်း ၵူႈလိူၼ် မၢင်လိူၼ် ဢမ်ႇမီးႁူဝ် ၶေႃႈသင်ၵေႃႈ ယွၼ်းငိုၼ်းလၢႆလၢႆ ၵူၼ်းမိူင်းပဵၼ်ဢၼ်ယၢပ်ႇၽိုတ်ႇၵိၼ်းၸႂ်။ တႄႇႁၢင်လိူၼ်တီႊသႅမ်ႊပိူဝ်ႊ ပီ 2024 ၼၼ်ႉမႃး သိုၵ်းမၢၼ်ႈ ယွၼ်းငိုၼ်းၵူၼ်းမိူင်း ဝၢၼ်ႈၼပၢၼ်းၵျီး ၸႄႈဝဵင်းယႂႃႇငၢၼ်ႇ ၵူႈလိူၼ် ထိုင်မႃးၶၢဝ်းတၢင်း 6 လိူၼ်ယဝ်ႉလႄႈ ႁဵတ်းႁႂ်ႈၵူၼ်းပိုၼ်ႉတီႈ ယၢပ်ႇၽိုတ်ႇၵိၼ်းၸႂ် ဢမ်ႇမီးလွင်ႈႁူမ်ႇလူမ်ႈ ဝႃႈၼႆ။ ၼၢင်းယိင်း...

သိုၵ်းမၢၼ်ႈယိုတ်းမိူင်း ၸႂ်ႉၶိူင်ႈမိၼ် ပွႆႇမၢၵ်ႇသႂ်ႇ ၼႂ်းၸႄႈဝဵင်းမိၼ်းတႅတ်ႉ ၸႄႈမိူင်းၶျၢင်း 3 ဝၼ်းထပ်းၵၼ် ႁဵတ်းႁႂ်ႈၵူၼ်းမိူင်း မၢတ်ႇၸဵပ်းလူႉတၢႆ ႁိူၼ်းယေးၵေႃႈလူႉၵွႆၼမ်ၼႆ ၸုမ်း ၾၢႆႇၽွင်းငမ်း ပိုၼ် ၽၢဝ်ႇပဵၼ်တၢင်းၵၢၼ်ဝႆႉ ၼင်ႇၼႆ။ တႄႇဝၼ်းတီႈ 15 တေႃႇထိုင် 17 ၼႂ်းလိူၼ်မေႊၼႆႉ ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇၼႂ်းၸႄႈဝဵင်း မိၼ်းတႅတ်ႉၵူႈဝၼ်း၊ ၸႂ်ႉပႃးမၢၵ်ႇသႅၼ်း ပလႅတ်ႈသတႃႊ...

တႄႇဝၼ်းတီႈ 17/05/2025 ၼႆႉမႃးတေႃႇထိုင်ဝၼ်းမိူဝ်ႈၼႆႉ သိုၵ်းမၢၼ်ႈတင်း ပျီႇတူႉၸိတ်ႉပဢူဝ်း PNO ႁူမ်ႈၵၼ်ပိုတ်းယိုဝ်းၵၼ်တင်း ၸုမ်းၵႅတ်ႇၶႄႇၵူၼ်းမိူင်း PDF ႁၢဝ်ႈႁႅင်း ၼႂ်းၵႄႈၸႄႈဝဵင်းပၢင်လွင်း - ၸႄႈဝဵင်းၾၢႆၶုၼ် တီႈဝၢၼ်ႈသွင်းပျွင်း ၾၢႆႇတင်းသိုၵ်းမၢၼ်ႈ ၽဝ်ႁိူၼ်းၵူၼ်းပိုၼ်ႉတီႈလူႉသုမ်းပႃး။ ၼၢင်းယိင်း ၵူၼ်းဝၢၼ်ႈသွင်းပျွင်း လၢတ်ႈၽူႈတွႆႇႁွၵ်ႈဝႃႈ - “ၸဵမ်လႂ် PNO ႁၢမ်ႈၵူၼ်းမိူင်းဢွၵ်ႇၼွၵ်ႈႁိူၼ်း ယေး။ ၵူၺ်းၾၢႆႇၼိုင်ႈၵေႃႈ...

မိူဝ်ႈၼႆႉ ဝၼ်းတီႈ 19/05/2025 သိုၵ်းမၢၼ်ႈ ၸီႉသင်ႇ ႁႂ်ႈၶႃႈႁၢပ်ႇၵၢၼ်ၶုၼ် ၼႂ်းႁွင်ႈၵၢၼ် ၾၢႆႇၵူတ်ႇထတ်း ၶဝ်ႈဢွၵ်ႇမိူင်း ပိုတ်ႇလုမ်းပဵၼ်တၢင်းၵၢၼ်သေ တႄႇပၼ်ႇၵၢၼ်ၵႂႃႇ တီႈဝဵင်းလႃႈ သဵဝ်ႈ ၸိုင်ႈတႆးပွတ်းႁွင်ႇ။ သိုၵ်းမၢၼ်ႈပိုတ်ႇၶိုၼ်း ႁွင်ႈၵၢၼ်လုမ်းၼႆသေတႃႉ တႃႇတေပၼ်ႇၵၢၼ်ၵႂႃႇလႆႈတႄႉတႄႉၼႆၼၼ်ႉ ယင်းတိုၵ်ႉမီးလွင်ႈယၢပ်ႇလၢႆလၢႆလွင်ႈယူႇလႄႈ ၾၢႆႇသိုၵ်းမၢၼ်ႈ တေႃႉတႄႉ တေပိုတ်ႇလႆႈ ပဵၼ်တၢင်းၵၢၼ်ဢဝ်ၼႃႈဢဝ်တႃ မွၵ်ႈၼၼ်ႉၵူၺ်းၼႆ - ပီႈၸၢႆး...

မိူဝ်ႈဝႃး ဝၼ်းတီႈ 18/05/2025 ယၢမ်းၵၢင်ၼႂ် 10 မူင်း 40 မိၼိတ်ႉ ၵူၼ်းပၢႆႈၽေးသိုၵ်း တီႈၵျွင်းၶဵဝ်ၶမ်း ဢၼ်မီးတီႈတၢင်းၽႄ ဢိူင်ႇဢုမ်ႇတီး ၸႄႈဝဵင်းၼွင်ၶဵဝ်ၼၼ်ႉ ၺႃးယိုဝ်းတၢႆၵေႃႉၼိုင်ႈ ၵူၼ်းပိုၼ်ႉတီႈလၢတ်ႈဝႃႈ ပဵၼ်သိုၵ်းတဢၢင်း TNLA ယိုဝ်း ဝႃႈၼႆ။ သိုၵ်းတဢၢင်း TNLA ၼႆႉ ပိူဝ်ႈတႃႇလေႃႇတိုၵ်းလႄႈ ႁပ်ႉတိုၵ်းသိုၵ်းမၢၼ်ႈၼႆသေ ဢဝ်ၼႃႈတီႈယူႇဝႆႉၼႂ်း...

မိူဝ်ႈဝႃး ဝၼ်းတီႈ 14/05/2025 ယၢမ်းၵၢင်ၶမ်ႈ 9 မူင်း သိုၵ်းမၢၼ်ႈ ဢဝ်ၶိူင်ႈမိၼ် Jet Fighter သႅၼ်း 500 ပွၼ်ႊ မႃးပွႆႇလႄႈ တိူဝ်ႉသႂ်ႇၵူၼ်းပၢႆႈၽေးသိုၵ်း ဢၼ်မီးတီႈႁိမ်းဝၢၼ်ႈလဢိ ၸႄႈဝဵင်းၾၢႆၶုၼ် ၸိုင်ႈတႆးပွတ်းၸၢၼ်း။ ၵူၼ်းပိုၼ်ႉတီႈ လၢတ်ႈၽူႈတွႆႇႁွၵ်ႈဝႃႈ - “သိုၵ်းမၢၼ်ႈ ဢဝ်ၶိူင်ႈမိၼ်မႃးပွႆႇမၢၵ်ႇ 2 ၵမ်း...

သိုၵ်းမၢၼ်ႈ ၸႂ်ႉၵူၼ်းဝၢၼ်ႈၼွင်တွင်း ဢိူင်ႇလူင်ၶူၵ်ႉ(လုံခုတ်) ၸႄႈဝဵင်းႁူဝ်ပူင်း ၶၢႆႉပၢႆႈတႃႇလင်ႁိူၼ်း 200 ပၢႆ ၼႄးဝႃႈပူၼ်ႉပႅၼ်ၶဝ်ႈမႃးယူႇၼႂ်းတီႈလိၼ်တပ်ႉ 560 ဢေႊၶိူဝ်ႊ ဝႃႈၼႆ။ ဝၼ်းတီႈ 26/04/2025 ပူၼ်ႉမႃးၼႆႉ ႁွင်ႈၵၢၼ် ၾၢႆႇၽွင်းငမ်း ဝဵင်းႁူဝ်ပူင်း ဢွၵ်ႇလိၵ်ႈပိုၼ်ၽၢဝ်ႇ ႁႂ်ႈၵူၼ်းဝၢၼ်ႈၼွင်တွင်း ၶၢႆႉတီႈယူႇ ႁႂ်ႈယဝ်ႉၼႂ်းၶၢဝ်းတၢင်း 15 ဝၼ်း ဝႃႈၼႆ။  ၵူၼ်းပိုၼ်ႉတီႈ လၢတ်ႈတီႈၽူႈတွႆႇႁွၵ်ႈဝႃႈ...