“ဢေးလၢဝ်.. လုၵ်ႈမႂ်းတၢႆယဝ်ႉဝႃႇ ” ၽွင်းလႆႈယိၼ်းသဵင်ၼႆႉ မၼ်းၼၢင်းတူၵ်းၸႂ် သမ်ႉပေႃးလိုမ်းထူၺ်ႈၸႂ်ၵႂႃႇၵမ်းၼိုင်ႈ။  မဵတ်ႉၼမ်ႉတႃဢုၼ်ႇဢုၼ်ႇဢွၼ်ႇယွႆႉယမ်းလႆလူင်းၸွမ်းၵႅမ်ႈမၼ်းၼၢင်းမႃးလွႆးလွႆး ..... ။ “  လုၵ်ႈၵဝ်...ႁႃးမႄႈလုၵ်ႈတေဢမ်ႇလႆႈထူပ်းၵၼ်ထႅင်ႈယဝ်ႉ” ၼၢင်းလၢဝ် လၼ်ဢွၵ်ႇပၢၵ်ႇမႃး ၽွင်းမၼ်းၼၢင်းလႆႈယိၼ်းဝႃႈ လုၵ်ႈယိင်းဢွၼ်ႇမၼ်းၼၢင်း တိုၵ်ႉလဵၵ်ႉတိုၵ်ႉၼုမ်ႇ လႆႈတၢႆၵႂႃႇ    ယွၼ်ႉသိုၵ်းမၢၼ်ႈမႃးပွႆႇမၢၵ်ႇသႂ်ႇ ဢွင်ႈတီႈ ဢၼ်ၶဝ်ပၢႆႈၽေးသိုၵ်းဝႆႉၼၼ်ႉ။ ၽွင်းၼၼ်ႉၸူးၸႂ် ၼၢင်းလၢဝ် ၶႂ်ႈလႅၼ်ႈ မိူဝ်းတူၺ်း လုၵ်ႈယိင်းမၼ်းၼၢင်းယူႇသေတႃႉ လိူဝ်သေႁွင်ႉသႅၼ်ႇႁႆႈ ဢမ်ႇၸၢင်ႈႁဵတ်းၸိူင်ႉႁိုဝ် ။ ၼႂ်းဝၼ်းတီႈ...

တီႈပွၵ်ႉသၢမ် ဝဵင်းၵၢတ်ႇလေႃႉ ၸိုင်ႈတႆးပွတ်းၸၢၼ်းၼၼ်ႉ သိုၵ်းမၢၼ်ႈဝႃႈ ၵူၼ်းဝၢၼ်ႈၶၢမ်းၶဝ်ႈယူႇၼႂ်းတီႈလိၼ်တပ်ႉသိုၵ်းမၢၼ်ႈဢၼ်ၵဝ်ႇၼႆသေ ႁေႃႈလိုပ်ႈၶၢႆႉဢွၵ်ႇဢမ်ႇယွမ်း 30 လင်ၶႃးႁိူၼ်းဝႃႈၼႆ။ ဝၼ်းတီႈ 14/09/2025 ၽူႈၵွၼ်းၸႄႈဝဵင်း ႁွင်ႉဢဝ်ၵူၼ်းပိုၼ်ႉတီႈသေပၢင်ၵုမ်ဢုပ်ႇၸႅင်ႈၼေဝႃႈ ၼႂ်းၼႃႈလိၼ်တပ်ႉသိုၵ်း ဢၼ်သိုၵ်းမၢၼ်ႈမၢပ်ႇမႂ်ၵူၼ်းဝၢၼ်ႈၼႆႉ မီးလွၵ်းလိၼ်ပဝ်ႇ ဢၼ်ၶၢတ်ႈႁူဝ်ႉဝႆႉ 10 လွၵ်းလႄႈ ဢၼ်ပဵၼ်ႁိူၼ်းယေးသုမ်ႉသွင်းယဝ်ႉသမ်ႉမီး 26 လွၵ်း ႁူမ်ႈၵၼ်တင်းမူတ်းလွၵ်းလိၼ် 36 လွၵ်း ဝႃႈၼႆ။ တီႈပၢင်ၵုမ်ၼၼ်ႉ...

ဝၼ်းတီႈ 17/09/2025 ၽူႈၵုမ်းတပ်ႉလူမ်း (တပ်ႉၵၢင်ႁၢဝ်) ၸဝ်ႈႁေႃၶမ်းမိူင်းထႆး ဢွၵ်ႇၶၢဝ်းတၢင်းၵႂႃႇ ႁူပ်ႉထူပ်း  ၽူႈၵုမ်းၵၢၼ် ၾၢႆႇတပ်ႉလူမ်း (တပ်ႉၵၢင်ႁၢဝ်) မိူင်းမၢၼ်ႈ တီႈဝဵင်းၼေႇပျီႇတေႃႇ မိူင်းမၢၼ်ႈထုင်ႉပဵင်း  ဢုပ်ႇဢူဝ်း တႃႇႁူမ်ႈမိုဝ်းႁဵတ်းသၢင်ႈၼႃႈၵၢၼ်ၵႂႃႇၸွမ်းၵၼ် ဝႃႈၼႆ။ ပိူဝ်ႈတႃႇ ႁွင်ႈၵၢၼ်တပ်ႉလူမ်း (တပ်ႉၵၢင်ႁၢဝ်) တင်းသွင်ၸိုင်ႈမိူင်း တေမီးလွင်ႈၸမ်ၸႂ်ၵၼ်မႃးလိူဝ်ၵဝ်ႇၼၼ်ႉ ၽူႈၵုမ်းၵၢၼ် ၾၢႆႇတပ်ႉလူမ်း (တပ်ႉၵၢင်ႁၢဝ်) မိူင်းမၢၼ်ႈ...

သိုၵ်းမၢၼ်ႈဢၼ်ပႂ်ႉၵဵတ်ႉ/လၢၼ်ႇ တၢင်းၶဝ်ႈ/ဢွၵ်ႇဝဵင်းတႃႈၶီႈလဵၵ်း ႁႄႉၵူတ်ႇထတ်းၸဝ်ႈၵႃးလႄႈၵူၼ်းမိူင်းၸိူဝ်းၶဝ်ႈဢွၵ်ႇၵႂႃႇမႃးႁၢဝ်ႈႁႅင်း။ ၸဝ်ႈရူတ်ႉၵႃးၵေႃႉၼိုင်ႈ ဢႃယုမွၵ်ႈ 30 ပီ လၢတ်ႈတီႈၽူႈတွႆႇႁွၵ်ႈဝႃႈ - “ သိုၵ်းမၢၼ်ႈတီႈၵဵတ်ႉ/လၢၼ်ႇ ၶဝ်ႈ/ဢွၵ်ႇတႃႈၶီႈလဵၵ်းၼၼ်ႉ ၵူတ်ႇထတ်း ၸဝ်ႈၵႃးႁႅင်းၼႃႇ ။ ၸဵမ်မိူဝ်ႈႁၢင်လိူၼ် ဢေႃႊၵတ်ႉသ်ပူၼ်ႉမႃး တေႃႇထိုင်ယၢမ်းလဵဝ်ၼႆႉၼေႈ ။ ဝၢႆးလင် ဢၼ်ၶဝ်ဢမ်ႇပၼ် တၢင်ႇၶူဝ်းၵုၼ်ႇ မိူင်းထႆး ၶဝ်ႈဢွၵ်ႇၼၼ်ႉၼေႈ။ ဢၼ်ထတ်းႁႅင်းၼႆႉပဵၼ်တီႈၵဵတ်ႉ/လၢၼ်ႇ...

မိူဝ်ႈၼႆႉဝၼ်းတီႈ 18 /09/2025ယၢမ်းၵၢင်ၼႂ် ၶွမ်ႊမတီႊတူဝ်တႅၼ်းသၽႃးမိူင်းႁူမ်ႈတုမ် (CRPH) ၊ ၶွင်ႊသီႊၵိူဝ်းၵုမ် ၵၢၼ်ၽွမ်ႉႁူမ်ႈၸိူဝ်ႉၸၢတ်ႈ (NUCC) လႄႈ လူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ (NUG) ႁူမ်ႈၵၼ် ပိုၼ်ၽၢဝ်ႇဝႃႈ တၢင်းႁဵတ်းသၢင်ႈ ၸုမ်းသိုၵ်းမၢၼ်ႈ လႄႈ ၸုမ်းၸိူဝ်းယူႇတႂ်ႈဢႃႇၼႃႇသိုၵ်းမၢၼ်ႈတင်းသဵင်ႈ ပဵၼ်လၢႆးၵေႃႇၵၢၼ်ႁၢႆႉ ဢမ်ႇၶဝ်ႈတၢင်းၵၢၼ်သေလွင်ႈ ဝႃႈၼႆ။ ၼႂ်းလိၵ်ႈပိုၼ်ၽၢဝ်ႇၼၼ်ႉ ၸႅင်ႈပႃးဝႆႉဝႃႈ တေဢဝ်လိူင်ႈၸုမ်းသိုၵ်းမၢၼ်ႈ တင်း...

ဝၢႆးလင် သိုၵ်းမၢၼ်ႈယိုတ်းဢဝ်ၶိုၼ်းလႆႈ ဝဵင်းၼွင်ၶဵဝ်ဢမ်ႇႁိုင် သိုၵ်းတဢၢင်း တင်း သိုၵ်းမၢၼ်ႈ ပဵၼ်ပၢင်တိုၵ်းၵၼ်မႃးႁၢဝ်ႈႁႅင်း ၼႂ်းၵႄႈၵၢင်ဝဵင်းၼွင်ၶဵဝ် တင်း ဝဵင်းၵျွၵ်ႉမႄး ႁၢၼ်ႉတေႃႇထိုင်ယၢမ်းလဵဝ်ၵေႃႈ သိုၵ်းမၢၼ်ႈၸႂ်ႉႁႅင်းသိုၵ်း၊ ၶိူင်ႈၵွင်ႈလူင်၊ ၶိူင်ႈတရူၼ်ႊ ၸိူဝ်းၼႆႉၵူႈသႅၼ်းသေ တင်းသွင်ၾၢႆႇ သိုပ်ႇပဵၼ်ပၢင်တိုၵ်းၵၼ်ဝႆႉႁၢဝ်ႈႁႅင်းယူႇ ၼႂ်းမိူင်းတႆးပွတ်းႁွင်ႇ။ သိုၵ်းမၢၼ်ႈၶတ်းၸႂ်ထူဝ်းသိုၵ်းၶဝ်ႈၵႂႃႇတၢင်းဝဵင်းၵျွၵ်ႉမႄး  ၸႂ်ႉပႃးၶိူင်ႈၵွင်ႈလူင် လႄႈ တရူၼ်ႊၵူႈသႅၼ်းသႅၼ်း ပွႆႇမၢၵ်ႇသႂ်ႇ ၸွမ်းဝၢၼ်ႈၸိူဝ်းမီးၼိူဝ်သဵၼ်ႈသၢႆတၢင်းဢၼ်တေလႆႈလတ်းၽၢၼ်ႇၵႂႃႇႁၢဝ်ႈႁႅင်း  ႁဵတ်းႁႂ်ႈႁိူၼ်းယေးၵူၼ်းမိူင်း...

ၼိူဝ်သဵၼ်ႈတၢင်းလူင် ဝဵင်းတူၼ်ႈတီး- လွႆၶေႃ လႅၼ်လိၼ်တႆး- ယၢင်းလႅင် ၼၼ်ႉ သိုၵ်းမၢၼ်ႈ တင်ႈၵဵတ်ႉလၢၼ်ႇ ၸႂ်ႉၶိူင်ႈTablet ထတ်းၵူၼ်းၵႂႃႇမႃးလူၺ်ႈလၢႆး PSMS ၵူၼ်းပၢႆႈၽေးသိုၵ်း ၸိူဝ်းပွၵ်ႈၶိုၼ်းႁိူၼ်းယေး ၵူဝ်ႁႄ ဢမ်ႇမီးလွင်ႈႁူမ်ႇလူမ်ႈ။   သိုၵ်းမၢၼ်ႈ ပိုၼ်ၽၢဝ်ႇ  ယိုတ်းဢဝ်လႆႈၶိုၼ်း မိူင်းပၢႆး ၼႂ်းလိူၼ်ၵျူႊလၢႆႊ  ပီ 2025 ။ ဝၢႆးၼၼ်ႉႁူမ်ႈၵၼ်တင်းပျီႇတူႉၸိတ်ႉသေ ထႅမ်ႁႅင်းသိုၵ်း...

မိူဝ်ႈဝၼ်းတီႈ 16/09/2025 ၽူႈမီးၸၼ်ႉ ၼႂ်းတပ်ႉသိုၵ်းမိူင်းဢိၼ်ႊတီႊယႃႊ ႁွင်ႈၵၢၼ်ၾၢႆႇတပ်ႉၼမ်ႉ၊ တပ်ႉလူမ်း (တပ်ႉၵၢင်ႁၢဝ်)၊ တပ်ႉပႆလိၼ်တႃႇ 120 ၵေႃႉ ႁွတ်ႈၽႅဝ်တီႈဝဵင်းလူင်ၼေႇပျီႇတေႃႇ  မိူင်းမၢၼ်ႈထုင်ႉပဵင်း။  ၵႅမ်ၽူႈၵွၼ်းတိူင်းသိုၵ်း ငဝ်ႈၸိုင်ႈသိုၵ်းမၢၼ်ႈ တီႈၼေႇပျီႇတေႃႇ ၸွမ်သိုၵ်း ၼေႇဢွင်ႇၸူဝ်း ပႂ်ႉႁပ်ႉတွၼ်ႈ  ။ COL SHRIKANT JETHI  ၸဝ်ႈသိုၵ်းလူင် သျရီႊၶၢၼ်ႉ ၵျေႊတီႊ ဢွၼ်ၼမ်းဢဝ်...

မိူဝ်ႈၼႆႉ ဝၼ်းတီႈ 16 ယၢမ်းၵၢင်ၼႂ်မွၵ်ႈ 7 မူင်းပၢႆ ႁိူဝ်းမိၼ်တိုၵ်းသိုၵ်းမၢၼ်ႈယိုတ်းမိူင်း ပွႆႇမၢၵ်ႇလူင်သႂ်ႇ ၼႂ်းႁိမ်းဝတ်ႉလိၼ်းယွင်ႇၶျီႇ (လင်းရောင်ခြည် ဘုန်းကြီးကျောင်း) ဝၢၼ်ႈမႂ်ႇဢူင်းၵၢႆး (အုန်းကိုင်းရွာသစ်)၊ ပွၵ်ႉသူၺ်ႇၵူႇ ပွတ်းဢွၵ်ႇဝဵင်းမိူင်းၵုတ်ႈ။ ယွၼ်ႉမၢၵ်ႇလူင်ႁိူဝ်းမိၼ်သိုၵ်းမၢၼ်ႈ တူၵ်းတႅၵ်ႇလႄႈ တိူဝ်ႉၺႃးႁိူၼ်းယေးၵူၼ်းမိူင်းလူႉၵွႆၵႂႃႇႁၢဝ်ႈႁႅင်း မွၵ်ႈ 5 လင်။  ၸၢၵ်ႇမၢၵ်ႇလူင်သဵၼ်ၵႂႃႇတိူဝ်ႉၺႃးၼၢင်းယိင်းၵေႃႉၼိုင်ႈ မၢတ်ႇၸဵပ်းၵႂႃႇၸွမ်းၼႆ ၵူၼ်းမိူင်းပိုၼ်ႉတီႈ ၼႂ်းဝဵင်းမိူင်းၵုတ်ႈ...

တႄႇႁူဝ်လိူၼ်သႅပ်ႊထႅမ်ႊပိူဝ်ႊၼႆႉမႃး သိုၵ်းမၢၼ်ႈ ၸိူဝ်းပၵ်းတပ်ႉပၢင်သဝ်းဝႆႉၸွမ်းသဵၼ်ႈတၢင်းၵႂႃႇမႃး မိူင်းတႆးပွတ်းႁွင်ႇ၊ ပွတ်းၸၢၼ်း တင်ႈၵဵတ်ႉလၢၼ်ႇသေ ၵူတ်ႇထတ်းၶူဝ်းၵုၼ်ႇ ၸွမ်းရူတ်ႉၵႃးႁၢဝ်ႈႁႅင်း ၼႆယဝ်ႉ။ တပ်ႉသိုၵ်းမၢၼ်ႈ ဢၼ်ပၵ်းတပ်ႉဝႆႉ ၼိူဝ်သဵၼ်ႈတၢင်းၵႂႃႇ ၸႄႈဝဵင်းမိူင်းၵိုင်တင်း ဝဵင်းၼမ်ႉလၼ်ႈၼၼ်ႉ တင်ႈၵဵတ်ႉလၢၼ်ႇသေ ၵူတ်ႇထတ်းရူတ်ႉၵႃး ႁႄႉႁၢမ်ႈဢမ်ႇပၼ်ၵူၼ်းမိူင်းတေႃႉတၢင်ႇယႃႈယႃလႄႈ ၶဝ်ႈသၢၼ်လတ်းၽၢၼ်ႇၵႂႃႇလႃးလႃးၼႆ - ၵူၼ်းမိူင်း ၵေႃႉဢွၵ်ႇၶၢဝ်းတၢင်း လုၵ်ႉမိူင်းၵိုင် - ၵႂႃႇတၢင်းဝဵင်းလႃႈသဵဝ်ႈ လၢတ်ႈၼႄတီႈၽူႈတွႆႇႁွၵ်ႈၼင်ႇၼႆ။ “သိုၵ်းမၢၼ်ႈ...

ဝၼ်းတီႈ 14/09/2025 ၼႆႉ ၶွမ်ႊမသျိၼ်ႊၵၢၼ်လိူၵ်ႈတင်ႈ (UEC) ပိုၼ်ၽၢဝ်ႇဢွၵ်ႇဝႃႈ တေဢမ်ႇၸတ်းႁဵတ်းပၢင်လိူၵ်ႈတင်ႈ တႃႇ 121 ၸႄႈဝဵင်း ၼႂ်းမိူင်းႁူမ်ႈတုမ်ပတ်းပိုၼ်ႉ။ ၸႄႈဝဵင်းၸိူဝ်းၺႃးၶွမ်ႊမသျိၼ်ႊသိုၵ်းမၢၼ်ႈ ပိုၼ်ၽၢဝ်ႇဢွၵ်ႇၼၼ်ႉ တႃႇၶဵတ်ႇလိူၵ်ႈတင်ႈ လုမ်းၽူႈတႅၼ်းၵူၼ်းမိူင်း 56 ၸႄႈဝဵင်း၊ လုမ်းၽူႈတႅၼ်းၸိူဝ်ႉၸၢတ်ႈ 9 ၸႄႈဝဵင်းလႄႈ လုမ်းၽူႈတႅၼ်း ၸႄႈမိူင်း (ႁိုဝ်) လုမ်းၽူႈတႅၼ်းၸႄႈတိူင်း တႃႇ...

ၶူဝ်ၶၢမ်ႈၼမ်ႉၼႂ်းႁူၺ်ႈၵိုတ်ႈ ၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇၼႆႉ ယၢမ်းလဵဝ်မီးၶၢဝ်ႇဢွၵ်ႇမႃးဝႃႈ ၸုမ်းသိုၵ်းမၢၼ်ႈမႄးၶိုၼ်းယဝ်ႉသေ ပၼ်ရူတ်ႉၵႃးတႆႇၶၢမ်ႈၵႂႃႇမႃးလႆႈယဝ်ႉသေတႃႉ ၵူၺ်းၵႃႈ တႃႇၵူၼ်းမိူင်းတႄႉ ယင်းပႆႇပၼ်ၶႂၢင်ႉၵႂႃႇမႃး။ ၵူၼ်းပိုၼ်ႉတီႈ ဝဵင်းၼွင်ၶဵဝ် လၢတ်ႈတီႈၽူႈတွႆႇႁွၵ်ႈဝႃႈ - “ၼိူဝ်သတၢင်းဢၼ်ၶဝ်တၢင်ႇ (ဂုတ်တွင်းဘီလီတံတား) ၼၼ်ႉ တီႈတႄႉမၼ်း ၶဝ်ပႆႇပၼ်ၵႂႃႇမႃး တေႁိုဝ်ထႅင်ႈယူႇမွၵ်ႈ 1 လိူၼ်ၼႆႉ။ ၶဝ်ဝႃႈ ပေႃးပႆႇသိမ်းလႆႈၵျွၵ်ႉမႄးတႄႉ ၶဝ်တေပႆႇပၼ်ၵႂႃႇမႃး ၼိူဝ်သဵၼ်ႈတၢင်းၼႆႉ။...

သိုၵ်းမၢၼ်ႈၶဝ်ႈမႄးၶူဝ်ႁူၺ်ႈၵိုတ်ႈဢၼ်လူႉၵွႆယွၼ်ႉပၢင်တိုၵ်းၼၼ်ႉဝႃႈ ဢမ်ႇဢဝ်ၶၢဝ်းယၢမ်းမႄးႁိုင်-တေပၼ်ၵူၼ်းမိူင်းၸႂ်ႉၶိုၼ်းယဝ်ႉဝႃႈၼႆသေတႃႉၵူၼ်းပိုၼ်ႉတီႈဝႃႈ ႁၼ်သိုၵ်းမၢၼ်ႈ ထႅမ်ႁႅင်းၶဝ်ႈတူင်ႉၼိုင်ၼႂ်းပိုၼ်ႉတီႈၵူၺ်း မႄးၶူဝ်တႄႉဢမ်ႇၵႃႈႁိုဝ် ပၢင်တိုၵ်းၵေႃႈသိုပ်ႇပဵၼ်ယူႇဢမ်ႇထၢတ်ႇ ဝႃႈၼႆ။ ၶူဝ်ပေႇလီႇ တီႈႁူၺ်ႈၵိုတ်ႈ ၼၼ်ႉ ၺႃးပွႆႇမၢၵ်ႇသေ လူႉၵွႆၵႂႃႇမိူဝ်ႈဝၼ်းတီႈ 24/08/2025 ယၢမ်းၵၢင်ၼႂ် မွၵ်ႈ 9 မူင်း  ၽွင်းၸုမ်း သိုၵ်းတဢၢင်း TNLA လႄႈ သိုၵ်းမၢၼ်ႈ ပဵၼ်ပၢင်တိုၵ်းၵၼ် ၼႂ်းထုင်ႉၼွင်ပိင် ၸႄႈဝဵင်းၵျွၵ်ႉမႄး...

ပၢင်လိူၵ်ႈတင်ႈ ဢၼ်ၶွမ်ႊသျိၼ်ႊသိုၵ်းမၢၼ်ႈ တေၸတ်းႁဵတ်းၵႂႃႇ ၼႂ်းႁၢင်လိူၼ်တီႊသိမ်ႊပိူဝ်ႊလႄႈ ႁူဝ်လိူၼ်ၵျႅၼ်ႊၼိဝ်ႊရီႊ တေမႃးၼႆႉ ၸွင်ႇတေပဵၼ်ပၢင်တႄႉယူႇႁႃႉ၊ ႁဵတ်းဢဝ်ၸိုဝ်ႈဢဝ်သဵင် လွၵ်ႇလွၵ်ႇလၢႆလၢႆၵူၺ်းယူဝ်ႉ။ တူင်ႇဝဵင်းမွၵ်ႈသွင်ပၢၵ်ႇပၢႆ လႆႈၺႃးၸိူဝ်းၸုမ်းမႅၵ်ႇၵွင်ႈလုၵ်ႉၽိုၼ်ႉ ၵုမ်းၵမ်ဝႆႉ ဢမ်ႇလၢႆးၼိုင်ႈၵေႃႈ လၢႆးၼိုင်ႈလႄႈ ပၢင်လိူၵ်ႈတင်ႈဢၼ်ဝႃႈၼၼ်ႉ ၸွင်ႇတေႁဵတ်းပဵၼ်လႆႈၼင်ႇၶဝ် ဢၢင်ႈဢၢၼ်းယူႇႁိုဝ်။ ဝၢႆးပၢင်လိူၵ်ႈတင်ႈယဝ်ႉ ၸွင်ႇတေၶွတ်ႇၽွတ်ႈလႆႈ ၸုမ်းလူင်ပွင်ၸိုင်ႈယူႇႁိုဝ်ၼႆ ၸိူဝ်းထတ်းသၢင် ၼပ်ႉသၢင်ႈၸွမ်းၵေႃႈ မီးတင်းၼမ်ယဝ်ႉ။ လူင်ပွင်ၸိုင်ႈမိူင်းႁူမ်ႈတုမ် ဢမ်ႇၼၼ် လူင်ပွင်ၸိုင်ႈၼေႇပျီႇတေႃႇတႄႉၵေႃႈ ၼႄႉၼွၼ်းယူႇၵႃႈ...

ၽွင်းသိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းထုင်ႉၼွင်ပိင် ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼႆႉ ၾၢႆႇသိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇပႃးလႄႈ ႁဵတ်းႁႂ်ႈၵူၼ်းမိူင်း ဢွၼ်ၵၼ်တူၵ်းၸႂ်ၵူဝ်ႁႄ မႆႈၸႂ်လွင်ႈႁူမ်ႇလူမ်ႈ ၼႆယဝ်ႉ။ ၵူၼ်းပၢႆႈၽေးသိုၵ်း တီႈဝဵင်းၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ -“မိူဝ်ႈတႄႇမၼ်းတႄႉ ပဵၼ်တၢင်းၼွင်ၶဵဝ်ၵူၺ်း။ တိုၵ်ႉယူႇငၢႆႈယူႇ တီႈၵျွၵ်ႉမႄးၼႆႉ ၽိူဝ်ႇၼွင်ၶဵဝ်ၵေႃႈတူၵ်းၼႂ်းမိုဝ်းမၢၼ်ႈ ၶိုၼ်းယဝ်ႉ ဢမ်ႇႁိုင်ဢမ်ႇၼၢၼ်း...