မိူဝ်ႈၼႆႉ ဝၼ်းတီႈ 5/3/2021 ယၢမ်းၵၢင်ၼႂ် 9 မူင်း ထိုင် 11 မူင်း ၵၢင်ဝၼ်း ၵူၼ်းမိူင်း/ ၵူၼ်းၼုမ်ႇ ႁူမ်ႈၵၼ်ၼႄၵၢင်ၸႂ် သၢၼ်ၶတ်းတေႃႇသိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်း တီႈၼိူဝ်သဵၼ်ႈတၢင်းလူင် လႃႈသဵဝ်ႈ - သႅၼ်ဝီ ၸႄႈဝဵင်းလႃႈသဵဝ်ႈ ၸိုင်ႈတႆး ပွတ်းႁွင်ႇ ၽူႈၶဝ်ႈႁူမ်ႈ...

ပၢင်ၼႄၵၢင်ၸႂ် သၢၼ်ၶတ်းသိုၵ်းမၢၼ်ႈတီႈၵဵင်းမႆႇ မိူင်းထႆး မီးလၢႆၸၢဝ်းၶိူဝ်း ၵူၼ်းမိူင်းႁူမ်ႈတုမ် ၶဝ်ႈႁူမ်ႈ  ၸွမ်းတင်းၼမ် လၢႆ။ မိူဝ်ႈၼႆႉ ဝၼ်းတီႈ 5/3/2021 ယၢမ်းၵၢင်ဝၼ်း 12 မူင်း လၢႆၸၢဝ်းၶိူဝ်း ၼႂ်းမိူင်းႁူမ်ႈတုမ် ၶွၼ်ႈတုမ်ၵၼ် တီႈၽၵ်းတူတႃႈပႄး/ ပရတူႊထႃႉၽႄး ၼႂ်းၸႄႈဝဵင်းၵဵင်းမႆႇ ၸိုင်ႈထႆး ဢွၼ်ၵၼ်ပႆတၢင်း ဢွၵ်ႇၼႄၵၢင်ၸႂ် သၢၼ်ၶတ်းတေႃႇၸုမ်းသိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်း...

ၵူၼ်းမိူင်း/ ၵူၼ်းၼုမ်ႇ ၼႂ်းၸႄႈဝဵင်းၽႃၵၢၼ်ႉ ဢွၵ်ႇၼႄၵၢင်ၸႂ် သၢၼ်ၶတ်းတေႃႇ သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်း မႃး ၸမ်လိူၼ်၊ ၼႂ်း 2-3 ဝၼ်းမႃးၼႆႉ ၺႃးပလိၵ်ႈ ပိုတ်းယိုဝ်းႁၢမ်ႈႁႄႉ မၢတ်ႇၸဵပ်းယူႇသေတႃႉဢမ်ႇၵိုတ်းဢမ်ႇလိုဝ်ႈသေ မိူဝ်ႈၼႆႉၵေႃႈသိုပ်ႇၼႄၵၢင်ၸႂ်ထႅင်ႈ။ မိူဝ်ႈဝႃး ဝၼ်းတီႈ 4/2/2021 ပၢင်ၼႄၵၢင်ၸႂ် တီႈၸႄႈဝဵင်းၽႃၵၢၼ်ႉ ၸႄႈမိူင်းၶၢင် ပလိၵ်ႈ/ သိုၵ်းမၢၼ်ႈ...

တင်ႈတႄႇ ဝၼ်းတီႈ 28 မႃး သိုၵ်းမၢၼ်ႈ ပလိၵ်ႈမၢၼ်ႈ ၸႂ်ႉလၢႆးႁုၵ်းႁၢႆႉ ယႃႉၵဝ်း သေတႃႉ ၵူၼ်းတူၼ်ႈတီး ၼပ်ႉႁူဝ်ပၢၵ်ႇ သိုပ်ႇၼႄၵၢင်ၸႂ် သၢၼ်ၶတ်း သိုၵ်းမၢၼ်ႈ ယိုတ်းဢႃႇၼႃႇ ဝၢၼ်ႈမိူင်း ၼၼ်ႉ ၵူႈမိုဝ်ႉ ၵူႈဝၼ်း။ ၵူႈဝၼ်းဝၼ်းၼႆႉ ၵူၼ်းယူႇဝဵင်းတူၼ်ႈတီး ၼႄၵၢင်ၸႂ် လၢႆလၢႆး - ယၢမ်းၵၢင်...

ၵေႃလိၵ်ႈလၢႆး လႄႈၾိင်ႈငႄႈတႆး ၸၼ်ႉၸွမ်တင်းလူင် ပတ်းပိုၼ်ႉ မိူင်းႁူမ်ႈတုမ် ဢွၵ်ႇလိၵ်ႈပိုၼ်ၽၢဝ် တုၵ်းယွၼ်းႁႂ်ႈႁူဝ်ၼႃႈ တပ်ႉသိုၵ်းတႆး 2 ၸုမ်း ႁူပ်ႉထူပ်းဢုပ်ႇဢူဝ်းၵၼ်။ မိူဝ်ႈဝၼ်းတီႈ 18/2/2021 ပူၼ်ႉမႃးၼႆႉ ယူႇတီႈၵေႃလိၵ်ႈလၢႆးလႄႈၾိင်ႈငႄႈတႆး ၸၼ်ႉၸွမ်တင်းလူင် မိူင်းႁူမ်ႈတုမ် ႁူမ်ႈၵၼ် ဢွၵ်ႇလိၵ်ႈ တႅမ်ႈထွင်ၸူး တပ်ႉသိုၵ်းၸိုင်ႈတႆး သွင်ၸုမ်း ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး SSPP/SSA...

တင်ႈတႄႇ သိုၵ်းမၢၼ်ႈ ယိုတ်းဢဝ်ဢႃႇၼႃႇဝၢၼ်ႈမိူင်းမႃး လၢႆဝၢၼ်ႈလၢႆဝဵင်း မီးၵူၼ်းပႅၵ်ႇၼႃႈ ၶဝ်ႈလၵ်ႉ ၶဝ်ႈၽဝ် သွၵ်ႈတဝ် ၼႂ်းပွၵ်ႉၼႂ်းၾၢႆႇ ယၢမ်းၵၢင်ၶမ်ႈၵၢင်ၶိုၼ်း၊ ၼႂ်းဝဵင်းတူၼ်ႈတီးၵေႃႈ လႆႈႁူပ်ႉမိူၼ် ၼၼ် လႄႈ ၸိူဝ်းပဵၼ်ၽူႈၸၢႆး လႆႈၸွႆႈၵၼ် ပႂ်ႉယၢမ်းတူၺ်းလူ။ ၶမ်ႈဝႃး ဝၼ်းတီႈ 3/3/2021 ယၢမ်းၵၢင်ၶိုၼ်း ၵူၼ်းပႅၵ်ႇၼႃႈ ၶဝ်ႈတဝ်ၸွမ်းပွၵ်ႉ၊ ႁွင်ႈလၢႆႇလင်ႁိူၼ်း ၵူၼ်းဝၢၼ်ႈ၊...

ပလိၵ်ႈ/ သိုၵ်းမၢၼ်ႈ ၸႂ်ႉၵွင်ႈ မၢၵ်ႇယၢင် ယိုဝ်းၵူၼ်းမိူင်းၼႄၵၢင်ၸႂ် တီႈၸႄႈဝဵင်းၽႃ ၵၢၼ်ႉ ၸႄႈမိူင်းၶၢင် မၢတ်ႇၸဵပ်း 4 ၵေႃႉ တႃႇ 2 ၵေႃႉ မၢတ်ႇၸဵပ်းႁၢဝ်ႈႁႅင်း ဝႃႈၼႆ။ မိူဝ်ႈၼႆႉ ဝၼ်းတီႈ 3/3/2021 ယၢမ်းၵၢင်ၼႂ် 10 မူင်း ပလိၵ်ႈ/ သိုၵ်းမၢၼ်ႈ ၸႂ်ႉလၢႆးႁုၵ်ႉ...

မိူဝ်ႈၼႆႉ ဝၼ်းတီႈ 3/3/2021 ၵေႃႈၵူၼ်းၼုမ်ႇဝဵင်းတူၼ်ႈတီးဢွၵ်ႇၼႄၵၢင်ၸႂ်သၢၼ်ၶတ်းသိုၵ်းမၢၼ်ႈထႅင်ႈ လၢႆလၢႆၸုမ်း လၢႆလၢႆတီႈ၊ ပလိၵ်ႈဢဝ်ႁႅင်းမႃးလွၵ်ႇငိုတ်ႈယူႇသေတႃႉ ၵူၼ်းမိူင်းဢမ်ႇ  ထွႆထွၼ် - ၼႄၵၢင်ၸႂ် လူၺ်ႈလၢႆးၵတ်းယဵၼ်တေႃႇပေႃးယဝ်ႉတူဝ်ႈလီငၢမ်း။ ၵူၼ်းမိူင်းတႄႇၼႄၵၢင်ၸႂ် ယၢမ်းၵၢင်ၼႂ် 8 မူင်း။ ဢွၵ်ႇလၢႆသၢႆ မိူၼ်ၼင်ႇ သၢႆပွၵ်ႉပျီႇတေႃႇတႃႇ၊ သၢႆၼိူဝ်သဵၼ်ႈတၢင်းၵၢင်ဝဵင်း၊ သၢႆသဵၼ်ႈတၢင်းႁွပ်ႈဝဵင်းၸိူဝ်းၼႆႉ။ ပလိၵ်ႈ ဢဝ်ႁႅင်းမႃးပႂ်ႉဝႆႉယူႇသေတႃႉ ဢမ်ႇတီႉၺွပ်းယႃႉၾုင်ၵူၼ်းၼႄၵၢင်ၸႂ်လႄႈ ၵူၼ်းမိူင်းလႆႈၼႄၵၢင်ၸႂ်ယဝ်ႉတူဝ်ႈလီငၢမ်းၼႂ်းၶၢဝ်းယၢမ်းမွၵ်ႈဝၢႆးဝၼ်း...

ပလိၵ်ႈလႄႈသိုၵ်းမၢၼ်ႈ လမ်းတီႉၵူၼ်းၼုမ်ႇၼႄၵၢင်ၸႂ် တီႈႁိမ်းႁုၼ်ႇႁၢင်ႈမႃႉ ဝဵင်တူၼ်ႈတီး ၊ ၶဝ်ႈတီႉတီႈႁၢၼ်ႉၶၢႆၼမ်ႉၼဵင်ႈဝၢၼ် လႆႈၵႂႃႇဢမ်ႇယွမ်း 30 ၵေႃႉ  ။ မိူဝ်ႈၼႆႉ ဝၼ်းတီႈ 2/3/2021 ပလိၵ်ႈ/ သိုၵ်းမၢၼ်ႈ ႁူမ်ႈၵၼ် ၸႂ်ႉဢဵၼ်ႁႅင်း တင်းၼမ် ဢဝ်လၢႆးႁုၵ်ႉႁၢႆႉ ႁၢဝ်ႈႁႅင်း သေၶဝ်ႈတီႉ ၺွပ်းၵူၼ်းမိူင်း/ ၵူၼ်းၼုမ်ႇ တီႈႁၢၼ်ႉၶၢႆၼမ်ႉၼဵင်ႈဝၢၼ် Moring...

မိူဝ်ႈၼႆႉ ဝၼ်းတီႈ 2/3/2021 တႄႇဢဝ် ယၢမ်းၵၢင်ၼႂ် 9 မူင်း ထိုင် ဝၢႆးဝၼ်း မွၵ်ႈ 3 မူင်းၼႆႉ ပလိၵ်ႈ/သိုၵ်းမၢၼ်ႈ ၸႂ်ႉဢဵၼ် ႁႅင်းၵူၼ်းတင်းၼမ် ပွႆႇမၢၵ်ႇၵႅတ်ႉသ်ၼမ်ႉတႃ   ယိုဝ်းမၢၵ်ႇၵွင်ႈယၢင် တီႈၼႂ်းပၢင်ၼႄၵၢင်ၸႂ် ၼႂ်းၸႄႈဝဵင်း တူၼ်ႈတီး ၸိုင်ႈတႆးပွတ်းၸၢၼ်း ။ ၵူၼ်းၼုမ်ႇ ဢၼ်ၶဝ်ႈႁူမ်ႈပၢင်ၼႂ်ၵၢင်ၸႂ် ၵေႃႉၼိုင်ႈ...

ပလိၵ်ႈ/ သိုၵ်းမၢၼ်ႈ တီႉၵူၼ်းၼုမ်ႇ တီႈလႃႈသဵဝ်ႈၵႂႃႇထႅင်ႈ ၸၢႆးၵေႃႉၼိုင်ႈ ယိင်းၵေႃႉၼိုင်ႈ ဝႃႈၼႆ။ မိူဝ်ႈၼႆႉ ဝၼ်းတီႈ 2/3/2021 ပလိၵ်ႈ/ သိုၵ်းမၢၼ်ႈ ဢၼ်ပႂ်ႉဝႆႉတီႈၼႃႈၸၼ်ႉၸွမ် ဝဵင်းလႃႈသဵဝ်ႈၼၼ်ႉ ႁႄႉရူတ်ႉၶိူင်းၵူၼ်း ၼုမ်ႇ ၶီႉသွၼ်ႉမႃးၸွမ်းၵၼ် 2 ၵေႃႉၼၼ်ႉ ၵိုတ်းသေ တီႉၺွပ်းၵုမ်းတူဝ်ၵႂႃႇ ပဵၼ်ၽူႈၸၢႆးၵေႃႉၼိုင်ႈလႄႈ ၽူႈယိင်းၵေႃႉၼိုင်ႈ။   ၵူၼ်းၼုမ်ႇ လႃႈသဵဝ်ႈ...

ၵူၼ်းၼုမ်ႇၼမ်ႉလၼ်ႈ ႁူမ်ႈၵၼ် ယွၼ်းသူး တိူင်ႇၵၢဝ်ႇထိုင် ၽူႈၸိူဝ်းလူႉသဵင်ႈၵႂႃႇ ၼႂ်းပၢင်ၼႄၵၢင်ၸႂ် သၢၼ်ၶတ်းသိုၵ်းမၢၼ်ႈယိုတ်း ဢႃႇၼႃႇ ဝႃႈၼႆ။ ဝၼ်းတီႈ 1/3/2021 ယၢမ်းႁူဝ်ၶမ်ႈ ၵူၼ်းၼုမ်ႇ ၼမ်ႉလၼ်ႈ ႁူမ်ႈၵၼ် ၸတ်းႁဵတ်း ပၢင်တႆႈတဵၼ်း  တိူင်ႇၵၢဝ်ႇ ယွၼ်းသူး ပၼ်ၽူႈၸိူဝ်းလူႉသဵင်ႈတၢႆ ၽွင်းပၢင်ၼႄၵၢင်ၸႂ် သၢၼ်ၶတ်းတေႃႇသိုၵ်းမၢၼ်ႈ။ ပၢင်ယွၼ်းသူးၼႆႉၸတ်းႁဵတ်း တီႈၵၢင်ဝဵင်း ၼႂ်းဝဵင်းၼမ်ႉလၼ်ႈ...

ၵူၼ်းမိူင်းတူၼ်ႈတီး ၼႄၵၢင်ၸႂ်သၢၼ်ၶတ်းသိုၵ်းယိုတ်းဢႃႇၼႃႇၸိုင်ႈမိူင်း၊ ပၢင်ၼႄၵၢင်ၸႂ်မိူဝ်ႈၼႆႉ သိုၵ်းလႄႈပလိၵ်ႈမၢၼ်ႈၸႂ်ႉလၢႆးႁၢႆႉႁၢမ်ႈႁႄႉ တီႉၺွပ်းၵူၼ်းၵႂႃႇၼႄၵၢင်ၸႂ် ဢမ်ႇယွမ်း 10။ ဝၼ်းတီႈ 2/3/2021 ယၢမ်းၵၢင်ၼႂ်ၼႆႉ ၵူၼ်းမိူင်း ၸဵမ်ၵူၼ်းၼုမ်ႇ ႁူမ်ႈၵၼ်သေ ဢဝ်ႁၢင်ႈၼႃႈ ၸွမ်ၸိၵ်းသိုၵ်းလူင် မိၼ်း ဢွင်ႇလၢႆႇ ၽူႈၼမ်းၸုမ်းသိုၵ်းမၢၼ်ႈ ဢၼ်ယိုတ်းဢႃႇၼႃႇ ၸိုင်ႈမိူင်းၼၼ်ႉမႃး တိတ်းပႃႉသႂ်ႇ တီႈၼိူဝ်သဵၼ်ႈတၢင်းလူင် (အရှေ့မြို့ပတ်လမ်း)...

ပလိၵ်ႈလႄႈသိုၵ်းမၢၼ်ႈႁၢမ်ႈႁႄႉ ဢမ်ႇပၼ်ၵူၼ်းမိူင်းသူတ်ႇမူၼ်းလွတ်ႈႁေႃးပထၢၼ်း ၶၢင်ႈတၢင်းလူင်ၵၢင်ဝဵင်းတူၼ်ႈတီး ထိုင်တီႈလႆႈၶၢႆႉၵႂႃႇႁေႃးၼႂ်းႁိူၼ်းၵူၼ်းမိူင်းဢၼ်မီးႁိမ်းၶၢင်ႈတၢင်း။  မိူဝ်ႈၼႆႉ ဝၼ်းတီႈ 1/3/2021   ၸုမ်းသူတ်ႇမူၼ်းႁေႃးပထၢၼ်း တီႈဝဵင်းတူၼ်ႈတီး ၸိုင်ႈ တႆး ပွတ်းၸၢၼ်း    ထုၵ်ႇပလိၵ်ႈ/ သိုၵ်းမၢၼ်ႈ လိုပ်ႈႁေႃႈ ဢမ်ႇပၼ်ၶႂၢင်ႉၼင်ႈႁေႃး ႁိမ်းၶၢင်ႈတၢင်းလူင်ပွၵ်ႉၵၢၼ်ႇဢွၵ်ႉ တီႈဢၼ်ယၢမ်ႈႁေႃးၵူႈဝၼ်းၼၼ်ႉလႄႈ  လႆႈဢွၼ်ၵၼ်ၶၢႆႉၶဝ်ႈၵႂႃႇလွတ်ႈႁေႃးၼႂ်းႁိူၼ်းၵူၼ်းဝၢၼ်ႈ  ။   ၵူၼ်းမႃးႁေႃးပထၢၼ်းၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ-“ဢေႃႈၶႃႈ မိူဝ်ႈဝႃး   ၶဝ်မႃးလၢတ်ႈႁဝ်းၶႃႈဝႃႈ  သင်ဝႃႈမိူဝ်ႈၽုၵ်ႈ သူမႃးႁေႃးတီႈၼိူဝ်...

ပလိၵ်ႈမၢၼ်ႈ/သိုၵ်းမၢၼ်ႈ ၸႂ်ႉဢဵၼ်ႁႅင်း ၶဝ်ႈတီႉၺွပ်း ၵူၼ်းမိူင်း ၼႂ်းၵျွင်းၽြႃးၶရိတ်ႉယၼ်ႇၶၢင် (ၵၶျိၼ်ႇၼိတ်ႉၶျိၼ်း) 11 ၵေႃႉ ဢၼ်မီးတီႈ ပွၵ်ႉ 1 ဝဵင်းလႃႈသဵဝ်ႈ  ဝႃႈၼႆ။ မိူဝ်ႈၼႆႉ ဝၼ်းတီႈ 1/3/2021 ယၢမ်းဝၢႆးဝၼ်း ယူႇတီႈပလိၵ်ႈ/ သိုၵ်းမၢၼ်ႈ ႁူမ်ႈၵၼ် ၶဝ်ႈတီႉၺွပ်း တီႈၵျွင်းၽြႃး ၶရိယၼ်ႇ ပွၵ်ႉ 1...